ယေ​ဇ​ကျေ​လ 7:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ သူ​တို့​၏​လှပ​သော​အဆင်တန်ဆာ​များ​ကြောင့် မာနထောင်လွှား​တတ်​ကြ​၏​။ ထို​တန်ဆာ​များ​ဖြင့် စက်ဆုပ်​ရွံရှာဖွယ်​ရုပ်တု​များ​ကို ထုလုပ်​တတ်​ကြ​၏​။ ထို့ကြောင့် ငါ​သည် ထို​တန်ဆာ​တို့​ကို ညစ်ညူးသောအရာ​ကဲ့သို့ ဖြစ်​စေ​မည်​။

Common Language Bible

²⁰ အ​ခါ​တစ်​ပါး​က​ထို​သူ​တို့​သည်​မိ​မိ​တို့ ၏​လှ​ပ​သော​ကျောက်​မျက်​ရ​တ​နာ​များ အ​တွက် ဝါ​ကြွား​ဂုဏ်​ယူ​ခဲ့​ကြ​သော်​လည်း ယင်း​တို့​ကို​စက်​ဆုပ်​ဖွယ်​ကောင်း​သည့်​ရုပ်​တု များ​ပြု​လုပ်​ရာ​တွင်​အ​သုံး​ပြု​ကြ​ကုန်​၏။ သို့​ဖြစ်​၍​ထာ​ဝ​ရ​ဘု​ရား​သည်​သူ​တို့​အား ထို​ရ​တ​နာ​များ​သည်​သူ​တို့​အ​တွက်​မ​သန့် ရှင်း​သော​အ​ရာ​များ​ဖြစ်​စေ​တော်​မူ​၏။

Garrad Bible

²⁰ တင့် တယ် သော ထို ရ တ နာ ကို၊ မောက် မာ ရာ မောက် မာ ကြောင်း ဖြစ် စေ လျက်၊ စက် ဆုပ် ရွံ ရှာ ဖွယ် ရုပ် ပွား ဆင်း တု လုပ် ခဲ့ ကြ သော ကြောင့်၊ ငါ သည် အ ညစ် အ ကြေး အ ဖြစ် မှတ် ယူ ကြ စေ သည့် ပြင်၊

Judson Bible

²⁰ သူ​တို့၌ တင့်​တယ်​သော တန်​ဆာ​အား​ဖြင့် သူ​တို့​မာ​န​ကို တိုး​ပွား​စေ၍၊ သူ​တို့၌ စက်​ဆုပ်​ဖွယ်​သော ရုပ်​တု​ဆင်း​တု​တို့​ကို​လည်း​ကောင်း၊ ရွံ​ရှာ​ဖွယ်​သော အ​ရာ​တို့​ကို​လည်း​ကောင်း လုပ်​ကြ​သော​ကြောင့်၊ ထို​တန်​ဆာ​ကို ညစ်​ညူး​သော​အ​ရာ ဖြစ်​စေ​ခြင်း​ငှာ ငါ​စီ​ရင်​မည်။

ယေ​ဇ​ကျေ​လ 7:20 Referencias Cruzadas

၄ ရာ 21:4

“​ဂျေရုဆလင်​မြို့​တွင် ငါ့​နာမ​ကို​တည်​စေ​မည်​”​ဟု ထာဝရဘုရား မိန့်​တော်မူ​ရာ​နေရာ​ဖြစ်​သည့် ထာဝရဘုရား​၏​အိမ်​တော်​တွင် ယဇ်ပလ္လင်​များ​ကို တည်​၏​။

၄ ရာ 21:7

မိမိကိုယ်တိုင်​ထွင်းထု​ထား​သော အာရှရ​နတ်ဘုရားမ​ရုပ်တု​ကို​လည်း အိမ်​တော်​တွင် ထားရှိ​၏​။ ထာဝရဘုရား​က ဤ​အိမ်​တော်​နှင့်​ပတ်သက်၍ ဒါဝိဒ်​မင်းကြီး​နှင့် သူ​၏​သား​တော်​ရှောလမုန်​မင်းကြီး​တို့​အား “​အစ္စရေး​အမျိုးအနွယ်​တို့​ပိုင်​သော​မြို့​ထဲမှ ငါ​ရွေးချယ်​သော​ဂျေရုဆလင်​မြို့​၊ ဤ​အိမ်​တော်​တွင် ငါ့​နာမ​ကို အစဉ်​တည်​စေ​မည်​။

