ယေ​ဇ​ကျေ​လ 7:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ သင့်​ကို သနားညှာတာ​မည်​မ​ဟုတ်​။ သင်​ပြု​ခဲ့​သည့်​အတိုင်း သင်​ပြန်ပေးဆပ်​ရ​မည်​။ သင်​ပြု​ခဲ့​သော စက်ဆုပ်ရွံရှာဖွယ်​အမှု​တို့​သည် သင်​နှင့်​မ​ကွာ ရှိ​နေ​လိမ့်မည်​။ ထိုမှ သင်​တို့​ကို​ဒဏ်ခတ်​သူ​မှာ ငါ​ထာဝရဘုရား​ဖြစ်ကြောင်း သင်​တို့​သိ​ရ​မည်​။

Common Language Bible

⁹ ငါ​သည်​သင့်​အား​ချမ်း​သာ​ပေး​လိမ့်​မည်​မ​ဟုတ်။ အ​ဘယ်​သို့​မျှ​လည်း​က​ရု​ဏာ​ပြ​လိမ့်​မည်​မ ဟုတ်။ သင်​ပြု​ခဲ့​သည့်​စက်​ဆုပ်​ဖွယ်​ရာ​အ​မှု​များ အ​တွက်​သင့်​ကို​ဒဏ်​ပေး​မည်။ သို့​မှ​သာ​လျှင် ငါ​သည်​ထာ​ဝ​ရ​ဘု​ရား​ဖြစ်​ကြောင်း​ကို​လည်း ကောင်း၊ သင့်​အား​ဒဏ်​ပေး​သူ​သည်​ငါ​ပင်​ဖြစ် ကြောင်း​ကို​လည်း​ကောင်း​သင်​သိ​လိမ့်​မည်'' ဟူ​၍​ဖြစ်​၏။

Garrad Bible

⁹ သ နား ကင်း လျက်၊ မျက် စောင်း နှင့် မ ညှာ တာ ဘဲ၊ ရွံ ရှာ ဖွယ် အ ပြစ် များ ထက် ကြပ် ပါ လျက်၊ အ လေ့ အ လာ များ အ လိုက် ဆပ် ပေး သ ဖြင့်၊ ငါ ထာ ဝ ရ ဘု ရား ကွပ် မျက် တော် မူ သည် ကို သင် တို့ သိ ရ ကြ လ တ္တံ့။

Judson Bible

⁹ နှ​မြော​စုံ​မက်​ခြင်း​မ​ရှိ​ဘဲ၊ သင့်​အ​ကျင့်​တို့၏​အ​ကျိုး​အ​ပြစ်​ကို ဆပ်​ပေး​မည်။ သင်​ပြု​မိ​သော​ရွံ​ရှာ​ဖွယ် အ​မှု​တို့​သည် သင်၏​အ​လယ်၌ တည်​ကြ​လိမ့်​မည်။ ငါ​ထာ​ဝ​ရ​ဘု​ရား​သည် ဒဏ်​ပေး​ကြောင်း​ကို သိ​ရ​ကြ​လိမ့်​မည်။

ယေ​ဇ​ကျေ​လ 7:9 Referencias Cruzadas

ဟေ​ရှာ​ယ 9:13

သို့သော် လူမျိုး​တော်​သည် မိမိ​အား ဒဏ်ခတ်​တော်မူ​သော​အရှင်​ထံသို့ ပြန်​မ​လာ​။ ကောင်းကင်​ဗိုလ်ခြေ​အရှင်​ထာဝရဘုရား​ကို မ​ရှာ​။

ယေ​ရ​မိ 13:14

သူ​တို့​အချင်းချင်း​ကို​သာမက သား​အဖ​ချင်း​ကို​ပင် ကွဲပြား​စေ​မည်​။ မ​သနား​၊ မ​ညှာတာ​၊ မ​စာနာ​ဘဲ သူ​တို့​ကို​ဖျက်ဆီး​မည်’​ဟူ၍ မိန့်​တော်မူ​၏”​ဟု ဆင့်ဆို​လော့​။

