ယေ​ဇ​ကျေ​လ 40:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ မုခ်ဆောင်​အတွင်း​ပတ်ပတ်လည်​တွင် ပြတင်းပေါက်​ငယ်​များ​ပါရှိ​၏​။ မုခ်ဆောင်​အတွင်း​ဘက်​ရှိ အခန်းငယ်​များ​၊ တိုင်​များ​နှင့် ဆင်ဝင်​တို့​တွင် ပြတင်းပေါက်​ငယ်​များ​ပါရှိ​၏​။ တိုင်​များ​တွင် စွန်ပလွံပင်​ပုံ ဖော်​ထား​၏​။

Common Language Bible

¹⁶ အ​ခန်း​အား​လုံး​၏​အ​ပြင်​နံ​ရံ​တိုင်း၊ အ​တွင်း​နံ​ရံ​တိုင်း​တို့​၌​ပြူ​တင်း​ပေါက်​ငယ်​များ​ရှိ​၏။ လမ်း​ကြား​သို့​မျက်​နှာ​မူ​လျက်​နေ​သော​အ​တွင်း​နံ​ရံ​များ​တွင် စွန်​ပ​လွံ​ပင်​ပုံ​များ​ကို​ထွင်း​ထု​ထား​လေ​သည်။

Garrad Bible

¹⁶ ပတ် လည် ရှိ သော ကင်း တဲ များ၊ တံ ခါး နံ ရံ များ နှင့်၊ မုတ် ဆောင်၌ အ ပြင် အ တွင်း ရာ ဇ မတ် ပေါက် များ ရှိ၏။ တံ ခါး တိုင် နံ ရံ များ၌ လည်း၊ စွန် ပ လွံ ပင် ပုံ ထု ပြီး ရှိ၏။

Judson Bible

¹⁶ အ​ခန်း​များ၊ တံ​ခါး​အ​တွင်း​ပတ်​လည်​တိုင်​များ၊ တံ​ခါး​မုခ်​များ အ​တွင်း​ဘက်၌ ကျဉ်း​သော​ပြတင်း​ပေါက်​များ​ရှိ၏။ တိုင်​များ၌ စွန်​ပ​လွံ​ပင်​ပုံ ထု​လျက်​ရှိ၏။

ယေ​ဇ​ကျေ​လ 40:16 Referencias Cruzadas

၃ ရာ 6:29

အိမ်​တော်​အတွင်းခန်း​၊ အပြင်ခန်း​နံရံ​ပတ်ပတ်လည်​တွင် ခေရုဗိမ်​ပုံ​၊ စွန်ပလွံပင်​ပုံ​၊ ပန်းပွင့်ပုံ​များ​ကို ပန်းပု​လက်ရာမြောက်​အောင် ထွင်းထု​ထား​၏​။

၃ ရာ 6:32

သံလွင်သား​တံခါးရွက်​နှစ်​ရွက်​တွင် ခေရုဗိမ်​ပုံ​၊ စွန်ပလွံပင်​ပုံ​၊ ပန်းပွင့်ပုံ​တို့​ကို ပန်းပု​လက်ရာမြောက်​စွာ​ထုလုပ်​ထား​ပြီး ရွှေ​ဖြင့်​မွမ်းမံ​ထား​၏​။ ခေရုဗိမ်ပုံ​နှင့် စွန်ပလွံပင်​ပုံ​တို့​ကို ရွှေ​ဖြင့်​ကပ်​ထား​၏​။

၃ ရာ 6:35

တံခါးချပ်​များ​ပေါ်တွင် ခေရုဗိမ်​ပုံ​၊ စွန်ပလွံပင်​ပုံ​၊ ပန်းပွင့်ပုံ​များ ထွင်းထု​ထား​ပြီး ထို​ရုပ်လုံး​တို့​အပေါ်​၌ ရွှေ​ဖြင့် သေသပ်​စွာ​မွမ်းမံ​ထား​၏​။

၃ ရာ 6:4

အိမ်​တော်​ထဲတွင် အလင်းဝင်ပေါက်​ဖြစ်​သော ပြတင်းပေါက်​ငယ်​များ​ကို​လည်း ဆောက်လုပ်​၏​။