၂ ရာ​ချုပ် 2:9

အကျွန်ုပ်​တည်ဆောက်​ရ​မည့်​အိမ်​တော်​သည် အလွန်​ကြီးကျယ်ခမ်းနား​သောကြောင့် သစ်သား​အမြောက်အမြား​လို​ပါ​၏​။

၂ ရာ​ချုပ် 36:14

ယဇ်ပုရောဟိတ်​အကြီးအကဲ​အပေါင်း​တို့​နှင့် ပြည်သူပြည်သား​တို့​သည်​လည်း လူမျိုးခြား​တို့​ပြု​သည့်​စက်ဆုပ်ရွံရှာဖွယ်​အမှု​များ​အတိုင်း ဖောက်ပြန်မှားယွင်း​ကြ​၏​။ ဂျေရုဆလင်​မြို့​ရှိ ထာဝရဘုရား​သန့်ရှင်း​စေ​တော်မူ​ခဲ့​သော​အိမ်​တော်​ကို​လည်း ညစ်ညူး​စေ​ကြ​၏​။

ဧ​ဇ​ရ 3:12

ယခင်​အိမ်​တော်​ကို မြင်​ဖူး​ခဲ့​သော​သက်ကြီးပိုင်း ယဇ်ပုရောဟိတ်​များ​၊ လေဝိ​အမျိုး​များ​နှင့် အိမ်ထောင်စု​အကြီးအမှူး​များစွာ​တို့​သည် ယခု​အိမ်​တော်​အုတ်မြစ်ချ​သည်​ကို မြင်​ရ​သောအခါ အော်ဟစ်​ငိုကြွေး​ကြ​လေ​၏​။ လူ​အများစု​မှာ​မူ ဝမ်းမြောက်ဝမ်းသာ​စိတ်​ဖြင့် ကြွေးကြော်​ကြ​လေ​၏​။

ဆာ​လံ 48:2

မြင့်မား​တင့်တယ်​၍ ကမ္ဘာမြေ​တစ်ခွင်လုံး​၏ ဝမ်းမြောက်စရာ​အကြောင်း​ဖြစ်​၏​။ မြောက်ဘက်​စွန်း​ရှိ​ဇိအုန်​တောင်​သည် ကြီးမြတ်​သော ရှင်ဘုရင်​၏​မြို့​တော်​ဖြစ်​၏​။

ဆာ​လံ 50:2

ဘုရားသခင်​သည် လှပ​ခြင်း​နှင့်​ပြည့်စုံ​သော ဇိအုန်​ပေါ်မှ ရောင်ခြည်​တော်​ကို​လွှတ်​တော်မူ​၏​။

ဟေ​ရှာ​ယ 30:22

သင်​တို့​သည် ငွေ​ဖြင့်​မွမ်းမံ​သော​ရုပ်တု​၊ ရွှေ​ဖြင့်​သွန်းလုပ်​သော​ရုပ်တု​တို့​ကို ညစ်ညူး​သည်​ဟု​မှတ်​လျက် ရာသီသွေး​စွန်း​သော​အဝတ်​ကဲ့သို့ လွှင့်ပစ်​၍ “​သွား​တော့​”​ဟု ဆို​လိမ့်မည်​။

ဟေ​ရှာ​ယ 64:11

အကျွန်ုပ်​တို့​၏​ဘိုးဘေး​များ ကိုယ်တော်​ကို​ချီးမွမ်း​ရာ​အရပ်​ဖြစ်​သည့် သန့်ရှင်း​၍ ဂုဏ်ကျက်သရေ​ရှိ​သော အကျွန်ုပ်​တို့​၏​အိမ်​တော်​သည် မီးလောင်​သွား​လေ​ပြီ​။ ကျွန်ုပ်​တို့​နှစ်သက်မြတ်နိုး​သော​အရာ​ရှိသမျှ​တို့​သည် ပျက်စီး​သွား​လေ​ပြီ​။

ယေ​ရ​မိ 7:14

သို့ဖြစ်၍ သင်​တို့​ယုံကြည်ကိုးစား​ရာ​ဖြစ်​သည့် ငါ့​နာမ​ဖြင့်​ခေါ်ဝေါ်သမုတ်​သော အိမ်​တော်​ကို​လည်းကောင်း​၊ သင်​တို့​နှင့်​သင်​တို့​ဘိုးဘေး​တို့​အား ငါ​ပေး​သော​ပြည်​ကို​လည်းကောင်း ရှိလော​အရပ်​၌ ပြု​ခဲ့​သည့်​နည်းတူ ငါ​ပြု​မည်​။

