ယေ​ဇ​ကျေ​လ 46:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² စေတနာ​အလျောက်​ပူဇော်​သော မီးရှို့ရာယဇ်​၊ မိတ်သဟာယယဇ်​တို့​ကို မင်းသား​သည် ထာဝရဘုရား​ထံ စေတနာ​အလျောက်​ဆက်သ​သောအခါ အရှေ့​မုခ်ဆောင်​တံခါး​ကို ဖွင့်​ထား​ရ​မည်​။ သူ​သည် ဥပုသ်နေ့​တွင် မီးရှို့ရာယဇ်​နှင့် မိတ်သဟာယယဇ်​တို့​ကို ဆက်သ​သကဲ့သို့ ဆက်သ​ရ​မည်​။ ဆက်သ​ပြီး ပြန်ထွက်သွား​သောအခါ တံခါး​ကို ပြန်ပိတ်​ထား​ရ​မည်​။

Common Language Bible

¹² ``မီး​ရှို့​ရာ​ယဇ်​နှင့်​မိတ်​သ​ဟာ​ယ​ယဇ်​တည်း ဟူ​သော​ပူ​ဇော်​သ​ကာ​ကို​နန်း​စံ​နေ​ဆဲ​မင်း သား​သည် မိ​မိ​အ​လို​အ​လျောက်​ထာ​ဝ​ရ ဘု​ရား​အား​ဆက်​သ​လို​သော​အ​ခါ သူ့ အ​တွက်​အ​ရှေ့​မုခ်​ပေါက်​ကို​ဖွင့်​၍​ပေး​ရ​မည်။ သူ​သည်​လည်း​ဥ​ပုသ်​နေ့​မှာ​ကဲ့​သို့​ပင်​ပူ​ဇော် သကာ​ကို​ဆက်​သ​ရ​မည်။ သူ​ပြန်​လည်​ထွက် ခွာ​သွား​သော​အ​ခါ​တံ​ခါး​ကို​တစ်​ဖန် ပြန်​၍​ပိတ်​ထား​ရ​မည်'' ဟု​မိန့်​တော်​မူ​၏။

Garrad Bible

¹² ပြည့် ရှင် မင်း သည်၊ ထာ ဝ ရ ဘု ရား အ ဖို့ မီး ရှို့ ရာ သ က္ကာ ကို သော် လည်း ကောင်း၊ မိဿ ဟာ ယ သ က္ကာ ကို သော် လည်း ကောင်း၊ စေ တ နာ အ လျောက် စီ မံ သော အ ခါ တိုင်း၊ အ ရှေ့ တံ ခါး ဖွင့် ပြီး မှ၊ မီး ရှို့ ရာ သ က္ကာ၊ မိတ် သ ဟာ ရ သ က္ကာ များ ကို၊ ဥ ပုသ် နေ့ ထုံး နည်း အ လိုက် စီ မံ၍ ထွက် သွား စေ၊ ထွက် လျှင် ထွက် ချင်း၊ တံ ခါး ကို ပိတ် ရ မည်။

Judson Bible

¹² မင်း​သား​သည် အ​လို​လို​ပြု​သော မီး​ရှို့​ရာ​ယဇ်၊ မိတ်​သ​ဟာ​ယ​ယဇ်​ကို မိ​မိ​အ​လို​အ​လျောက် ထာ​ဝ​ရ​ဘု​ရား​အား ပူ​ဇော်​သ​ကာ ပြု​သော​အ​ခါ၊ အ​ရှေ့​သို့​မျက်​နှာ​ပြု​သော တံ​ခါး​ကို​ဖွင့်​ရ​မည်။ သူ​သည် ဥ​ပုသ်​နေ့၌​မီး​ရှို့​ရာ​ယဇ်၊ မိတ်​သ​ဟာ​ယ​ယဇ်​ကို ပူ​ဇော်​သ​ကဲ့​သို့ ပူ​ဇော်​ရ​မည်။ ပူ​ဇော်​ပြီး​မှ​ထွက်​သွား၍ တံ​ခါး​ကို ပိတ်​ထား​ရ​မည်။

