ယေ​ဇ​ကျေ​လ 43:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² ထို​နေရာ​တွင် အစ္စရေး​လူမျိုး​တို့​၏​ဘုရားသခင့်​ဘုန်း​တော်​သည် အရှေ့ဘက်​မှ​ထွက်ပေါ်​လာ​၍ အသံ​တော်​သည်​လည်း ရေထု​ကြီး​ဟုန်းသံ​ကဲ့သို့​ဖြစ်​၏​။ ကိုယ်တော်​၏​ဘုန်း​တော်​သည် မြေ​တစ်ပြင်လုံး​သို့ ထွန်းလင်း​လေ​၏​။

Common Language Bible

² ထို​အ​ရပ်​တွင်​ဣသ​ရေ​လ​အ​မျိုး​သား​တို့ ၏​ဘု​ရား​သ​ခင်​၏​တောက်​ပ​သော​ဘုန်း အ​သ​ရေ​တော်​သည်​အ​ရှေ့​အ​ရပ်​မှ​ပေါ် ထွက်​လာ​သည်​ကို​ငါ​မြင်​ရ​၏။ ဘု​ရား​သ​ခင်​၏​အ​သံ​တော်​သည်​ပင်​လယ်​မြည် ဟည်း​သံ​နှင့်​တူ​၏။ ကမ္ဘာ​မြေ​ကြီး​သည် လည်း​ကိုယ်​တော်​၏​ဘုန်း​အ​သ​ရေ​တော် နှင့်​တောက်​ပ​လျက်​ရှိ​၏။-

Garrad Bible

² ဣ သ ရေ လ လူ မျိုး၏ ဘု ရား သ ခင့် ဘုန်း တော် သည်၊ သ မု ဒ္ဒ ရာ ဟုန်း သော အ သံ တော် နှင့်၊ အ ရှေ့ မျက် နှာ မှ ကြွ လာ ရာ၊ ဘုန်း တော် ကြောင့် နေ ပြည် လုံး ထွန်း တောက် သည် ကို ငါ မြင် ၏။

Judson Bible

² ဣ​သ​ရေ​လ​အ​မျိုး၏ ဘု​ရား​သ​ခင့်​ဘုန်း​တော်​သည် အ​ရှေ့​မျက်​နှာ​မှ​လာ၍၊ အ​သံ​သည် သ​မု​ဒ္ဒ​ရာ​သံ​ကဲ့​သို့ ဖြစ်၏။ ရောင်​ခြည်​တော်​အား​ဖြင့် မြေ​တစ်​ပြင်​လုံး လင်း၏။

ယေ​ဇ​ကျေ​လ 43:2 Referencias Cruzadas

ဟေ​ရှာ​ယ 17:12

အလို​၊ လူမျိုး​များစွာ​တို့​၏​မြည်ဟိန်းသံ​ပါ​တကား​။ သူ​တို့​သည် သမုဒ္ဒရာ​မြည်ဟိန်း​သကဲ့သို့ မြည်ဟိန်း​ကြ​၏​။ အလို​၊ လူ​တို့​၏​မြည်ဟည်းသံ​ပါ​တကား​။ သူ​တို့​သည် ရေလုံးကြီး​၏​မြည်ဟည်းသံ​ကဲ့သို့ မြည်ဟည်း​ကြ​၏​။

ဟေ​ရှာ​ယ 6:3

ထို့နောက် သူ​တို့​က “​ကောင်းကင်​ဗိုလ်ခြေ​အရှင်​ထာဝရဘုရား​သည် သန့်ရှင်း​တော်မူ​၏​။ သန့်ရှင်း​တော်မူ​၏​။ သန့်ရှင်း​တော်မူ​၏​။ ကမ္ဘာမြေ​တစ်ခွင်လုံး​သည် ကိုယ်တော်​၏​ဘုန်းအသရေ​နှင့်​ပြည့်​လျက်​နေ​တော်မူ​၏​”​ဟု တစ်​ပါး​ကို​တစ်​ပါး ကြွေးကြော်​မြွက်ဆို​ကြ​၏​။

ယေ​ဇ​ကျေ​လ 1:24

သူ​တို့​သွား​သောအခါ ရေလှိုင်းပုတ်သံ​ကြီး​ကဲ့သို့​၊ အနန္တတန်ခိုးရှင်​၏​အသံ​ကဲ့သို့ သူ​တို့​၏​တောင်ပံခတ်သံ​ကို ငါ​ကြား​ရ​၏​။ သူ​တို့​သွား​သော​အသံ​သည် စစ်ချီ​သံ​ကဲ့သို့ ဖြစ်​၏​။ သူ​တို့​ရပ်​နေ​သောအခါ အတောင်ပံ​များ​ကို ချ​ထား​၏​။

