ယေ​ဇ​ကျေ​လ 21:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ အစ္စရေး​ပြည်​အား ‘​ထာဝရဘုရား​က ကြည့်ရှု​လော့​။ ငါ​သည် သင့်​ကို ဆန့်ကျင်​မည်​။ ဓားအိမ်​ထဲမှ​ဓား​ကို ဆွဲထုတ်​၍ သင့်​အထဲ​မှ လူဆိုး​လူကောင်း​မ​ကျန် သုတ်သင်​ပစ်​မည်​။

Common Language Bible

³ လူ​တို့​အား​ငါ​ထာ​ဝ​ရ​ဘု​ရား​သည်​သူ​တို့ ၏​ရန်​သူ​ဖြစ်​ကြောင်း ငါ​၏​ဋ္ဌား​လွယ်​အိမ်​မှ ဋ္ဌား​တော်​ကို​ထုတ်​ယူ​၍ သူ​တို့​အ​ပေါင်း​အား လူ​ဆိုး​လူ​ကောင်း​မ​ရွေး​သုတ်​သင်​ပစ်​မည် ဖြစ်​ကြောင်း၊-

Garrad Bible

³ ငါ သည် သင့် တစ် ဖက် ၌ နေ လျက်၊ ဓား တော် ကို ချွတ်၍၊ မ သူ တော် ကို၊ သူ တော် ကောင်း ပါ၊ ပယ် ရှား လိမ့် မည်။

Judson Bible

³ အ​ရှင်​ထာ​ဝ​ရ​ဘု​ရား၏​အ​မိန့်​တော်​ကို ဣ​သ​ရေ​လ​ပြည်​အား​ဆင့်​ဆို​ရ​မည်​မှာ၊ ငါ​သည် သင့်​ကို​ရန်​ဘက်​ပြု​လျက်၊ ငါ့​ဓား​ကို​ဓား​အိမ်​မှ​ထုတ်၍၊ သင်၌​တ​ရား​သော​သူ၊ မ​တ​ရား​သော​သူ​တို့​ကို ပယ်​ဖြတ်​မည်။

ယေ​ဇ​ကျေ​လ 21:3 Referencias Cruzadas

ယောဘဝတ္တု။ 9:22

အားလုံး​တို့​သည် အတူတူပင်​ဖြစ်​၏​။ ထို့ကြောင့် ‘ကိုယ်တော်​သည် အပြစ်တင်စရာ​မ​ရှိ​သော​သူ​ကို​လည်းကောင်း​၊ ဆိုးယုတ်​သော​သူ​ကို​လည်းကောင်း ဖျက်ဆီး​တော်မူ​မည်’​ဟု ငါ​ဆို​ခြင်း​ဖြစ်​၏​။

ဆာ​လံ 17:13

အို ထာဝရဘုရား​၊ ထ​တော်မူ​ပါ​။ သူ့​ကို​ထိပ်တိုက်ရင်ဆိုင်​၍ ညွတ်တွား​စေ​တော်မူ​ပါ​။ ကိုယ်တော်​၏​ဓား​ဖြင့် ဆိုးယုတ်​သော​သူ​၏​လက်​မှ အကျွန်ုပ်​၏​အသက်​ကို ကယ်တင်​တော်မူ​ပါ​။

ဆာ​လံ 80:17

ကိုယ်တော်​၏​လက်​တော်​သည် ကိုယ်တော်​၏​လက်ယာ​ဘက်​၌​ရှိ​သော​လူ​တည်းဟူသော ကိုယ်တော်တိုင်​အတွက် ကြံ့ခိုင်​စေ​တော်မူ​သော လူ့​သား​အပေါ် တည်​ပါစေသော​။

ဆာ​လံ 83:15

ကိုယ်တော်​၏​မုန်တိုင်း​အားဖြင့် သူ​တို့​ကို​လိုက်လံညှဉ်းဆဲ​၍ ကိုယ်တော်​၏​လေပွေ​အားဖြင့် သူ​တို့​ကို​ထိတ်လန့်​စေ​တော်မူ​ပါ​။

ထွက်​မြောက် 15:9

ရန်သူ​က ‘​ငါ​လိုက်​မည်​။ သူ​တို့​ကို ငါ​မီ​မည်​။ တိုက်ယူ​သော​ပစ္စည်း​ကို​ခွဲဝေ​၍ ငါ့​စိတ်​အလို​ပြည့်​မည်​။ ငါ့​ဓား​ကို​ထုတ်​၍ သူ​တို့​ကို ငါ့​လက်​ဖြင့် ဖျက်ဆီး​မည်​’​ဟု ဆို​သောအခါ

