ယေ​ဇ​ကျေ​လ 27:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ ယာဝန်​အမျိုးသား​၊ တုဗလ​အမျိုးသား​၊ မေရှက်​အမျိုးသား​တို့​သည် သင်​နှင့်​ကုန်သွယ်​ကြ​၏​။ သင်​၏​ကုန်စည်​များ​ကို သက်ရှိ​လူ​များ​၊ ကြေးနီ​အသုံးအဆောင်​များ​နှင့် လဲလှယ်​ကြ​၏​။

Common Language Bible

¹³ ယာ​ဝန်​မြို့၊ တု​ဗ​လ​မြို့​နှင့်​မေ​ရှက်​မြို့​တို့ တွင်​သင်​၏​ကုန်​စည်​များ​ကို​ကျွန်​များ၊ ကြေး နီ​အိုး​များ​နှင့်​လဲ​လှယ်​၏။-

Garrad Bible

¹³ ယာ ဝန်၊ တု ဗ လ၊ မေ ရှက် လူ မျိုး တို့ သည်၊ လူ၊ ကြေး အိုး ကုန် များ ကို ထပ် လဲ ဖောက် ကား သူ ဖြစ် ကြ၏။

Judson Bible

¹³ ယာ​ဝန်​မြို့၊ တု​ဗ​လ​မြို့၊ မေ​ရှက်​မြို့​တို့​သည် သင်​နှင့်​ကုန်​သွယ်၍၊ လူ​ကျွန်​တို့​နှင့် ကြေး​နီ​ဖ​လား​တို့​ကို သင့်​ဈေး၌ ရောင်း​ကြ၏။

ယေ​ဇ​ကျေ​လ 27:13 Referencias Cruzadas

ကမ္ဘာ​ဦး 10:2

ယာဖက်​၏​သား​များ​မှာ ဂေါမာ​၊ မာဂေါဂ​၊ မာဒဲ​၊ ယာဝန်​၊ တုဗလ​၊ မေရှက်​၊ တိရတ် တို့​ဖြစ်​ကြ​၏​။

ကမ္ဘာ​ဦး 10:4

ယာဝန်​၏​သား​များ​မှာ ဧလိရှာ​၊ တာရှု​၊ ခိတ္တိမ်​၊ ဒေါဒနိမ် တို့​ဖြစ်​ကြ​၏​။

၁ ရာ​ချုပ် 1:5

ယာဖက်​၏​သား​များ​မှာ ဂေါမာ​၊ မာဂေါဂ​၊ မာဒဲ​၊ ယာဝန်​၊ တုဗလ​၊ မေရှက်​နှင့်​တိရတ် တို့​ဖြစ်​ကြ​၏​။

၁ ရာ​ချုပ် 1:7

ယာဝန်​၏​သား​များ​မှာ ဧလိရှာ​၊ တာရှု​၊ ခိတ္တိမ်​နှင့်​ရောဒနိမ် တို့​ဖြစ်​ကြ​၏​။

ဆာ​လံ 120:5

ငါ​သည် မေရှက်​ပြည်​၌​တည်းခို​ပြီး ကေဒါ​အမျိုးသား​တို့​၏​တဲ​များ​တွင်​နေ​ရ​သောကြောင့် အမင်္ဂလာ​ရှိ​၏​။

ဟေ​ရှာ​ယ 66:19

သူ​တို့​တွင် နိမိတ်လက္ခဏာ​ပြ​မည်​။ အသက်ရှင်​ကျန်ရစ်​သော​သူ​တို့​ကို တာရှု​ပြည်​၊ ပုလ​ပြည်​၊ လေးပစ်ကျွမ်းကျင်​သော​လုဒ​ပြည်​၊ တုဗလ​ပြည်​၊ ယာဝန်​ပြည်​၊ ဝေးလံ​သော​ကမ်းရိုးတန်းဒေသ​များ​စသော ငါ​၏​ဂုဏ်​သတင်း​ကို​မ​ကြား​ဖူး​၊ ဘုန်းအသရေ​ကို​လည်း မ​မြင်​ဖူး​သည့်​လူမျိုး​များ​ထံသို့ ငါ​စေလွှတ်​မည်​။ ထို​လူမျိုး​များ​တွင် ငါ​၏​ဘုန်းအသရေ​ကို သူ​တို့​ပြောကြား​ကြ​လိမ့်မည်​။

ယေ​ဇ​ကျေ​လ 27:12

တာရှု​မြို့သား​တို့​သည် ကုန်စည်​မျိုးစုံ​ပေါများ​သော​သင်​နှင့် ကုန်သွယ်​ကြ​၏​။ ထို​ကုန်စည်​များ​ကို ငွေ​၊ သံ​၊ သံဖြူ​၊ ခဲ​တို့​နှင့် လဲလှယ်​ကြ​၏​။

ယေ​ဇ​ကျေ​လ 27:19

ဥဇလ​အရပ်​မှ ဝေဒန်​ပြည်သား​၊ ယာဝန်​ပြည်သား​တို့​သည်​လည်း သင်​နှင့်​ကုန်သွယ်​ကြ​၏​။ သံထည်​၊ ကရဝေး​၊ ခါနဲ​များ​ကို သင်​၏​ကုန်ပစ္စည်း​များ​နှင့် လှဲလှယ်​ကြ​၏​။

