ယေ​ရ​မိ 12:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ သူ​တို့​သည် ငါ့​လယ်မြေ​ကို လူသူကင်းမဲ့​ရာ​ဖြစ်​စေ​ပြီ​။ လူသူကင်းမဲ့​သော​လယ်မြေ​သည် ငါ့​အား ငိုကြွေးမြည်တမ်း​ပြ​ပြီ​။ မည်သူ​မျှ​အလေး​မ​ထား​ကြ​သောကြောင့် ပြည်​တစ်ပြည်လုံး​ပျက်စီး​သွား​လေ​ပြီ​။

Common Language Bible

¹¹ သူ​တို့​သည်​ထို​ပြည်​ကို​မြေ​ရိုင်း​ဖြစ်​စေ​ကြ လေ​ပြီ။ ထို​ပြည်​သည်​ငါ​၏​ရှေ့​မှောက်​၌​လူ​သူ ကင်း​မဲ့​လျက်​ရှိ​၏။ တစ်​ပြည်​လုံး​ပင်​စွန့်​ပစ်​ခြင်း​ခံ​ရ​၍​အ​ဘယ်​သူ​မျှ ဂ​ရု​မ​စိုက်​ကြ။

Garrad Bible

¹¹ ဆိတ် ညံ ရာ အ ဖြစ် ထား ကြ သော ပြည် သည်၊ မြည် တမ်း လျက် နေ ရှာ၏။ နှ လုံး သွင်း သူ မ ရှိ သည့် အ တွက်၊ ပြည် လုံး ကျွတ် ဆိတ် ညံ ရာ ရောက် ခဲ့ ပြီ။

Judson Bible

¹¹ သုတ်​သင်​ပယ်​ရှင်း​သော​ကြောင့်၊ လူ​ဆိတ်​ညံ​လျက်​ရှိ၍၊ ငါ့​အား​ညည်း​တွား​လေ၏။ တစ်​ပြည်​လုံး​ပျက်​စီး​သော်​လည်း၊ အ​ဘယ်​သူ​မျှ ပ​မာ​ဏ​မ​ပြု​တတ်။

ယေ​ရ​မိ 12:11 Referencias Cruzadas

ဒေသနာကျမ်း။ 7:2

အသုဘ​အိမ်​သို့​သွား​ခြင်း​သည် စားသောက်ပွဲခံရာ​အိမ်​သို့​သွား​ခြင်း​ထက်​ပို၍​ကောင်း​၏​။ အကြောင်းမူကား သေ​ခြင်း​သည် လူ​အားလုံး​၏​နိဂုံး​ဖြစ်၍ အသက်ရှင်​လျက်​ရှိ​သော​သူ​သည် ထို​အမှုအရာ​ကို​ဆင်ခြင်​နှလုံး​သွင်း​လိမ့်မည်​။

ဟေ​ရှာ​ယ 42:25

ထို့ကြောင့် ကိုယ်တော်​သည် ပြင်းစွာ​သော​အမျက်​တော်​၊ ပြင်းထန်​သော​စစ်ပွဲ​ကို သူ​တို့​အပေါ် ကျရောက်​စေ​တော်မူ​သဖြင့် သူ​တို့​ပတ်လည်​၌ မီး​တောက်လောင်​သော်လည်း သူ​တို့​မ​သိမှတ်​ကြ​။ သူ​တို့​ကို​မီးလောင်ကျွမ်း​သော်လည်း သူ​တို့​နှလုံး​မ​သွင်း​ကြ​။

ဟေ​ရှာ​ယ 57:1

ဖြောင့်မတ်​သော​သူ​ဆုံးပါး​သွား​သည်​ကို မည်သူ​မျှ​နှလုံး​မ​သွင်း​ကြ​။ ကျေးဇူးပြု​တတ်​သော​သူ​တို့ ရုပ်သိမ်း​ခြင်း​ခံရ​သည်​ကို မည်သူ​မျှ​နား​မ​လည်​ကြ​။ အကယ်စင်စစ် ဖြောင့်မတ်​သော​သူ​သည် မကောင်းမှု​ထဲမှ​ရုပ်သိမ်း​ခံရ​ခြင်း​ဖြစ်​၏​။

ယေ​ရ​မိ 10:22

သတင်း​တစ်​ခု​ရောက်လာ​၏​။ ကြည့်ရှု​လော့​။ တုန်ဟည်းသံ​ကြီး​သည် မြောက်​အရပ်​မှ​လာ​၍ ယုဒ​မြို့ရွာ​များ​ကို လူသူကင်းမဲ့​ရာ​အရပ်​ဖြစ်​စေ​မည်​၊ ခွေးအ​တို့​ခိုအောင်း​ရာ​ဖြစ်​စေ​မည်​။