ဒေသနာကျမ်း။ 9:2

ဖြောင့်မတ်​သော​သူ​နှင့် ဆိုးယုတ်​သော​သူ​ဖြစ်စေ​၊ ကောင်း​သော​သူ​နှင့် မကောင်း​သော​သူ​ဖြစ်စေ​၊ စင်ကြယ်​သော​သူ​နှင့် မစင်ကြယ်​သော​သူ​ဖြစ်စေ​၊ ယဇ်ပူဇော်​သော​သူ​နှင့် ယဇ်​မ​ပူဇော်​သော​သူ​ဖြစ်စေ​၊ သူတော်ကောင်း​နှင့် အပြစ်ပြု​သော​သူ​ဖြစ်စေ​၊ ကျိန်ဆို​သော​သူ​နှင့် ကျိန်ဆို​ခြင်း​ကို​ကြောက်​သော​သူ​ဖြစ်စေ အားလုံး​သည် အားလုံး​နည်းတူ တစ်ခုတည်း​သော​အဖြစ်​နှင့်​ကြုံတွေ့​ရ​၏​။

ဟေ​ရှာ​ယ 10:5

အဆီးရီးယား​လူမျိုး​သည် အမင်္ဂလာ​ရှိ​၏​။ ထို​လူမျိုး​သည် ငါ့​အမျက်​တော်​ကြိမ်လုံး​ဖြစ်​၏​။ သူ​တို့​ကိုင်ဆောင်​သော​တုတ်​သည် ငါ​၏​အမျက်​ဖြစ်​၏​။

ဟေ​ရှာ​ယ 34:5

ကောင်းကင်​၌ ငါ့​ဓား​သည် ကျေနပ်အားရ​စွာ​စီရင်​ပြီးမှ ကြည့်ရှု​လော့​။ ဧဒုံ​ပြည်​အပေါ်​၊ ငါ​ကျိန်​သော​လူမျိုး​အပေါ် တရားစီရင်​ရန်​ဆင်းလာ​မည်​။

ဟေ​ရှာ​ယ 57:1

ဖြောင့်မတ်​သော​သူ​ဆုံးပါး​သွား​သည်​ကို မည်သူ​မျှ​နှလုံး​မ​သွင်း​ကြ​။ ကျေးဇူးပြု​တတ်​သော​သူ​တို့ ရုပ်သိမ်း​ခြင်း​ခံရ​သည်​ကို မည်သူ​မျှ​နား​မ​လည်​ကြ​။ အကယ်စင်စစ် ဖြောင့်မတ်​သော​သူ​သည် မကောင်းမှု​ထဲမှ​ရုပ်သိမ်း​ခံရ​ခြင်း​ဖြစ်​၏​။

ယေ​ရ​မိ 17:27

သင်​တို့​သည် ဥပုသ်နေ့​၌ ဂျေရုဆလင်​မြို့​တံခါး​ကို​ဖြတ်​၍ ဝန်ထုပ်​ကို​မ​သယ်ဆောင်​ရ​။ ဥပုသ်နေ့​ကို​သန့်ရှင်း​အောင်​စောင့်ထိန်း​ရ​မည်​ဟူသော ငါ့​စကား​ကို နား​မ​ထောင်​လျှင် ငါ​သည် မြို့​တံခါး​ကို​မီး​ရှို့​၍ ဂျေရုဆလင်​မြို့​၏​ခံတပ်​များ​ကို လောင်ကျွမ်း​စေ​မည်​။ ထို​မီး​သည် ငြိမ်း​လိမ့်မည်​မ​ဟုတ်​ဟု မိန့်​တော်မူ​ပြီ’​ဟူ၍ ဆင့်ဆို​လော့”​ဟု မိန့်​တော်မူ​၏​။

ယေ​ရ​မိ 21:13

“မည်သူ​သည် ငါ​တို့​ရှိ​ရာ​သို့​ဆင်းလာ​နိုင်​သနည်း​။ မည်သူ​သည် ငါ​တို့​၏​ခိုလှုံ​ရာ​အရပ်​သို့​ဝင်​နိုင်​သနည်း”​ဟု ပြောဆို​တတ်​သော “အို ချိုင့်ဝှမ်း​၌​နေ​သော​သူ​၊ အို ကျောက်​ကုန်းရိုး​၌​နေ​သော​သူ​၊ ကြည့်ရှု​လော့​။ သင့်​ကို ငါ​စီရင်​မည်”​ဟု ထာဝရဘုရား​မိန့်​တော်မူ​၏​။

