ယေ​ဇ​ကျေ​လ 28:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ သင့်​အလှ​ကြောင့် သင်​ဘဝင်မြင့်​လေ​ပြီ​။ သင့်​ခန့်ညားထည်ဝါမှု​ကြောင့် ပညာမဲ့​ဖြစ်​လေ​ပြီ​။ ငါ​သည် သင့်​ကို​မြေ​ပေါ်သို့​ပစ်ချ​မည်​။ ရှင်ဘုရင်​တို့​သည် သင့်​ကို​ကြည့်​၍ လှောင်ပြောင်​ကြ​လိမ့်မည်​။

Common Language Bible

¹⁷ သင်​သည်​မိ​မိ​၏​အ​ဆင်း​ကြောင့်​ဂုဏ်​ယူ​ဝါ ကြွား​ကာ မိ​မိ​၏​ဂုဏ်​သ​တင်း​ကြောင့်​လူ​မိုက် ကဲ့​သို့​ပြု​၏။ သို့​ဖြစ်​၍​ငါ​သည်​သင့်​ကို​မြေ တိုင်​အောင်​နှိမ့်​ချ​၍ အ​ခြား​ဘု​ရင်​များ​အား သ​တိ​ပေး​သည့်​စံ​န​မူ​နာ​ဖြစ်​စေ​မည်။-

Garrad Bible

¹⁷ သင် သည် တင့် တယ် ခြင်း ကြောင့် စိတ် နေ မြင့်၍၊ ထွန်း ကား ခြင်း ကြောင့်၊ ပ ညာ ယွင်း သည့် အ တွက် မြေ ပေါ် တွင် ငါ လှဲ ချ လျက်၊ ဘု ရင် မင်း တို့ ရှေ့ ရှု မြင် ရန် ထား ခဲ့ ပြီ။

Judson Bible

¹⁷ သင်​သည် ကိုယ်၌ တင့်​တယ်​ခြင်း​အ​သ​ရေ​ကြောင့်၊ ဝါ​ကြွား​သော​စိတ်​ရှိ​လျက် ဂုဏ်​ထွန်း​တောက်​သော​ကြောင့်၊ သင်၏​ပ​ညာ​သည် ဖောက်​ပြန်​လျက်​ရှိ​လေ​ပြီ။ ငါ​သည် သင့်​ကို မြေ​တိုင်​အောင်​နှိမ့်​ချ​မည်။ ရှင်​ဘု​ရင်​တို့​သည် သင့်​ကို​ကြည့်​ရှု၍ ဝမ်း​မြောက်​စေ​ခြင်း​ငှာ၊ သူ​တို့​ရှေ့​မှာ သင့်​ကို​ငါ​ချ​ထား​မည်။

ယေ​ဇ​ကျေ​လ 28:17 Referencias Cruzadas

ဆာ​လံ 147:6

ထာဝရဘုရား​သည် စိတ်နှိမ့်ချ​သော​သူ​တို့​ကို စောင်မ​တော်မူ​၏​။ ဆိုးယုတ်​သော​သူ​တို့​ကို မြေပြင်​အထိ​နိမ့်ကျ​စေ​တော်မူ​၏​။

ဆာ​လံ 73:18

အကယ်စင်စစ် ကိုယ်တော်​သည် ချော​သော​နေရာ​များ​တွင် သူ​တို့​ကို​ထား​၍ ပျက်စီး​ဆိတ်သုဉ်း​သော​အရပ်​သို့ သူ​တို့​ကို​ကျ​စေ​တော်မူ​၏​။

သုတ္တံကျမ်း။ 11:2

မာနထောင်လွှား​ခြင်း​လာ​သောအခါ အရှက်ကွဲ​ခြင်း​လိုက်လာ​တတ်​၏​။ ဉာဏ်ပညာ​ကား စိတ်နှိမ့်ချ​သော​သူ​တို့​နှင့်အတူ လိုက်လာ​၏​။

သုတ္တံကျမ်း။ 16:18

ပျက်စီး​ခြင်း​၏​ရှေ့ပြေး​သည် မာနကြီး​ခြင်း​ဖြစ်​၏​။ ပြိုလဲ​ခြင်း​၏​ရှေ့ပြေး​ကား ဘဝင်မြင့်​ခြင်း​ဖြစ်​၏​။

ဟေ​ရှာ​ယ 25:12

ထို​ပြည်​၏​မြင့်မား​သော​ခံတပ်​မြို့ရိုး​ကို နှိမ့်ချ​ဖြိုလှဲ​တော်မူ​မည်​။ မြေ​တိုင်အောင်​၊ မြေမှုန့်​တိုင်အောင် ရောက်​စေ​တော်မူ​မည်​။

