ယေ​ဇ​ကျေ​လ 26:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ လမ်း​ရှိသမျှ​သည် မြင်းခွာရာ​များ ထပ်​နေ​လိမ့်မည်​။ သင်​၏​လူ​များ​ကို ဓား​ဖြင့်​သတ်​လိမ့်မည်​။ ခိုင်ခံ့​သော​ကျောက်တိုင်​များ​လည်း မြေ​ပေါ်​လဲကျ​ရ​လိမ့်မည်​။

Common Language Bible

¹¹ သူ​တို့​၏​မြင်း​စီး​သူ​ရဲ​များ​သည်​သင်​၏ လမ်း​များ​ကို​ဖြတ်​ကျော်​ကာ​လူ​တို့​အား ဋ္ဌား​ဖြင့်​သတ်​ကြ​လိမ့်​မည်။ သင်​၏​ခိုင်​ခံ့ သော​ကျောက်​တိုင်​များ​သည်​မြေ​ပေါ်​သို့ ပြို​လဲ​ကြ​လိမ့်​မည်။-

Garrad Bible

¹¹ လမ်း မ လမ်း မြောင် များ ကို မြင်း ခွာ ချ ခြင်း၊ မြို့ သူ မြို့ သား တို့ ကို ဓား ဖြင့် လုပ် ကြံ ခြင်း၊ ခိုင် ခံ့ သော ကျောက် တိုင် များ ကို ဖြို လှဲ ခြင်း၊ ကုန် စည် ဘ ဏ္ဍာ ကို လု ယက် ယူ ငင် ခြင်း၊

Judson Bible

¹¹ မြင်း​ခွာ​တို့​ဖြင့် သင်၏​လမ်း​ရှိ​သ​မျှ​တို့​ကို​နင်း​လျက်၊ သင်၏​လူ​တို့​ကို ဓား​နှင့်​သတ်၍၊ သင်​ခို​လှုံ​စ​ရာ ရုပ်​တု​ဆင်း​တု​တို့​သည် မြေ​တိုင်​အောင် ပြို​လဲ​ကြ​လိမ့်​မည်။

ယေ​ဇ​ကျေ​လ 26:11 Referencias Cruzadas

ဟေ​ရှာ​ယ 26:5

ကိုယ်တော်​သည် မြင့်ရာအရပ်​၌​နေ​သော​သူ​တို့​ကို နှိမ့်ချ​တော်မူ​၏​။ မြင့်မား​သော​မြို့​ကို နိမ့်ကျ​စေ​တော်မူ​၏​။ ထို​မြို့​ကို မြေကြီး​တိုင်အောင်​နိမ့်ကျ​စေ​တော်မူ​၏​။ မြေမှုန့်​တိုင်အောင်​ရောက်​စေ​တော်မူ​၏​။

ဟေ​ရှာ​ယ 5:28

သူ​တို့​၏​မြား​တို့​သည် ချွန်ထက်​၍ သူ​တို့​၏​လေး​ရှိသမျှ​တို့​သည်​လည်း တင်​ထား​လျက်​ရှိ​၏​။ မြင်း​တို့​၏​ခွာ​သည် မီးခတ်ကျောက်​နှင့်​တူ​သည်​ဟု​ထင်​ရ​၏​။ စစ်ရထား​ဘီး​တို့​သည် လေပွေ​ကဲ့သို့​ဖြစ်​၏​။

ယေ​ရ​မိ 43:13

အီဂျစ်​ပြည်​ရှိ ဗက်ရှေမက်​မြို့​၏​အထွတ်အမြတ်​ကျောက်တိုင်​တို့​ကို​လည်း ချိုးဖျက်​လိမ့်မည်​။ အီဂျစ်​နတ်ဘုရား​ကျောင်း​များ​ကို​လည်း မီး​ရှို့​လိမ့်မည်​ဟု မိန့်​တော်မူ​၏’​ဟူ၍ ဆင့်ဆို​လော့”​ဟု မိန့်ဆို​၏​။

ယေ​ရ​မိ 51:27

ထို​ပြည်​၌ အချက်ပြအလံ​ကို​လွှင့်ထူ​ကြ​။ လူမျိုးတကာ​တို့​ကို တံပိုးမှုတ်သံ​ပေး​ကြ​။ ထို​ပြည်​ကို​တိုက်ခိုက်​ရန် လူမျိုးတကာ​တို့​ကို အသင့်ပြင်ဆင်​စေ​ကြ​။ အာရရတ်​၊ မိန္နိ​နှင့် အာရှကေနတ် စသော တိုင်းနိုင်ငံ​တို့​ကို ဆင့်ခေါ်​ကြ​။ စစ်ဦးစီး​ကို​ခန့်ထား​ကြ​။ မြင်း​တို့​ကို ကျိုင်းကောင်​အုပ်​ကဲ့သို့ ချီတက်​စေ​ကြ​။

ဟ​ဗက္ကုတ် 1:8

သူ​တို့​၏​မြင်း​များ​သည် ကျားသစ်​များ​ထက် လျင်မြန်​၏​။ နေဝင်ချိန်​ရောက်​မှ သွားလာ​တတ်​သော​ဝံပုလွေ​များ​ထက် ရက်စက်​၏​။ သူ​တို့​၏​မြင်းစီးသူရဲ​တို့ ဒုန်းစိုင်း​ချီတက်​လာ​ပြီ​။ မြင်းစီးသူရဲ​တို့ အဝေး​မှ ဒုန်းစိုင်း​ပြေးလာ​နေ​သည်​မှာ တစ်ဟုန်ထိုး ထိုးသုတ်​ဖမ်းစား​တတ်​သည့် လင်းယုန်​ကဲ့သို့ပင် ဖြစ်​၏​။