ယေ​ဇ​ကျေ​လ 23:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ သူ​တို့​သည် အီဂျစ်​ပြည်​တွင် အပျိုဖြန်းဘဝ​ကတည်းက ပြည့်တန်ဆာအလုပ်​ကို လုပ်​ကြ​၏​။ သူ​တို့​၏​သားမြတ်​ကို အပွတ်သပ်ခံ​ပြီး သူ​တို့​၏​အပျိုရည်​ကို ပျက်စီး​စေ​ကြ​၏​။

Common Language Bible

³ သူ​တို့​သည်​ငယ်​ရွယ်​စဉ်​အ​ခါ​က အီ​ဂျစ် ပြည်​၌​နေ​ထိုင်​စဉ် ရင်​သား​ကို​ပွတ်​နယ်​ခံ​ရ လျက်​အ​ပျို​ရည်​ပျက်​၍​ပြည့်​တန်​ဆာ​များ ဖြစ်​သွား​ကြ​၏။-

Garrad Bible

³ အိ ဂျစ် ပြည် တွင် ပြည့် တန် ဆာ လုပ်၍၊ ထို ပြည်၌ ပင် အ ပျို စင် ရင် သား ကို ချေ နယ် ခံ ရ ကြ၏။

Judson Bible

³ သူ​တို့​သည် အ​သက်​ငယ်​စဉ်​အ​ခါ၊ အဲ​ဂု​တ္တု​ပြည်၌ မ​တ​ရား​သော​မေ​ထုန်​ကို ပြု​ကြ၏။ ထို​ပြည်၌ သူ​တို့၏​သား​မြတ်​ကို ပွတ်​နယ်၍ အ​ပျို​မ​အ​သ​ရေ​ကို ရှုတ်​ချ​ကြ၏။

ယေ​ဇ​ကျေ​လ 23:3 Referencias Cruzadas

ယေ​ရ​မိ 3:9

သူ​သည် ဖောက်ပြန်​သော​အပြစ်​ကို ပေါ့ပေါ့တန်တန်​သဘောထား​၍ ကျောက်တုံး​၊ သစ်တုံး​တို့​နှင့် ဖောက်ပြန်​ခြင်း​ဖြင့် ပြည်​ကို​ညစ်ညူး​စေ​ခဲ့​၏​။

ယေ​ဇ​ကျေ​လ 16:15

‘သို့သော် သင်​သည် အလှဂုဏ်မောက်​၍ သင်​၏​ကျော်ကြားမှု​သည် သင့်​ကို ပြည့်တန်ဆာ​အဖြစ်​သို့ တွန်းပို့​လေ​ပြီ​။ ရာဂစိတ်​ပြင်းထန်​၍ သင့်​အနား​ဖြတ်သန်းသွားလာ​သော​သူ​တို့​နှင့် ဖောက်ပြန်မှားယွင်း​၏​။ သင့်​အလှ​သည် သူ​တို့​အဖို့​ဖြစ်သွား​၏​။

ယေ​ဇ​ကျေ​လ 16:22

သင်​သည် အလုံးစုံ​သော​စက်ဆုပ်ရွံရှာဖွယ်​ပြည့်တန်ဆာအမှု​ကို​ပြု​စဉ် ငယ်စဉ်​ဘဝ​က အဝတ်မပါ​အချည်းစည်း​ဖြစ်​ခဲ့​၍ သွေး​ထဲတွင်​လူး​နေ​ခဲ့​ရ​သည်​ကို သင်​မ​အောက်မေ့​ပါ​တကား​။

ယေ​ဇ​ကျေ​လ 20:7

ငါ​သည် သူ​တို့​အား ‘သင်​တို့​ကိုးစား​သော စက်ဆုပ်ရွံရှာဖွယ်​ရာ​များ​ကို စွန့်ပစ်​လော့​။ အီဂျစ်​ရုပ်တု​များ​ဖြင့် ကိုယ့်ကိုယ်ကိုယ်​မ​ညစ်ညူး​စေ​နှင့်​။ ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏’​ဟု မိန့်ဆို​ခဲ့​၏​။

