ယေ​ဇ​ကျေ​လ 2:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ထို​သူ​က ငါ့​အား “​အချင်း​လူသား​၊ မတ်တတ်ရပ်​လော့​။ သင့်​ကို ငါ​စကားပြော​မည်​”​ဟု ဆို​၏​။

Common Language Bible

¹ ``အ​ချင်း​လူ​သား​ထ​လော့။ သင့်​အား​ငါ​မြွက် ဆို​မည်'' ဟု​မိန့်​တော်​မူ​၏။-

Garrad Bible

¹ ငါ သည် မြင် ရ သည့် ကာ လ၊ ပျပ် ဝပ် လျက်၊ ငါ ကြား ရ သည့် မိန့် တော် မူ သံ မှာ၊ အ ချင်း လူ သား၊ ခြေ စုံ ရပ် လော့။ သင့် အား ငါ မြွက် ဆို မည် ဟု မိန့် တော် မူ သော်၊

Judson Bible

¹ ထို​ဗျာ​ဒိတ်​ရူ​ပါ​ရုံ​ကို ငါ​သည်​မြင်​သော​အ​ခါ ပျပ်​ဝပ်​လျက်​နေ၏။ တစ်​ဦး​သော​သူ​က​လည်း၊ အ​ချင်း​လူ​သား၊ မတ်​တတ်​နေ​လော့။ သင့်​အား ငါ​ပြော​မည်​ဟု ငါ့​အား​ဆို​သံ​ကို ငါ​ကြား၏။

ယေ​ဇ​ကျေ​လ 2:1 Referencias Cruzadas

ဆာ​လံ 8:4

လူ​သည်​မည်သို့သော​သူ​ဖြစ်၍ ကိုယ်တော်​သည် သူ့​ကို​အောက်မေ့​တော်မူ​ရ​သနည်း​။ လူ့​သား​သည် မည်သို့သော​သူ​ဖြစ်၍ ကိုယ်တော်​သည် သူ့​ကို​ကြည့်ရှု​တော်မူ​ရ​သနည်း​။

ယေ​ဇ​ကျေ​လ 1:28

ထို​အလင်း​သည် မိုးရွာ​သော​နေ့​၌ မိုးတိမ်​တွင်​ထွက်ပေါ်​လာ​သော သက်တံ​၏​အရောင်​ကဲ့သို့ ပတ်ပတ်လည်​တွင် ရောင်ခြည်​ဖြာထွက်​နေ​၏​။ ထာဝရဘုရား​၏​ဘုန်းအသရေ ထွန်းလင်း​သကဲ့သို့​ဖြစ်​၏​။ ထို​အရာ​ကို​မြင်​၍ ငါ​ပျပ်ဝပ်​လျက်​နေ​စဉ် တစ်စုံတစ်ယောက်​စကားပြော​သော​အသံ​ကို ငါ​ကြား​ရ​၏​။

ယေ​ဇ​ကျေ​လ 12:3

အချင်း​လူသား​၊ သင်​သည် သုံ့ပန်း​ကဲ့သို့ အထုပ်အပိုး​ကို ပြင်ဆင်​လော့​။ နေ့​အချိန်​၌ သူ​တို့​မျက်စိ​ရှေ့​တွင်ပင် သုံ့ပန်း​ပါသွား​သော​သူ​ကဲ့သို့ ထွက်သွား​လော့​။ သူ​တို့​မျက်စိ​ရှေ့​တွင်ပင် တစ်နေရာ​မှ​တစ်နေရာ​သို့ သွားလာ​လော့​။ သို့ပြုလျှင် သူ​တို့​သည် ပုန်ကန်​တတ်​သော​သဘော​ရှိ​သော်လည်း သတိပြု​မိ​ကောင်း ပြု​မိ​ကြ​ပါ​လိမ့်မည်​။

ယေ​ဇ​ကျေ​လ 13:2

“​အချင်း​လူသား​၊ ပရောဖက်ပြု​နေ​သော အစ္စရေး​ပရောဖက်​တို့​ကို ဆန့်ကျင်​၍ ပရောဖက်ပြု​လော့​။ ကိုယ့်​စိတ်ထင်​နှင့် ပရောဖက်ပြု​နေ​သော​ပရောဖက်​တို့​အား ‘ထာဝရဘုရား​၏​စကား​တော်​ကို နားထောင်​ကြ​လော့’​ဟု ပြောကြား​လော့​။

