ယေ​ဇ​ကျေ​လ 36:30 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁰ သစ်သီးဝလံ​နှင့် ကောက်ပဲသီးနှံ​တို့​ကို ပေါကြွယ်ဝ​စေ​မည်​။ သို့မှ အငတ်ဘေး​ကြောင့် လူမျိုးခြား​တို့​ကဲ့ရဲ့​ခြင်း​ကို သင်​တို့​ကြုံ​ရ​တော့​မည်​မ​ဟုတ်​။

Common Language Bible

³⁰ ငါ​သည်​သစ်​သီး​ဝ​လံ​များ​နှင့်​ကောက်​ပဲ သီး​နှံ​များ​ကို​အ​ထွက်​တိုး​စေ​မည်။ ဤ နည်း​အား​ဖြင့်​လူ​မျိုး​တ​ကာ​တို့​တွင်​သင် တို့​ကို​အ​သ​ရေ​ပျက်​စေ​သည့်​အ​စာ​ငတ် မွတ်​ခေါင်း​ပါး​ခြင်း​ကပ်​သင့်​တော့​မည် မ​ဟုတ်။-

Judson Bible

³⁰ သင်​တို့​သည် မွတ်​သိပ်၍ တစ်​ပါး​အ​မျိုး​သား​တို့ ကဲ့​ရဲ့​ခြင်း​နှင့် လွတ်​စေ​မည်​အ​ကြောင်း၊ သစ်​ပင်​အ​သီး​နှင့် မြေ​အ​သီး​အ​နှံ​ကို ငါ​များ​ပြား​စေ​မည်။

ယေ​ဇ​ကျေ​လ 36:30 Referencias Cruzadas

ဆာ​လံ 85:13

ဖြောင့်မတ်​ခြင်း​သည် ကိုယ်တော်​၏​ရှေ့​မှ​သွား​၍ ကိုယ်တော်​၏​ခြေလှမ်း​များ​အတွက် လမ်း​ကို​ပြင်ဆင်​ပေး​လိမ့်မည်​။

ယေ​ရ​မိ 31:12

သူ​တို့​သည် ဇိအုန်​တောင်ထိပ်​သို့​လာ​၍ ရွှင်လန်း​စွာ​ကြွေးကြော်​ကြ​လိမ့်မည်​။ ကောက်ပဲသီးနှံ​၊ စပျစ်ဝိုင်​အသစ်​၊ ဆီ​၊ သိုးသငယ်​၊ နွားသငယ် စသည်​တို့​ဖြင့် ထာဝရဘုရား​၏​ကောင်းမြတ်​ခြင်း​ကြောင့် ဝမ်းမြောက်​ကြ​လိမ့်မည်​။ သူ​တို့​၏​စိတ်ဝိညာဉ်​သည် ရေဝ​သော​ဥယျာဉ်​ကဲ့သို့​ဖြစ်​မည်​။ ဝမ်းနည်းပူဆွေး​ရ​တော့​မည်​မ​ဟုတ်​။

ယေ​ဇ​ကျေ​လ 34:13

သူ​တို့​ကို လူမျိုး​တကာ​တို့​ထံမှ ထုတ်ဆောင်​လာ​မည်​။ အရပ်ရပ်​တို့​မှ ပြန်လည်​စုစည်း​၍ နေရင်းပြည်​သို့ ပြန်ပို့ဆောင်​မည်​။ အစ္စရေး​တောင်တန်း​များ​အပေါ်​၊ မြစ်ချောင်း​များ​အနား​မှစ၍ သူ​တို့​နေထိုင်​ရာ​အရပ်ရပ်​တို့​တွင် သူ​တို့​ကို ကျွေးမွေး​မည်​။

ယေ​ဇ​ကျေ​လ 34:14

ကောင်း​သော​စားကျက်မြေ​တွင် သူ​တို့​ကို ကျွေးမွေး​မည်​။ မြင့်မား​သော​အစ္စရေး​တောင်တန်း​များ​သည် သူ​တို့​ကျက်စား​ရာ​နေရာ​ဖြစ်​လိမ့်မည်​။ ကောင်း​သော​စားကျက်မြေ​တွင်​နေ​ရ​၍ စိမ်းလန်း​သော​ကျက်စား​ရာ အစ္စရေး​တောင်တန်း​များ​ပေါ်တွင် သူ​တို့​ကျက်စား​ရ​ကြ​လိမ့်မည်’​ဟု မိန့်​တော်မူ​၏​။

