ယေ​ဇ​ကျေ​လ 37:27 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁷ ငါ​၏​ကိန်းဝပ်​တော်မူ​ရာ​တဲ​တော်​သည်​လည်း သူ​တို့​နှင့်အတူ​ရှိ​မည်​။ ငါ​သည် သူ​တို့​၏​ဘုရားသခင်​ဖြစ်​မည်​။ သူ​တို့​သည်​လည်း ငါ​၏​လူမျိုး​တော်​ဖြစ်​မည်​။

Common Language Bible

²⁷ ငါ​သည်​ထို​အ​ရပ်​တွင်​သူ​တို့​နှင့်​အ​တူ​ကိန်း ဝပ်​၍​သူ​တို့​၏​ဘု​ရား​ဖြစ်​လိမ့်​မည်။ သူ​တို့ သည်​လည်း​ငါ​၏​လူ​မျိုး​တော်​ဖြစ်​ကြ​လိမ့် မည်။-

Garrad Bible

²⁷ စံ ရာ တော် ပါ ရှိ သော ထို သူ တို့ သည် ငါ့ လူ မျိုး၊ ငါ လည်း သူ တို့ ဘု ရား သ ခင် ဖြစ် လိမ့် မည်။

Judson Bible

²⁷ ငါ၏​ဗိ​မာန်​တော်​သည်​လည်း သူ​တို့၌​ရှိ၍၊ ငါ​သည် သူ​တို့၏ ဘု​ရား​သ​ခင်​ဖြစ်​မည်။ သူ​တို့​သည်​လည်း ငါ၏​လူ​ဖြစ်​လိမ့်​မည်။

ယေ​ဇ​ကျေ​လ 37:27 Referencias Cruzadas

ယေ​ဇ​ကျေ​လ 11:20

သို့ဖြစ်၍ သူ​တို့​သည် ငါ​၏​ပြဋ္ဌာန်းချက်​တို့​ကို​လိုက်လျှောက်​၍ ငါ​၏​စီရင်ထုံးဖွဲ့ချက်​ကို လိုက်နာ​စောင့်ထိန်း​ကြ​လိမ့်မည်​။ သူ​တို့​သည် ငါ​၏​လူမျိုး​တော်​ဖြစ်​မည်​။ ငါ​သည်​လည်း သူ​တို့​၏​ဘုရား​ဖြစ်​မည်​။

ယေ​ဇ​ကျေ​လ 14:11

သို့မှ အစ္စရေး​အမျိုးအနွယ်​သည် ငါ့​ထံမှ​လမ်းလွဲ​တော့​မည်​မ​ဟုတ်​။ အပြစ်​ကျူးလွန်​ခြင်း​ဖြင့် ကိုယ်ကို​ညစ်ညူး​စေ​တော့​မည်​မ​ဟုတ်​။ သူ​တို့​သည် ငါ​၏​လူမျိုး​တော်​ဖြစ်​မည်​။ ငါ​သည်​လည်း သူ​တို့​၏​ဘုရား​ဖြစ်​မည်​ဟု မိန့်​တော်မူ​၏​’​ဟူ၍ ဆင့်ဆို​လော့​”​ဟု မိန့်ဆို​၏​။

ယေ​ဇ​ကျေ​လ 36:28

သင်​တို့​၏​ဘိုးဘေး​တို့​အား ငါ​ပေး​ခဲ့​သော​ပြည်​၌ သင်​တို့​အသက်ရှင်​နေထိုင်​ကြ​ရ​မည်​။ သင်​တို့​သည် ငါ​၏​လူမျိုး​တော်​ဖြစ်​မည်​။ ငါ​သည်​လည်း သင်​တို့​၏​ဘုရားသခင်​ဖြစ်​မည်​။

ယေ​ဇ​ကျေ​လ 37:23

သူ​တို့​သည် ရုပ်တု​များ​၊ စက်ဆုပ်ရွံရှာဖွယ်​အရာ​များ​နှင့် အပြစ်​အမျိုးမျိုး​ကျူးလွန်​ခြင်း​တို့​ဖြင့် ကိုယ်ကို​ညစ်ညူး​စေ​တော့​မည်​မ​ဟုတ်​။ သူ​တို့​အပြစ်ပြု​လေ​ရာ​အရပ်ရပ်​တို့​မှ သူ​တို့​ကို​ကယ်နုတ်​၍ သူ​တို့​ကို​စင်ကြယ်​စေ​မည်​။ သူ​တို့​သည် ငါ​၏​လူမျိုး​တော်​ဖြစ်​မည်​။ ငါ​သည်​လည်း သူ​တို့​၏​ဘုရား​ဖြစ်​မည်​။