၃ ရာ 7:4

ပြတင်းပေါက်​သုံး​တန်း​ပါရှိ​ပြီး တစ်တန်း​နှင့်​တစ်တန်း မျက်နှာချင်းဆိုင်​လျက်​ရှိ​၏​။

၂ ရာ​ချုပ် 3:5

ပင်မဆောင်​ကို ထင်းရှူးသား​ဖြင့်​ကာ​ပြီး ရွှေ​စင်​နှင့်​မွမ်းမံ​ထား​၏​။ နံရံ​ပေါ်တွင် စွန်ပလွံပင်ပုံ​များ​၊ ကြိုး​များ​နှင့် အလှဆင်​ထား​၏​။

ဆာ​လံ 92:12

ဖြောင့်မတ်​သော​သူ​သည် စွန်ပလွံပင်​ကဲ့သို့ ပွင့်လန်းဝေဆာ​၍ လက်ဘနွန်​တောင်​မှ သစ်ကတိုးပင်​ကဲ့သို့​ကြီးထွား​လိမ့်မည်​။

ယေ​ဇ​ကျေ​လ 40:12

တစ်ဖက်တစ်ချက်​ရှိ အခန်းငယ်​တို့​အရှေ့​အောက်ခြေ​တွင် အလျား​တစ်​တောင်​၊ အနံ​တစ်​တောင်​ရှိ​သော အကာ​ရှိ​၏​။ ထို​အခန်းငယ်​တို့​သည် အလျား​ခြောက်​တောင်​၊ အနံ​ခြောက်​တောင်​စီ​ရှိ​၏​။

ယေ​ဇ​ကျေ​လ 40:15

မုခ်ဆောင်​ဝင်ပေါက်​မျက်နှာစာ​မှ အတွင်း​ဆင်ဝင်​ပေါက်​အထိ အတောင်​ငါးဆယ်​ရှိ​၏​။

ယေ​ဇ​ကျေ​လ 40:25

ထို​မုခ်ဆောင်​နှင့် ဆင်ဝင်​ပတ်ပတ်လည်​တွင် ပြတင်းပေါက်​တို့ ပါရှိ​၏​။ ထို​ပြတင်းပေါက်​တို့​သည် အခြား​ပြတင်းပေါက်​တို့​နှင့်​တူ​၏​။ မုခ်ဆောင်​သည် အလျား​အတောင်​ငါးဆယ်​၊ အနံ​နှစ်ဆယ့်​ငါး​တောင်​ရှိ​၏​။

ယေ​ဇ​ကျေ​လ 40:26

ထို​မုခ်ဆောင်​ပေါ်သို့ လှေကား​ခုနစ်​ထစ်​ဖြင့် တက်​ရ​၏​။ ရှေ့တည့်တည့်​တွင် မုခ်ဆောင်​ဆင်ဝင်​ရှိ​၏​။ မုခ်ဆောင်​အတွင်း​တစ်ဖက်တစ်ချက်​ရှိ​တိုင်​များ​တွင် စွန်ပလွံပင်ပုံ ဖော်​ထား​၏​။

ယေ​ဇ​ကျေ​လ 40:29

ထို​မုခ်ဆောင်​၏​အခန်းငယ်​များ​၊ တိုင်​များ​နှင့် ဆင်ဝင်​၏​အတိုင်းအတာ​သည် အခြား​တို့​နှင့် အတူတူ​ပင်​ဖြစ်​၏​။ မုခ်ဆောင်​ပတ်ပတ်လည်​နှင့် ဆင်ဝင်​တွင် ပြတင်းပေါက်​များ​ရှိ​၏​။ မုခ်ဆောင်​သည် အလျား​အတောင်​ငါးဆယ်​၊ အနံ​နှစ်ဆယ့်​ငါး​တောင်​ရှိ​၏​။

ယေ​ဇ​ကျေ​လ 40:30

ဝင်း​ပတ်လည်​ရှိ မုခ်ဆောင်​တို့​၏​ဆင်ဝင်​သည် အလျား​နှစ်ဆယ့်​ငါး​တောင်​၊ အနံ​ငါး​တောင်​စီ​ရှိ​ကြ​၏​။

