ယေ​ဇ​ကျေ​လ 23:8 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ အီဂျစ်​ပြည်​တွင်​ပြု​ခဲ့​သော ပြည့်တန်ဆာအလုပ်​ကို​မ​စွန့်​။ အပျိုဖြန်းဘဝ​ကပင် ယောက်ျား​တို့​သည် သူ​နှင့်​အိပ်​၏​။ သူ​၏​အပျိုရည်​ကို​ဖျက်ဆီး​ပြီး သူ​နှင့်​ဖောက်ပြန်မှားယွင်း​ကြ​၏​။

Common Language Bible

⁸ သူ​သည်​မိ​မိ​အ​ပျို​ရည်​ပျက်​ရ​သည့်​အီ​ဂျစ် ပြည်​တွင် စ​တင်​ခဲ့​သည့်​ပြည့်​တန်​ဆာ​အ​လုပ် ကို​ဆက်​၍​လုပ်​၏။ သူ​ငယ်​မ​အ​ရွယ်​က​ပင် လျှင်​ယောကျာ်း​တို့​သည် သူ​နှင့်​အ​တူ​အိပ်​စက် ကာ​သူ့​အား​ပြည့်​တန်​ဆာ​ကဲ့​သို့​ပြု​ကျင့် ခဲ့​ကြ​၏။-

Garrad Bible

⁸ ၎င်း ပြင်၊ ငယ် ရွယ် စဉ် အ ခါ အိပ် စက်၍၊ အ ပျို စင် ရင် သား ကို ချေ နယ် ခဲ့ သော အိ ဂျစ် ပြည် သား တို့ နှင့် ပြည့် တန် ဆာ မှု ကို မ ဖြတ် ဘဲ၊ မေ ထုန် ကြူး ခံ သေး သော ကြောင့်၊

Judson Bible

⁸ အ​သက်​ငယ်​စဉ်​အ​ခါ အဲ​ဂု​တ္တု​ပြည်၌ သူ​နှင့်​သင့်​နေ၍၊ အ​ပျို​မ​အ​သ​ရေ​ကို ရှုတ်​ချ​သ​ဖြင့်၊ အ​ထပ်​ထပ် မ​တ​ရား​သော​မေ​ထုန်​ကို ပြု​ကြ​သည်​နှင့်​အ​ညီ၊ အဲ​ဂု​တ္တု​မေ​ထုန်​ကို​လည်း မ​စွန့်​ပစ်၊ မှီ​ဝဲ​လျက်​နေ၏။

ယေ​ဇ​ကျေ​လ 23:8 Referencias Cruzadas

၃ ရာ 12:28

ထို့ကြောင့် ရှင်ဘုရင်​သည် အတိုင်ပင်ခံ​တို့​နှင့်​ဆွေးနွေးတိုင်ပင်​၍ ရွှေ​နွားသငယ်ရုပ်​နှစ်​ရုပ်​ကို သွန်းလုပ်​ပြီး ပြည်သူ​တို့​အား “​ဂျေရုဆလင်​မြို့​သို့ တက်သွား​ရ​သည်​မှာ သင်​တို့​အဖို့ ခက်ခဲ​လှ​ပါ​၏​။ အို အစ္စရေး​လူမျိုး​တို့​၊ ကြည့်​ပါ​။ ဤသည်မှာ သင်​တို့​ကို အီဂျစ်​ပြည်​မှ​ထုတ်ဆောင်​ခဲ့​သော သင်​တို့​၏​ဘုရား​များ​ဖြစ်​ပါ​၏​”​ဟု မိန့်ဆို​၏​။

၄ ရာ 10:29

သို့သော် ယေဟု​သည် အစ္စရေး​လူမျိုး​တို့​ကို လမ်းမှား​စေ​သည့် နေဗတ်​၏​သား ယေရောဗောင်​ပြု​သော​အပြစ်​တည်းဟူသော ဗေသလ​မြို့​နှင့် ဒန်​မြို့​ရှိ နွားသငယ်ရုပ်​တို့​ကို မ​စွန့်​ဘဲ​နေ​၏​။