ဟော​ရှေ 2:23

သူ့​ကို မြေ​ပေါ်တွင် ကြဲ​မည်​။ ကရုဏာ​မ​ခံစား​ရ​သူ​ကို ကရုဏာ​ပြ​မည်​။ ငါ့​လူ​မ​ဟုတ်​သော​သူ​ကို ‘သင်​သည် ငါ့​လူ​ဖြစ်​သည်’​ဟု ပြော​မည်​။ သူ​က​လည်း ‘ကိုယ်တော်​သည် အကျွန်ုပ်​၏​သခင် ဖြစ်​သည်’​ဟူ၍ ဆို​လိမ့်မည်”​ဟု မိန့်​တော်မူ​၏​။

ရှင်ယောဟန် 1:14

နှုတ်ကပတ်တော်​သည် လူသား​အဖြစ်​ကို​ခံယူ​၍ အကျွန်ုပ်​တို့​တွင်​စံမြန်း​တော်မူ​သဖြင့် အကျွန်ုပ်​တို့​သည် ကိုယ်တော်​၏​ဘုန်း​တော်​ကို ဖူးမြင်​ရ​ကြ​၏။ ထို​ဘုန်း​တော်​ကား ခမည်းတော်​ထံပါး​၌ တစ်ပါးတည်း​သော​သား​တော်​အဖြစ်​ရှိ​သော​ဘုန်း​တော်​ဖြစ်​လျက် ကျေးဇူး​တော်​နှင့်​လည်းကောင်း၊ သမ္မာတရား​နှင့်​လည်းကောင်း ပြည့်စုံ​၏။

၂ ကော 6:16

ဘုရားသခင်​၏​ဗိမာန်​တော်​နှင့်​ရုပ်တု​တို့​အကြား​၌ မည်သို့သော​သဘော​တူညီ​မှု​ရှိ​သနည်း။ ဘုရားသခင်​က “ငါ​သည် သူ​တို့​အထဲတွင်​ကိန်းဝပ်​လျက် သူ​တို့​အလယ်၌​သွားလာ​ကာ သူ​တို့​၏​ဘုရားသခင်​ဖြစ်​မည်။ သူ​တို့​သည်​လည်း ငါ​၏​လူမျိုး​ဖြစ်​ကြ​လိမ့်မည်”​ဟု မိန့်​တော်မူ​ခဲ့​သည့်​အတိုင်း ငါ​တို့​သည် အသက်ရှင်​တော်မူ​သော ဘုရားသခင်​၏​ဗိမာန်​တော်​ဖြစ်​ကြ​၏။

ဗျာ​ဒိတ် 21:22

ထို​မြို့​၌ ဗိမာန်​တော်​ကို ငါ​မ​တွေ့​ရ​ပေ။ အကြောင်းမူကား အနန္တ​တန်ခိုး​နှင့်​ပြည့်စုံ​တော်မူ​သော ထာဝရ​အရှင်​ဘုရားသခင်​နှင့် သိုးသငယ်​တော်​သည် ထို​မြို့​၏​ဗိမာန်​တော်​ဖြစ်​၏။

ဗျာ​ဒိတ် 21:3

ထို့နောက် ပလ္လင်​တော်​မှ​ကျယ်လောင်​သော​အသံ​က “ကြည့်ရှု​လော့။ ဘုရားသခင်​စံရာ​တဲ​တော်​သည် လူ​တို့​တွင်​ရှိ​၍ ကိုယ်တော်​သည် သူ​တို့​နှင့်အတူ​စံမြန်း​တော်မူ​မည်။ သူ​တို့​သည်​လည်း ကိုယ်တော်​၏​လူမျိုး​တော်​ဖြစ်​ကြ​ပြီး ဘုရားသခင်​ကိုယ်တော်​တိုင် သူ​တို့​နှင့်အတူ​ရှိ​၍ သူ​တို့​၏​ဘုရားသခင်​ဖြစ်​တော်မူ​မည်။

ဗျာ​ဒိတ် 7:15

ထို့ကြောင့် သူ​တို့​သည် ဘုရားသခင်​၏​ပလ္လင်​တော်​ရှေ့​၌​နေ​၍ ကိုယ်တော်​၏​ဗိမာန်​တော်​တွင် နေ့​ရော​ည​ပါ ကိုယ်တော်​ကို​ဝတ်ပြု​ရ​ကြ​၏။ ပလ္လင်​တော်​ပေါ်တွင်​ထိုင်​တော်မူ​သော​အရှင်​သည်​လည်း သူ​တို့​နှင့်အတူ​စံမြန်း​တော်မူ​လိမ့်မည်။