ယေ​ဇ​ကျေ​လ 20:8

သို့သော် သူ​တို့​သည် ငါ့​စကား​ကို​နား​မ​ထောင်​၊ ငါ့​ကို​ပုန်ကန်​ကြ​၏​။ သူ​တို့​ကိုးစား​သော​ရွံရှာဖွယ်​ရာ​များ​ကို သူ​တို့​မ​ဖယ်ရှား​၊ အီဂျစ်​ရုပ်တု​တို့​ကို​လည်း မ​စွန့်ပစ်​ကြ​။ ထို့ကြောင့် ‘ငါ့​ဒေါသ​ကို သူ​တို့​အပေါ်​သွန်ချ​မည်​။ အီဂျစ်​ပြည်​တွင် သူ​တို့​ကို ငါ့​အမျက်မီး လောင်ကျွမ်း​သွား​စေ​မည်​’​ဟု ငါ​မိန့်ဆို​ခဲ့​၏​။

ယေ​ဇ​ကျေ​လ 23:19

သို့သော် သူ​သည် အပျိုဖြန်းဘဝ​က အီဂျစ်​ပြည်​၌ ပြည့်တန်ဆာပြု​ခဲ့​သည်​ကို သတိရ​လျက် အထပ်ထပ်​ဖောက်ပြန်မှားယွင်း​၏​။

ယေ​ဇ​ကျေ​လ 23:21

ဤသို့ သင်​သည် အီဂျစ်​ပြည်​တွင် အပျိုစင်​သားမြတ်​ကို အပွတ်သပ်​ခံ​ခဲ့​၍ အပျိုဖြန်းဘဝ​က​ပြု​ခဲ့​သော ညစ်ညမ်းမှု​ကို​သာ သင်​တမ်းတ​နေ​၏​။

ယေ​ဇ​ကျေ​လ 23:34

သင်​သည် ထို​ခွက်​ကို တစ်စက်မကျန်​သောက်​ပြီး အစိတ်စိတ်​အမွှာမွှာ​ခွဲပစ်​မည်​။ ထို​ခွက်​အပိုင်းအစ​ဖြင့်​လည်း သင့်​သားမြတ်​ကို လှီးဖြတ်​လိမ့်မည်​။ ထိုသို့ ငါ​မိန့်ဆို​ပြီ’​ဟု ဘုရားရှင်​ထာဝရဘုရား မိန့်​တော်မူ​၏​။

ယေ​ဇ​ကျေ​လ 23:4

အစ်မ​ကား အဟောလ​၊ ညီမ​ကား အဟောလိဗ​ဟု အမည်တွင်​၏​။ သူ​တို့​ကို ငါ​ပိုင်​၏​။ သူ​တို့​၌ သား​သမီး​များ​ရှိ​၏​။ အဟောလ​အမည်​ရှိ​သော​သူ​သည် ရှမာရိ​မြို့​၊ အဟောလိဗ​အမည်​ရှိ​သော​သူ​သည် ဂျေရုဆလင်​မြို့​ဖြစ်​၏​။

ယေ​ဇ​ကျေ​လ 23:43

ထိုအခါ ငါ​က ပြည့်တန်ဆာ​ဝါရင့်​နေ​သော ဤ​မိန်းမ​နှင့်​ပတ်သက်၍ ‘​ဤ​ယောက်ျား​တို့​သည် ဤ​မိန်းမ​နှင့်​ပင် ဖောက်ပြန်မှားယွင်း​နေ​ကြ​ပေ​ဦး​မည်​’​ဟု ဆို​မိ​၏​။

ယေ​ဇ​ကျေ​လ 23:8

အီဂျစ်​ပြည်​တွင်​ပြု​ခဲ့​သော ပြည့်တန်ဆာအလုပ်​ကို​မ​စွန့်​။ အပျိုဖြန်းဘဝ​ကပင် ယောက်ျား​တို့​သည် သူ​နှင့်​အိပ်​၏​။ သူ​၏​အပျိုရည်​ကို​ဖျက်ဆီး​ပြီး သူ​နှင့်​ဖောက်ပြန်မှားယွင်း​ကြ​၏​။

