ယေ​ရ​မိ 14:8 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ အို အစ္စရေး​လူမျိုး​၏​မျှော်လင့်ရာ​၊ ဆင်းရဲဒုက္ခ​ရောက်​ချိန်​၌ ကယ်တင်​ရာ​ဖြစ်​တော်မူ​သော​အရှင်​၊ ကိုယ်တော်​သည် အဘယ်ကြောင့် အကျွန်ုပ်​တို့​ပြည်​၌ တိုင်းတစ်ပါးသား​ကဲ့သို့​ဖြစ်​ရ​သနည်း​၊ အဘယ်ကြောင့် တစ်ညသာ​လာရောက်​တည်းခို​သွား​သော ခရီးသွား​ဧည့်သည်​ကဲ့သို့​ဖြစ်​ရ​သနည်း​။

Common Language Bible

⁸ ကိုယ်​တော်​ရှင်​သာ​လျှင်​ဣ​သ​ရေ​လ​အ​မျိုး​သား တို့​၏ မျှော်​လင့်​ရာ​ဖြစ်​တော်​မူ​ပါ​၏။ ကျွန်​တော်​မျိုး​တို့​ဒုက္ခ​ရောက်​သော​အ​ခါ ကူ​မ​တော်​မူ​သော​အ​ရှင်​ဖြစ်​တော်​မူ​ပါ​၏။ အ​ဘယ်​ကြောင့်​ကိုယ်​တော်​ရှင်​သည် ကျွန်​တော်​မျိုး​တို့​ပြည်​တွင်​ဧည့်​သည်​ကဲ့​သို့၊ တစ်​ညဥ့်​မျှ​သာ​တည်း​ခို​သည့်​ခ​ရီး​သည်​ကဲ့​သို့ ပြု​တော်​မူ​ပါ​သ​နည်း။

Garrad Bible

⁸ အို ဣ သ ရေ လ လူ မျိုး၏ စောင့် မြော် ရာ စောင့် မြော် ကြောင်း၊ ဒု က္ခ ရောက် ရာ၌ ကယ် တင် တော် မူ သော အ ရှင်၊ နေ ပြည်၌ ဝင် နေ သူ၊ တည်း လို၍ လှည့် ဝင် သော ခ ရီး သွား သူ ကဲ့ သို့လည်း‌ ကောင်း၊

Judson Bible

⁸ အို ဣ​သ​ရေ​လ​အ​မျိုး၏​မျှော်​လင့်​စ​ရာ​အ​ကြောင်း၊ အ​မှု​ရောက်​သော​ကာ​လ ကယ်​တင်​တော်​မူ​သော​သ​ခင်၊ ကိုယ်​တော်​သည် အ​ကျွန်ုပ်​တို့​ပြည်၌ ဧည့်​သည်​ကဲ့​သို့​လည်း​ကောင်း၊ တစ်​ည​သာ အိပ်​ခြင်း​ငှာ​ဝင်​သော ခ​ရီး​သွား​ကဲ့​သို့​လည်း​ကောင်း၊ အ​ဘယ်​ကြောင့် ဖြစ်​တော်​မူ​သ​နည်း။

ယေ​ရ​မိ 14:8 Referencias Cruzadas

ဆာ​လံ 10:1

အို ထာဝရဘုရား​၊ ကိုယ်တော်​သည် အဘယ်ကြောင့် အဝေး​၌​ရပ်​နေ​တော်မူ​သနည်း​။ ဘေးဒုက္ခ​ရောက်​ချိန်​၌ အဘယ်ကြောင့် ပုန်းကွယ်​၍​နေ​တော်မူ​သနည်း​။

ဆာ​လံ 138:7

အကျွန်ုပ်​သည် ဆင်းရဲဒုက္ခ​ထဲ​၌ ကျင်လည်​ရ​သော်လည်း ကိုယ်တော်​သည် အကျွန်ုပ်​ကို​အသက်ရှင်​စေ​တော်မူ​မည်​။ ကိုယ်တော်​သည် အကျွန်ုပ်​ရန်သူ​တို့​၏​အမျက်ဒေါသ​အပေါ်​၌ မိမိ​၏​လက်​တော်​ကို​ဆန့်​၍ ကိုယ်တော်​၏​လက်ယာ​လက်​တော်​ဖြင့် အကျွန်ုပ်​ကို​ကယ်တင်​တော်မူ​မည်​။