ယေ​ဇ​ကျေ​လ 14:13

“​အချင်း​လူသား​၊ ပြည်​တစ်​ပြည်​ရှိ​ပြည်သား​တို့​သည် ဖောက်ပြန်မှားယွင်း​၍ ငါ့​ကို​ပြစ်မှား​ကြ​လျှင် ငါ​သည် လက်​ကို​ဆန့်​ပြီး ထို​ပြည်​၏​စားနပ်ရိက္ခာ​ကို ဖြတ်တောက်​ပစ်​မည်​။ ငတ်မွတ်ခေါင်းပါး​ခြင်း​ဘေး​ကို ကျရောက်​စေ​ပြီး ထို​ပြည်​ရှိ လူ​နှင့်​တိရစ္ဆာန်​တို့​ကို သုတ်သင်ပယ်ရှင်း​ပစ်​မည်​။

ယေ​ဇ​ကျေ​လ 14:3

“​အချင်း​လူသား​၊ ဤ​လူ​တို့​သည် သူ​တို့​စိတ်​ထဲတွင် ရုပ်တု​များ​ကို နေရာပေး​လျက်​၊ သူ​တို့​ရှေ့​တွင် ဒုစရိုက်​ခလုတ်တံသင်း​ကို ချထား​လျက်​နှင့် ငါ့​အား​မေးလျှောက်​သည်​ကို ငါ​ခွင့်ပြု​ရ​မည်လော​။

ယေ​ဇ​ကျေ​လ 15:2

“​အချင်း​လူသား​၊ တော​ထဲရှိ​သစ်ပင်​တို့​တွင်​နွယ်​တက်​နေ​သော​စပျစ်ကိုင်းသား​သည် မည်သည့်​သစ်သား​တို့​ထက် ပိုကောင်း​သနည်း​။

ယေ​ဇ​ကျေ​လ 16:2

“​အချင်း​လူသား​၊ ဂျေရုဆလင်​မြို့​အား မိမိ​၏​စက်ဆုပ်ရွံရှာဖွယ်​ရာ​တို့​ကို သိ​စေ​လော့​။

ယေ​ဇ​ကျေ​လ 17:2

“အချင်း​လူသား​၊ အစ္စရေး​လူမျိုး​တို့​အား စကားထာဝှက်​၍ ပုံဥပမာ​ခိုင်းနှိုင်းပြ​လော့​။

ယေ​ဇ​ကျေ​လ 2:3

“​အချင်း​လူသား​၊ သင့်​ကို အစ္စရေး​အမျိုးသား​တို့​ထံ​၊ ငါ့​ကို​ဆန့်ကျင်​ပုန်ကန်​နေ​သော ပုန်ကန်​တတ်​သော​လူမျိုး​တို့​ထံ စေလွှတ်​မည်​။ သူ​တို့​နှင့် သူ​တို့​ဘိုးဘေး​တို့​သည် ယနေ့​တိုင်အောင် ငါ့​ကို​ပုန်ကန်​လျက်​ရှိ​၏​။

ယေ​ဇ​ကျေ​လ 2:6

အချင်း​လူသား​၊ သင့်​ကို ဆူးပင်​များ​၊ ဆူးချုံ​များ ဝိုင်းရံ​နေ​ပါစေ​၊ ကင်းမြီးကောက်​တို့​နှင့်​နေ​ရ​ပါစေ​၊ သူ​တို့​ကို မ​ကြောက်​နှင့်​။ သူ​တို့​စကား​ကို​လည်း မ​ကြောက်​နှင့်​။ သူ​တို့​သည် ပုန်ကန်​တတ်​သော​လူမျိုး​ဖြစ်​သောကြောင့် သူ​တို့​စကား​ကို မ​ကြောက်​နှင့်​။ သူ​တို့​မျက်နှာထား​ကြောင့် မ​ထိတ်လန့်​နှင့်​။

ယေ​ဇ​ကျေ​လ 2:8

အချင်း​လူသား​၊ ငါ့​စကား​ကို နားထောင်​လော့​။ ပုန်ကန်​တတ်​သော​အမျိုး​ကဲ့သို့ မ​ပုန်ကန်​နှင့်​။ သင့်​နှုတ်​ကို​ဖွင့်​ပြီး ငါ​ပေး​သော​အရာ​ကို စား​လော့​”​ဟု မိန့်ဆို​၏​။