ယေ​ရ​မိ 10:25

ကိုယ်တော်​ကို​မ​သိ​သော လူမျိုးခြား​တို့​အပေါ်​သို့​လည်းကောင်း​၊ ကိုယ်တော်​၏​နာမ​တော်​ကို​မ​ခေါ်​သော မျိုးနွယ်စု​တို့​အပေါ်​သို့​လည်းကောင်း အမျက်​တော်​ကို သွန်ချ​တော်မူ​ပါ​။ အကြောင်းမူကား သူ​တို့​သည် ယာကုပ်​အမျိုး​ကို​ဝါးမျို​၍ အကုန်အစင်​ဖျက်ဆီး​လေ​ပြီ​။ သူ​နေထိုင်​ရာ​အရပ်​ကို​လည်း ဖျက်ဆီး​လေ​ပြီ​။

ယေ​ရ​မိ 14:2

ယုဒ​ပြည် ငိုကြွေးမြည်တမ်း​လေ​ပြီ​။ မြို့​တံခါး​တို့​လည်း အားလျော့​ကြ​ပြီ​။ မြေကြီး​ပေါ်တွင် ဝမ်းနည်း​ပူဆွေး​ကြ​လေ​ပြီ​။ ဂျေရုဆလင်​မြို့​၏​အော်ဟစ်ငိုကြွေးသံ​သည် ထွက်ပေါ်​လာ​ပြီ​။

ယေ​ရ​မိ 19:8

ဤ​မြို့​ကို လူသူကင်းမဲ့​ရာ​၊ ကဲ့ရဲ့ပြစ်တင်စရာ​ဖြစ်​စေ​မည်​။ ဤ​မြို့​ခံရ​သော​ဘေးဒဏ်​ကြောင့် ဤ​မြို့​နား ဖြတ်သန်း​သွား​သော​သူ​တိုင်း အံ့ဩ​ကြ​လိမ့်မည်​၊ ကဲ့ရဲ့​ကြ​လိမ့်မည်​။

ယေ​ရ​မိ 23:10

အကြောင်းမူကား တစ်ပြည်လုံး အိမ်ထောင်ရေးဖောက်ပြန်​သူ​တို့​နှင့် ပြည့်​လျက်​နေ​၏​။ အကျိန်​ခံရ​သောကြောင့် တစ်ပြည်လုံး ငိုကြွေးမြည်တမ်း​ကြ​၏​။ တောကန္တာရ​စားကျက်မြေ​များ​လည်း ခြောက်သွေ့​လျက်​ရှိ​၏​။ သူ​တို့​သည် ဆိုးညစ်​စွာ​အသက်ရှင်​ကြ​၏​။ သူ​တို့​၏​ခွန်အား​ကို မမှန်မကန်​အသုံးချ​ကြ​၏​။

ယေ​ရ​မိ 25:11

တိုင်းပြည်​တစ်ပြည်လုံး​သည် ပြိုပျက်​ရာ​၊ လူသူကင်းမဲ့​ရာ ဖြစ်​လိမ့်မည်​။ ဤ​ပြည်သူပြည်သား​တို့​သည် ဘေဘီလုံ​ဘုရင်​ကို အနှစ်​ခုနစ်ဆယ် အစေခံ​ရ​လိမ့်မည်​။

ယေ​ရ​မိ 4:20

ပျက်စီး​ခြင်း​တစ်​ခု​ပြီး​တစ်​ခု လိုက်လာ​ပြီ​။ တစ်ပြည်လုံး ဖျက်ဆီး​ခြင်း​ခံရ​ပြီ​။ ငါ့​တဲ​တို့​သည် ရုတ်တရက်​ဖျက်ဆီး​ခြင်း​ခံရ​ပြီ​။ ငါ့​ရွက်ထည်​တို့​သည် တစ်ခဏချင်း​တွင် ဖျက်ဆီး​ခြင်း​ခံရ​ပြီ​။

ယေ​ရ​မိ 4:27

ထာဝရဘုရား​က “​ငါ​သည် ပြည်​တစ်ပြည်လုံး​ကို လူသူကင်းမဲ့​ရာ​ဖြစ်​စေ​မည်​။ သို့သော် အကုန်အစင်​သုတ်သင်ဖျက်ဆီး​မည်​မ​ဟုတ်​။

ယေ​ရ​မိ 4:28

ထို့ကြောင့် မြေကြီး​သည် ငိုကြွေးမြည်တမ်း​လိမ့်မည်​။ အထက်​ကောင်းကင်​သည် မှောင်မည်း​လိမ့်မည်​။ ငါ​မိန့်ဆို​ခဲ့​ပြီ​။ ကြံစည်​ခဲ့​ပြီ​။ စိတ်ပြောင်းလဲ​မည်​မ​ဟုတ်​။ နောက်ပြန်လှည့်​မည်​မ​ဟုတ်​။

ယေ​ရ​မိ 6:8

အို ဂျေရုဆလင်​မြို့​၊ ဆုံးမပဲ့ပြင်​ခြင်း​ကို​ခံယူ​လော့​။ သို့မဟုတ်လျှင် သင့်​ကို ငါ​စွန့်ခွာ​သွား​မည်​။ သင့်​ကို နေထိုင်​သူ​မ​ရှိ​၊ လူသူကင်းမဲ့​ရာ​အရပ် ဖြစ်​စေ​မည်​”​ဟု မိန့်​တော်မူ​၏​။

