ယေ​ဇ​ကျေ​လ 46:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ ပြည်သူပြည်သား​တို့​သည် သတ်မှတ်​ထား​သော​ပွဲတော်​အချိန်​တွင် ထာဝရဘုရား​ရှေ့​တော်​သို့ လာရောက်​ပျပ်ဝပ်ရှိခိုး​ကြ​သောအခါ မြောက်ဘက်​မုခ်ဆောင်​မှ ဝင်​သော​သူ​သည် တောင်ဘက်​မုခ်ဆောင်​မှ ပြန်ထွက်​ရ​မည်​။ တောင်ဘက်​မုခ်ဆောင်​မှ ဝင်​သော​သူ​သည် မြောက်ဘက်​မုခ်ဆောင်​မှ ပြန်ထွက်​ရ​မည်​။ ဝင်လာ​သော​မုခ်ဆောင်​မှ ပြန်​မ​ထွက်​ရ​။ ဆန့်ကျင်​ဘက်​မုခ်ဆောင်​မှ ထွက်​ရ​မည်​။

Common Language Bible

⁹ ``မည်​သည့်​ပွဲ​နေ့​၌​မ​ဆို​ထာ​ဝ​ရ​ဘု​ရား အား​ဝတ်​ပြု​ကိုး​ကွယ်​ရန်​လူ​တို့​လာ​ရောက် ကြ​ရာ​တွင်​မြောက်​တံ​ခါး​မှ​ဝင်​သူ​တို့​သည် ကိုး​ကွယ်​ဝတ်​ပြု​ပြီး​လျှင်​တောင်​တံ​ခါး​မှ ထွက်​ရ​ကြ​မည်။ တောင်​တံ​ခါး​မှ​ဝင်​ကြ​လျှင် မြောက်​တံ​ခါး​မှ​ထွက်​ရ​ကြ​မည်။ အ​ဘယ် သူ​မျှ​မိ​မိ​လာ​လမ်း​အ​တိုင်း​မ​ပြန်​ရ​ကြ။ လူ​တိုင်း​ပင်​မိ​မိ​တို့​ဝင်​ရာ​တံ​ခါး​ဖြင့်​မ ပြန်​ဘဲ​တည့်​တည့်​သွား​၍​ထွက်​ရ​ကြ​မည်။-

Garrad Bible

⁹ ပြု မြဲ ပွဲ များ၌ ထာ ဝ ရ ဘု ရား ထံ တိုး ဝင် သော ပြည် သူ ပြည် သား တို့ သည်၊ မြောက် တံ ခါး ဖြင့် ရှိ ခိုး ရန် ဝင် ရောက် လျှင်၊ တောင် တံ ခါး ဖြင့်လည်း ကောင်း၊ တောင် တံ ခါး ဖြင့် ဝင် ရောက် လျှင်၊ မြောက် တံ ခါး ဖြင့်လည်း ကောင်း၊ ဝင် ရောက် ရာ တံ ခါး ဖြင့် မ ပြန် ဘဲ၊ တည့် တည့် သွား၍ ထွက် ကြ ရ မည်။

Judson Bible

⁹ ပြည်​သူ​ပြည်​သား​တို့​သည် ဓ​မ္မ​ပွဲ​ခံ​ချိန်​ကာ​လ၌၊ ထာ​ဝ​ရ​ဘု​ရား​ရှေ့​တော်​သို့ ဝင်​သော​အ​ခါ၊ ဦး​ညွှတ်​ချ​ခြင်း​ငှာ မြောက်​တံ​ခါး​ဖြင့် ဝင်​သော​သူ​သည် တောင်​တံ​ခါး​ဖြင့် ထွက်​ရ​မည်။ တောင်​တံ​ခါး​ဖြင့် ဝင်​သော​သူ​သည် မြောက်​တံ​ခါး​ဖြင့် ထွက်​ရ​မည်။ ဝင်​သော​တံ​ခါး​ဖြင့် မ​ထွက်​ရ။ ဝင်​သော​တံ​ခါး တစ်​ဖက်​တစ်​ချက်၌​ရှိ​သော တံ​ခါး​ဖြင့်​ထွက်​ရ​မည်။

ယေ​ဇ​ကျေ​လ 46:9 Referencias Cruzadas

ဆာ​လံ 84:7

သူ​တို့​သည် ခွန်အားတိုးသည်ထက်တိုးလာ​လျက်​၊ သွား​ကြ​လျက် ဇိအုန်​၌​ရှိ​တော်မူ​သော​ဘုရားသခင်​ကို ဖူးမြင်​ရ​ကြ​ပါ​လိမ့်မည်​။

ထွက်​မြောက် 34:23

ယောက်ျား​အပေါင်း​တို့​သည် အစ္စရေး​လူမျိုး​၏​ဘုရား​ဖြစ်​သော ထာဝရဘုရား​သခင်​ရှေ့​တော်​၌ တစ်​နှစ်​လျှင်​သုံး​ကြိမ် မျက်နှာလာပြ​ရ​မည်​။

ယေ​ဇ​ကျေ​လ 1:12

သူ​တို့​သည် မျက်နှာမူ​ရာ​သို့သာ တည့်တည့်​သွား​တတ်​၏​။ သွား​သောအခါ ဟိုဘက်​သည်ဘက်​မ​လှည့်​ဘဲ ဝိညာဉ်​တော်​ညွှန်ပြ​ရာ​သို့​သာ​သွား​၏​။