ယေ​ဇ​ကျေ​လ 46:12 Referencias Cruzadas

၃ ရာ 3:4

ဂိဗောင်​မြို့​သည် အရေးပါ​သော​အထွတ်အမြတ်​ထား​ရာ​နေရာ​တစ်​ခု ဖြစ်​၏​။ ထို့ကြောင့် ရှောလမုန်​မင်းကြီး​သည် ယဇ်ပူဇော်​ရန် ထို​နေရာ​သို့​သွား​၍ ယဇ်ပလ္လင်​ပေါ်တွင် ယဇ်ကောင်​တစ်ထောင်​ကို မီးရှို့​ပူဇော်​၏​။

၁ ရာ​ချုပ် 29:21

ထာဝရဘုရား​ထံ ယဇ်​များ​ကို​ပူဇော်​ပြီး နောက်တစ်နေ့​တွင် ထာဝရဘုရား​ထံ မီးရှို့ရာယဇ်​အဖြစ် နွားထီး​အကောင်​တစ်ထောင်​၊ သိုးထီး​အကောင်​တစ်ထောင်​၊ သိုးသငယ်​အကောင်​တစ်ထောင်​နှင့် သွန်းလောင်းရာပူဇော်သက္ကာ​များ​ကို ပူဇော်​ကြ​၏​။ အစ္စရေး​တစ်မျိုးသားလုံး​အတွက် ယဇ်​များ​ကို အမြောက်အမြား ပူဇော်​ကြ​၏​။

၂ ရာ​ချုပ် 29:31

ထိုအခါ ဟေဇကိ​မင်းကြီး​က သူ​တို့​အား “​သင်​တို့​သည် ထာဝရဘုရား​ထံ မိမိတို့ကိုယ်ကို​ဆက်ကပ်​ကြ​ပြီ​ဖြစ်၍ ထာဝရဘုရား​၏​အိမ်​တော်​သို့ ပူဇော်သက္ကာ​များ​၊ ကျေးဇူးတော်​ချီးမွမ်း​ခြင်း​ယဇ်​များ​ကို ယူဆောင်​လာ​ကြ​လော့​”​ဟု မိန့်ဆို​၏​။ လူအစုအဝေး​တို့​သည်​လည်း ပူဇော်သက္ကာ​များ​၊ ကျေးဇူးတော်​ချီးမွမ်း​ခြင်း​ယဇ်​များ​ကို ယူဆောင်​လာ​ကြ​၏​။ စေတနာစိတ်​အလျောက်​ပူဇော်​သော မီးရှို့ရာယဇ်​အပေါင်း​တို့​ကို​လည်း ယူဆောင်​လာ​ကြ​၏​။

၂ ရာ​ချုပ် 5:6

ရှောလမုန်​မင်းကြီး​နှင့် သူ့​ထံသို့​စုဝေး​ရောက်ရှိ​လာ​သော​အစ္စရေး​လူထု​အပေါင်း​တို့​သည် သေတ္တာ​တော်​ရှေ့​တွင် မ​ရေ​မ​တွက်​နိုင်​အောင်​များပြား​လှ​သော သိုး​နွား​တို့​ကို ပူဇော်​ကြ​၏​။

ဧ​ဇ​ရ 1:4

အရပ်ရပ်​၌​ကြွင်းကျန်​သူ​တို့​သည် ဂျေရုဆလင်​မြို့​ရှိ ဘုရားသခင်​၏​အိမ်​တော်​အဖို့ ရွှေ​ငွေ​၊ ပစ္စည်းဥစ္စာ​၊ တိရစ္ဆာန်​တို့​မှစ၍ စေတနာ​အလျောက်​ပေးလှူ​သော​ပူဇော်သက္ကာ​တို့​ကို မိမိ​တို့​နေထိုင်​ရာ​အရပ်​မှ ကူညီထောက်ပံ့​ပါစေ​”​ဟု မိန့်မှာ​၏​။