ယေ​ရ​မိ 21:7

တစ်ဖန် ထာဝရဘုရား​က ‘ကပ်ရောဂါ​ဘေး​၊ ဓားဘေး​၊ ငတ်မွတ်ခေါင်းပါး​ခြင်း​ဘေး​တို့​မှ အသက်ရှင်​ကျန်ရစ်​သော ယုဒ​ဘုရင်​ဇေဒကိ​မင်းကြီး​နှင့် သူ​၏​အမှုထမ်း​များ​၊ မြို့သူမြို့သား​များ​ကို သူ​တို့​အသက်​ကို​ရန်ရှာ​သော​၊ သူ​တို့​၏​ရန်သူ​ဖြစ်​သော ဘေဘီလုံ​ဘုရင်​နေဗုခဒ်နေဇာ​လက်​ထဲသို့ ငါ​အပ်​မည်​။ ထို​ဘုရင်​သည် သူ​တို့​ကို မ​သနား​၊ မ​ညှာတာ​၊ မ​စာနာ​ဘဲ ဓား​ဖြင့် ကွပ်မျက်​မည်’​ဟူ၍ မိန့်​တော်မူ​၏”​ဟု လျှောက်ဆို​ရ​မည်​။

ယေ​ရ​မိ 36:31

သူ​နှင့် သူ​၏​သားစဉ်မြေးဆက်​၊ သူ​၏​အစေအပါး​တို့​ပြု​သော​ဒုစရိုက်​ကြောင့် သူ​တို့​ကို ငါ​ဒဏ်ခတ်​မည်​။ သူ​တို့​နှင့်တကွ ဂျေရုဆလင်​မြို့သား​၊ ယုဒ​အမျိုးသား​တို့​အပေါ် ငါ​မိန့်ဆို​ထား​သည့်​ဘေးအန္တရာယ်​အလုံးစုံ​ကို ကျရောက်​စေ​မည်​ဖြစ်​သော်လည်း သူ​တို့​ဂရု​မ​စိုက်​ကြ​”​ဟု မိန့်​တော်မူ​၏​။

မြည်​တမ်း​စ​ကား 2:17

ထာဝရဘုရား​သည် ကြံစည်​တော်မူ​သည့်​အတိုင်း ပြု​တော်မူ​ပြီ​။ ရှေး​ကာလ​က မိန့်​တော်မူ​ခဲ့​သော​စကား​ကို ပြည့်စုံ​စေ​တော်မူ​ပြီ​။ ညှာတာ​တော်​မ​မူ​ဘဲ ဖြိုဖျက်​တော်မူ​ပြီ​။ ရန်သူ​က သင့်​ကို​အနိုင်ရ​၍ ဝမ်းမြောက်​ရ​သော​အခွင့်​ကို ပေး​တော်မူ​ပြီ​။ သင့်​ရန်ဖက်​တို့​၏​ဦးချို​ကို ချီးမြှောက်​တော်မူ​ပြီ​။

ယေ​ဇ​ကျေ​လ 22:22

ငွေ​သည် မီးပြင်းဖို​ထဲ​၌ အရည်ပျော်​ရ​သကဲ့သို့ သင်​တို့​သည်​လည်း ထို​မီး​ထဲ​တွင် အရည်ပျော်​ရ​လိမ့်မည်​။ ထိုအခါ ငါ​ထာဝရဘုရား​သည် သင်​တို့​အပေါ် အမျက်​တော်​သွန်ချ​တော်မူ​ကြောင်း သင်​တို့​သိ​ရ​လိမ့်မည်’​ဟူ၍ မိန့်​တော်မူ​သည်”​ဟု မိန့်ဆို​၏​။

