ယေ​ဇ​ကျေ​လ 27:32 - မြန်​​​မာ့​​​စံ​​​မီ​​​သမ္မာ​​​ကျမ်း​​

³² သူ​တို့​သည် သင့်​ကြောင့် ငိုကြွေး​မြည်တမ်း​လျက် သင်​နှင့်​ပတ်သက်၍ တိုင်ရာ​မြို့​ကဲ့သို့​ပင်လယ်ပြင်​၌ မည်သူ​အဖျက်ဆီး​ခံရ​ဖူး​သနည်း​ဟု ငိုချင်း​ဖွဲ့​လေ​ပြီ​။

Common Language Bible

³² `ယ​ခု​အ​ခါ​ပင်​လယ်​ထဲ​၌​ဆိတ်​ငြိမ်​၍ နေ​သော တု​ရု​မြို့​နှင့်​အ​ဘယ်​မြို့​ကို​နှိုင်း​ယှဉ်​နိုင်​ပါ မည်​နည်း။

Garrad Bible

³² ထို သို့ မြည် တမ်း လျက်၊ သင့် ဆိုင် ရာ ငို ချင်း ကို ဖွဲ့ ဆို ကြ မည် မှာ၊ သ မု ဒ္ဒ ရာ အ လယ် တွင် ဆိတ် ညံ ရာ ရောက် သော တု ရု နှင့်၊ အ ဘယ် မြို့ တူ သ နည်း။

Judson Bible

³² ပင်​လယ်​အ​လယ်၌ ဆုံး​သော​မြို့​တည်း​ဟူ​သော တု​ရု​မြို့​နှင့် အ​ဘယ်​မြို့​တူ​သ​နည်း။

ယေ​ဇ​ကျေ​လ 27:32 Referencias Cruzadas

မြည်​တမ်း​စ​ကား 1:12

လမ်းသွားလမ်းလာ​အပေါင်း​တို့​၊ သင်​တို့​နှင့်​ဘာမျှ​မ​ဆိုင်​သလော​။ ထာဝရဘုရား​ပြင်းစွာ​အမျက်​ထွက်​တော်မူ​သော​နေ့​၌ ငါ့​ကို ခံစား​စေ​တော်မူ​သော ဒုက္ခဝေဒနာ​မျိုး မချိတင်ကဲ​ခံရ​ဖူး​သူ​ရှိ​သလော​၊ ကြည့်​လှည့်​ပါ​၊ မြင်လှည့်​ပါ​။

မြည်​တမ်း​စ​ကား 2:13

အို ဂျေရုဆလင်​သမီး​၊ သင့်​ကို မည်သို့​ပြော​ရ​မည်နည်း​၊ မည်သည့်​အရာ​ဖြင့် နှိုင်းပြ​ရ​မည်နည်း​။ အို ဇိအုန်​သမီး​ပျို​၊ သင့်​ကို မည်သူ​နှင့်​ခိုင်းနှိုင်း​ပြီး နှစ်သိမ့်​ပေး​ရ​မည်နည်း​။ အကယ်စင်စစ် သင်​၏​ဒဏ်ရာ​သည် ပင်လယ်​ကဲ့သို့​နက်​၍ သင့်​ကို မည်သူ​ကုသ​ပေး​နိုင်​မည်နည်း​။

ယေ​ဇ​ကျေ​လ 26:12

သင်​၏​ဥစ္စာပစ္စည်း​များ​ကို​လုယူ​မည်​။ ကုန်ပစ္စည်း​များ​ကို သိမ်းယူ​မည်​။ မြို့ရိုး​တို့​ကို​ဖြိုဖျက်​လိမ့်မည်​။ အိမ်ကြီးအိမ်ကောင်း​များ​ကို ဖြိုဖျက်​ပြီး ကျောက်​များ​၊ သစ်သား​များ​ကို အမှုန့်ပါမကျန် ပင်လယ်​ထဲ​သို့​ပစ်ချ​ကြ​လိမ့်မည်’​ဟု မိန့်​တော်မူ​၏​။

ယေ​ဇ​ကျေ​လ 26:17

သူ​တို့​သည် သင့်​ကြောင့်​ငိုကြွေး​လျက် အို ပင်လယ်သား​နေ​သော​မြို့​၊ ပင်လယ်ပြင်​မှာ​အားကြီး​သော​မြို့​၊ ကျော်စော​သော​မြို့​၊ သင်​သည် ပျက်စီး​လေ​ပြီ​တကား​။ မြို့သား​တို့​သည် ပင်လယ်သား​အားလုံး​ကို ကြောက်ရွံ့တုန်လှုပ်​စေ​ခဲ့​၏​။

ယေ​ဇ​ကျေ​လ 27:2

“​အချင်း​လူသား​၊ တိုင်ရာ​မြို့​အတွက် ငိုချင်း​ချ​လော့​။

ယေ​ဇ​ကျေ​လ 27:26

တက်ခတ်သမား​များ​သည် သင့်​ကို ကျယ်ပြန့်​သော​သမုဒ္ဒရာ​ထဲသို့ ဆောင်ယူ​သွား​၍ အရှေ့​လေ​သည် သင့်​ကို သမုဒ္ဒရာ​အလယ်​၌ ရိုက်ချိုး​ပစ်​လေ​ပြီ​။

ယေ​ဇ​ကျေ​လ 28:12

“​အချင်း​လူသား​၊ တိုင်ရာ​ဘုရင်​နှင့်​ပတ်သက်၍ ငိုချင်း​ချ​လျက် သူ့​အား ဤသို့ ဆင့်ဆို​လော့​။ ဘုရားရှင်​ထာဝရဘုရား​က ‘သင်​သည် စံတင်လောက်အောင် ပြီးပြည့်စုံ​သော​သူ​၊ ဉာဏ်ပညာ​ပြည့်ဝ​သူ​၊ အပြစ်​ပြောစရာ​မ​ရှိ​အောင်​လှ​သူ ဖြစ်​၏​။

ဗျာ​ဒိတ် 18:18

သူ့​ကို​လောင်ကျွမ်း​နေ​သော​မီး​မှ မီးခိုး​များ​ကို​မြင်​၍ ‘မည်သည့်​မြို့​သည် ဤ​ကြီးမား​သော​မြို့​နှင့်​တူ​သနည်း’​ဟု အော်ဟစ်​ကြ​လိမ့်မည်။