ယေ​ရ​မိ 21:14

ထာဝရဘုရား​က “ငါ​သည် သင်​တို့​လုပ်ဆောင်မှု​အကျိုးအပြစ်​အလျောက် သင်​တို့​ကို ဒဏ်ခတ်​မည်​။ သင်​တို့​တော​ကို​မီး​ရှို့​သဖြင့် သင်​တို့​နေရာ​ပတ်ပတ်လည်​ကို လောင်ကျွမ်း​လိမ့်မည်”​ဟု မိန့်​တော်မူ​၏​။

ယေ​ရ​မိ 50:31

ကောင်းကင်​ဗိုလ်ခြေ​အရှင်​ထာဝရဘုရား​က “​အို မာနထောင်လွှား​သော​သူ​၊ ကြည့်ရှု​လော့​။ သင့်​ကို ငါ​ဒဏ်ခတ်​မည့်​အချိန် ရောက်​ပြီ​ဖြစ်၍ သင့်​ကို ငါ​ဒဏ်ခတ်​မည်​။

ယေ​ရ​မိ 51:20

ထာဝရဘုရား​က “​သင်​သည် ငါ့​အဖို့ စစ်တင်းပုတ်​၊ စစ်​လက်နက်​ဖြစ်​၏​။ ငါ​သည် သင့်​အားဖြင့် လူမျိုးတကာ​တို့​ကို တကွဲတပြား​ဖြစ်စေ​မည်​။ တိုင်းနိုင်ငံ​တို့​ကို ဖျက်ဆီး​ပစ်​မည်​။

ယေ​ရ​မိ 51:25

ထာဝရဘုရား​က “​အို ဖျက်ဆီး​တတ်​သော​တောင်​၊ မြေကြီး​တစ်ပြင်လုံး​ကို ဖျက်ဆီး​သော​တောင်​၊ ကြည့်ရှု​လော့​။ သင့်​ကို ငါ​စီရင်​မည်​။ ငါ​သည် လက်​ကို​ဆန့်​၍ သင့်​ကို ချောက်ကမ်းပါး​ပေါ်မှ လှိမ့်ချ​ပစ်​မည်​။ သင့်​အား မီးကျွမ်း​တောင်​ဖြစ်စေ​မည်​”​ဟု မိန့်​တော်မူ​၏​။

ယေ​ဇ​ကျေ​လ 13:8

ထို့ကြောင့် ဘုရားရှင်​ထာဝရဘုရား​က ‘သင်​တို့​သည် အချည်းနှီး​သော​စကား​ကို ပြောဆို​၍ မဟုတ်မမှန်​သော​နိမိတ်​ကို မြင်​သောကြောင့် သင်​တို့​ကို ငါ​ဆန့်ကျင်​မည်’​ဟု မိန့်​တော်မူ​၏​။

ယေ​ဇ​ကျေ​လ 14:17

“သို့မဟုတ် တိုင်းပြည်​တွင် ဓားဘေး​ကျရောက်​စေ”​ဟု ငါ​အမိန့်ပေး​သဖြင့် ဓားဘေး​ကျရောက်​၍ လူ​နှင့်​တိရစ္ဆာန်​တို့​ကို သုတ်သင်ပယ်ရှင်း​ပစ်​မည်​ဆို​ပါစို့​။

ယေ​ဇ​ကျေ​လ 14:21

ထို့ကြောင့် ဘုရားရှင်​ထာဝရဘုရား​က “​ဂျေရုဆလင်​မြို့​ထဲသို့ ဓားဘေး​၊ ငတ်မွတ်ခေါင်းပါး​ခြင်း​ဘေး​၊ သားရဲတိရစ္ဆာန်​ဘေး​၊ ကပ်ရောဂါ​ဘေး စသော ဘေးဆိုး​လေး​မျိုး​ဖြင့်​ဒဏ်ခတ်​ပြီး လူ​နှင့်​တိရစ္ဆာန်​တို့​ကို သုတ်သင်ပယ်ရှင်း​သောအခါ ပို၍​ဆိုးဝါး​ပေ​လိမ့်မည်”​ဟု မိန့်​တော်မူ​၏​။