ဆာ​လံ 46:1

ဘုရားသခင်​သည် ငါ​တို့​၏​ခိုလှုံ​ရာ​နှင့် အစွမ်းသတ္တိ​ဖြစ်​တော်မူ​၏​။ ဆင်းရဲဒုက္ခ​ရောက်​သောအခါ အမှန်တကယ်​တွေ့​ရ​သည့် ကူညီမစ​သော​အရှင်​ဖြစ်​တော်မူ​၏​။

ဆာ​လံ 46:2

ထို့ကြောင့် မြေကြီး​သည် ပြောင်းလဲ​သွား​၍ တောင်​များ​သည် သမုဒ္ဒရာ​၏​အလယ်ဗဟို​သို့ ရွေ့သွား​ကြ​လျှင်ပင်​လည်းကောင်း​၊

ဆာ​လံ 50:15

ဆင်းရဲဒုက္ခ​ရောက်​သော​ကာလ​၌ ငါ့​ကို​ခေါ်​လော့​။ ငါ​သည် သင့်​ကို​ကယ်မ​မည်​။ သင်​သည်​လည်း ငါ့​ကို​ဂုဏ်ပြုချီးမွမ်း​လိမ့်မည်​။​”

ဆာ​လံ 71:5

အကြောင်းမူကား အို ဘုရားရှင် ထာဝရဘုရား​၊ ကိုယ်တော်​သည် အကျွန်ုပ်​၏​မျှော်လင့်ရာ​ဖြစ်​ပါ​၏​။ အကျွန်ုပ်​ပျိုရွယ်​စဉ်​မှစ၍ အကျွန်ုပ်​၏​ကိုးစား​ရာ​ဖြစ်​ပါ​၏​။

ဆာ​လံ 9:9

ထာဝရဘုရား​သည် ဖိနှိပ်​ခြင်း​ခံရ​သော​သူ​တို့​၏​ခိုကိုး​ရာ​၊ ဘေးဒုက္ခ​ရောက်​ချိန်​၌ ခိုကိုး​ရာ​ဖြစ်​တော်မူ​၏​။

ဆာ​လံ 91:15

သူ​သည် ငါ့​ကို​ခေါ်​သောအခါ သူ့​ကို​ငါ​ထူး​မည်​။ ဆင်းရဲဒုက္ခ​ရောက်​သောအခါ သူ​နှင့်အတူ​ငါ​ရှိ​မည်​။ ငါ​သည် သူ့​ကို​ကယ်မ​၍ သူ့​ကို​ဂုဏ်ပြု​မည်​။

ဟေ​ရှာ​ယ 33:2

အို ထာဝရဘုရား​၊ အကျွန်ုပ်​တို့​ကို သနား​တော်မူ​ပါ​။ အကျွန်ုပ်​တို့​သည် ကိုယ်တော်​ကို စောင့်မျှော်​ကြ​ပါ​၏​။ နံနက်အချိန်​၌ အကျွန်ုပ်​တို့​ကို ခွန်အား​ပေး​တော်မူ​ပါ​။ ဆင်းရဲဒုက္ခ​ရောက်​သည့်​ကာလ​၌ အကျွန်ုပ်​တို့​ကို ကယ်တင်​တော်မူ​ပါ​။

ဟေ​ရှာ​ယ 43:11

ငါ​သာလျှင် ထာဝရဘုရား​ဖြစ်​၏​။ ငါ​မှတစ်ပါး ကယ်တင်​သော​အရှင်​မ​ရှိ​။

ဟေ​ရှာ​ယ 43:3

အကြောင်းမူကား ငါ​သည် သင်​၏​ဘုရားသခင် ထာဝရဘုရား​ဖြစ်​၏​။ အစ္စရေး​လူမျိုး​၏​သန့်ရှင်း​သော​ဘုရား​ဖြစ်​၏​။ သင်​၏​ကယ်တင်ရှင်​ဖြစ်​၏​။ သင့်​ကို ရွေးနုတ်စရာ​အဖိုးအခ​အဖြစ် အီဂျစ်​ပြည်​ကို​လည်းကောင်း​၊ သင့်​ကိုယ်စား အီသီယိုးပီးယား​ပြည်​နှင့် သေဘ​ပြည်​တို့​ကို​လည်းကောင်း ငါ​ပေးအပ်​လိုက်​၏​။

