ယေ​ဇ​ကျေ​လ 23:29 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁹ သူ​တို့​သည် သင့်​ကို​မုန်း​သဖြင့် သင့်​ချွေးနှဲစာ​ရှိသမျှ​ကို​ယူ​၍ သင့်​ကို အဝတ်မပါ​အချည်းစည်း ပစ်ထား​ကြ​လိမ့်မည်​။ သင်​သည် အရှက်မရှိ ပြည့်တန်ဆာ​လုပ်​ခဲ့​ပုံ​များ​၊ ညစ်ညမ်း​သော​အမှု​ပြု​ခဲ့​ပုံ​များ​၊ ဖောက်ပြန်မှားယွင်း​ခဲ့​ပုံ​များ​ကို ငါ​ဖော်ထုတ်​မည်​။

Common Language Bible

²⁹ သူ​တို့​သည်​သင့်​ကို​မုန်း​၍​သင်​စု​ဆောင်း​ထား သ​မျှ​သော​ပစ္စည်း​ဥစ္စာ​တို့​ကို​ယူ​၍ သင့်​အား အ​ဝတ်​အ​ချည်း​စည်း​နှင့်​ထား​ခဲ့​ကြ​လိမ့်​မည်။ သင့်​အား​အ​ဝတ်​အ​ချည်း​စည်း​ရှိ​သူ​ပြည့် တန်​ဆာ​ကဲ့​သို့​ဖြစ်​စေ​ကြ​လိမ့်​မည်။ သင်​သည် တ​ဏှာ​ရာ​ဂ​စိတ်​ရှိ​မှု​ကြောင့်၊ ပြည့်​တန်​ဆာ အ​လုပ်​ကို​လုပ်​ကိုင်​မှု​ကြောင့်၊-

Garrad Bible

²⁹ သူ တို့ သည် မုန်း စိတ် နှင့် စီ ရင် လျက်၊ ချွေး နဲ စာ ရှိ သ မျှ ကို လု ယူ၍၊ အ ဝတ် အ ချည်း စည်း ထား သ ဖြင့်၊ သင့် ရှက် ဖွယ် ရာ ကာ မ ဂုဏ် လိုက် စား မှု နှင့် ပြည့် တန် ဆာ လုပ် မှု များ ထင် ရှား လိမ့် မည်။

Judson Bible

²⁹ သူ​တို့​သည် မုန်း​သည်​အ​တိုင်း​ပြု​လျက်၊ သင်​ကြိုး​စား၍ ဆည်း​ပူး​သ​မျှ​သော ဥ​စ္စာ​တို့​ကို​သိမ်း​ယူ၍၊ သင့်​ကိုယ်၌ အ​ဝတ်​မ​ရှိ၊ အ​ချည်း​စည်း ရှိ​ရစ်​စေ​ကြ​လိမ့်​မည်။ သင်​မှား​ယွင်း၍ အ​ချည်း​စည်း​ရှိ​ခြင်း၊ အ​ဓ​မ္မ​အ​မှု​ကို​ပြု​ခြင်း၊ မ​တ​ရား​သော​မေ​ထုန်​သို့ လိုက်​ခြင်း​အ​ရာ​သည် ထင်​ရှား​ရ​လိမ့်​မည်။

ယေ​ဇ​ကျေ​လ 23:29 Referencias Cruzadas

၂ ရာ 13:15

ထို့နောက် အာမနုန်​သည် သူ့​ကို အမုန်းကြီး​မုန်း​သွား​ပြန်​၏​။ ယခင်​ချစ်​သော​စိတ်​ထက် မုန်း​သော​စိတ်​ပို၍​ကြီး​သဖြင့် အာမနုန်​က သူ့​အား “​ထ​လော့​၊ ထွက်သွား​လော့​”​ဟု ဆို​၏​။

ယေ​ရ​မိ 13:26

ငါ​ကိုယ်တော်တိုင် သင့်​အဝတ်​ကို မျက်နှာ​ဖုံး​သည်​အထိ​လှန်ပစ်​မည်​။ သင့်​အရှက် ထင်ရှား​လိမ့်မည်​။

မြည်​တမ်း​စ​ကား 1:8

ဂျေရုဆလင်​မြို့​သည် အပြစ်​ကျူးလွန်​လေ​ပြီ​။ ထို့ကြောင့် ရွံရှာဖွယ်​ဖြစ်​လေ​ပြီ​။ သူ့​ကို​ဂုဏ်ပြုချီးမွမ်း​သော​သူ​ရှိသမျှ​တို့​သည် သူ​၌​အဝတ်မပါ​အချည်းစည်း​ဖြစ်​နေ​သည်​ကို​မြင်​သဖြင့် သူ့​ကို​စက်ဆုပ်ရွံရှာ​ကြ​လေ​ပြီ​။ သူ​သည်​လည်း ညည်းတွား​လျက် လှည့်ထွက်​သွား​လေ​ပြီ​။

ယေ​ဇ​ကျေ​လ 16:39

သင့်​ကို သူ​တို့​လက်​သို့​အပ်​လိုက်​မည်​။ သူ​တို့​သည် သင်​၏​ကွန်းခိုရာ​ကို ဖြိုချ​ပစ်​မည်​၊ သင်​အထွတ်အမြတ်​ထား​ရာ​နေရာ​တို့​ကို ဖျက်ဆီး​ပစ်​မည်​။ သင့်​အဝတ်​များ​ကို​ချွတ်​၍ လက်ဝတ်ရတနာ​များ​ကို​ယူ​ပြီးလျှင် အဝတ်မပါ​အချည်းစည်း ပစ်​ထား​ကြ​လိမ့်မည်​။

ယေ​ဇ​ကျေ​လ 22:9

သူတစ်ပါး​အသက်​ကို​သတ်​လို​၍ ချောက်တွန်း​သော​သူ​၊ တောင်​များ​ပေါ်၌ ပူဇော်သောအစာ​ကို စား​သော​သူ​၊ သင့်​ထဲ​တွင် ညစ်ညမ်း​သော​အမှု​ကို ပြု​သော​သူ​များ သင့်​တွင်​ရှိ​၏​။

ယေ​ဇ​ကျေ​လ 23:18

သူ​သည် ပေါ်ပေါ်ထင်ထင်​ဖောက်ပြန်မှားယွင်း​၏​။ အဝတ်အချည်းစည်း​နေ​၏​။ ထို့ကြောင့် ငါ​သည် သူ့​အစ်မ​ကို စွန့်ထား​ခဲ့​သကဲ့သို့ သူ့​ကို​လည်း စွန့်ထား​ခဲ့​ပြီ​။

မိက္ခာ 1:11

အို ရှဖိရ​မြို့သူ​၊ အဝတ်အချည်းစည်း​ဖြင့် အရှက်ကွဲ​လျက် ထွက်သွား​လော့​။ ဇာနန်​မြို့သူ ထွက်​မ​လာ​ဝံ့​။ ငိုကြွေး​နေ​သော​ဗေသဇေလ​မြို့သား​တို့​၊ သင်​တို့​ကို ကာကွယ်​သူ​မ​ရှိ​တော့​ပြီ​။