ယေ​ရ​မိ 1:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ဗင်္ယာမိန်​ပြည်​၊ အာနသုတ်​မြို့​မှ ယဇ်ပုရောဟိတ်​တစ်​ပါး​ဖြစ်​သော ဟိလခိ​၏​သား ယေရမိ​ဆင့်ဆို​သော​နှုတ်ကပတ်တော်​။

Common Language Bible

¹ ဤ​ကျမ်း​စာ​တွင် ယေ​ရ​မိ​မြွက်​ဟ​ပြော​ဆို ချက်​တို့​ကို​ဖော်​ပြ​ထား​လေ​သည်။ သူ​သည် ဗင်္ယာ​မိန်​နယ်​မြေ၊ အာ​န​သုတ်​မြို့​ရှိ​ယဇ်​ပု​ရော ဟိတ်​တစ်​ပါး​ဖြစ်​သူ​ဟိ​လ​ခိ​၏​သား​ဖြစ် သည်။-

Garrad Bible

^1-2 အာ မုန် မင်း သား တော် ယု ဒ ဘု ရင် ယော ရှိ မင်း နန်း စံ တစ် ဆယ့် သုံး နှစ် တွင်၊ ဗင်္ယာ မိန် နယ် အာ န သုတ် မြို့ ရှိ ပ ရော ဟိတ် တို့ အ နက်၊ ဟိ လ ခိ သား ယေ ရ မိ သို့ ရောက် လာ သော ဘု ရား သ ခင်၏ ဗျာ ဒိတ် တော် အ တိုင်း လည်း‌ ကောင်း၊

Judson Bible

^1-3 ယု​ဒ​ရှင်​ဘု​ရင် အာ​မုန်​သား​ယော​ရှိ​မင်း နန်း​စံ​ဆယ်​သုံး​နှစ်​တွင်​လည်း​ကောင်း၊ ယု​ဒ​ရှင်​ဘု​ရင်​ယော​ရှိ​သား ယော​ယ​ကိမ် လက်​ထက်၌​လည်း​ကောင်း၊ ယု​ဒ​ရှင်​ဘု​ရင်​ယော​ရှိ​သား ဇေ​ဒ​ကိ​မင်း နန်း​စံ​ဆယ်​တစ်​နှစ်​စေ့၍ ပ​ဥ္စ​မ​လ​တွင်၊ ယေ​ရု​ရှ​လင်​မြို့​သား​တို့​ကို သိမ်း​သွား​ချုပ်​ထား​သည် တိုင်​အောင်၊ ထာ​ဝ​ရ​ဘု​ရား၏​ဗျာ​ဒိတ်​တော်​ကို​ခံ​ရ​သော ဗင်္ယာ​မိန်​ပြည်၊ အာ​န​သုတ်​မြို့​နေ ဟိ​လ​ခိ​သား ယဇ်​ပု​ရော​ဟိတ်​ယေ​ရ​မိ​စ​ကား​မှာ၊

ယေ​ရ​မိ 1:1 Referencias Cruzadas

၃ ရာ 2:26

ထို့ပြင် ယဇ်ပုရောဟိတ်​အဗျာသာ​ကို​လည်း ရှင်ဘုရင်​က “​သင့်​မြေ​ရှိ​ရာ အာနသုတ်​မြို့​ကို ပြန်သွား​ပါ​။ သင်​သည်​လည်း သေသင့်သောသူ​ဖြစ်​၏​။ သို့သော် သင်​သည် ခမည်းတော်​ဒါဝိဒ်​မင်းကြီး​၏​ရှေ့​တော်​တွင် ဘုရားရှင်​ထာဝရဘုရား​၏​သေတ္တာ​တော်​ကို ထမ်း​ရ​သူ​၊ ခမည်းတော်​ခံရ​သော​ဒုက္ခဆင်းရဲ​အပေါင်း​ကို မျှဝေခံစား​ပေး​ခဲ့​သူ​ဖြစ်​သောကြောင့် ယနေ့​တွင် သင့်​ကို ငါ​မ​သတ်​”​ဟု မိန့်ဆို​ပြီးနောက်​တွင်

၁ ရာ​ချုပ် 6:60

ဗင်္ယာမိန်​အမျိုးအနွယ်​၏​နယ်မြေ​ထဲမှ ဂေဗ​မြို့​နှင့်​ဝန်းကျင်​ရှိ​စားကျက်မြေ​များ​၊ အာလမက်​မြို့​နှင့်​ဝန်းကျင်​ရှိ​စားကျက်မြေ​များ​၊ အာနသုတ်​မြို့​နှင့်​ဝန်းကျင်​ရှိ​စားကျက်မြေ​များ စုစုပေါင်း​မြို့​တစ်ဆယ့်​သုံး​မြို့​ကို သူ​တို့​မျိုးနွယ်စု​အတွက် ခွဲဝေ​ပေး​၏​။

