ယေ​ဇ​ကျေ​လ 36:37 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁷ ဘုရားရှင်​ထာဝရဘုရား​က ‘အစ္စရေး​အမျိုး​တို့ တောင်းဆို​သည့်​အတိုင်း ငါ​ပြု​ပေး​မည်​။ သူ​တို့​ကို သိုး​တို့​ကဲ့သို့ တိုးပွား​စေ​မည်​။

Common Language Bible

³⁷ အ​ရှင်​ထာ​ဝရ​ဘု​ရား​က``ငါ​သည်​ဤ​ထက် မ​က​ပင်​ပြု​တော်​မူ​မည်။ ဣ​သ​ရေ​လ​အ​မျိုး သား​တို့​အား​ငါ့​ထံ​တွင်​တစ်​ဖန်​အ​ကူ​အ​ညီ တောင်း​ခံ​ခွင့်​ကို​ပေး​မည်။ သူ​တို့​အား​သိုး​အုပ် ကဲ့​သို့​အ​ရေ​အ​တွက်​တိုး​ပွား​လာ​စေ​မည်။-

Garrad Bible

³⁷ ဣ သ ရေ လ အ မျိုး သား တို့ တောင်း လျှောက် သည့် အ တိုင်း၊ ငါ စီ ရင် ဦး မည် မှာ၊ လူ များ ကို သိုး စု ကဲ့ သို့ တိုး ပွား စေ မည်။

Judson Bible

³⁷ အ​ရှင်​ထာ​ဝ​ရ​ဘု​ရား မိန့်​တော်​မူ​သည်​ကား၊ ဣ​သ​ရေ​လ​အ​မျိုး​အ​ဖို့ ဤ​အ​မှု​ကို ငါ​ပြု​ရ​မည်​အ​ကြောင်း၊ သူ​တို့​သည် ငါ့​ကို တောင်း​ပန်​ရ​ကြ​မည်။ သိုး​များ​ပြား​သ​ကဲ့​သို့ ထို​အ​မျိုး​သား​ချင်း​တို့​ကို များ​ပြား​စေ​မည်။

ယေ​ဇ​ကျေ​လ 36:37 Referencias Cruzadas

ဆာ​လံ 10:17

အို ထာဝရဘုရား​၊ ကိုယ်တော်​သည် ဖိစီးနှိပ်စက်​ခြင်း​ခံရ​သော​သူ​တို့​၏​အလိုဆန္ဒ​ကို ကြားသိ​လျက် သူ​တို့​၏​စိတ်နှလုံး​ကို တည်ကြည်​စေ​တော်မူ​၏​။

ဆာ​လံ 102:17

ကိုယ်တော်​သည် ခိုကိုး​ရာ​မဲ့​သော​သူ​တို့​၏ ဆုတောင်းချက်​ကို ဂရုစိုက်​တော်မူ​၏​။ သူ​တို့​၏​ဆုတောင်းချက်​ကို မထီမဲ့မြင်ပြု​တော်​မ​မူ​။

ယေ​ရ​မိ 30:19

သူ​တို့​ထံမှ ချီးမွမ်း​ခြင်း​သီချင်း​နှင့် ပျော်မြူး​သော​အသံ​ထွက်ပေါ်​လာ​မည်​။ သူ​တို့​ကို ငါ​တိုးပွား​စေ​မည်​၊ လျော့နည်း​စေ​မည်​မ​ဟုတ်​။ သူ​တို့​ကို ငါ​ဂုဏ်ပြု​မည်​၊ အထင်သေး​ခြင်း ခံရ​စေ​မည်​မ​ဟုတ်​။

ယေ​ဇ​ကျေ​လ 14:3

“​အချင်း​လူသား​၊ ဤ​လူ​တို့​သည် သူ​တို့​စိတ်​ထဲတွင် ရုပ်တု​များ​ကို နေရာပေး​လျက်​၊ သူ​တို့​ရှေ့​တွင် ဒုစရိုက်​ခလုတ်တံသင်း​ကို ချထား​လျက်​နှင့် ငါ့​အား​မေးလျှောက်​သည်​ကို ငါ​ခွင့်ပြု​ရ​မည်လော​။

ယေ​ဇ​ကျေ​လ 20:3

“​အချင်း​လူသား​၊ အစ္စရေး​သက်ကြီးဝါကြီး​တို့​အား ‘​ဘုရားရှင်​ထာဝရဘုရား​က ငါ့​ထံ​မေးလျှောက်​ရန် သင်​တို့​လာ​ကြ​သလော​။ စင်စစ် ငါ​အသက်ရှင်​သည်​နှင့်အညီ သင်​တို့​ကို မေးလျှောက်​ခွင့်​မ​ပြု​ဟူ၍ မိန့်​တော်မူ​သည်’​ဟု ဆင့်ဆို​လော့​။