ယေ​ဇ​ကျေ​လ 1:17

သွား​သောအခါ​တွင်​လည်း ဟိုဘက်​သည်ဘက်​မ​ကွေ့​ဘဲ သတ္တဝါ​တို့​မျက်နှာမူ​ရာ လေးဘက်လေးတန်​သို့သာ သွား​တတ်​၏​။

ယေ​ဇ​ကျေ​လ 36:38

ဆိတ်ညံ​ခဲ့​သော​မြို့​တို့​သည် သတ်မှတ်​ထား​သော​ပွဲတော်​ကာလ​တွင် ဂျေရုဆလင်​မြို့​၌ ယဇ်ပူဇော်​ရန်​သိုး​များ​နှင့် ပြည့်နှက်​နေ​သကဲ့သို့ လူအုပ်​များ​နှင့် ပြည့်​နေ​လိမ့်မည်​။ သို့မှ ငါ​သည် ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်’​ဟူ၍ မိန့်​တော်မူ​ကြောင်း ဆင့်ဆို​လော့”​ဟု မိန့်ဆို​၏​။

ယေ​ဇ​ကျေ​လ 40:24

ထို့နောက် သူ​သည် ငါ့​ကို တောင်ဘက်​သို့​ခေါ်ဆောင်​သွား​ရာ တောင်ဘက်​တွင်​လည်း မုခ်ဆောင်​တစ်​ခု​ရှိ​သည်​ကို တွေ့​ရ​၏​။ ထို​မုခ်ဆောင်​၏​တိုင်​၊ ဆင်ဝင်​တို့​ကို​တိုင်း​ရာ အခြား​မုခ်ဆောင်​တို့​နှင့် အတူတူ​ပင်​ဖြစ်​၏​။

ယေ​ဇ​ကျေ​လ 44:24

အမှုအခင်း​ဖြစ်၍ တရားစီရင်​မည်​ဆိုလျှင် ငါ့​စီရင်ထုံးဖွဲ့ချက်​အတိုင်း စီရင်​ရ​မည်​။ ငါ​သတ်မှတ်​ထား​သော​ပွဲတော်​ဆိုင်ရာ ငါ့​ပညတ်ချက်​၊ ငါ့​ပြဋ္ဌာန်းချက်​တို့​ကို​လည်း ထိန်းသိမ်း​ရ​မည်​။ ငါ့​ဥပုသ်နေ့​ကို​လည်း သန့်ရှင်း​စေ​ရ​မည်​။

ယေ​ဇ​ကျေ​လ 8:14

တစ်ဖန် ငါ့​အား မြောက်ဘက်​ရှိ ထာဝရဘုရား​၏​အိမ်​တော်​တံခါးဝ​သို့ ဆောင်သွား​ရာ ထို​နေရာ​၌ မိန်းမ​တို့​သည် တမ္မုဇ​နတ်ဘုရား​အတွက် ထိုင်​ငို​နေ​ကြ​သည်​ကို ငါ​တွေ့​ရ​၏​။

မိက္ခာ 6:6

ငါ​သည် ထာဝရဘုရား​ထံ မည်သည့်​အရာ ယူလာ​ပြီး အမြင့်ဆုံး​သော​ဘုရားသခင်​ကို ရှိခိုး​ရ​မည်နည်း​။ အထံ​တော်​သို့ တစ်နှစ်သားအရွယ်​နွားသငယ်​ကို မီးရှို့ရာယဇ်​အဖြစ် ယူလာ​ရ​မည်လော​။

မာ​လ​ခိ 4:4

အစ္စရေး​လူမျိုး​အပေါင်း​တို့​အဖို့ ဟောရပ်​အရပ်​၌ မောရှေ​အား ငါ​မိန့်မှာ​ခဲ့​သည့် ပြဋ္ဌာန်းချက်​များ​၊ စီရင်ထုံးဖွဲ့ချက်​များ​ပါ​သော ငါ့​အစေအပါး​မောရှေ​၏​ပညတ်တရား​ကို အောက်မေ့​ကြ​လော့​။

တ​ရား​ဟော 16:16

ယောက်ျား​အပေါင်း​တို့​သည် တဆေးမဲ့မုန့်​ပွဲတော်​၌​တစ်ကြိမ်​၊ ခုနစ်သီတင်း​မြောက်​ပွဲတော်​၌​တစ်ကြိမ်​၊ ယာယီတဲစု​ပွဲတော်​၌​တစ်ကြိမ် တစ်​နှစ်​လျှင်​သုံး​ကြိမ် သင်​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​၊ ထာဝရဘုရား​၏​ရှေ့​တော်​၌ မျက်နှာ​လာ​ပြ​ရ​မည်​။ ထာဝရဘုရား​၏​ရှေ့​တော်​သို့ မည်သူ​မျှ လက်ချည်းသက်သက်​မ​လာ​ရ​။

ဟေ​ဗြဲ 10:38

ငါ​၏​ဖြောင့်မတ်​သော​သူ​သည် ယုံကြည်​ခြင်း​အားဖြင့်​အသက်ရှင်​မည်။ သူ​သည် တွန့်ဆုတ်​လျှင် ငါ​၏​စိတ်​ဝိညာဉ်​သည် သူ့​ကို​နှစ်သက်​မည်​မ​ဟုတ်”​ဟူ၍ ဖော်ပြ​ထား​၏။