ယေ​ဇ​ကျေ​လ 20:3

“​အချင်း​လူသား​၊ အစ္စရေး​သက်ကြီးဝါကြီး​တို့​အား ‘​ဘုရားရှင်​ထာဝရဘုရား​က ငါ့​ထံ​မေးလျှောက်​ရန် သင်​တို့​လာ​ကြ​သလော​။ စင်စစ် ငါ​အသက်ရှင်​သည်​နှင့်အညီ သင်​တို့​ကို မေးလျှောက်​ခွင့်​မ​ပြု​ဟူ၍ မိန့်​တော်မူ​သည်’​ဟု ဆင့်ဆို​လော့​။

ယေ​ဇ​ကျေ​လ 3:1

တစ်ဖန် ထို​သူ​က “​အချင်း​လူသား​၊ သင်​တွေ့​ရ​သော​စာလိပ်​ကို စား​လော့​။ စား​ပြီးလျှင် အစ္စရေး​လူမျိုး​တို့​ထံ သွား​၍​ဟောပြော​လော့​”​ဟု ဆို​လျှင်

ယေ​ဇ​ကျေ​လ 3:10

တစ်ဖန် ထို​သူ​က “​အချင်း​လူသား​၊ ငါ​ပြော​သော​စကား​အလုံးစုံ​ကို နားထောင်​၍ နှလုံးသွင်း​လော့​။

ယေ​ဇ​ကျေ​လ 3:17

“​အချင်း​လူသား​၊ ငါ​သည် သင့်​ကို အစ္စရေး​လူမျိုး​တို့​ကို​စောင့်ကြည့်​သော ကင်းစောင့်​အဖြစ် ခန့်ထား​ပြီ​။ ငါ​ပြော​သော​စကား​ကို​ကြား​တိုင်း သူ​တို့​ကို ပြန်ပြော​ရ​မည်​။

ယေ​ဇ​ကျေ​လ 3:4

ထို့နောက် သူ​က “​အချင်း​လူသား​၊ ငါ့​စကား​ကို အစ္စရေး​လူမျိုး​တို့​ထံသို့ သွား​၍​ပြောပြ​လော့​။

ယေ​ဇ​ကျေ​လ 37:3

ကိုယ်တော်​က ငါ့​အား “​အချင်း​လူသား​၊ ဤ​အရိုး​တို့ အသက်ရှင်​နိုင်​မည်လော​”​ဟု မေး​လျှင် ငါ​က “​အို ဘုရားရှင်​ထာဝရဘုရား​၊ ကိုယ်တော်​သိ​တော်မူ​ပါ​၏​”​ဟု ပြန်လျှောက်​၏​။

ယေ​ဇ​ကျေ​လ 4:1

အချင်း​လူသား​၊ အုတ်ချပ်​တစ်​ချပ်​ကို​ယူ​၍ သင့်​ရှေ့​တွင်​ထား​ပြီးလျှင် ထို​အုတ်ချပ်​ပေါ်တွင် ဂျေရုဆလင်​မြို့​ပုံ​ကို ရေးဆွဲ​လော့​။

ယေ​ဇ​ကျေ​လ 40:4

ထို​သူ​က ငါ့​အား “​အချင်း​လူသား​၊ မျက်စိ​ဖွင့်​၊ နားစွင့်​ပြီး ငါ​ပြ​မည့်​အရာ​အားလုံး​ကို နှလုံးသွင်း​မှတ်ကျုံး​လော့​။ ဤ​အရာ​တို့​ကို သင့်​အား​ငါ​ပြသ​ရန် သင့်​ကို ဤ​နေရာ​သို့ ခေါ်ဆောင်​လာ​ခြင်း​ဖြစ်​၏​။ သင်​မြင်​သမျှ​သော​အရာ​တို့​ကို အစ္စရေး​လူမျိုး​တို့​အား ပြန်လည်​ပြောပြ​လော့”​ဟု မြွက်ဆို​၏​။