ယေ​ဇ​ကျေ​လ 20:31

ဘုရားရှင်​ထာဝရဘုရား​က ‘အို အစ္စရေး​အမျိုးအနွယ်​တို့​၊ သင်​တို့​သည် ယနေ့​တိုင်အောင် ပူဇော်သက္ကာ​များ​အဖြစ် ကိုယ့်​သား​တို့​ကို မီးရှို့​ပူဇော်​လျက်​၊ ရုပ်တု​ရှိသမျှ​တို့​နောက်​သို့​လိုက်​၍ ကိုယ်ကို​ညစ်ညူး​စေ​လျက်​နှင့်​ပင် သင်​တို့​မေးလျှောက်​သည်​ကို ငါ​ခွင့်ပြု​ရ​မည်လော​။ စင်စစ် ငါ​အသက်ရှင်​သည်​နှင့်အညီ သင်​တို့​ကို ငါ့​ထံ​မေးလျှောက်​ခွင့်​မ​ပေး​။

ယေ​ဇ​ကျေ​လ 36:36

ငါ​ထာဝရဘုရား​သည် ဖျက်ဆီး​ခံရ​သော​မြို့​တို့​ကို ပြန်လည်​တည်ဆောက်​သော​ဘုရား​၊ လူသူကင်းမဲ့​သော​အရပ်​တို့​ကို ပြန်လည်​သက်ဝင်​စေ​သော​ဘုရား​ဖြစ်ကြောင်း သင့်​ဝန်းကျင်​ရှိ​အခြား​တိုင်းပြည်​တို့ သိ​ကြ​လိမ့်မည်​။ ငါ​ထာဝရဘုရား မိန့်ဆို​သည့်​အတိုင်း ပြု​မည်’​ဟု မိန့်​တော်မူ​၏​။

ယေ​ဇ​ကျေ​လ 36:38

ဆိတ်ညံ​ခဲ့​သော​မြို့​တို့​သည် သတ်မှတ်​ထား​သော​ပွဲတော်​ကာလ​တွင် ဂျေရုဆလင်​မြို့​၌ ယဇ်ပူဇော်​ရန်​သိုး​များ​နှင့် ပြည့်နှက်​နေ​သကဲ့သို့ လူအုပ်​များ​နှင့် ပြည့်​နေ​လိမ့်မည်​။ သို့မှ ငါ​သည် ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်’​ဟူ၍ မိန့်​တော်မူ​ကြောင်း ဆင့်ဆို​လော့”​ဟု မိန့်ဆို​၏​။

ဒံ​ယေ​လ 2:18

ဤ​နက်နဲသောအရာ​ကြောင့် ဒံယေလ​နှင့် သူ​၏​အပေါင်းအဖော်​တို့​သည် အခြား​ဘေဘီလုံ​ပညာရှိ​တို့​နှင့်အတူ ကွပ်မျက်​မ​ခံရ​စေရန် ကောင်းကင်ဘုံရှင်​ဘုရားသခင်​ထံ ဆုတောင်း​အသနားခံ​ကြ​မည့်​အကြောင်း တိုက်တွန်း​လေ​၏​။

မိက္ခာ 2:12

အို ယာကုပ်​အမျိုး​၊ သင်​တို့​အားလုံး​ကို ငါ​ဧကန်အမှန်​စုသိမ်း​မည်​။ ကြွင်းကျန်​သော​အစ္စရေး​လူမျိုး​ကို ငါ​ဧကန်အမှန်​ပြန်လည်​စုစည်း​မည်​။ သိုးခြံ​ထဲမှ​သိုးအုပ်​ကဲ့သို့​၊ စားကျက်မြေ​ထဲမှ သိုးစု​ကဲ့သို့ တစ်စုတစ်စည်း​တည်း​ဖြစ်​စေ​မည်​။ လူ​များ​သဖြင့် ဆူညံ​နေ​လိမ့်မည်​။

