ယေ​ဇ​ကျေ​လ 6:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ ထိုသို့ ဖမ်းသွား​ခြင်း​ခံရ​၍ လူမျိုးခြား​တို့​အလယ်​ရောက်ရှိ​နေ​သော ကြွင်းကျန်သူ​တို့​သည် စိတ်နှလုံး​ဖောက်ပြန်​၍ ငါ့​ထံမှ​လမ်းလွဲ​သွား​သောကြောင့်​၊ မျက်စိ​ဖောက်ပြန်​၍ ရုပ်တု​များ​နောက်သို့ လိုက်သွား​ခဲ့​သောကြောင့် ငါ​မည်မျှ​ရင်ကျိုး​ခဲ့​ရ​သည်​ကို သူ​တို့​သိနားလည်​လာ​ကြ​လိမ့်မည်​။ သူ​တို့​ပြု​ခဲ့​သော စက်ဆုပ်ရွံရှာဖွယ်​မကောင်းမှု​များ​ကြောင့် သူ​တို့​ကိုယ်​သူ​တို့ စက်ဆုပ်ရွံရှာ​ကြ​လိမ့်မည်​။

Common Language Bible

⁹ သူ​တို့​သည်​ထို​အ​ရပ်​များ​တွင်​ပြည်​နှင်​ဒဏ် ခံ​ရ​သူ​များ​ကဲ့​သို့​နေ​ရ​ကြ​လိမ့်​မည်။ ထို အ​ခါ​လွတ်​မြောက်​လာ​သူ​တို့​သည်​ငါ့​ကို သ​တိ​ရ​ကြ​လိမ့်​မည်။ မိ​မိ​တို့​၏​သစ္စာ​မဲ့ သော​စိတ်​နှ​လုံး​ဖြင့်​ငါ့​အား​စွန့်​ပယ်​ကာ ရုပ်​တု တို့​ကို​ငါ့​ထက်​ပို​၍​မြတ်​နိုး​ကြ​သည့်​အ​တွက် ငါ​သည်​အ​ဘယ်​မျှ​ဝမ်း​နည်း​ကြောင်း​သိ​ရှိ နား​လည်​လာ​ကြ​လိမ့်​မည်။ ထို​နောက်​သူ တို့​သည်​မိ​မိ​တို့​ပြု​ခဲ့​သည့်​ဆိုး​ညစ် ယုတ်​မာ​မှု​များ​အ​တွက် မိ​မိ​တို့​ကိုယ်​ကို စက်​ဆုပ်​ရွံ​ရှာ​လာ​ကြ​လိမ့်​မည်။-

Garrad Bible

⁹ ဘေး လွတ် ရ သူ တို့ သည် ကိုယ့် ရုပ် ပွား ဆင်း တု များ နှင့် မှား ယွင်း သော မျက် စိ၊ အ ထံ တော် မှ ပြန် ဆုတ် မှား ယွင်း သော စိတ် နှ လုံး ကို ချေ ခွဲ ပြီး သော ငါ့ အား သုံ့ ပန်း ခံ၍ နေ ရ သော လူ မျိုး ခြား တို့ ဘောင် တွင် သ တိ ရ လျက်၊ ပြု ဖူး သ မျှ သော ရွံ ရှာ ဖွယ် ဆိုး သွမ်း မှု များ အ တွက်၊ ကိုယ် ကို စက် ဆုပ်၍၊

Judson Bible

⁹ ငါ့​ကို​စွန့်​ပစ်၍ မှား​ယွင်း​တတ်​သော နှ​လုံး​ကို​လည်း​ကောင်း၊ ရုပ်​တု​ဆင်း​တု​တို့​နှင့် မှား​ယွင်း​လို​သ​ဖြင့် လိုက်၍​ကြည့်​သော မျက်​စိ​တို့​ကို​လည်း​ကောင်း ငါ​ပယ်​ဖျက်​သော​အ​ခါ၊ လွတ်​သော​သူ​တို့​သည် သိမ်း​သွား​ခြင်း​ကို​ခံ​ရာ အ​ပြည်​ပြည်​တို့၌ ငါ့​ကို​အောက်​မေ့​ကြ​လိမ့်​မည်။ ပြု​မိ​သ​မျှ​သော စက်​ဆုပ်​ရွံ​ရှာ​ဖွယ်​အ​မှု​တို့​ကြောင့် ကိုယ်​ကို​ကိုယ် ရွံ​ရှာ​ကြ​လိမ့်​မည်။

