ယေ​ဇ​ကျေ​လ 46:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ မင်းသား​သည် ပြည်သူ​တို့​ပိုင်ဆိုင်​သော​အမွေမြေ​ကို အနိုင်အထက်​မ​လုယူ​ရ​။ သူ့​သား​များ​အား သူ​ပိုင်ဆိုင်​သော​မြေ​ထဲမှ အမွေခွဲဝေ​ပေး​ရ​မည်​။ သို့မှ ငါ့​လူမျိုး​တော်​တစ်စုံတစ်ယောက်​မျှ သူ​တို့​ပိုင်ဆိုင်​သော​အမွေမြေ​မှ ကွဲလွင့်​သွား​ရ​တော့​မည်​မ​ဟုတ်’​ဟူ၍ မိန့်​တော်မူ​သည်”​ဟု မိန့်ဆို​၏​။

Common Language Bible

¹⁸ ငါ​၏​လူ​မျိုး​တော်​ဝင်​တို့​ပိုင်​မြေ​ယာ​များ ကို​သိမ်း​ယူ​ခြင်း​အား​ဖြင့် သူ​တို့​အား​မ နှင်​ထုတ်​နိုင်​စေ​ရန်​မင်း​သား​သည်​မိ​မိ​၏ သား​တို့​အား​မိ​မိ​ပိုင်​မြေ​ယာ​မှ​သာ​ပေး ရ​မည်။ ငါ​၏​လူ​မျိုး​တော်​သည်​မိ​မိ​ပိုင် မြေ​မှ​မ​ခွဲ​ခွာ​စေ​ရ'' ဟု​မိန့်​တော်​မူ​၏။

Garrad Bible

¹⁸ ထို နည်း တူ ပြည့် ရှင် မင်း သည်၊ ငါ့ လူ မျိုး တော် ကို အ သီး အ သီး တို့ ပိုင် မြေ မှ မ ကွာ စေ ခြင်း ငှာ၊ ထို ပိုင် မြေ ကို မောင်း နှင် သိမ်း ယူ မှု မ ပြု ဘဲ၊ အ ရာ တော် မှ သား တော် တို့ အား၊ အ ပိုင် ပေး ရ မည် ဟု မိန့် တော် မူ ၏။

Judson Bible

¹⁸ ထို​မှ​တစ်​ပါး၊ မင်း​သား​သည် ပြည်​သား​အ​မွေ​မြေ​ကို အ​နိုင်​အ​ထက်​ယူ၍ မြေ​ရှင်​ကို​မ​နှင်​ထုတ်​ရ။ မိ​မိ​ပိုင်​သော မြေ​ထဲ​က မိ​မိ​သား​တို့​အား အ​မွေ​ပေး​ရ​မည်။ ငါ၏​လူ​တို့​သည် မိ​မိ​တို့​ပိုင်​သော အ​မွေ​မြေ၌​မ​နေ​ရ​ဘဲ အ​ရပ်​ရပ်​သို့ ကွဲ​ပြား​စေ​ခြင်း​ငှာ မ​ပြု​ရ။

ယေ​ဇ​ကျေ​လ 46:18 Referencias Cruzadas

၃ ရာ 21:19

သူ့​အား ထာဝရဘုရား​က ‘​သင်​သည် လူ​ကို​သတ်​သည်​သာမက သူ့​ဥစ္စာ​ကို​ပါ သိမ်းယူ​ပါ​ပြီ​တကား​’​ဟူ၍ မိန့်​တော်မူ​ပြီ​ဟု ဆင့်ဆို​လော့​။ ထို့ပြင် သူ့​အား ထာဝရဘုရား​က ‘​နာဗုတ်​၏​သွေး​ကို ခွေး​တို့​လျက်​သော​နေရာ​တွင် သင့်​သွေး​ကို​လည်း လျက်​လိမ့်မည်​’​ဟူ၍ မိန့်​တော်မူ​ပြီ​ဟု ဆင့်ဆို​လော့​”​ဟု မိန့်ဆို​၏​။

၃ ရာ 21:3

နာဗုတ်​က အာဟပ်​မင်းကြီး​အား “​ဤ​မြေ​သည် ဘိုးဘေး​တို့​ထံမှ​ရ​ထား​သော​အမွေမြေ​ဖြစ်​၏​။ ထာဝရဘုရား​တားမြစ်​ထား​သည်​ဖြစ်၍ အရှင်မင်းကြီး​အား ပေး​၍​မ​ရ​ပါ​”​ဟု ပြန်လျှောက်​၏​။