ယေ​ဇ​ကျေ​လ 21:19

“​အချင်း​လူသား​၊ ဘေဘီလုံ​ဘုရင်​၏​ဓား​သွား​မည့်​လမ်း​နှစ်​လမ်း​ကို မှတ်သား​လော့​။ ထို​လမ်း​နှစ်​လမ်း​တို့​သည် ပြည်​တစ်​ပြည်​ထဲမှ အစပြု​၍​ထွက်လာ​သော​လမ်း​ဖြစ်​၏​။ မြို့​ထဲသို့​သွား​သော​လမ်းခွ​၌ အမှတ်အသား​လုပ်​ထား​လော့​။

ယေ​ဇ​ကျေ​လ 24:9

တစ်ဖန် ဘုရားရှင်​ထာဝရဘုရား​က ‘လူ​အသက်သတ်​သော​မြို့​သည် အမင်္ဂလာ​ရှိ​၏​။ ထို​မြို့​ကို မီးပုံကြီး ဖြစ်​စေ​မည်​။

ယေ​ဇ​ကျေ​လ 26:3

ထို့ကြောင့် ဘုရားရှင်​ထာဝရဘုရား​က ‘အို တိုင်ရာ​မြို့​၊ ကြည့်ရှု​လော့​။ သင့်​ကို ငါ​ဆန့်ကျင်​မည်​။ ပင်လယ်​လှိုင်းတံပိုး​ကြီး​ကြွတက်​လာ​သကဲ့သို့ လူ​အလုံးအရင်းကြီး​ကို သင့်​ထံ​ချီတက်​လာ​စေ​မည်​။

ယေ​ဇ​ကျေ​လ 29:10

ကြည့်ရှု​လော့​။ ငါ​သည် သင်​နှင့် မြစ်ချောင်း​တို့​ကို ဖျက်ဆီး​မည်​။ မိဂဒေါလ​ပြည်​၊ သုဏေ​ပြည်​မှ အီသီယိုးပီးယား​ပြည်​၏​နယ်နိမိတ်​တိုင်အောင် အီဂျစ်​ပြည်​ကို ပြိုပျက်​ရာ​၊ တိတ်ဆိတ်​ခြောက်ကပ်​ရာ ဖြစ်​စေ​မည်​။

ယေ​ဇ​ကျေ​လ 5:12

လူ​သုံးပုံတစ်ပုံ​သည် ကပ်ရောဂါ​ဘေး​၊ ငတ်မွတ်ခေါင်းပါး​ခြင်း​ဘေး​ဖြင့် သင်​တို့​အလယ်​တွင် သေကျေ​ပျက်စီး​ကြ​မည်​။ ကျန်​သုံးပုံတစ်ပုံ​သည် ဓားဘေး​ဖြင့် သင်​တို့​ပတ်ပတ်လည်​တွင်​ကျဆုံး​ကြ​မည်​။ ကျန်​သုံးပုံတစ်ပုံ​သည် လေနှင်ရာ​အရပ်ရပ်​သို့ ကွဲလွင့်​သွား​မည်​။ ငါ​သည် ဓား​ကို​ထုတ်​၍ သူ​တို့​နောက်​ကို​လိုက်​မည်’​ဟု မိန့်​တော်မူ​၏​။

ယေ​ဇ​ကျေ​လ 5:8

ထို့ကြောင့် ဘုရားရှင်​ထာဝရဘုရား​က ‘ငါ​ကိုယ်တိုင် သင့်​ကို​စီရင်​မည်​။ လူမျိုးတကာ​တို့​ရှေ့​တွင် သင့်​ကို​စီရင်​မည်​။

ဝတ်​ပြု 26:25

ငါ​သည် ပဋိညာဉ်​အလျောက် လက်တုံ့ပြန်​သော​ဓား​ကို သင်​တို့​အပေါ် ကျရောက်​စေ​မည်​။ သင်​တို့​သည် သင်​တို့​၏​မြို့​များ​ထဲ၌ စုဝေး​ကြ​သောအခါ သင်​တို့​အလယ်​သို့ ကပ်ရောဂါ​ဘေး​ကို ငါ​စေလွှတ်​မည်​။ သင်​တို့​သည် ရန်သူ​၏​လက်​သို့ အပ်နှံ​ခြင်း​ခံရ​လိမ့်မည်​။