ယေ​ဇ​ကျေ​လ 6:9 Referencias Cruzadas

၄ ရာ 16:10

ထို့နောက်တွင် အာခတ်​မင်းကြီး​သည် အဆီးရီးယား​ဘုရင်​တိဂလတ်ပိလေသာ​မင်းကြီး​နှင့်​တွေ့ဆုံ​ရန် ဒမတ်စကပ်​မြို့​သို့ သွား​၏​။ အာခတ်​မင်းကြီး​သည် ဒမတ်စကပ်​မြို့​ရှိ​ယဇ်ပလ္လင်​ကို တွေ့​လျှင် ထို​ယဇ်ပလ္လင်​၏​ပုံစံ​၊ တည်ဆောက်ပုံ​အဆင့်ဆင့်​တို့​ကို ယဇ်ပုရောဟိတ်​ဥရိယ​ထံသို့ ပေးပို့​လိုက်​၏​။

ယောဘဝတ္တု။ 42:6

ထို့ကြောင့် ကိုယ့်ကိုယ်ကို ရွံရှာ​မိ​ပါ​၏​။ နောင်တရ​လျက် မြေမှုန့်​ထဲ​၊ ပြာပုံ​ထဲမှာ ထိုင်​နေ​ရ​ပါ​၏”​ဟု လျှောက်​လေ​၏​။

ဆာ​လံ 137:1

ငါ​တို့​သည် ဘေဘီလုံ​မြစ်​တို့​အနား​တွင် ထိုင်​၍ ဇိအုန်​ကို​သတိရ​လျက် ငိုကြွေး​ကြ​၏​။

ဆာ​လံ 78:40

သူ​တို့​သည် တောကန္တာရ​၌ ဘယ်နှကြိမ်​ဘယ်နှခါ​မျှ ကိုယ်တော်​ကို​ပုန်ကန်​ကြ​ပြီး ကန္တာရမြေ​၌ ကိုယ်တော်​ကို​စိတ်ထိခိုက်​စေ​ခဲ့​ကြ​သနည်း​။

ဟေ​ရှာ​ယ 43:24

သင်​သည် ခါနဲ​ကို ငါ့​အတွက် ငွေ​ဖြင့်​မ​ဝယ်​။ သင့်​ယဇ်ကောင်​တို့​၏​အဆီ​နှင့် ငါ့​အား ကျေနပ်အားရမှု​ကို​မ​ဖြစ်​စေ​။ သင့်​အပြစ်​များ​ဖြင့် ငါ့​ကို​ဝန်လေး​စေ​၏​။ သင့်​ဒုစရိုက်​များ​ဖြင့် ငါ့​ကို​ပင်ပန်း​စေ​၏​။

ဟေ​ရှာ​ယ 63:10

သို့သော် သူ​တို့​သည်​ပုန်ကန်​ခြင်း​ဖြင့် သန့်ရှင်း​သော​ဝိညာဉ်​တော်​ကို ဝမ်းနည်း​စေ​ခဲ့​သောကြောင့် ကိုယ်တော်​သည် သူ​တို့​၏​ရန်သူ​ဖြစ်သွား​၍ သူ​တို့​ကို​တိုက်ခိုက်​တော်မူ​၏​။

ဟေ​ရှာ​ယ 64:6

အကျွန်ုပ်​တို့​အားလုံး​သည် မစင်ကြယ်​သော​သူ​ကဲ့သို့​ဖြစ်​ကြ​၏​။ အကျွန်ုပ်​တို့​၏​ဖြောင့်မတ်​သော​လုပ်ဆောင်မှု​ရှိသမျှ​သည်​လည်း ညစ်ပေ​သော​အဝတ်​နှင့်​တူ​ကြ​ပါ​၏​။ အကျွန်ုပ်​တို့​အားလုံး​သည် သစ်ရွက်​ကဲ့သို့​ညှိုးနွမ်း​၍ အကျွန်ုပ်​တို့​၏​ဒုစရိုက်​များ​သည်​လည်း လေ​ကဲ့သို့ အကျွန်ုပ်​တို့​ကို တိုက်ချ​၏​။

ဟေ​ရှာ​ယ 7:13

ထိုအခါ ဟေရှာယ​က “​ဒါဝိဒ်​အမျိုးအနွယ်​တို့​၊ နားထောင်​လော့​။ သင်​တို့​သည် လူ​တို့​ကို​စိတ်ပင်ပန်း​စေ​သည်​မှာ နည်း​သေး​၍ ငါ​၏​ဘုရားသခင်​ကို​ပါ စိတ်ပင်ပန်း​စေ​ကြ​မည်လော​။