ဧ​ဇ​ရ 3:5

ပုံမှန်​မီးရှို့ရာယဇ်​ကို​လည်း ပူဇော်​ကြ​၏​။ ထို့ပြင် လဆန်း​နေ့​များ​၊ ထာဝရဘုရား​သတ်မှတ်​ထား​သော​ပွဲတော်​နေ့​များ​ဆိုင်ရာ ပူဇော်သက္ကာ​များ​နှင့် ထာဝရဘုရား​အား စေတနာ​အလျောက် အသီးသီး​ပေးလှူ​သော​ပူဇော်သက္ကာ​များ​ကို​လည်း ပူဇော်​ကြ​၏​။

ဧ​ဇ​ရ 6:17

ဘုရားသခင်​၏​အိမ်​တော်​ဆက်ကပ်​ပွဲ​တွင် နွား​အကောင်​တစ်ရာ​၊ သိုးထီး​အကောင်​နှစ်ရာ​၊ သိုးသငယ်​အကောင်​လေး​ရာ​နှင့် အစ္စရေး​လူမျိုး​အပေါင်း​တို့​အပြစ်ဖြေရာယဇ်​အဖို့ အစ္စရေး​အမျိုးအနွယ်​အရေအတွက်​နှင့်အညီ ဆိတ်ထီး​တစ်ဆယ့်​နှစ်​ကောင်​တို့​ကို ပူဇော်​ကြ​၏​။

ယေ​ဇ​ကျေ​လ 44:1

နောက်တစ်ဖန် ထို​သူ​သည် ငါ့​အား အရှေ့ဘက်​သို့​မျက်နှာမူ​သော​သန့်ရှင်းရာဌာန​၏​အပြင်​တံခါး​သို့ ခေါ်ဆောင်​သွား​၏​။ ထို​တံခါး​သည် ပိတ်​ထား​လျက်​ရှိ​၏​။

ယေ​ဇ​ကျေ​လ 44:3

မင်းသား​တစ်ပါး​သာလျှင် ထို​တံခါး​နား​တွင်​ထိုင်​၍ ထာဝရဘုရား​ရှေ့​တော်​၌​စားသောက်​ရ​မည်​။ သူ​သည် ထို​တံခါး​၏​ဆင်ဝင်လမ်း​ဖြင့်​ဝင်​၍ ထို​လမ်း​ဖြင့်​ပင် ပြန်ထွက်​ရ​မည်”​ဟု မိန့်​တော်မူ​၏​။

ယေ​ဇ​ကျေ​လ 45:17

မင်းသား​သည် ပွဲတော်​နေ့​၊ လဆန်းနေ့​၊ ဥပုသ်နေ့​မှစ၍ အစ္စရေး​အမျိုးသား​တို့ တွေ့ဆုံစည်းဝေးရာ​အချိန်​တို့​တွင် မီးရှို့ရာယဇ်​၊ ဘောဇဉ်ပူဇော်သက္ကာ​၊ သွန်းလောင်းရာပူဇော်သက္ကာ စသည်​တို့​ကို ဆက်သ​ရန်​တာဝန်​ရှိ​သည်​။ အစ္စရေး​အမျိုးသား​တို့ အပြစ်ဖြေလွှတ်​ခြင်း​အတွက် အပြစ်ဖြေရာယဇ်​၊ ဘောဇဉ်ပူဇော်သက္ကာ​၊ မီးရှို့ရာယဇ်​၊ မိတ်သဟာယယဇ်​တို့​ကို ဆက်သ​ရ​မည်​။

ယေ​ဇ​ကျေ​လ 46:8

မင်းသား​ဝင်လာ​မည်​ဆိုလျှင် မုခ်ဆောင်​ဆင်ဝင်လမ်း​မှ ဝင်လာ​ရ​မည်​။ ထို​လမ်း​အတိုင်း ပြန်ထွက်​ရ​မည်​။