ဟေ​ရှာ​ယ 26:5

ကိုယ်တော်​သည် မြင့်ရာအရပ်​၌​နေ​သော​သူ​တို့​ကို နှိမ့်ချ​တော်မူ​၏​။ မြင့်မား​သော​မြို့​ကို နိမ့်ကျ​စေ​တော်မူ​၏​။ ထို​မြို့​ကို မြေကြီး​တိုင်အောင်​နိမ့်ကျ​စေ​တော်မူ​၏​။ မြေမှုန့်​တိုင်အောင်​ရောက်​စေ​တော်မူ​၏​။

ယေ​ရ​မိ 8:9

ပညာရှိ​တို့​သည် အရှက်ကွဲ​ကြ​လိမ့်မည်​၊ ကြောက်လန့်​ကြ​လိမ့်မည်​၊ ဖမ်းဆီး​ခြင်း​ခံရ​ကြ​လိမ့်မည်​။ သူ​တို့​သည် ထာဝရဘုရား​၏​စကား​တော်​ကို​စွန့်ပယ်​ကြ​၏​။ သူ​တို့​၌ မည်သည့်​ဉာဏ်ပညာ​ရှိ​မည်နည်း​။

ယေ​ဇ​ကျေ​လ 16:41

သင့်​အိမ်​ကို မီး​ရှို့​ပစ်​မည်​။ မိန်းမ​အများ​ရှေ့​တွင် ဒဏ်ခတ်​မည်​။ ဤသို့ဖြင့် သင်​အဖိုးအခ​ပေး​ပြီး ဖောက်ပြန်မှားယွင်း​သော​အမှု​ပြု​ခြင်း​မှ ငါ​ရပ်တန့်​စေ​မည်​။

ယေ​ဇ​ကျေ​လ 19:12

သို့သော် ထို​စပျစ်ပင်​သည် ဒေါသတကြီး ဆွဲနုတ်​ခံရ​၏​။ မြေ​ပေါ်၌ ပစ်ထား​ခံရ​၏​။ အရှေ့​လေတိုက်​သောအခါ သူ​၏​အသီး​တို့​သည် ခြောက်သွေ့​ကုန်​၏​။ သန်မာ​သော​အကိုင်းအခက်​တို့​သည် ကျိုးပဲ့​၍​ခြောက်​သွား​ပြီး မီးရှို့​ခံရ​လေ​၏​။

ယေ​ဇ​ကျေ​လ 23:48

အခြား​သော​မိန်းမ​အပေါင်း​တို့​သည် သင်​တို့​ပြု​သကဲ့သို့ ညစ်ညမ်း​သော​အမှု​ကို​မ​ပြု​ဘဲ သင်ခန်းစာ​ယူ​နိုင်​ရန် ပြည်​ထဲ​ရှိ ညစ်ညမ်းမှု​တို့​ကို ငါ​အဆုံးသတ်​ပစ်​မည်​။

ယေ​ဇ​ကျေ​လ 26:16

ထိုအခါ ပင်လယ်​မင်း​အပေါင်း​တို့​သည် ရာဇပလ္လင်​ပေါ်​မှ​ဆင်း​၍ ဝတ်လုံ​များ​၊ ပိုးဖဲကတ္တီပါ​အဝတ်​များ​ကို ချွတ်ပစ်​ကြ​လိမ့်မည်​။ ကြောက်ရွံ့​ခြင်း​တန်ဆာ​ကို ဝတ်ဆင်​ကြ​လိမ့်မည်​။ မြေ​ပေါ်မှာ​ထိုင်​လျက်​၊ တုန်လှုပ်​လျက် သင့်​ကို အံ့ဩ​ကြ​လိမ့်မည်​။

ယေ​ဇ​ကျေ​လ 27:3

ပင်လယ်ဝ​၌ တည်​၍ ကမ်းရိုးတန်းဒေသ​တစ်လျှောက်​ရှိ​လူ​တို့​နှင့် ကုန်သွယ်​သော​တိုင်ရာ​မြို့​အား သင်​ဆင့်ဆို​လော့​။ ဘုရားရှင်​ထာဝရဘုရား​က ‘အို တိုင်ရာ​မြို့​၊ သင်​က ငါ​သည် အလှတရား​နှင့်​ပြည့်စုံ​၏​ဟု ဆို​လေ​ပြီ​။

ယေ​ဇ​ကျေ​လ 27:4

သင်​၏​နယ်နိမိတ်​သည် ပင်လယ်​ထဲ​၌​ရှိ​၏​။ ဗိသုကာပညာရှင်​တို့​သည် သင့်​ကို​လှပ​အောင် တည်ဆောက်​ထား​ပြီ​။

ယေ​ဇ​ကျေ​လ 28:15

သင့်​ကို​ဖန်ဆင်း​သည့်​နေ့​မှစ၍ သင်​ပြု​ခဲ့​သော​မတရားမှု​ပေါ်လာ​သည့်​နေ့​တိုင်အောင် အပြစ်တင်စရာ​တစ်စုံတစ်ခု​မျှ​မ​ရှိ​ခဲ့​။