ယေ​ဇ​ကျေ​လ 34:27

တော​ထဲရှိ​အပင်​တို့​သည် အသီး​သီး​လိမ့်မည်​။ မြေကြီး​သည် အသီးအနှံ​ကို ဖြစ်ထွန်း​စေ​မည်​။ သူ​တို့​သည် နေရင်းပြည်​တွင် ဘေးကင်းလုံခြုံ​စွာ​နေ​ရ​လိမ့်မည်​။ သူ​တို့​ထမ်း​ထား​ရ​သော​ထမ်းပိုး​ကို​ချိုး​၍ သူ​တို့​အား​ကျွန်ပြု​သော​သူ​တို့​လက်​မှ သူ​တို့​ကို ကယ်နုတ်​သောအခါ ငါ​သည် ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်​။

ယော​လ 2:17

ထာဝရဘုရား​၏​အမှု​တော်​ဆောင် ယဇ်ပုရောဟိတ်​တို့​သည် ဆင်ဝင်ပေါက်​နှင့်​ယဇ်ပလ္လင်​ကြား​တွင် ငိုကြွေး​လျက် “​အို ထာဝရဘုရား​၊ ကိုယ်တော်​၏​လူမျိုး​တော်​ကို သနား​တော်မူ​ပါ​။ ကိုယ်တော်​၏​အမွေ​တော်​ကို လူမျိုးခြား​တို့​အလယ်​တွင် ကဲ့ရဲ့စရာ​၊ ပုံခိုင်းစရာ​ဖြစ်​အောင် ပြု​တော်​မ​မူ​ပါ​နှင့်​။ လူမျိုးခြား​တို့​က ‘သူ​တို့​၏​ဘုရားသခင်​သည် အဘယ်မှာ​ရှိ​သနည်း’​ဟူ၍ လူမျိုးတကာ​၏​အလယ်​တွင် အဘယ်ကြောင့် ဆို​ရ​ပါ​မည်နည်း​”​ဟု လျှောက်​ကြ​စေ​။

ယော​လ 2:19

ထာဝရဘုရား​က မိမိ​လူမျိုး​တော်​အား “​ကြည့်ရှု​လော့​။ ငါ​သည် သင်​တို့​အား ကောက်ပဲသီးနှံ​၊ စပျစ်ဝိုင်​အသစ်​နှင့်​ဆီ​ကို ပေးသနား​၍ သင်​တို့​သည် ဝပြော​စွာ​စားသောက်​ရ​မည်​။ သင်​တို့​ကို လူမျိုးခြား​တို့​အလယ်​တွင် ကဲ့ရဲ့စရာ​ဖြစ်စေ​တော့​မည်​မ​ဟုတ်​။

ယော​လ 2:26

သင်​တို့​သည် ဝလင်​စွာ​စား​ရ​သဖြင့် သင်​တို့​အဖို့ အံ့ဖွယ်​သော​အမှု​ပြု​တော်မူ​သော သင်​တို့​၏​ဘုရားသခင်​ထာဝရဘုရား​၏​နာမ​တော်​ကို သင်​တို့​ချီးမွမ်း​ကြ​လိမ့်မည်​။ ငါ​၏​လူမျိုး​တော်​သည် ဘယ်သောအခါ​မျှ အရှက်ကွဲ​ရ​တော့​မည်​မ​ဟုတ်​။

ဝတ်​ပြု 25:19

ထို​ပြည်​၌ အသီးအနှံ​ဖြစ်ထွန်း​၍ သင်​တို့​သည် ဝ​စွာ​စား​ရ​မည်​။ ဘေးကင်းလုံခြုံ​စွာ​နေထိုင်​ရ​မည်​။

ဝတ်​ပြု 26:4

ငါ​သည် သင်​တို့​အဖို့ မိုး​ကို သူ့​ရာသီ​နှင့်​သူ​ရွာ​စေ​သဖြင့် မြေ​သည် အသီးအနှံ​ဖြစ်ထွန်း​လိမ့်မည်​။ လယ်ယာ​ရှိ​အပင်​တို့​သည် ကောက်ပဲသီးနှံ​ဖြစ်ထွန်း​လိမ့်မည်​။