ဟော​ရှေ 1:2

ဦးစွာ​ဟောရှေ​အားဖြင့် ထာဝရဘုရား​မိန့်ဆို​ရာ​တွင် ထာဝရဘုရား​က ဟောရှေ​အား “​သင်​သွား​၍ ပြည့်တန်ဆာ​မိန်းမ​တစ်ဦး​နှင့်​စုံဖက်​ပြီးလျှင် ပြည့်တန်ဆာ​သားသမီး​တို့​ကို မွေးဖွား​လော့​။ အကြောင်းမူကား ပြည်​သည် အထပ်ထပ်​ဖောက်ပြန်မှားယွင်း​လျက် ထာဝရဘုရား​ထံမှ လမ်းလွဲ​သွား​ပြီ​”​ဟု မိန့်​တော်မူ​၏​။

ဟော​ရှေ 2:15

ထို​အရပ်​တွင် သူ့​စပျစ်ခြံ​ကို ငါ​ပြန်ပေး​မည်​။ အာခေါ်​ချိုင့်ဝှမ်းလွင်ပြင်​ကို မျှော်လင့်ရာ​တံခါး ဖြစ်​စေ​မည်​။ သူ​သည် ငယ်ရွယ်​စဉ်က​ကဲ့သို့​၊ အီဂျစ်​ပြည်​မှ​ထွက်လာ​စဉ်က​ကဲ့သို့ ငါ့​ကို ပြန်​ဆက်ဆံ​လိမ့်မည်”​ဟု မိန့်​တော်မူ​၏​။

ဝတ်​ပြု 17:7

ယခင်က သူ​တို့​သည် ဖောက်ပြန်မှားယွင်း​ပြီး မိမိ​တို့​၏​ယဇ်​များ​ကို ဆိတ်နတ်ဘုရား​များ​အား ပူဇော်​ခဲ့​ကြ​သကဲ့သို့ နောက်တစ်ဖန် မ​ပူဇော်​ရ​။ ဤသည်ကား သူ​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​”​ဟု မိန့်​တော်မူ​၏​။

တ​ရား​ဟော 29:16

အီဂျစ်​ပြည်​တွင် ငါ​တို့​မည်သို့​နေထိုင်​ခဲ့​ရ​သည်​ကို​လည်းကောင်း​၊ လမ်းခရီး​တွင် လူမျိုးခြား​တို့​အလယ်​၌ မည်သို့​ဖြတ်ကျော်​လာ​ခဲ့​ရ​သည်​ကို​လည်းကောင်း သင်​တို့​သိ​ကြ​၏​။

ယော​ရှု 24:14

သို့ဖြစ်၍ ယခု ထာဝရဘုရား​ကို​ကြောက်ရွံ့ရိုသေ​လျက် ရိုးသားဖြူစင်​စွာ​၊ သစ္စာရှိ​စွာ ဝတ်ပြု​ကြ​လော့​။ ယူဖရေးတီး​မြစ်​တစ်ဖက်​၌​လည်းကောင်း​၊ အီဂျစ်​ပြည်​၌​လည်းကောင်း သင်​တို့​ဘိုးဘေး​တို့​ဝတ်ပြု​ခဲ့​သော​ဘုရား​များ​ကို​ဖယ်ရှား​၍ ထာဝရဘုရား​ကို​သာ ဝတ်ပြု​ကြ​လော့​။

ဗျာ​ဒိတ် 11:8

သူ​တို့​၏​အလောင်း​များ​သည် ဝိညာဉ်​သဘော​အရ သောဒုံ​နှင့်​အီဂျစ်​ဟု​ခေါ်​သော မြို့​ကြီး​၏​လမ်းမ​ပေါ်တွင် ရှိ​ကြ​လိမ့်မည်။ သူ​တို့​၏​သခင်​သည်​လည်း ထို​မြို့​တွင် လက်ဝါးကပ်တိုင်​ပေါ်၌​တင်​ခြင်း​ခံ​ခဲ့​ရ​၏။