ယေ​ရ​မိ 3:13

သင်​၏​ဒုစရိုက်​တို့​ကို ဝန်ခံ​လော့​။ သင်​သည် သင်​၏​ဘုရားသခင်​ထာဝရဘုရား​ကို​ပုန်ကန်​၍ စိမ်းလန်း​သော​သစ်ပင်​ရှိသမျှ​အောက်​၌ တစ်ပါးအမျိုးသား​တို့​နှင့် မွေ့လျော်​၏​။ ငါ့​စကား​ကို​လည်း သင်​နား​မ​ထောင်​’​ဟု ထာဝရဘုရား​မိန့်​တော်မူ​၏​။

ယေ​ရ​မိ 3:6

ယောရှိ​မင်းကြီး​လက်ထက်​တွင်​လည်း ငါ့​အား ထာဝရဘုရား​မိန့်ဆို​တော်မူ​၏​။ “​လမ်းလွဲဖောက်ပြန်​သော​အစ္စရေး​လူမျိုး​ပြု​သော​အမှု​ကို သင်​မြင်​ပြီ​လော​။ သူ​သည် မြင့်မား​သော​တောင်​ပေါ်​နှင့် စိမ်းလန်း​သော​သစ်ပင်​အောက် ရှိသမျှ​တို့​သို့​သွား​၍ ပြည့်တန်ဆာလုပ်​လေ​ပြီ​။

ယေ​ရ​မိ 51:50

ဓားဘေး​မှ လွတ်မြောက်​သော​သူ​တို့​၊ ထွက်သွား​ကြ​။ ရပ်​မ​နေ​ကြ​နှင့်​။ ထာဝရဘုရား​ကို အဝေး​မှ​အောက်မေ့​ကြ​။ ဂျေရုဆလင်​မြို့​ကို သတိရ​ကြ​။

ယေ​ဇ​ကျေ​လ 12:16

သူ​တို့​ပြု​ခဲ့​သော စက်ဆုပ်ရွံရှာဖွယ်​ရာ​တို့​ကို သူ​တို့​ရောက်သွား​သော​လူမျိုးတကာ​အလယ်​၌ ပြောပြ​နိုင်​မည့်​အကြောင်း သူ​တို့​အထဲ​မှ လူ​အနည်းငယ်​ကို ဓားဘေး​၊ ငတ်မွတ်ခေါင်းပါး​ခြင်း​ဘေး​၊ ကပ်ရောဂါ​ဘေး​တို့​မှ လွတ်မြောက်​စေ​မည်​။ သို့မှ ငါ​သည် ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်​”​ဟု မိန့်ဆို​၏​။

ယေ​ဇ​ကျေ​လ 16:43

ဘုရားရှင်​ထာဝရဘုရား​က ‘သင်​၏​ငယ်ဘဝ​ကို မေ့​ထား​ပြီး ညစ်ညမ်း​သော​အမှု​၊ စက်ဆုပ်ရွံရှာဖွယ်​အမှု​ရှိသမျှ​တို့​ကို ပြု​ခြင်း​ဖြင့် ငါ့​ကို​ဒေါသထွက်​စေ​သောကြောင့် သင်​ပြု​ခဲ့​သမျှ​တို့​ကို သင့်​ခေါင်း​ပေါ် ပြန်ရောက်​စေ​မည်​။ ထို​အမှု​အပေါင်း​တို့​ကို သင်​မ​ပြု​တော့​နှင့်​။

ယေ​ဇ​ကျေ​လ 16:61

သင်​သည် သင့်​အစ်မ​၊ သင့်​ညီမ​တို့​ကို ပြန်လည်​လက်ခံ​သောအခါ သင်​ပြု​ခဲ့​သော​အမှု​များ​ကို​ပြန်သတိရ​၍ ရှက်​လိမ့်မည်​။ သို့သော် သင်​နှင့်​ဖွဲ့​ခဲ့​သော ပဋိညာဉ်​အားဖြင့်​မ​ဟုတ်​သော်လည်း ထို​သူ​တို့​ကို သင့်​အား သမီး​များ​အဖြစ် ငါ​ပေး​မည်​။

ယေ​ဇ​ကျေ​လ 16:63

ငါ​သည် သင်​ပြု​ခဲ့​သမျှ​တို့​ကို ခွင့်လွှတ်​ပေး​သောအခါ သင်​လုပ်​ခဲ့​သော​ရှက်ဖွယ်​လုပ်ရပ်​ကို သင်​အောက်မေ့​၍ ရှက်​သောကြောင့် နှုတ်​ပင်​ဟ​နိုင်​တော့​မည်​မ​ဟုတ်’​ဟု ဘုရားရှင်​ထာဝရဘုရား မိန့်​တော်မူ​၏”​ဟု မိန့်ဆို​၏​။