ဝတ်​ပြု 1:3

သူ​သည် နွား​ကို မီးရှို့ရာယဇ်​အဖြစ်​ပူဇော်​လို​လျှင် အပြစ်အနာအဆာကင်း​သော​နွား​ထီး​ကို ပူဇော်​ရ​မည်​။ ထာဝရဘုရား လက်ခံ​တော်မူ​မည့်​အကြောင်း ထို​နွား​ကို တွေ့ဆုံစည်းဝေးရာ​တဲ​တော်​အဝင်ဝ​၌ ပူဇော်​ရ​မည်​။

ဝတ်​ပြု 23:38

ထာဝရဘုရား​၏​ဥပုသ်နေ့​ကို​စောင့်ထိန်း​သည်​သာမက​၊ သင်​တို့​၏​ပူဇော်သက္ကာ​များ​၊ သင်​တို့​၏​ကတိသစ္စာ​အလျောက်​ပူဇော်​သော​အရာ​အားလုံး​၊ သင်​တို့​၏​စေတနာ​အလျောက်​ပူဇော်​သော​အရာ​အားလုံး​တို့​ကို ထာဝရဘုရား​အား ပူဇော်​ရ​မည်​။

ဝတ်​ပြု 7:16

ကတိသစ္စာ​ပြု​ခြင်း​အတွက်​၊ သို့မဟုတ် စေတနာ​အလျောက်​ပူဇော်​ခြင်း​အတွက် ပူဇော်​သော​ယဇ်​ဖြစ်လျှင် ထို​ယဇ်ကောင်​ကို ပူဇော်​သော​နေ့​၌ စား​ရ​မည်​။ အကျန်​ကို နောက်တစ်နေ့​၌​လည်း စား​ခွင့်​ရှိ​၏​။

တော​လည် 29:39

ဤသည်ကား သင်​တို့​၏​ကတိသစ္စာ​အလျောက်​၊ သင်​တို့​၏​စေတနာ​အလျောက်​ပူဇော်​သော မီးရှို့ရာယဇ်​များ​၊ ဘောဇဉ်ပူဇော်သက္ကာ​များ​၊ သွန်းလောင်းရာပူဇော်သက္ကာ​များ​နှင့် မိတ်သဟာယယဇ်​များ​အပြင် သတ်မှတ်​ထား​သော​ပွဲတော်​၌ ထာဝရဘုရား​အဖို့ ပူဇော်​ရ​သော ပူဇော်သက္ကာ​များ​ဖြစ်​၏’​ဟူ၍ ဆင့်ဆို​လော့​”​ဟု မိန့်​တော်မူ​၏​။

ရော​မ 12:1

သို့ဖြစ်၍ ညီအစ်ကို​တို့၊ ဘုရားသခင်​၏​ကရုဏာ​တော်​အားဖြင့် သင်​တို့​အား ငါ​တိုက်တွန်း​နှိုးဆော်​လို​သည်​မှာ သင်​တို့​၏​ကိုယ်ခန္ဓာ​ကို ဘုရားသခင်​နှစ်သက်​တော်မူ​သည့် သန့်ရှင်း​၍​အသက်ရှင်​သော​ယဇ်​အဖြစ် ပူဇော်​ကြ​လော့။ ဤသည်ကား သင်​တို့​ပြု​အပ်​သော ဝိညာဉ်ရေး​ဆိုင်ရာ​ဝတ်ပြု​ခြင်း​ဖြစ်​၏။

ဧ​ဖက် 5:2

ခရစ်တော်​သည် ငါ​တို့​ကို​ချစ်​တော်မူ​၍ ငါ​တို့​အတွက် မိမိကိုယ်ကို ပူဇော်သက္ကာ​နှင့်​ယဇ်​တည်းဟူသော မွှေးကြိုင်​သည့်​ရနံ့​အဖြစ် ဘုရားသခင်​ထံ ဆက်ကပ်​အပ်နှံ​တော်မူ​သည့်​နည်းတူ ချစ်​ခြင်း​မေတ္တာ​၌ အသက်ရှင်​လျှောက်လှမ်း​ကြ​လော့။