ဟေ​ရှာ​ယ 45:15

အို အစ္စရေး​လူမျိုး​တို့​၏​ဘုရားသခင် ကယ်တင်ရှင်​၊ အကယ်စင်စစ် ကိုယ်တော်​သည် လျှို့ဝှက်နက်နဲ​သော​ဘုရား ဖြစ်​တော်မူ​၏​။

ဟေ​ရှာ​ယ 45:21

ပြောပြ​ကြ​လော့​။ တင်ပြ​ကြ​လော့​။ သူ​တို့ အတူတကွ​တိုင်ပင်​ကြ​ပါစေ​။ ဤ​အမှု​ကို ရှေးကာလ​မှစ၍ မည်သူ​ကြားသိ​စေ​ခဲ့​သနည်း​။ ထို​အချိန်​မှစ၍ မည်သူ​ပြောကြား​ခဲ့​သနည်း​။ ငါ​ထာဝရဘုရား​ပင် မ​ဟုတ်​လော​။ ငါ​မှတစ်ပါး အခြား​ဘုရား​မ​ရှိ​။ ငါ​သည် ဖြောင့်မတ်​သော​ဘုရား​၊ ကယ်တင်​သော​အရှင်​ဖြစ်​၏​။ ငါ​မှတစ်ပါး အခြား​မ​ရှိ​။

ဟေ​ရှာ​ယ 63:8

ကိုယ်တော်​က “​စင်စစ် သူ​တို့​သည် ငါ​၏​လူမျိုး​တော်​ဖြစ်​၏​။ သူ​တို့​သည် သစ္စာ​မ​ပျက်​သော​သားသမီး​များ​ဖြစ်​ကြ​လိမ့်မည်​”​ဟု မိန့်​တော်မူ​၏​။ ကိုယ်တော်​သည်​လည်း သူ​တို့​၏​ကယ်တင်ရှင်​ဖြစ်​တော်မူ​၏​။

ယေ​ရ​မိ 16:19

အို ထာဝရဘုရား ကိုယ်တော်​သည် အကျွန်ုပ်​၏​ခွန်အား​၊ အကျွန်ုပ်​၏​ရဲတိုက်​၊ ဆင်းရဲဒုက္ခ​ရောက်​ချိန်​၌ အကျွန်ုပ်​၏​ခိုလှုံ​ရာ​ဖြစ်​တော်မူ​ပါ​၏​။ မြေကြီး​စွန်း​မှ လူမျိုးခြား​တို့​သည် ကိုယ်တော်​ထံသို့​လာ​၍ “​အကျွန်ုပ်​တို့​၏​ဘိုးဘေး​တို့ ပိုင်ဆိုင်​သော​အရာ​သည် မုသား​သာ​ဖြစ်​၏​။ အချည်းနှီး​၊ အကျိုး​မ​ရှိ​သော​အရာ​သာ​ဖြစ်​၏​”​ဟု လျှောက်​ကြ​ပါ​လိမ့်မည်​။

ယေ​ရ​မိ 17:13

အစ္စရေး​လူမျိုး​၏​မျှော်လင့်ရာ​ဖြစ်​တော်မူ​သော​ထာဝရဘုရား​၊ ကိုယ်တော်​ကို​စွန့်ပယ်​သော​သူ​ရှိသမျှ​တို့​သည် အရှက်ကွဲ​ကြ​ရ​လိမ့်မည်​။ ကိုယ်တော့်​ထံမှ​ထွက်သွား​သော​သူ​တို့​သည် အသက်စမ်းရေ​ဖြစ်​သည့်​ထာဝရဘုရား​ကို စွန့်ပယ်​ကြ​သောကြောင့် မြေ​ပေါ်၌​သာ စာရင်းဝင်​ကြ​လိမ့်မည်​။