၂ ရာ​ချုပ် 35:25

ယေရမိ​သည် ယောရှိ​မင်းကြီး​အတွက် ငိုချင်း​ကို ဖွဲ့​ခဲ့​၏​။ သီချင်းသည်​ယောက်ျား​မိန်းမ​အပေါင်း​တို့​သည်​လည်း ယောရှိ​မင်းကြီး​အတွက် ငိုချင်း​များ​ကို ယနေ့​တိုင် သီဆို​နေ​ကြ​၏​။ ထို​ငိုချင်း​တို့​ကို အစ္စရေး​ပြည်​၏​ဓလေ့ထုံးတမ်း​တစ်​ခု​အဖြစ်​ထားရှိ​ပြီး မြည်တမ်းစာ​၌​ရေးမှတ်​ထား​ကြ​၏​။

၂ ရာ​ချုပ် 36:12

သူ​သည် သူ​၏​ဘုရားသခင်​ထာဝရဘုရား​ရှေ့​တော်​တွင် မကောင်းမှု​ကို​ပြု​၏​။ ထာဝရဘုရား​၏​နှုတ်ကပတ်တော်​ကို ဆင့်ဆို​သော​ပရောဖက်​ယေရမိ​ရှေ့​တွင် မိမိကိုယ်ကို​နှိမ့်ချ​ခြင်း​မ​ရှိ​။

၂ ရာ​ချုပ် 36:21

အစ္စရေး​မြေ​သည် မိမိ​၏​ဥပုသ်နေ့​များ​ကို​မွေ့လျော်​ရ​မည်​ဟူသော ယေရမိ​၏​နှုတ်​အားဖြင့် ထာဝရဘုရား​မိန့်​တော်မူ​သော​စကား အမှန်​ပြည့်စုံ​လာ​၍ လူသူကင်းမဲ့​သော​ကာလ​ပတ်လုံး အနှစ်​ခုနစ်ဆယ်​စေ့​သည်​အထိ ငြိမ်ဝပ်​စွာ​နေ​ရ​၏​။

ဧ​ဇ​ရ 1:1

ယေရမိ​၏​နှုတ်​အားဖြင့် ထာဝရဘုရား​မိန့်​တော်မူ​သော​စကား ပြည့်စုံ​စေရန် ပါးရှား​ဘုရင် ကုရု​မင်းကြီး နန်းစံ​သော​ပထမ​နှစ်​တွင် ထာဝရဘုရား​သည် ပါးရှား​ဘုရင်​ကုရု​မင်းကြီး​၏​စိတ်​ကို နှိုးဆော်​တော်မူ​သဖြင့် သူ​သည် မိမိ​နိုင်ငံ​တစ်ဝန်းလုံး​သို့ လိုက်လံကြေညာ​စေ​၍ စာ​ဖြင့်​လည်း မှတ်တမ်းတင်​ထား​သော​စကား​ကား ဤသို့​ဖြစ်​၏​။

ဧ​ဇ​ရ 2:23

အာနသုတ်​မြို့သား တစ်ရာ​နှစ်ဆယ့်​ရှစ်​ယောက်​၊

ဟေ​ရှာ​ယ 1:1

ယုဒ​ဘုရင် ဩဇိ​မင်းကြီး​၊ ယောသံ​မင်းကြီး​၊ အာခတ်​မင်းကြီး​၊ ဟေဇကိ​မင်းကြီး လက်ထက်​၌ ယုဒ​ပြည်​၊ ဂျေရုဆလင်​မြို့​နှင့်​ပတ်သက်၍ အာမုတ်​၏​သား​ဟေရှာယ မြင်​ရ​သော​ဗျာဒိတ်နိမိတ်​။

ဟေ​ရှာ​ယ 10:30

အို ဂလ္လိမ်​မြို့​သမီးပျို​၊ ကြွေးကြော်​လော့​။ အို လဲရှ​မြို့​၊ အာရုံစိုက်​နားထောင်​လော့​။ အို အာနသုတ်​မြို့​၊ သနားစရာ​ကောင်း​လှ​ပါတကား​။

ဟေ​ရှာ​ယ 2:1

ယုဒ​ပြည်​၊ ဂျေရုဆလင်​မြို့​နှင့်​ပတ်သက်၍ အာမုတ်​၏​သား​ဟေရှာယ မြင်​ရ​သော​ဗျာဒိတ်​တော်​။

ယေ​ရ​မိ 11:21

ထို့ကြောင့် “​ငါ​တို့​လက်​ဖြင့် သင်​မ​သေ​ရ​မည့်​အကြောင်း ထာဝရဘုရား​၏​နာမ​တော်​ဖြင့် ပရောဖက်​မ​ပြု​နှင့်”​ဟု ဆို​လျက် သင့်​အသက်​ကို​ရန်ရှာ​သော အာနသုတ်​မြို့သား​တို့​နှင့်​ပတ်သက်၍ ထာဝရဘုရား ဤသို့​မိန့်​တော်မူ​၏​။

ယေ​ရ​မိ 29:27

ယခု သင်​တို့​တွင် ပရောဖက်ပြု​ဟောပြော​နေ​သော အာနသုတ်​မြို့သား​ယေရမိ​ကို အဘယ်ကြောင့် မ​ဆုံးမ​သနည်း​။