ဆာ​လံ 68:18

ကိုယ်တော်​သည် မြင့်သောအရပ်​သို့ တက်သွား​တော်မူ​သောအခါ သုံ့ပန်း​တို့​ကို ဖမ်းဆီးခေါ်ဆောင်​သွား​၍ လူ​တို့​ထံမှ​မက ငြင်းဆန်​သော​သူ​တို့​ထံမှ​ပင် လက်ဆောင်​များ​ကို​ခံယူ​တော်မူ​၏​။ ဤသည်ကား ထာဝရအရှင်​ဘုရားသခင်​သည် ထို​အရပ်​၌​ကိန်းဝပ်​တော်မူ​ရန်​ဖြစ်​၏​။

ဆာ​လံ 78:72

သူ​သည်​လည်း တည်ကြည်​သော​စိတ်နှလုံး​ဖြင့် သူ​တို့​ကို​ထိန်းကျောင်း​၍ ကျွမ်းကျင်​လိမ္မာ​သော​လက်​ဖြင့် သူ​တို့​ကို​ပို့ဆောင်​၏​။

ယေ​ဇ​ကျေ​လ 22:27

မြို့​၌​ရှိ​သော​အကြီးအကဲ​တို့​သည်​လည်း သားကောင်​ကို​ကိုက်ဖဲ့​သော​ဝံပုလွေ​ကဲ့သို့ လူ​ကို သတ်ဖြတ်​ဖျက်ဆီး​ကြ​၍ ဥစ္စာပစ္စည်း​တို့​ကို လုယူ​ကြ​၏​။

ယေ​ဇ​ကျေ​လ 34:21

သင်​တို့​သည် အားနည်း​သော​သိုး​တို့​ကို နံစောင်း​၊ ပခုံး​တို့​ဖြင့် တွန်းထုတ်​သည်​သာမက အဝေး​သို့​လွင့်ထွက်​သွား​သည့်​တိုင်အောင် ချို​ဖြင့်​ဝှေ့​သောကြောင့်

ယေ​ဇ​ကျေ​လ 45:8

အစ္စရေး​ပြည်​ထဲမှ ဤ​မြေ​သည် မင်းသား​၏​အပိုင်​ဖြစ်​ရ​မည်​။ ငါ့​မင်းသား​တို့​သည်​လည်း ငါ့​လူမျိုး​တော်​ကို နိုင်ထက်စီးနင်း​မ​ပြု​တော့​ဘဲ အစ္စရေး​အမျိုးသား​တို့​အား အမျိုးအနွယ်​အလိုက် မြေ​ခွဲဝေ​ပေး​ရ​မည်’​ဟု ဘုရားရှင်​ထာဝရဘုရား​မိန့်​တော်မူ​၏​။

ရှင်ယောဟန် 10:28

ငါ​သည် သူ​တို့​အား ထာဝရ​အသက်​ကို​ပေး​၍ သူ​တို့​သည် ကာလ​အစဉ်အဆက် မည်သည့်​အခါ​မျှ မ​ပျက်စီး​ရ။ မည်သူမျှ သူ​တို့​ကို ငါ့​လက်​ထဲမှ​လုယူ​၍​မ​ရ​နိုင်။

ဧ​ဖက် 4:8

ထို့ကြောင့် “ကိုယ်တော်​သည် မြင့်​သော​အရပ်​သို့ တက်​သွား​တော်မူ​သောအခါ ချုပ်နှောင်​ထား​သော​သူ​ကို ဖမ်းဆီး​ခေါ်ဆောင်​သွား​၍ လူ​တို့​အား လက်ဆောင်​များ​ကို​ပေး​တော်မူ​၏”​ဟု ကျမ်းစာ​၌​ဆို​ထား​၏။

၁ ရာ 8:14

သင်​တို့​၏​လယ်ယာ​များ​၊ စပျစ်ခြံ​များ​၊ သံလွင်ခြံ​များ​ထဲမှ အကောင်းဆုံး​သီးနှံ​များ​ကို သိမ်းယူ​ပြီး သူ​၏​အမှုထမ်း​တို့​အား ပေး​လိမ့်မည်​။