ယေ​ဇ​ကျေ​လ 1:28

ထို​အလင်း​သည် မိုးရွာ​သော​နေ့​၌ မိုးတိမ်​တွင်​ထွက်ပေါ်​လာ​သော သက်တံ​၏​အရောင်​ကဲ့သို့ ပတ်ပတ်လည်​တွင် ရောင်ခြည်​ဖြာထွက်​နေ​၏​။ ထာဝရဘုရား​၏​ဘုန်းအသရေ ထွန်းလင်း​သကဲ့သို့​ဖြစ်​၏​။ ထို​အရာ​ကို​မြင်​၍ ငါ​ပျပ်ဝပ်​လျက်​နေ​စဉ် တစ်စုံတစ်ယောက်​စကားပြော​သော​အသံ​ကို ငါ​ကြား​ရ​၏​။

ယေ​ဇ​ကျေ​လ 10:4

ထာဝရဘုရား​၏​ဘုန်း​တော်​သည် ခေရုဗိမ်​အထက်​မှ အိမ်​တော်​တံခါးခုံ​သို့ ရွေ့သွား​လျှင် အိမ်​တော်​တစ်ခုလုံး မိုးတိမ်​များ​လွှမ်းခြုံ​သွား​၏​။ ဝင်း​တစ်ခုလုံး​သည်​လည်း ထာဝရဘုရား​၏​ဘုန်း​တော်​ရောင်ခြည်​နှင့် ထွန်းတောက်​လေ​၏​။

ယေ​ဇ​ကျေ​လ 11:22

ထို့နောက် ဘေး​၌​ဘီး​ပါ​သော​ခေရုဗိမ်​တို့​သည် တောင်ပံ​များ​ကို​ဖြန့်​၏​။ အစ္စရေး​လူမျိုး​၏​ဘုရားသခင်​ဘုန်း​တော်​သည်​လည်း သူ​တို့​အထက်​၌ တည်​နေ​၏​။

ယေ​ဇ​ကျေ​လ 11:23

ထာဝရဘုရား​၏​ဘုန်း​တော်​သည် မြို့​ထဲ​မှ​တက်လာ​၍ မြို့​အရှေ့ဘက်​ရှိ​တောင်​ပေါ်တွင် ရပ်​တော်မူ​၏​။

ယေ​ဇ​ကျေ​လ 3:23

ငါ​သည်​လည်း လွင်ပြင်​သို့ ထ​သွား​သောအခါ ထာဝရဘုရား​၏​ဘုန်းအသရေ​တော်​သည် ခေဗာ​မြစ်​နား​၌​မြင်​ခဲ့​ရ​သော ဘုန်းအသရေ​တော်​ကဲ့သို့ တည်​နေ​သည်​ကို တွေ့​ရ​သဖြင့် ငါ​ပျပ်ဝပ်​လေ​၏​။

ယေ​ဇ​ကျေ​လ 43:4

ထာဝရဘုရား​၏​ဘုန်း​တော်​သည် အရှေ့ဘက်​သို့​မျက်နှာမူ​သော မုခ်ဆောင်​တံခါး​ကို​ဖြတ်​၍ အိမ်​တော်​ထဲသို့​ဝင်​တော်မူ​၏​။

ယေ​ဇ​ကျေ​လ 44:2

ထိုအခါ ထာဝရဘုရား​က ငါ့​အား “​ဤ​တံခါး​ကို ပိတ်​ထား​ရ​မည်​။ ဖွင့်​မ​ထား​ရ​။ မည်သူမျှ ဤ​တံခါး​မှ မ​ဝင်​ရ​။ အကြောင်းမူကား အစ္စရေး​လူမျိုး​၏​ဘုရားသခင်​ထာဝရဘုရား​သည် ဤ​တံခါး​ဖြင့် ကြွဝင်​၏​။ ထို့ကြောင့် ပိတ်​ထား​ရ​မည်​။

ယေ​ဇ​ကျေ​လ 9:3

အစ္စရေး​လူမျိုး​တို့​၏​ဘုရားသခင်​ဘုန်း​တော်​သည် စံ​တော်မူ​ရာ​ခေရုဗိမ်​အထက်​မှ အိမ်​တော်​တံခါးခုံ​သို့ ရွေ့လာ​ပြီး ပိတ်ချောထည်​ဝတ်​ထား​၍ ခါး​၌​မင်အိုး​ဆောင်​ထား​သော​လူ​ကို ခေါ်​၏​။

ဟ​ဗက္ကုတ် 2:14

အကြောင်းမူကား ပင်လယ်​သည် ရေ​များ​နှင့် ပြည့်လျှံ​နေ​သကဲ့သို့ ကမ္ဘာမြေကြီး​သည်​လည်း ထာဝရဘုရား​၏​ဘုန်းအသရေ​တော်​အကြောင်း​ကို သိကျွမ်း​ခြင်း​နှင့် ပြည့်​လိမ့်မည်​။

ဟ​ဗက္ကုတ် 3:3

ဘုရားသခင်​သည် တေမန်​မြို့​မှ ကြွလာ​တော်မူ​၏​။ သန့်ရှင်း​တော်မူ​သော​အရှင်​သည် ပါရန်​တောင်​မှ ကြွလာ​တော်မူ​၏​။ ကိုယ်တော်​၏​ဘုန်း​တော်​သည် ကောင်းကင်​တစ်ပြင်လုံး​ကို​ဖုံးလွှမ်း​၍ ဂုဏ်တော်ချီးမွမ်းသံ​သည်​လည်း မြေ​တစ်ပြင်လုံး ပျံ့နှံ့​လေ​၏​။ (စေလာ)