ယေ​ရ​မိ 9:10

ငါ​သည် တောင်​များ​အတွက် ငိုကြွေး​မြည်တမ်း​မည်​။ စားကျက်​တောကြီး​များ​အတွက် ကြေကွဲဝမ်းနည်း​မည်​။ အကြောင်းမူကား ထို​နေရာ​တို့​ကို မီးလောင်​သွား​ပြီ​။ ဖြတ်သန်းသွားလာ​သော​သူ​တစ်​ယောက်​မျှ​မ​ရှိ​။ သိုးနွား​တို့​၏​အသံ​ကို​မ​ကြား​ရ​။ ကောင်းကင်​ငှက်​များ​၊ တိရစ္ဆာန်​များ​သည်​လည်း အဝေး​သို့​ထွက်ပြေး​သွား​ကြ​ပြီ​။

ယေ​ရ​မိ 9:11

“ငါ​သည် ဂျေရုဆလင်​မြို့​ကို ကျောက်ပုံ​ဖြစ်​စေ​မည်​၊ ခွေးအ​တို့​ခိုအောင်း​ရာ ဖြစ်စေ​မည်​။ ယုဒ​မြို့​များ​ကို နေထိုင်​သူ​မ​ရှိ​၊ လူသူကင်းမဲ့​ရာ​အရပ် ဖြစ်​စေ​မည်​။”

ယေ​ရ​မိ 9:9

“ထိုသို့သော​အမှုအရာ​များ​ကြောင့် ငါ​သည် သူ​တို့​ကို ဒဏ်​မ​ခတ်​ဘဲ​နေ​ရ​မည်လော​။ ထိုသို့​သော​လူမျိုး​ကို ငါ​ကိုယ်တိုင်​လက်တုံ့​မ​ပြန်​ဘဲ နေ​ရ​မည်လော​”​ဟု ထာဝရဘုရား​မိန့်​တော်မူ​၏​။

ယော​လ 1:10

လယ်ယာ ဖျက်ဆီး​ခံရ​ပြီ​။ ကောက်ပဲသီးနှံ ဖျက်ဆီး​ခံရ​သောကြောင့် မြေ​သည် ငိုကြွေးမြည်တမ်း​လေ​ပြီ​။ စပျစ်ဝိုင်​အသစ် ခန်း​လေ​ပြီ​။ ဆီ​လည်း လျော့​လေ​ပြီ​။

ဝတ်​ပြု 26:32

ငါ​ကိုယ်တိုင် သင်​တို့​၏​ပြည်​ကို လူသူကင်းမဲ့​စေ​သဖြင့် ထို​ပြည်​၌​နေထိုင်​သော သင်​တို့​၏​ရန်သူ​တို့​သည်​လည်း တုန်လှုပ်ချောက်ချား​ကြ​လိမ့်မည်​။

ဇာ​ခ​ရိ 7:5

“ပြည်သူပြည်သား​အပေါင်း​နှင့် ယဇ်ပုရောဟိတ်​တို့​အား ‘ဤ​နှစ်​ပေါင်း​ခုနစ်ဆယ်​ပတ်လုံး ပဉ္စမ​လ​နှင့် သတ္တမ​လ​တို့​တွင် သင်​တို့ အစာရှောင်​ငိုကြွေးမြည်တမ်း​ခဲ့​ကြ​သည်​မှာ ငါ့​အဖို့ အစာရှောင်​ခြင်း အမှန်တကယ်​ဟုတ်​ခဲ့​သလော​။

မာ​လ​ခိ 2:2

သင်​တို့​သည် ငါ့​စကား​ကို နား​မ​ထောင်​၊ ငါ့​နာမ​ကို မ​ချီးမွမ်း​၊ နှလုံး​မ​သွင်း​ဘဲ​နေ​လျှင် သင်​တို့​အပေါ်​သို့ ကျိန်​ခြင်း​ကို ငါ​သက်ရောက်​စေ​မည်​။ သင်​တို့​၏​ကောင်းချီးမင်္ဂလာ​ကို အမင်္ဂလာ ဖြစ်စေ​မည်​။ အကယ်စင်စစ် သင်​တို့​နှလုံး​မ​သွင်း​သောကြောင့် သင်​တို့​ကို ငါ​ကျိန်ဆဲ​ပြီ​”​ဟု ကောင်းကင်​ဗိုလ်ခြေ​အရှင် ထာဝရဘုရား မိန့်​တော်မူ​၏​။

ရော​မ 8:22

ဖန်ဆင်း​ခံ​လောက​တစ်ခုလုံး​သည် ယခု​တိုင်အောင် အတူတကွ​ညည်းတွား​လျက် အတူတကွ​သားဖွား​ခြင်း​ဝေဒနာ​ကို​ခံစား​လျက်​ရှိ​ကြောင်း ငါ​တို့​သိ​ကြ​၏။