ဇာ​ခ​ရိ 10:6

ငါ​သည် ယုဒ​အမျိုးအနွယ်​ကို ခွန်အား​နှင့်​ပြည့်​စေ​မည်​။ ယောသပ်​အမျိုးအနွယ်​ကို ကယ်တင်​မည်​။ သူ​တို့​ကို​သနားစုံမက်​သောကြောင့် ပြန်လည်​ခေါ်ဆောင်​လာ​မည်​။ သူ​တို့​သည် ငါ​မ​စွန့်ပယ်​ဖူး​သော​သူ​ကဲ့သို့ ဖြစ်​မည်​။ ငါ​သည် သူ​တို့​၏​ဘုရားသခင်​ထာဝရဘုရား ဖြစ်​တော်မူ​သောကြောင့် သူ​တို့​ကို ငါ​ထူး​မည်​။

ဇာ​ခ​ရိ 10:9

ငါ​သည် သူ​တို့​ကို လူမျိုးတကာ​တို့​ထံ ကွဲလွင့်​စေ​ခဲ့​သော်လည်း သူ​တို့​သည် ရပ်ဝေး​၌ပင် ငါ့​ကို​သတိရ​ကြ​လိမ့်မည်​။ သူ​တို့​သည် သားသမီး​များ​နှင့်တကွ အသက်ရှင်​လျက် ပြန်လာ​ရ​ကြ​လိမ့်မည်​။

ဇာ​ခ​ရိ 13:9

ငါ​သည် ထို​သုံးပုံတစ်ပုံ​ကို မီး​ထဲသို့​ထည့်​၍ ငွေ​ကို​သန့်စင်​သကဲ့သို့ သန့်စင်​မည်​။ ရွှေ​ကို​စစ်​သကဲ့သို့ စစ်​မည်​။ သူ​တို့​သည် ငါ့​နာမ​ကို​ခေါ်​သောအခါ ငါ​ထူး​မည်​။ ‘သူ​တို့​သည် ငါ့​လူမျိုး​တော်​ဖြစ်​ကြ​၏’​ဟု ငါ​ဆို​မည်​။ သူ​တို့​က​လည်း ‘ထာဝရဘုရား​သည် အကျွန်ုပ်​တို့​၏​ဘုရားသခင်​ဖြစ်​တော်မူ​၏’​ဟူ၍ လျှောက်ဆို​ကြ​လိမ့်မည်”​ဟု မိန့်​တော်မူ​၏​။

တ​ရား​ဟော 30:5

သင်​၏​ဘုရားသခင်​ထာဝရဘုရား​သည် သင့်​ဘိုးဘေး​တို့​ပိုင်ဆိုင်​ခဲ့​သည့်​ပြည်​သို့ သင့်​ကို ပို့ဆောင်​တော်မူ​၍ သင်​သည် ထို​ပြည်​ကို ပိုင်ဆိုင်​ရ​မည်​။ သင့်​ကို​ကောင်းစား​စေ​၍ သင့်​ဘိုးဘေး​တို့​ထက် သင့်​ကို​တိုးပွား​စေ​တော်မူ​မည်​။

ဖိ​လိပ္ပိ 4:6

မည်သည့်​အမှု​ကို​မျှ မ​စိုးရိမ်​ဘဲ အရာရာ​၌ ကျေးဇူး​တော်​ချီးမွမ်း​ခြင်း​နှင့်တကွ ဆုတောင်း​ခြင်း​နှင့်​အသနားခံ​ခြင်း​တို့​ဖြင့် သင်​တို့​တောင်းခံ​လို​သော​အရာ​များ​ကို ဘုရားသခင်​အား သိ​စေ​ကြ​လော့။

ဟေ​ဗြဲ 4:16

ထို့ကြောင့် ငါ​တို့​သည် ကရုဏာ​တော်​နှင့်​ကျေးဇူး​တော်​တို့​ကို​ခံစား​ရ​လျက် သင့်လျော်​သော​အချိန်​၌ ကူညီမစ​မှု​ကို​ရရှိ​မည့်​အကြောင်း ယုံကြည်​စိတ်ချ​စွာ​ဖြင့် ကျေးဇူး​တော်​ပလ္လင်​သို့ တိုးဝင်​ချဉ်းကပ်​ကြ​ကုန်​စို့။

၁ ယော 5:14

ဘုရားသခင်​၌ ငါ​တို့​ထားရှိ​သော​ယုံကြည်​စိတ်ချ​မှု​ကား ငါ​တို့​သည် အလို​တော်​နှင့်အညီ တစ်စုံတစ်ခု​ကို​တောင်းလျှောက်​လျှင် ဘုရားသခင်​သည်​နားညောင်း​တော်မူ​၏​ဟူ၍​ဖြစ်​၏။