ဝတ်​ပြု 26:33

ငါ​သည် သင်​တို့​ကို လူမျိုးခြား​တို့​ထဲတွင် ကွဲလွင့်​စေ​မည်​။ ဓား​ကို​ထုတ်​၍ သင်​တို့​နောက်​ကို​လိုက်​မည်​။ သင်​တို့​၏​ပြည်​သည် လူသူကင်းမဲ့​၍ သင်​တို့​၏​မြို့​တို့​သည် ပြိုပျက်​လိမ့်မည်​။

အာ​မုတ် 5:6

အသက်ချမ်းသာ​ရာ​ရ​မည့်​အကြောင်း ထာဝရဘုရား​ကို​ရှာ​ကြ​လော့​။ သို့မဟုတ်လျှင် ယောသပ်​အမျိုးအနွယ်​ကို ရုတ်ချည်း​မီး​လောင်​၍ ငြှိမ်းသတ်​မည့်​သူ​မ​ရှိ​ဘဲ ဗေသလ​မြို့​ကို ဝါးမျို​လိမ့်မည်​။

အာ​မုတ် 7:4

တစ်ဖန် ဘုရားရှင်​ထာဝရဘုရား​က ငါ့​အား ဤသို့ မြင်​စေ​တော်မူ​ပြန်​၏​။ ကြည့်ရှု​လော့​။ ဘုရားရှင်​ထာဝရဘုရား​သည် တရားစီရင်​ရန် မီး​ကို​ဆင့်ခေါ်​ရာ မီး​သည် ကျယ်ပြန့်​နက်ရှိုင်း​သော​ရေထု​ကို ဝါးမျို​ပြီးလျှင် မြေကြီး​ကို​လည်း ဝါးမျို​လေ​၏​။

နာ​ဟုံ 2:13

ကောင်းကင်​ဗိုလ်ခြေ​အရှင်​ထာဝရဘုရား​က “​ငါ​သည် သင့်​ကို တိုက်ခိုက်​မည်​။ သင့်​စစ်ရထား​ကို မီးရှို့​ပစ်​မည်​။ သင့်​ခြင်္သေ့ပျို​တို့​ကို ဓား​ဖြင့်​ဖျက်ဆီး​မည်​။ သင့်​သားကောင်​ကို မြေကြီး​ပေါ်မှ ဖယ်ရှား​ပစ်​မည်​။ စေတမန်​တို့​၏​အသံ​ကို​လည်း နောက်တစ်ဖန် ကြား​ရ​တော့​မည်​မ​ဟုတ်​”​ဟု မိန့်​တော်မူ​၏​။

နာ​ဟုံ 3:5

ကောင်းကင်​ဗိုလ်ခြေ​အရှင်​ထာဝရဘုရား​က “​ငါ​သည် သင့်​ကို​ဆန့်ကျင်​၍ သင့်​အဝတ်​ကို သင့်​မျက်နှာ​အုပ်​သွား​သည်​အထိ လှန်​ပစ်​မည်​။ ငါ​သည် သင် အဝတ်အချည်းစည်း​ရှိ​သည်​ကို လူမျိုးတကာ​တို့​အား ပြ​၍ သင်​အရှက်ကွဲ​သည်​ကို​လည်း တိုင်းနိုင်ငံ​တို့​အား ပြ​မည်​။

ဇေဖနိ 2:12

“အို အီသီယိုးပီးယား​လူမျိုး​တို့​၊ သင်​တို့​သည်​လည်း ငါ့​ဓား​ဖြင့် ကွပ်မျက်​ခံရ​လိမ့်မည်​။”

ဇာ​ခ​ရိ 13:7

ကောင်းကင်​ဗိုလ်ခြေ​အရှင်​ထာဝရဘုရား​က “​အို ဓား​၊ ထ​လော့​။ ငါ​၏​သိုးထိန်း​ကို တိုက်ခိုက်​လော့​။ ငါ​၏​အိမ်နီးချင်း​ကို တိုက်ခိုက်​လော့​။ သိုးထိန်း​ကို​ရိုက်နှက်​လော့​။ ထိုအခါ သိုး​တို့ ကွဲလွင့်​သွား​ကြ​လိမ့်မည်​။ ငါ​သည်​လည်း သိုးငယ်​များ​ကို လက်​ဖြင့်​ရွယ်​၍ တိုက်ခိုက်​မည်”​ဟု မိန့်​တော်မူ​၏​။