ယေ​ဇ​ကျေ​လ 28:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ သင့်​ဉာဏ်ပညာ​၊ သင့်​ထိုးထွင်းဉာဏ်​ဖြင့် ဥစ္စာပစ္စည်း​၊ ရွှေ​ငွေ​ရတနာ​တို့​ကို ရှာဖွေသိုမှီး​နိုင်​ပြီ​။

Common Language Bible

⁴ သင်​သည်​အ​သိ​ပ​ညာ၊ အ​တတ်​ပညာ​ဖြင့် ရွှေ၊ ငွေ​ဘဏ္ဍာ​ပေါ​များ​ကြွယ်​ဝ​လာ​၏။-

Garrad Bible

⁴ ဉာဏ် ပ ညာ၊ ဉာဏ် ပ ဋိ ဘာန် ကြောင့် ကြွယ် ဝ လျက်၊ ဘ ဏ္ဍာ တိုက် တွင် ရွှေ ငွေ ပြည့် ခြင်း၊

Judson Bible

⁴ ကိုယ်​ဉာဏ်​ပ​ညာ​အား​ဖြင့် ဥ​စ္စာ​ရ​တတ်၏။ ရွှေ​ငွေ​ကို ဆည်း​ပူး​ပြီ။

ယေ​ဇ​ကျေ​လ 28:4 Referencias Cruzadas

သုတ္တံကျမ်း။ 18:11

ချမ်းသာ​သော​သူ​၏​စည်းစိမ်ဥစ္စာ​သည် သူ​၏​ခိုင်ခံ့​သော​မြို့​ဖြစ်​၏​။ ၎င်း​ကို မြင့်မား​သော​တံတိုင်း​နှင့်​တူ​သည်​ဟု သူ​ထင်မှတ်​တတ်​၏​။

ဒေသနာကျမ်း။ 9:11

တစ်ဖန် နေ​အောက်​တွင် ငါ​ပြန်​၍​တွေ့မြင်​သည်​ကား ပြိုင်ပွဲ​သည် လျင်မြန်​သော​သူ​တို့​အတွက်​သာ​မ​ဟုတ်​။ စစ်ပွဲ​သည် ခွန်အားကြီး​သော​သူ​တို့​အတွက်​သာ​မ​ဟုတ်​။ အစားအစာ​သည် ပညာရှိ​သော​သူ​တို့​အတွက်​သာ​မ​ဟုတ်​။ ဓနဥစ္စာ​သည် အသိဉာဏ်​ရှိ​သော​သူ​တို့​အတွက်​သာ​မ​ဟုတ်​။ မျက်နှာရ​ခြင်း​သည်​လည်း တတ်သိ​နားလည်​သော​သူ​တို့​အတွက်​သာ​မ​ဟုတ်​။ အကြောင်းမူကား အချိန်​ကာလ​နှင့်​အကြောင်းတိုက်ဆိုင်မှု​သည် ထို​သူ​အားလုံး​တို့​၌ ရောက်လာ​တတ်​၏​။

ဟေ​ရှာ​ယ 10:13

အကြောင်းမူကား ထို​ဘုရင်​က “​ငါ​၌ အသိဉာဏ်​ရှိ​၏​။ ငါ့​လက်ရုံးရည်​၊ ငါ့​ဉာဏ်ပညာ​ဖြင့် ငါ​ပြု​ပြီ​။ လူမျိုး​တို့​၏​နယ်နိမိတ်​ကို ငါ​ရွှေ့​ပြီ​။ သူ​တို့​၏​ဘဏ္ဍာ​ကို တိုက်ခိုက်လုယက်​ပြီ​။ စိုးစံ​သော​ဘုရင်​တို့​ကို စစ်သူရဲ​သဖွယ် ငါ​ဖြုတ်ချ​ပြီ​။

ယေ​ရ​မိ 49:4

အို ဖောက်ပြန်​သော​သမီးပျို​၊ သင်​သည် ဥစ္စာဘဏ္ဍာ​ကို ကိုးစား​၍ ‘​ငါ့​ကို မည်သူ​ဆန့်ကျင်​ဝံ့​သနည်း​’​ဟု ဆို​လျက် အဘယ်ကြောင့် ချိုင့်ဝှမ်း​တို့​၌ ဝါကြွား​သနည်း​။ ထို​ချိုင့်ဝှမ်း​တို့ ယိုယွင်းပျက်စီး​လေ​ပြီ​။

ယေ​ဇ​ကျေ​လ 27:33

ပင်လယ်​မှ​သင်​၏​ကုန်ပစ္စည်း​များ ရောက်လာ​သောအခါ လူ​တို့​နှစ်သက်​ကြ​၏​။ လောကီ​ဘုရင်​တို့​သည် သင်​၏​စည်းစိမ်ဥစ္စာ​များ​၊ သင်​၏​ကုန်ပစ္စည်း​များ​ကြောင့် ကြွယ်ဝ​ချမ်းသာ​ကြ​လေ​ပြီ​။

ယေ​ဇ​ကျေ​လ 29:3

ဘုရားရှင်​ထာဝရဘုရား​က ‘​အီဂျစ်​ဘုရင်​ဖာရော​မင်းကြီး​၊ နိုင်း​မြစ်​ကို​ငါ​ပိုင်​၏​၊ ငါ့​အဖို့ ငါ​ဖန်ဆင်း​ပြီ​ဟု ဆို​လျက် မြစ်ချောင်း​ထဲ​တွင် လဲလျောင်း​နေ​သော​သတ္တဝါကြီး​၊ သင့်​ကို ငါ​ဆန့်ကျင်​မည်​။

ဒံ​ယေ​လ 5:11

အရှင်မင်းကြီး​၏​နိုင်ငံ​တော်​တွင် သန့်ရှင်း​သော​ဘုရား​များ​၏​ဝိညာဉ်​နှင့်​ပြည့်​သော​သူ​တစ်ဦး ရှိ​ပါ​၏​။ ထို​သူ​သည် အရှင်မင်းကြီး​၏​ခမည်းတော်​လက်ထက်​ကပင် ဉာဏ်​အလင်း​၊ ပိုင်းခြား​သိ​နိုင်​သော​ဉာဏ်​၊ ဘုရား​ဉာဏ်​နှင့်​တူ​သော​ဉာဏ် ရှိ​သော​သူ​အဖြစ် ကျော်ကြား​ခဲ့​၏​။ အရှင်မင်းကြီး​၏​ခမည်းတော်​နေဗုခဒ်နေဇာ​မင်းကြီး​သည် သူ့​အား မှော်ဆရာ​များ​၊ ဗေဒင်ဆရာ​များ​၊ ခါလဒဲ​ပညာရှိ​များ​၊ နက္ခတ်ဗေဒ​ဆရာ​များ​၏​အကြီးအမှူး​အဖြစ် ခန့်အပ်​ခဲ့​၏​။

ဟ​ဗက္ကုတ် 1:16

ထို့ကြောင့် သူ​တို့​သည် မိမိ​တို့​ကွန်​များ​ထံ ယဇ်ပူဇော်​၍ မိမိ​တို့​ပိုက်​များ​ထံ နံ့သာပေါင်း​ကို ပူဇော်​ကြ​၏​။ အကြောင်းမှာ ထို​အရာ​များ​အားဖြင့် သူ​တို့​၏​ဥစ္စာ​ပြည့်စုံကြွယ်ဝ​ကြ​ပြီး စားစရာ​လည်း ပေါများ​၏​။