ယေ​ရ​မိ 7:30

ထာဝရဘုရား​က “အကယ်စင်စစ် ယုဒ​အမျိုးသား​တို့​သည် ငါ့​ရှေ့​၌ မကောင်းမှု​ကို​ပြု​ကြ​ပြီ​။ သူ​တို့​သည် ငါ့​နာမ​ဖြင့်​ခေါ်ဝေါ်သမုတ်​သော အိမ်​တော်​၌ ရွံရှာဖွယ်​ရုပ်တု​များ​ကို​ထား​၍ ညစ်ညူး​စေ​ကြ​ပြီ​။

မြည်​တမ်း​စ​ကား 1:10

ရန်သူ​တို့​သည် သူ​၏​အဖိုးတန်​ပစ္စည်း​အားလုံး​ကို လက်ဝါးကြီး​အုပ်​လေ​ပြီ​။ လူမျိုးခြား​တို့​သည် ကိုယ်တော်​၏​လူအစုအဝေး​ထဲသို့​မ​ဝင်​ရ​ဟု ကိုယ်တော်​မိန့်မှာ​တော်မူ​ခဲ့​သော်လည်း သန့်ရှင်းရာဌာန​တော်​အထိ​ပင် သူ​တို့​ဝင်ရောက်​ကြ​သည်​ကို သူ​တွေ့မြင်​ရ​လေ​ပြီ​။

မြည်​တမ်း​စ​ကား 2:1

ဘုရားရှင်​သည် ဇိအုန်​သမီးပျို​ကို အမျက်​တော်​မိုးတိမ်​ဖြင့် ဖုံးအုပ်​တော်မူ​ပြီ​တကား​။ မိုး​ထိ​မြင့်​သော​အစ္စရေး​လူမျိုး​၏​ဂုဏ်ကျက်သရေ​ကို မြေ​သို့​တိုင် ရှုတ်ချ​တော်မူ​ပြီ​။ အမျက်​တော်​ထွက်​ရာ​နေ့​၌ မိမိ​၏​ခြေတင်ခုံ​ကို မေ့ပစ်​တော်မူ​ပြီ​။

မြည်​တမ်း​စ​ကား 2:7

ဘုရားရှင်​သည် ယဇ်ပလ္လင်​ကို​စွန့်ပယ်​တော်မူ​ပြီ​။ သန့်ရှင်းရာဌာန​ကို စက်ဆုပ်​တော်မူ​ပြီ​။ နန်းတော်​တံတိုင်း​တို့​ကို​လည်း ရန်သူ့​လက်​သို့ အပ်လိုက်​တော်မူ​ပြီ​။ ရန်သူ​တို့​သည် ပွဲတော်​နေ့​ကဲ့သို့ပင် ထာဝရဘုရား​၏​အိမ်​တော်​၌ ကြွေးကြော်​ကြ​လေ​ပြီ​။

ယေ​ဇ​ကျေ​လ 11:18

ဘုရားရှင်​ထာဝရဘုရား​က ‘သူ​တို့​ပြန်လာ​ကြ​သောအခါ ထို​ပြည်​ရှိ စက်ဆုပ်​ရွံရှာဖွယ်​အမှု​ရှိသမျှ​တို့​ကို ဖယ်ရှား​ပစ်​ကြ​လိမ့်မည်​။

ယေ​ဇ​ကျေ​လ 16:16

သင်​သည် အဝတ်အစား​အချို့​ကို​ယူ​ပြီး အထွတ်အမြတ်​ထား​ရာ​နေရာ​တို့​ကို ရောင်စုံခြယ်​လျက် မ​လုပ်​သင့်​၊ မ​လုပ်ထိုက်​သော ဖောက်ပြန်မှားယွင်း​ခြင်း​ကို​ပြု​၏​။

ယေ​ဇ​ကျေ​လ 16:19

သင့်​အား ငါ​ထောက်ပံ့​ကျွေးမွေး​သော​အစားအစာ​ဖြစ်​သည့် အကောင်းဆုံး​ဂျုံမှုန့်​၊ သံလွင်ဆီ​၊ ပျားရည်​တို့​ကို သင်​သည် မွှေးကြိုင်​သော​ရနံ့​အဖြစ် သူ​တို့​အား ပူဇော်​လေ​ပြီ’​ဟု ဘုရားရှင်​ထာဝရဘုရား​မိန့်​တော်မူ​၏​။

ယေ​ဇ​ကျေ​လ 23:38

ထိုမျှသာမက ငါ့​ကို သူ​တို့​ပြု​သော​အမှု​ဟူမူကား ထို​နေ့​တွင်ပင် သန့်ရှင်းရာဌာန​ကို​ညစ်ညူး​စေ​၍ ဥပုသ်နေ့​ကို​ရှုတ်ချ​ကြ​၏​။