ယေ​ဇ​ကျေ​လ 40:31

မုခ်ဆောင်​ဆင်ဝင်​တို့​သည် အပြင်​ဝင်း​ဘက်​သို့ မျက်နှာမူ​၏​။ တိုင်​များ​တွင် စွန်ပလွံပင်ပုံ ဖော်ထား​၏​။ ထို​မုခ်ဆောင်​သို့ လှေကား​ရှစ်​ထစ်​ဖြင့်​တက်​ရ​၏​။

ယေ​ဇ​ကျေ​လ 40:33

အခန်းငယ်​များ​၊ တိုင်​များ​နှင့် ဆင်ဝင်​၏​အတိုင်းအတာ​သည် အခြား​တို့​နှင့် အတူတူပင်​ဖြစ်​၏​။ မုခ်ဆောင်​နှင့် ဆင်ဝင်​ပတ်ပတ်လည်​တွင် ပြတင်းပေါက်​များ​ရှိ​၏​။ မုခ်ဆောင်​သည် အလျား​အတောင်​ငါးဆယ်​၊ အနံ​နှစ်ဆယ့်​ငါး​တောင်​ရှိ​၏​။

ယေ​ဇ​ကျေ​လ 40:34

ထို​မုခ်ဆောင်​၏​ဆင်ဝင်​သည် အပြင်​ဝင်း​နှင့် မျက်နှာချင်းဆိုင်​လျက်​ရှိ​၏​။ တစ်ဖက်တစ်ချက်​ရှိ​တိုင်​များ​တွင် စွန်ပလွံပင်ပုံ ဖော်​ထား​၏​။ ထို​မုခ်ဆောင်​ပေါ်သို့ လှေကား​ရှစ်​ထစ်​ဖြင့်​တက်​ရ​၏​။

ယေ​ဇ​ကျေ​လ 40:36

အခန်းငယ်​များ​၊ တိုင်​များ​နှင့် ဆင်ဝင်​သည် အခြား​တို့​နှင့် အတူတူပင်​ဖြစ်​၏​။ မုခ်ဆောင်​ပတ်ပတ်လည်​တွင် ပြတင်းပေါက်​များ​ရှိ​၏​။ ထို​မုခ်ဆောင်​သည် အလျား​အတောင်​ငါးဆယ်​၊ အနံ​နှစ်ဆယ့်​ငါး​တောင်​ရှိ​၏​။

ယေ​ဇ​ကျေ​လ 40:37

ထို​မုခ်ဆောင်​၏​ဆင်ဝင်​သည် အပြင်​ဝင်း​နှင့် မျက်နှာချင်းဆိုင်​လျက်​ရှိ​၏​။ တစ်ဖက်တစ်ချက်​ရှိ​တိုင်​များ​တွင် စွန်ပလွံပင်​ပုံ ဖော်​ထား​၏​။ ထို​မုခ်ဆောင်​ပေါ်သို့ လှေကား​ရှစ်​ထစ်​ဖြင့်​တက်​ရ​၏​။

ယေ​ဇ​ကျေ​လ 40:7

အခန်းငယ်​များ​သည် တစ်ခန်း​လျှင် အလျား​ကျူချောင်း​တစ်ပြန်စာ​၊ အနံ​ကျူချောင်း​တစ်ပြန်စာ​ရှိ​၏​။ တစ်ခန်း​နှင့်​တစ်ခန်း ငါး​တောင်​စီ​ကွာ​၏​။ အိမ်​တော်​ဘက်​သို့​မျက်နှာမူ​သော မုခ်ဆောင်​ဆင်ဝင်​တံခါးဝ​ရှိ​တံခါးခုံ​သည်​လည်း ကျူချောင်း​တစ်ပြန်စာ​ရှိ​၏​။

ယေ​ဇ​ကျေ​လ 41:18

ခေရုဗိမ်​ပုံ​နှင့် စွန်ပလွံပင်ပုံ​တို့​ကို ထွင်းထု​ထား​၏​။ ခေရုဗိမ်​ပုံ​တစ်ပုံ​နှင့်​တစ်ပုံ​ကြား​တွင် စွန်ပလွံပင်ပုံ​တစ်​ပုံ​ရှိ​၏​။ ခေရုဗိမ်​တစ်ပါးစီ​တွင် မျက်နှာ​နှစ်​ဖက်​ပါ​၏​။