ယေ​ရ​မိ 30:1

ယေရမိ​ထံသို့​ရောက်လာ​သော ထာဝရဘုရား​၏​နှုတ်ကပတ်တော်​မှာ ဤသို့​ဖြစ်​၏​။

ယေ​ရ​မိ 37:12

ယေရမိ​သည် ဗင်္ယာမိန်​ပြည်သား​တို့​နှင့်အတူ အမွေခွဲဝေ​ရယူ​ရန် ဂျေရုဆလင်​မြို့​မှ ဗင်္ယာမိန်​ပြည်​သို့ သွား​လေ​၏​။

ယေ​ဇ​ကျေ​လ 1:3

ခါလဒဲ​ပြည်​၊ ခေဗာ​မြစ်​နား​တွင်​ရှိ​စဉ် ထာဝရဘုရား​၏​နှုတ်ကပတ်တော်​သည် ဗုဇိ​၏​သား​၊ ယဇ်ပုရောဟိတ် ယေဇကျေလ​ထံသို့ ရောက်လာ​၏​။ ထို​အရပ်​၌ ထာဝရဘုရား​သည် လက်​တော်​ကို သူ့​အပေါ်​တင်​လျက်​ရှိ​၏​။

ဒံ​ယေ​လ 9:2

ဒါရိ​မင်းကြီး​နန်းစံ​ပထမ​နှစ်​တွင် ငါ​ဒံယေလ​သည် ဂျေရုဆလင်​မြို့​ပျက်စီး​မည့်​နှစ်ပေါင်း​မှာ အနှစ်​ခုနစ်ဆယ်​ဖြစ်ကြောင်း ပရောဖက်​ယေရမိ​ပြောကြား​ခဲ့​သော​ထာဝရဘုရား​၏​နှုတ်ကပတ်တော်​ကို ကျမ်းစာလိပ်​အားဖြင့် သိ​ခဲ့​ရ​၏​။

အာ​မုတ် 1:1

ယုဒ​ဘုရင်​ဩဇိ​မင်းကြီး​လက်ထက်​နှင့် ယောရှ​၏​သား အစ္စရေး​ဘုရင်​ယေရောဗောင်​မင်းကြီး​လက်ထက် ငလျင်​မ​လှုပ်​မီ နှစ်​နှစ်​တွင် တေကော​မြို့သား သိုးထိန်း​အာမုတ်​သည် အစ္စရေး​ပြည်​နှင့်​ပတ်သက်၍ မြင်​ရ​သည့်​အတိုင်း ဆင့်ဆို​သော​စကား​မှာ ဤသို့​ဖြစ်​၏​။

အာ​မုတ် 7:10

ထိုအခါ ဗေသလ​မြို့​ရှိ ယဇ်ပုရောဟိတ်​အာမဇိ​က အစ္စရေး​ဘုရင်​ယေရောဗောင်​မင်းကြီး​ထံသို့ လူ​လွှတ်​၍ “အာမုတ်​သည် အစ္စရေး​အမျိုး​တို့​အလယ်​တွင် အရှင်မင်းကြီး​ကို လျှို့ဝှက်ကြံစည်​နေ​ပါ​ပြီ​။ ပြည်​တော်​သည် သူ့​စကား​အလုံးစုံ​တို့​ကို ခံ​နိုင်​မည်​မ​ဟုတ်​ပါ​။

မဿဲ 16:14

တပည့်​တော်​တို့​က​လည်း “အချို့​တို့​က ဗတ္တိဇံ​ဆရာ​ယောဟန်​ဟု​ဆို​ကြ​၍ အချို့​တို့​က ဧလိယ​ဟု​ဆို​ကြ​ပါ​သည်။ အချို့​တို့​က​လည်း ယေရမိ​၊ သို့မဟုတ် ပရောဖက်​များ​ထဲမှ တစ်ပါးပါး​ဖြစ်​သည်​ဟု​ဆို​ကြ​ပါ​သည်”​ဟူ၍ လျှောက်​ကြ​၏။

မဿဲ 27:9

ထိုအခါ “သူ​တို့​သည် တန်ဖိုးဖြတ်​ခြင်း​ခံရ​သော​သူ​၏​အဖိုးငွေ​တည်းဟူသော အစ္စရေး​အမျိုးသား​တို့​တန်ဖိုးဖြတ်​ထား​သည့် ငွေဒင်္ဂါး​သုံးဆယ်​ကို​ယူ​၍ အကျွန်ုပ်​အား ထာဝရ​ဘုရား​မိန့်မှာ​တော်မူ​သည့်​အတိုင်း အိုးထိန်းသည်​၏​မြေယာ​အတွက် ထို​ငွေ​တို့​ကို​ပေး​ကြ​၏”​ဟု ပရောဖက်​ယေရမိ​အားဖြင့် မိန့်​တော်မူ​ခဲ့​သော​အရာ​သည် ပြည့်စုံ​ခြင်း​သို့​ရောက်​လေ​၏။