၄ ရာ 17:16

သူ​တို့​သည် သူ​တို့​၏​ဘုရားသခင်​ထာဝရဘုရား မိန့်မှာ​တော်မူ​သမျှ​သော​ပညတ်ချက်​တို့​ကို စွန့်ပစ်​ပြီး နွားသငယ်​ရုပ်တု​နှစ်​ရုပ်​ကို သွန်းလုပ်​ကြ​၏​။ အာရှရ​နတ်ဘုရားမ​တံခွန်တိုင်​ကို စိုက်ထူ​ကြ​၏​။ ကောင်းကင်​တန်ဆာ​ရှိသမျှ​ကို ကိုးကွယ်​ကြ​၏​။ ဗာလ​ဘုရား​ကို ဝတ်ပြု​ကြ​၏​။

ထွက်​မြောက် 32:4

အာရုန်​သည်​လည်း ထို​ရွှေ​တို့​ကို​ယူ​ပြီး နွားသငယ်​ရုပ်တု​ကို ကညစ်​ဖြင့်​ပုံဖော်​၍ သွန်းလုပ်​လေ​၏​။ ထို့နောက် သူ​တို့​က “​အို အစ္စရေး​လူမျိုး​၊ ဤသည်ကား သင်​တို့​ကို အီဂျစ်​ပြည်​မှ​ထုတ်ဆောင်​တော်မူ​သော သင်​တို့​၏​ဘုရား​ဖြစ်​၏​”​ဟု ဆို​ကြ​၏​။

ယေ​ဇ​ကျေ​လ 20:7

ငါ​သည် သူ​တို့​အား ‘သင်​တို့​ကိုးစား​သော စက်ဆုပ်ရွံရှာဖွယ်​ရာ​များ​ကို စွန့်ပစ်​လော့​။ အီဂျစ်​ရုပ်တု​များ​ဖြင့် ကိုယ့်ကိုယ်ကိုယ်​မ​ညစ်ညူး​စေ​နှင့်​။ ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏’​ဟု မိန့်ဆို​ခဲ့​၏​။

ယေ​ဇ​ကျေ​လ 23:19

သို့သော် သူ​သည် အပျိုဖြန်းဘဝ​က အီဂျစ်​ပြည်​၌ ပြည့်တန်ဆာပြု​ခဲ့​သည်​ကို သတိရ​လျက် အထပ်ထပ်​ဖောက်ပြန်မှားယွင်း​၏​။

ယေ​ဇ​ကျေ​လ 23:21

ဤသို့ သင်​သည် အီဂျစ်​ပြည်​တွင် အပျိုစင်​သားမြတ်​ကို အပွတ်သပ်​ခံ​ခဲ့​၍ အပျိုဖြန်းဘဝ​က​ပြု​ခဲ့​သော ညစ်ညမ်းမှု​ကို​သာ သင်​တမ်းတ​နေ​၏​။

ယေ​ဇ​ကျေ​လ 23:3

သူ​တို့​သည် အီဂျစ်​ပြည်​တွင် အပျိုဖြန်းဘဝ​ကတည်းက ပြည့်တန်ဆာအလုပ်​ကို လုပ်​ကြ​၏​။ သူ​တို့​၏​သားမြတ်​ကို အပွတ်သပ်ခံ​ပြီး သူ​တို့​၏​အပျိုရည်​ကို ပျက်စီး​စေ​ကြ​၏​။

ယေ​ဇ​ကျေ​လ 23:34

သင်​သည် ထို​ခွက်​ကို တစ်စက်မကျန်​သောက်​ပြီး အစိတ်စိတ်​အမွှာမွှာ​ခွဲပစ်​မည်​။ ထို​ခွက်​အပိုင်းအစ​ဖြင့်​လည်း သင့်​သားမြတ်​ကို လှီးဖြတ်​လိမ့်မည်​။ ထိုသို့ ငါ​မိန့်ဆို​ပြီ’​ဟု ဘုရားရှင်​ထာဝရဘုရား မိန့်​တော်မူ​၏​။

ဗျာ​ဒိတ် 11:8

သူ​တို့​၏​အလောင်း​များ​သည် ဝိညာဉ်​သဘော​အရ သောဒုံ​နှင့်​အီဂျစ်​ဟု​ခေါ်​သော မြို့​ကြီး​၏​လမ်းမ​ပေါ်တွင် ရှိ​ကြ​လိမ့်မည်။ သူ​တို့​၏​သခင်​သည်​လည်း ထို​မြို့​တွင် လက်ဝါးကပ်တိုင်​ပေါ်၌​တင်​ခြင်း​ခံ​ခဲ့​ရ​၏။