ယေ​ဇ​ကျေ​လ 32:26

ထို​အရပ်​တွင် မေရှက်​အမျိုးသား​၊ တုဗလ​အမျိုးသား​နှင့် သူ​တို့​၏​ပြည်သူပြည်သား​အားလုံး​တို့​လည်း ရှိ​ကြ​၏​။ သူ​တို့​ပတ်ပတ်လည်​တွင် သင်္ချိုင်းဂူ​များ ဝိုင်းရံ​လျက်​ရှိ​၏​။ သူ​တို့​သည် ဓား​ဖြင့်​အသတ်ခံရ​သော အရေဖျားလှီး​ခြင်း​မခံ​သူ​များ​ဖြစ်​ကြ​၏​။ သူ​တို့​သည် မြေကြီးသား​တို့​အား ထိတ်လန့်​တုန်လှုပ်​စေ​ခဲ့​သူ​များ ဖြစ်​ကြ​၏​။

ယေ​ဇ​ကျေ​လ 39:1

အချင်း​လူသား​၊ ဂေါဂ​မင်းကြီး​ကို​ဆန့်ကျင်​၍ ပရောဖက်ပြု​လော့​။ ဘုရားရှင်​ထာဝရဘုရား​က ‘အို မေရှက်​ပြည်​၊ တုဗလ​ပြည်​တို့​၏​အကြီးအကဲ​ခေါင်းဆောင် ဂေါဂ​မင်းကြီး​၊ သင့်​ကို ငါ​စီရင်​မည်​။

ဒံ​ယေ​လ 10:20

ထို​သူ​က​လည်း “​သင့်​ထံသို့ အဘယ်ကြောင့် ငါ​ရောက်လာ​ရ​သည်​ကို သင်​သိ​သလော​။ ယခု ငါ​သည် ပါးရှား​နိုင်ငံ​စောင့်​မင်း​နှင့် စစ်တိုက်​ရန် ပြန်သွား​ရ​မည်​။ ငါ​ထွက်သွား​ပြီးနောက် ဂရိ​နိုင်ငံ​စောင့်​မင်း ရောက်လာ​လိမ့်မည်​။

ဒံ​ယေ​လ 11:2

ယခု သင့်​အား မှန်​သော​အရာ​ကို ပြောပြ​မည်​။ ကြည့်ရှု​လော့​။ ပါးရှား​နိုင်ငံ​တွင် ရှင်ဘုရင်​သုံး​ပါး ထပ်​ပေါ်လာ​လိမ့်မည်​။ ထို့နောက် ပေါ်လာ​မည့်​စတုတ္ထ​ဘုရင်​သည် အခြား​ဘုရင်​အားလုံး​ထက် ဓနဥစ္စာ​ကြွယ်ဝ​သူ​ဖြစ်​မည်​။ သူ​သည် ဓနဥစ္စာ​ဖြင့် အင်အားကြီး​လာ​သောအခါ လူ​အပေါင်း​တို့​ကို လှုံ့ဆော်​၍ ဂရိ​နိုင်ငံ​ကို တိုက်ခိုက်​လိမ့်မည်​။

ဒံ​ယေ​လ 8:21

အမွေးထူ​သော​ဆိတ်ထီး​သည် ဂရိ​ဘုရင်​ကို ဆိုလို​၏​။ ထို​ဆိတ်ထီး​၏​မျက်စိ​နှစ်​လုံး​ကြား​ရှိ​ချို​ကြီး​သည် ပထမ​ဘုရင်​ကို ဆိုလို​၏​။

ယော​လ 3:3

သူ​တို့​သည် ငါ့​လူမျိုး​တော်​တို့​ကို​မဲချ​ခွဲဝေ​ယူ​ကြ​၏​။ ပြည့်တန်ဆာ​ကို​ရ​ရန် လုလင်ငယ်​ဖြင့် အလဲအလှယ်ပြု​၍ စပျစ်ဝိုင်​သောက်​ရန် လုံမငယ်​ကို ရောင်း​ကြ​၏​။

ယော​လ 3:6

ယုဒ​ပြည်သူ ဂျေရုဆလင်​မြို့သား​တို့​ကို သူ​တို့​၏​နေရင်းပြည်​နှင့်​ဝေး​ရာ ဂရိ​အမျိုးသား​တို့​ထံသို့ ရောင်းစား​ပစ်​၏​။

ဗျာ​ဒိတ် 18:13

သစ်ကြံပိုး၊ ဟင်းခတ်​အမွှေးအကြိုင်၊ နံ့သာပေါင်း၊ ဆီမွှေး၊ လော်ဗန်၊ စပျစ်​ဝိုင်၊ ဆီ၊ ဂျုံမှုန့်၊ ဂျုံဆန်၊ ကျွဲ​နွား​တိရစ္ဆာန်၊ သိုး၊ မြင်း၊ မြင်း​ရထား၊ လူ့​ကိုယ်ခန္ဓာ​နှင့် လူ​၏​အသက်​တို့​ပင်​ဖြစ်​ကြ​၏။