ယေ​ဇ​ကျေ​လ 41:25

ဗိမာန်တော်​တံခါး​တို့​တွင် ဗိမာန်တော်​နံရံ​များ​ကဲ့သို့ ခေရုဗိမ်​ပုံ​နှင့် စွန်ပလွံပင်ပုံ​တို့​ကို ထွင်းထု​ထား​၏​။ မျက်နှာစာ​ဆင်ဝင်​ပေါက်​တွင် သစ်သား​အမိုး​ပါရှိ​၏​။

ယေ​ဇ​ကျေ​လ 41:26

ဆင်ဝင်​ရှိ​နံရံ​များ​တွင်​လည်းကောင်း​၊ အိမ်​တော်​အခန်းငယ်​များ​တွင်​လည်းကောင်း​၊ အမိုး​များ​တွင်​လည်းကောင်း ပြတင်းပေါက်ငယ်​များ​နှင့် စွန်ပလွံပင်ပုံ​များ​ပါရှိ​၏​။

ယေ​ဇ​ကျေ​လ 41:3

ထို့နောက် အတွင်းခန်း​သို့​ဝင်​၍ တံခါး​အဝင်ဝ​တိုင်​ကို​တိုင်း​ရာ ထု​နှစ်​တောင်​ရှိ​၏​။ တံခါးပေါက်​အကျယ်​မှာ ခြောက်​တောင်​ရှိ​၏​။ အဝင်ဝ​တစ်ဖက်တစ်ချက်​ရှိ နံရံ​အကျယ်​မှာ ခုနစ်​တောင်​စီ​ရှိ​၏​။

ယေ​ဇ​ကျေ​လ 42:3

အတွင်း​ဝင်း​ရှိ အတောင်​နှစ်ဆယ်​ကျယ်​သော​မြေကွက်လပ်​နား​ရှိ သုံး​ထပ်​ဆောင်​နှင့် အပြင်​ဝင်း​ရှိ ကျောက်ခင်းစင်္ကြံ​နှင့်​မျက်နှာချင်းဆိုင် သုံး​ထပ်​ဆောင်​တို့​၏​လျှောက်လမ်း​တို့​သည် မျက်နှာချင်းဆိုင်​လျက်​ရှိ​၏​။

ရှင်ယောဟန် 5:2

ဂျေရုဆလင်​မြို့​၌ သိုး​တံခါး​အနီး​တွင် ဟေဗြဲ​ဘာသာစကား​အားဖြင့် ဗေသေသဒ​ဟု​ခေါ်​သည့် မုခ်ဆောင်​ငါး​ဆောင်​ရှိ​သော​ရေကန်​တစ်​ကန်​ရှိ​၏။

၁ ကော 13:12

ယခု ငါ​တို့​သည် မှန်​အားဖြင့် မှုန်ဝါးဝါး​သာ​မြင်​ရ​ကြ​၏။ ထိုအခါ​၌​မူကား မျက်ဝါးထင်ထင်​မြင်​ရ​ကြ​လိမ့်မည်။ ယခု ငါ​သည် တစ်စိတ်တစ်ဒေသ​မျှသာ​သိ​၏။ သို့သော် ငါ့​ကို​စုံလင်​စွာ​သိ​တော်မူ​သကဲ့သို့ ထိုအခါ​၌​မူကား ငါ​သည်​လည်း စုံလင်​စွာ​သိ​ရ​လိမ့်မည်။

ဗျာ​ဒိတ် 7:9

ထို့နောက် ငါ​ကြည့်​လိုက်​ရာ တိုင်းနိုင်ငံ၊ မျိုးနွယ်စု၊ လူမျိုး​နှင့် ဘာသာ​စကား​အသီးသီး​တို့​မှ မည်သူမျှ​မ​ရေတွက်​နိုင်​သည့်​များစွာ​သော​လူ​အစုအဝေး​သည် ဖြူ​သော​ဝတ်လုံ​ကို​ဝတ်ဆင်​ထား​လျက် သူ​တို့​လက်​၌ စွန်ပလွံ​ခက်​များ​ကိုင်ဆောင်​ကာ ပလ္လင်​တော်​နှင့်​သိုးသငယ်​တော်​ရှေ့​တွင် ရပ်​နေ​ကြ​၏။