ယေ​ဇ​ကျေ​လ 24:21

‘အစ္စရေး​အမျိုးအနွယ်​အား ဘုရားရှင်​ထာဝရဘုရား​က ကြည့်ရှု​လော့​။ သင်​တို့​ဂုဏ်ယူ​အားထားရာ​၊ သင်​တို့​နှစ်သက်မြတ်နိုး​ရာ​၊ အလေးအမြတ်​ထား​ရာ ငါ​၏​သန့်ရှင်းရာဌာန​ကို ငါ​ညစ်ညူး​စေ​မည်​။ သင်​တို့​စွန့်ထား​ခဲ့​သော သင်​တို့​၏​သား​သမီး​တို့​သည် ဓား​ဖြင့်​သေ​ရ​မည်​။

ယေ​ဇ​ကျေ​လ 5:11

ဘုရားရှင်​ထာဝရဘုရား​က ‘စင်စစ် သင်​ပြု​သော စက်ဆုပ်​ရွံရှာဖွယ်​အမှု​အပေါင်း​တို့​သည် ငါ​၏​သန့်ရှင်းရာဌာန​ကို ညစ်ညူး​စေ​ပြီ​ဖြစ်၍ ငါ​အသက်ရှင်​သည်​နှင့်အညီ သင့်​ကို မ​သနား​၊ မ​ညှာတာ​ဘဲ သုတ်သင်​ပစ်​မည်​။

ယေ​ဇ​ကျေ​လ 7:22

သူ​တို့​ကို ငါ​မျက်နှာ​လွှဲ​ထား​သဖြင့် သူ​တို့​သည် ငါ​မြတ်နိုး​သော​နေရာ​ကို ညစ်ညူး​စေ​ကြ​မည်​။ ဓားပြ​တို့​သည်​လည်း ထို​နေရာ​သို့​ဝင်ရောက်​၍ ညစ်ညူး​စေ​ကြ​မည်​။

ယေ​ဇ​ကျေ​လ 9:7

“​သွား​၍ အိမ်​တော်​ကို ညစ်ညူး​အောင်​လုပ်​ကြ​။ ဝင်း​တော်​ကို အသေကောင်​များ​ဖြင့် ပြည့်​စေ​ကြ​”​ဟု မိန့်​တော်မူ​သဖြင့် သူ​တို့​လည်း မြို့​ထဲသို့​သွား​၍ လူ​တို့​ကို သတ်ပစ်​ကြ​လေ​၏​။

ဟ္ဂဲ 2:3

‘ရှေးယခင်​က​ဘုန်းအသရေ​နှင့်​ရှိ​နေ​ခဲ့​သော​ဤ​အိမ်​တော်​ကို မြင်​ခဲ့​ဖူး​သူ သင်​တို့​တွင် ရှိ​သေး​သလော​။ ယခု သင်​တို့​မည်သို့​မြင်​သနည်း​။ ယခင်​အိမ်​တော်​နှင့် လားလား​မျှ​မ​တူ​ဟု သင်​တို့​မြင်​မိ​သလော​။

သူ​ကြီး 8:24

သို့သော် ဂိဒေါင်​က “သင်​တို့​ဆီ​မှ တစ်​ခု​ကို တောင်းဆို​လို​ပါ​သည်​။ သင်​တို့​ရ​ထား​သော လုယူပစ္စည်း​များ​ထဲမှ နားကွင်း​တစ်ကွင်းစီ​ကို ငါ့​အား ပေး​ကြ​လော့​”​ဟု သူ​တို့​အား ဆို​၏​။ (​မိဒျန်​လူမျိုး​တို့​သည် ဣရှမေလ​လူမျိုး​တို့​ကဲ့သို့ ရွှေ​နားကွင်း​များ​ကို ဝတ်ဆင်​တတ်​ကြ​၏​။​)

သူ​ကြီး 8:27

ဂိဒေါင်​သည် ထို​ရွှေ​များ​ဖြင့် ဧဖုဒ်​သွန်းလုပ်​၍ သူ​နေထိုင်​ရာ ဩဖရ​မြို့​တွင် ပြသ​ထား​၏​။ အစ္စရေး​လူမျိုး​အပေါင်း​တို့​သည် ထို​အရာ​အားဖြင့် ဖောက်ပြန်မှားယွင်း​ကြ​၏​။ ဤ​အရာ​သည် ဂိဒေါင်​နှင့် သူ့​အိမ်သူအိမ်သား​တို့​အတွက် ထောင်ချောက်​ကဲ့သို့ ဖြစ်လာ​၏​။