ယေ​ဇ​ကျေ​လ 20:24

အကြောင်းမူကား သူ​တို့​သည် ငါ​၏​စီရင်ထုံးဖွဲ့ချက်​တို့​ကို​မ​လိုက်လျှောက်​၊ ငါ​၏​ပြဋ္ဌာန်းချက်​တို့​ကို​ငြင်းပယ်​၍ ဥပုသ်နေ့​ကို​လည်း ညစ်ညူး​စေ​သည့်​အပြင် ဘိုးဘေး​တို့​၏​ရုပ်တု​များ​နောက်သို့ လိုက်ပါ​သွား​ကြ​၏​။

ယေ​ဇ​ကျေ​လ 20:28

သူ​တို့​အား​ပေး​မည်​ဟု ငါ​ကျိန်ဆို​ခဲ့​သည့်​အတိုင်း သူ​တို့​ကို ထို​ပြည်​သို့ ငါ​ခေါ်ဆောင်​လာ​သောအခါ သူ​တို့​သည် ကုန်းမြင့်​များ​၊ စိမ်းလန်း​သော​သစ်ပင်​များ​ကို မြင်​လျှင် ထို​နေရာ​တို့​၌ ယဇ်ပူဇော်​၍ ငါ့​အမျက်​ကို​နှိုးဆော်​သော ပူဇော်သက္ကာ​ကို ပူဇော်​ကြ​၏​။ မွှေးကြိုင်​သော​နံ့သာပေါင်း​ကို​လည်း တင်လှူ​၍ သွန်းလောင်းရာပူဇော်သက္ကာ​ကို​လည်း သွန်းလောင်း​ပူဇော်​ကြ​၏​။

ယေ​ဇ​ကျေ​လ 20:43

ကိုယ့်ကိုယ်ကိုယ် ညစ်ညူး​စေ​ခဲ့​သော သင်​တို့​၏​အပြုအမူ​အကျင့်အကြံ​တို့​ကို ထို​ပြည်​တွင် ပြန်လည်​သတိရ​၍ သင်​တို့​ပြု​ခဲ့​သော​မကောင်းမှု​များ​ကြောင့် သင်​တို့​ကိုယ်​သင်​တို့ စက်ဆုပ်​ကြ​လိမ့်မည်​။

ယေ​ဇ​ကျေ​လ 20:7

ငါ​သည် သူ​တို့​အား ‘သင်​တို့​ကိုးစား​သော စက်ဆုပ်ရွံရှာဖွယ်​ရာ​များ​ကို စွန့်ပစ်​လော့​။ အီဂျစ်​ရုပ်တု​များ​ဖြင့် ကိုယ့်ကိုယ်ကိုယ်​မ​ညစ်ညူး​စေ​နှင့်​။ ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏’​ဟု မိန့်ဆို​ခဲ့​၏​။

ယေ​ဇ​ကျေ​လ 23:30

လူမျိုး​တကာ​တို့​နှင့်​ဖောက်ပြန်မှားယွင်း​ပြီး သူ​တို့​၏​ရုပ်တု​များ​ဖြင့် ကိုယ့်ကိုယ်ကိုယ်​ညစ်ညူး​စေ​သောကြောင့် သင့်​ကို ဤသို့​ငါ​စီရင်​မည်​။

ယေ​ဇ​ကျေ​လ 5:13

‘သို့မှ ငါ့​အမျက်ပြေ​မည်​။ သူ​တို့​ကို အမျက်ဒဏ်​ခံ​စေ​ပြီးမှ ငါ့​စိတ်ချင်ရဲပြေ​မည်​။ ငါ့​အမျက်​ငြိမ်း​ပြီးမှ ငါ​ထာဝရဘုရား စိတ်အားကြီး​စွာ​ဖြင့် မိန့်ဆို​ခဲ့​ကြောင်း​ကို သူ​တို့​သိ​ရ​ကြ​လိမ့်မည်​။

ယေ​ဇ​ကျေ​လ 6:10

ငါ​သည် သူ​တို့​အပေါ် ဘေးအန္တရာယ်​ကျရောက်​စေ​မည်​ဟု မိန့်ဆို​သည်​မှာ အကြောင်းမဲ့​မ​ဟုတ်​။ ဤနည်းဖြင့် ငါ​သည် ထာဝရဘုရား​ဖြစ်ကြောင်း သူ​တို့​သိ​ရ​လိမ့်မည်​ဟူ၍ မိန့်​တော်မူ​သည်’​ဟု သူ​တို့​ကို ဆန့်ကျင်​၍ ပရောဖက်ပြု​ဟောပြော​လော့​။