ဟ​ဗက္ကုတ် 3:4

ရောင်ခြည်​တော်​သည် အရုဏ်တက်​အလင်း​ကဲ့သို့​ဖြစ်​၏​။ လက်​တော်​မှ​အလင်း​ဖြာထွက်​၍ ထို​အထဲ​တွင် ကိုယ်တော်​၏​တန်ခိုး​တော် ကိန်းအောင်း​လျက်​နေ​၏​။

ရှင်ယောဟန် 12:41

ဟေရှာယ​သည် ယေရှု​၏​ဘုန်း​အသရေ​တော်​ကို​မြင်​ရ​သောကြောင့် ဤသို့​ပြောဆို​ပြီး ကိုယ်တော်​၏​အကြောင်း​ကို ဟောပြော​ခဲ့​ခြင်း​ဖြစ်​၏။

ဗျာ​ဒိတ် 1:15

သူ​၏​ခြေ​တို့​သည် မီးပြင်းဖို​တွင်​ချွတ်​၍​သန့်စင်​ထား​သည့် တောက်ပ​သော​ကြေးဝါ​နှင့်​တူ​၍ သူ​၏​အသံ​သည် များစွာ​သော​ရေ​ဟုန်​၏​အသံ​ကဲ့သို့​ဖြစ်​၏။

ဗျာ​ဒိတ် 14:2

ထို့နောက် များစွာ​သော​ရေ​ဟုန်​၏​အသံ​နှင့်​လည်းကောင်း၊ ကျယ်လောင်​သော​မိုးကြိုး​သံ​နှင့်​လည်းကောင်း တူ​သည့် ကောင်းကင်​မှ​အသံ​ကို ငါ​ကြား​ရ​၏။ ငါ​ကြား​ရ​သော​ထို​အသံ​သည် စောင်းသမား​များ မိမိ​တို့​စောင်း​များ​တီးခတ်​နေ​သည့်​အသံ​နှင့်​လည်း​တူ​၏။

ဗျာ​ဒိတ် 18:1

ထို့နောက် ကြီးမား​သော​အခွင့်​အာဏာ​ပါ​လျက် ကောင်းကင်​မှ​ဆင်းသက်​လာ​သည့် အခြား​သော​ကောင်းကင်​တမန်​တစ်​ပါး​ကို ငါ​မြင်​ရ​၏။ ကမ္ဘာ​မြေကြီး​သည် သူ​၏​ဘုန်း​အသရေ​ကြောင့် ထွန်းလင်း​တောက်ပ​လေ​၏။

ဗျာ​ဒိတ် 19:1

ထို့နောက် ကောင်းကင်​ရှိ များစွာ​သော​လူထု​ပရိသတ်​တို့​၏​ကျယ်လောင်​သည့်​အသံ​ကဲ့သို့သော​အသံ​ကို ငါ​ကြား​ရ​၏။ သူ​တို့​က “ဟာလေလုယာ။ ကယ်တင်​ခြင်း၊ ဘုန်း​အသရေ​တော်​နှင့် တန်ခိုး​တော်​တို့​သည် ငါ​တို့​ဘုရားသခင်​နှင့်ဆိုင်​တော်မူ​၏။

ဗျာ​ဒိတ် 19:6

ထို့နောက် များစွာ​သော​လူ​အစုအဝေး​၏​အသံ​နှင့်​လည်းကောင်း၊ များစွာ​သော​ရေဟုန်​၏​အသံ​နှင့်​လည်းကောင်း၊ ပြင်းထန်​သော​မိုးကြိုး​သံ​နှင့်​လည်းကောင်း တူ​သော​အသံ​က “ဟာလေလုယာ။ အနန္တ​တန်ခိုး​နှင့်​ပြည့်စုံ​တော်မူ​သော ငါ​တို့​၏​ဘုရားသခင်​ထာဝရ​ဘုရား​သည် စိုးစံ​တော်မူ​သည်​ဖြစ်​၍

ဗျာ​ဒိတ် 21:11

ထို​မြို့​သည် ဘုရားသခင်​၏​ဘုန်း​အသရေ​တော်​နှင့်​ပြည့်စုံ​၍ ၎င်း​၏​အလင်းရောင်​သည် ကျောက်မျက်​ရတနာ​နှင့်​တူ​ပြီး ကျောက်​သလင်း​သဖွယ်​ကြည်လင်​သော နဂါးသွဲ့​ကျောက်​ကဲ့သို့​ဖြစ်​၏။

ဗျာ​ဒိတ် 21:23

ဘုရားသခင်​၏​ဘုန်း​အသရေ​တော်​သည် ထို​မြို့​ကို​ထွန်းလင်း​စေ​၍ သိုးသငယ်​တော်​သည် ထို​မြို့​၏​ဆီမီး​ဖြစ်​သောကြောင့် ထို​မြို့​ကို​ထွန်းလင်း​စေရန် နေ​နှင့်​လ​တို့​ကို မ​လိုအပ်​ပေ။