ယေ​ဇ​ကျေ​လ 23:49

သူ​တို့​သည် သင်​ပြု​ခဲ့​သော​ညစ်ညမ်းမှု​အပြစ်​ကို ပြန်​ခံ​စေ​မည်။ ရုပ်တု​နောက်​လိုက်​သည့်​အပြစ်​တို့​ကို သင်​ပြန်​ခံရ​မည်​။ သို့မှ ငါ​သည် ဘုရားရှင်​ထာဝရဘုရား​ဖြစ်ကြောင်း သင်​တို့​သိ​ကြ​လိမ့်မည်’​ဟူ၍ မိန့်​တော်မူ​သည်​”​ဟု မိန့်ဆို​၏​။

ယေ​ဇ​ကျေ​လ 5:11

ဘုရားရှင်​ထာဝရဘုရား​က ‘စင်စစ် သင်​ပြု​သော စက်ဆုပ်​ရွံရှာဖွယ်​အမှု​အပေါင်း​တို့​သည် ငါ​၏​သန့်ရှင်းရာဌာန​ကို ညစ်ညူး​စေ​ပြီ​ဖြစ်၍ ငါ​အသက်ရှင်​သည်​နှင့်အညီ သင့်​ကို မ​သနား​၊ မ​ညှာတာ​ဘဲ သုတ်သင်​ပစ်​မည်​။

ယေ​ဇ​ကျေ​လ 7:10

ကြည့်ရှု​လော့​။ အချိန်​ကျရောက်​လေ​ပြီ​။ ပျက်စီး​ခြင်း ရောက်လာ​လေ​ပြီ​။ တောင်ဝှေး​သည် အဖူး​ဖူး​လေ​ပြီ​။ မာန်မာန​သည် အပွင့်​ပွင့်​လေ​ပြီ​။

ယေ​ဇ​ကျေ​လ 7:8

မကြာမီ ငါ့​ဒေါသ​ကို သင့်​အပေါ် သွန်ချ​မည်​။ ငါ့​အမျက်​ကို သင့်​အပေါ် အကုန်​ဖွင့်ချ​မည်​။ သင်​ပြု​ခဲ့​သည့်​အတိုင်း သင့်​ကို ငါ​စီရင်​မည်​။ သင်​ပြု​ခဲ့​သော စက်ဆုပ်ရွံရှာဖွယ်​အလုံးစုံ​ကို သင့်​အား ပြန်ပေးဆပ်​စေ​မည်​။

မိက္ခာ 6:9

ထာဝရဘုရား​သည် မြို့​ကို အော်ဟစ်​မိန့်မြွက်​တော်မူ​၏​။ ဉာဏ်ပညာ​ရှိ​သော​သူ​သည် နာမ​တော်​ကို သိမြင်​လေ​ပြီ​။ တောင်ဝှေး​ကို​လည်းကောင်း​၊ တောင်ဝှေး​အား ခန့်အပ်​ထား​သော​အရှင်​ကို​လည်းကောင်း နာခံ​လော့​။

ဂ​လာ​တိ 6:7

အယူ​မ​လွဲ​ကြ​နှင့်။ ဘုရားသခင်​သည် မထီလေးစား​ပြု​ခြင်း​ကို​ခံ​တော်​မ​မူ။ အကြောင်းမူကား လူ​သည် တစ်စုံတစ်ခု​ကို​စိုက်ပျိုး​လျှင် ၎င်း​ကို ပြန်လည်​ရိတ်သိမ်း​ရ​လိမ့်မည်။

ဗျာ​ဒိတ် 20:13

ပင်လယ်​သည် မိမိ​၌​ရှိ​သော​လူသေ​တို့​ကို ပေးအပ်​လေ​၏။ သေ​ခြင်း​နှင့်​မရဏာ​နိုင်ငံ​တို့​သည်​လည်း မိမိ​၌​ရှိ​သော​လူသေ​တို့​ကို ပေးအပ်​ကြ​၏။ ထိုအခါ လူ​အသီးသီး​တို့​သည် မိမိ​တို့​ပြု​သော​အမှု​များ​နှင့်အညီ တရား​စီရင်​ခြင်း​ကို​ခံရ​ကြ​၏။