ယေ​ဇ​ကျေ​လ 7:16

ထို​ဘေး​မှ​လွတ်​၍ အသက်ရှင်​ကျန်ရစ်​သော​သူ​တို့​သည်​လည်း သူ​တို့​အပြစ်​ကြောင့် ချိုင့်ဝှမ်း​ရှိ​ခိုငှက်​ကဲ့သို့ တောင်​ပေါ်တွင် ညည်းညူ​နေ​လိမ့်မည်​။

ဟော​ရှေ 11:8

အို ဧဖရိမ်​၊ သင့်​ကို မည်သို့​စွန့်ပစ်​နိုင်​မည်နည်း​။ အို အစ္စရေး​၊ သင့်​ကို မည်သို့​အပ်နှံ​နိုင်​မည်နည်း​။ အာဒမာ​မြို့​ကဲ့သို့ သင့်​ကို​မည်သို့​ဖြစ်​စေ​နိုင်​မည်နည်း​။ ဇေဘိုင်​မြို့​ကဲ့သို့ သင့်​ကို​မည်သို့​ဖြစ်​စေ​နိုင်​မည်နည်း​။ ငါ​သည် စိတ်ပြောင်း​ပြီး သနားကြင်နာစိတ် တစ်စတစ်စ​တိုးပွား​လာ​ပြီ​။

အာ​မုတ် 2:13

ကြည့်ရှု​လော့​။ လှည်း​သည် ကောက်လှိုင်း​အပြည့်​နှင့် အဖိ​ခံရ​သကဲ့သို့ သင်​တို့​ကို ငါ​ဖိချ​မည်​။

မိက္ခာ 5:13

သင်​၏​ရုပ်တုဆင်းတု​များ​၊ အထိမ်းအမှတ်​ကျောက်တိုင်​များ​ကို​လည်း သင့်​ထံမှ ငါ​ဖယ်ရှား​ပစ်​မည်​။ သင့်​လက်​ဖြင့် ထုလုပ်​သော​ဘုရား​များ​ကို သင်​ရှိခိုးကိုးကွယ်​ရ​တော့​မည်​မ​ဟုတ်​။

ဇာ​ခ​ရိ 10:9

ငါ​သည် သူ​တို့​ကို လူမျိုးတကာ​တို့​ထံ ကွဲလွင့်​စေ​ခဲ့​သော်လည်း သူ​တို့​သည် ရပ်ဝေး​၌ပင် ငါ့​ကို​သတိရ​ကြ​လိမ့်မည်​။ သူ​တို့​သည် သားသမီး​များ​နှင့်တကွ အသက်ရှင်​လျက် ပြန်လာ​ရ​ကြ​လိမ့်မည်​။

တော​လည် 15:39

သင်​တို့​၌ ထို​ပန်းဖွား​ရှိ​ရ​ခြင်း​မှာ ထို​ပန်းဖွား​ကို သင်​တို့​မြင်​သောအခါ သင်​တို့​ကို​ဖောက်ပြန်မှားယွင်း​စေ​သော သင်​တို့​၏​စိတ်​အလို​၊ မျက်စိ​အလို နောက်သို့​မ​လိုက်​ဘဲ ထာဝရဘုရား​၏​ပညတ်တော်​အလုံးစုံ​ကို အောက်မေ့​၍ ပညတ်တော်​တို့​ကို ကျင့်ဆောင်​ကြ​စေရန်​ဖြစ်​၏​။

၂ ပေ 2:14

သူ​တို့​၏​မျက်စိ​သည် ဖောက်ပြန်​လို​သော​ဆန္ဒ​နှင့်​ပြည့်နှက်​၍ အပြစ်​ပြု​ရာ​မှ​ရပ်တန့်​ခြင်း​မ​ရှိ​ကြ။ သူ​တို့​သည် စိတ်​မ​တည်ကြည်​သော​သူ​တို့​ကို လှည့်ဖြား​ဆွဲဆောင်​လျက် လောဘ​လွန်ကျူး​ခြင်း​၌​ကျင့်သားရ​သော စိတ်နှလုံး​ရှိ​၍ ကျိန်ဆဲ​ခြင်း​၏​သားသမီး​များ​ဖြစ်​ကြ​၏။