ယေ​ဇ​ကျေ​လ 28:2

“​အချင်း​လူသား​၊ တိုင်ရာ​မင်းကြီး​အား ဤသို့​ဆင့်ဆို​လော့​။ ဘုရားရှင်​ထာဝရဘုရား​က ‘သင်​သည် ဘဝင်မြင့်​၍ ငါ​သည် ဘုရား​ဖြစ်​၏​။ သမုဒ္ဒရာ​အလယ် ဘုရား​တို့​၏​ပလ္လင်​တော်​၌ စံမြန်း​၏​ဟု သင်​ဆို​၏​။ သင်​သည် ဘုရား​မ​ဟုတ် လူသား​ဖြစ်​လျက်​နှင့် သင့်​စိတ်​ထဲ​တွင် သင့်ကိုယ်သင် ဘုရား​ဟု​ထင်မှတ်​၏​။

ယေ​ဇ​ကျေ​လ 28:5

သင်​သည် ကုန်သွယ်​ရာ​၌ ကျွမ်းကျင်​လွန်း​၍ ဥစ္စာပစ္စည်း​တိုးပွား​လာ​၏​။ သင်​၏​ဥစ္စာပစ္စည်း​ကြောင့် ဘဝင်မြင့်​၏’​ဟု မိန့်​တော်မူ​၏​။

ယေ​ဇ​ကျေ​လ 28:7

‘ငါ​သည် ကြမ်းကြုတ်​သော လူမျိုးခြား​တိုင်းတစ်ပါးသား​တို့​ကို သင့်​ထံသို့​ခေါ်လာ​မည်​။ သူ​တို့​သည် ဓား​ကို​ထုတ်​၍ သင်​၏​ပညာ​ဂုဏ်​ကို ဖျက်ဆီး​မည်​။ သင်​၏​ခန့်ညားထည်ဝါမှု​ကို ဖျောက်ဖျက်​ပစ်​မည်​။

ယေ​ဇ​ကျေ​လ 31:10

ထို့ကြောင့် ဘုရားရှင်​ထာဝရဘုရား​က ‘ထို​အပင်​သည် အလွန်​မြင့်မား​၏​။ ထိပ်ဖျား​သည် မိုး​ထိအောင်​မြင့်​၏​။ ထိုသို့ ပင်မြင့်​ဖြစ်​သောကြောင့် ဘဝင်မြင့်​လာ​၏​။

ယေ​ဇ​ကျေ​လ 32:10

သင့်​ကြောင့် လူ​အမြောက်အမြား တုန်လှုပ်ချောက်ချား​ရ​လိမ့်မည်​။ သူ​တို့​၏​ဘုရင်​များ​ရှေ့​တွင် ဓား​ကို​ရွယ်လိုက်​သောအခါ ရှင်ဘုရင်​တို့​သည် ထိတ်လန့်​ကြောက်ရွံ့​ကြ​လိမ့်မည်​။ သင်​လဲကျ​သွား​သော​နေ့​၌ လူ​တို့​သည် တစ်ခဏချင်း​တွင်ပင် သူ​တို့​၏​အသက်​အန္တရာယ်​အတွက် စိုးရိမ်ပူပန်​ကြ​လိမ့်မည်​။

ဒံ​ယေ​လ 11:12

တောင်​ဘုရင်​သည် ထို​စစ်သည်​အလုံးအရင်း​ကို သိမ်းသွား​နိုင်​သဖြင့် ဘဝင်မြင့်​လာ​လိမ့်မည်​။ သူ​သည် လူ​ထောင်ပေါင်း​များစွာ​ကို ချေမှုန်း​နိုင်​သော်လည်း သူ့​အာဏာ​တည်​လိမ့်မည်​မ​ဟုတ်​။

လုကာ 14:11

အကြောင်းမူကား မိမိကိုယ်ကို​ချီးမြှောက်​သော​သူ​တိုင်း​သည် နှိမ့်ချ​ခြင်း​ကို​ခံရ​၍ မိမိကိုယ်ကို​နှိမ့်ချ​သော​သူ​သည် ချီးမြှောက်​ခြင်း​ကို​ခံရ​လိမ့်မည်”​ဟု မိန့်​တော်မူ​၏။

ယာ​ကုပ် 4:6

သို့သော် ကိုယ်တော်​သည် ပို၍​ကြီးမြတ်​သော​ကျေးဇူး​တော်​ကို​ပေး​တော်မူ​၏။ သို့ဖြစ်၍ “ဘုရားသခင်​သည် မာန​ထောင်လွှား​သော​သူ​တို့​ကို ဆန့်ကျင်​၍ နှိမ့်ချ​သော​သူ​တို့​အား ကျေးဇူး​တော်​ကို​ခံစား​စေ​တော်မူ​၏”​ဟု ကျမ်းစာ​၌​ဆို​ထား​၏။