ယေ​ရ​မိ 30:7

အမင်္ဂလာ​နေ့​ကြီး​ပါ​တကား​။ ဤ​နေ့​နှင့်​တူ​သော​နေ့​မ​ရှိ​။ ယာကုပ်​အမျိုး​တို့ ဒုက္ခ​ရောက်​သော​နေ့​ဖြစ်​၏​။ သို့သော် သူ​တို့​သည် ကယ်တင်​ခြင်း​ခံရ​လိမ့်မည်​”​ဟု မိန့်​တော်မူ​၏​။

ယေ​ရ​မိ 50:7

သူ​တို့​ကို​တွေ့​သူ​တိုင်း သူ​တို့​ကို​ဝါးမျို​ကြ​ပြီ​။ သူ​တို့​၏​ရန်သူ​တို့​က ‘​ငါ​တို့​၌​အပြစ်​မ​ရှိ​။ အကြောင်းမူကား သူ​တို့​၏​စစ်မှန်​သော​ခိုလှုံ​ရာ​ထာဝရဘုရား​၊ သူ​တို့​ဘိုးဘေး​တို့​၏​မျှော်လင့်ရာ​ထာဝရဘုရား​ကို သူ​တို့​ပြစ်မှား​ကြ​ပြီ​’​ဟု ဆို​ကြ​လေ​ပြီ​။

ယော​လ 3:16

ထာဝရဘုရား​၏​အသံ​တော်​သည် ဇိအုန်​တောင်​ပေါ်မှ​ဟိန်းထွက်​လာ​၍ အသံ​တော်​ကို ဂျေရုဆလင်​မြို့​မှ လွှင့်​တော်မူ​သောအခါ ကောင်းကင်​နှင့်​မြေကြီး တုန်ခါ​လိမ့်မည်​။ သို့သော် ထာဝရဘုရား​သည် လူမျိုး​တော်​အဖို့​ခိုလှုံ​ရာ​၊ အစ္စရေး​အမျိုးသား​တို့​အဖို့ ရဲတိုက်​ဖြစ်​တော်မူ​၏​။

ဇာ​ခ​ရိ 9:12

မျှော်လင့်စရာ​ရှိ​သော အကျဉ်းသား​တို့​၊ ခံတပ်​သို့​ပြန်လာ​ကြ​လော့​။ သင်​တို့​ကို နှစ်ဆ​သော​အကျိုး​ပေး​မည်​ဟု ယနေ့​ပင် ငါ​ဆို​ပြီ​။

တမန်တော်ဝတ္ထု 28:20

ဤ​အကြောင်း​ကြောင့် အကျွန်ုပ်​သည် သင်​တို့​နှင့်​တွေ့ဆုံ​၍ စကား​ပြော​ရန် သင်​တို့​ကို​ဖိတ်ခေါ်​ခြင်း​ဖြစ်​သည်။ အမှန်စင်စစ် အကျွန်ုပ်​သည် အစ္စရေး​လူမျိုး​၏​မျှော်လင့်​ခြင်း​အကြောင်း​ကြောင့် ဤ​သံကြိုး​ဖြင့် ချည်နှောင်​ထား​ခြင်း​ခံရ​သည်”​ဟု ဆို​လေ​၏။

၁ တိ 1:1

ငါ​တို့​၏​ကယ်တင်ရှင်​ဘုရားသခင်​နှင့် ငါ​တို့​၏​မျှော်လင့်​ရာ​ဖြစ်​တော်မူ​သော ခရစ်တော်​ယေရှု​၏​အမိန့်​တော်​အတိုင်း ခရစ်တော်​ယေရှု​၏​တမန်တော်​ဖြစ်​သော ငါ​ပေါလု​သည်

သူ​ကြီး 19:17

ထို​အဖိုးအို​သည် လှမ်းကြည့်​၍ မြို့​အလယ်​လမ်းဆုံလမ်းခွ​၌ ခရီးသွား​ဧည့်သည်​ကို​မြင်​လျှင် အဖိုးအို​က “​မည်သည့်​အရပ်​က​လာ​၍ မည်သည့်​အရပ်​သို့ သွား​မည်နည်း​”​ဟု မေး​လေ​၏​။