ယေ​ဇ​ကျေ​လ 43:18

တစ်ဖန် ကိုယ်တော်​က ငါ့​အား “​အချင်း​လူသား​၊ ဘုရားရှင်​ထာဝရဘုရား​က ‘ယဇ်ပလ္လင်​ကို တည်ဆောက်​ပြီး​သော​နေ့​တွင် မီးရှို့ရာယဇ်​ကို ပူဇော်​ရန်​၊ အသွေး​ကို ဖျန်း​ရန် ယဇ်ပလ္လင်​နှင့်ဆိုင်သော​ပြဋ္ဌာန်းချက်​ကား ဤသို့​ဖြစ်​၏’​ဟု မိန့်​တော်မူ​၏​။

ယေ​ဇ​ကျေ​လ 5:1

အချင်း​လူသား​၊ ဆံသသမား​၏​သင်တုန်းဓား​ကဲ့သို့ ထက်​သော​ဓား​ကို​ယူ​၍ သင့်​ဆံပင်​နှင့်​မုတ်ဆိတ်မွေး​တို့​ကို ရိတ်​လော့​။ ထို့နောက် ချိန်ခွင်​ဖြင့်​ချိန်​၍ အစုစု​ခွဲ​ထား​လော့​။

ယေ​ဇ​ကျေ​လ 7:2

“​အချင်း​လူသား​၊ အစ္စရေး​ပြည်​အား ဘုရားရှင်​ထာဝရဘုရား​က ‘သူ​၏​နိဂုံးချုပ်​ချိန်​သည် ရောက်လာ​ပြီ​။ ပြည်​တစ်ပြည်လုံး နိဂုံးချုပ်​ချိန်​ရောက်​လေ​ပြီ​။

ဒံ​ယေ​လ 10:11

ထို​သူ​က “​နှစ်သက်မြတ်နိုး​ခြင်း​ခံရ​သူ​ဒံယေလ​၊ ငါ​ပြော​သော​စကား​ကို ဆင်ခြင်သုံးသပ်​လော့​။ ထ​၍ ရပ်​လော့​။ ငါ​သည် သင့်​ထံသို့ စေလွှတ်​ခြင်း​ခံရ​သော​သူ​ဖြစ်​၏​”​ဟု ငါ့​အား ဤ​စကား​ကို​ပြောဆို​လျှင် ငါ​သည် တုန်ရီ​လျက် ရပ်​လေ​၏​။

ဒံ​ယေ​လ 10:19

သူ​က ငါ့​အား “​အို နှစ်သက်မြတ်နိုး​ခြင်း​ခံရ​သူ​၊ မ​ကြောက်​နှင့်​။ ငြိမ်သက်​ခြင်း​ရှိ​ပါစေ​။ အားယူ​လော့​၊ အားယူ​လော့​”​ဟု ဆို​လျှင် ငါ​သည် ခွန်အား​ပြည့်​လာ​၍ “​အကျွန်ုပ်​၏​သခင်​၊ အမိန့်ရှိ​တော်မူ​ပါ​။ သခင့်​စကား​ကြောင့် အကျွန်ုပ်​အားရှိ​သွား​ပါ​ပြီ​”​ဟု ပြန်လျှောက်​၏​။

ဒံ​ယေ​လ 8:17

ထိုအခါ ဂါဗြေလ​သည် ငါ့​ထံ​ချဉ်းကပ်​လာ​သဖြင့် ငါ​လည်း ကြောက်လန့်​တုန်လှုပ်​၍ မှောက်​လျက်​လဲကျ​သွား​၏​။ သူ​က​လည်း “​အချင်း​လူသား​၊ ဤ​ဗျာဒိတ်နိမိတ်​သည် နောက်ဆုံး​ကာလ​နှင့်ဆိုင်သည်​ကို သိမှတ်​လော့​”​ဟု ငါ့​အား ပြောပြ​၏​။

မဿဲ 17:7

ထိုအခါ ယေရှု​သည် ချဉ်းကပ်​လာ​၍ သူ​တို့​ကို​တို့ထိ​ကာ“ထ​ကြ​လော့၊ မ​ကြောက်​ကြ​နှင့်”​ဟု မိန့်​တော်မူ​၏။

ရှင်ယောဟန် 3:13

ကောင်းကင်​မှ​ဆင်းသက်​သော​လူ့သား​မှတစ်ပါး ကောင်းကင်​သို့​တက်​သွား​ခဲ့​သူ​တစ်စုံတစ်ဦး​မျှ​မ​ရှိ။

ရှင်ယောဟန် 3:16

ဘုရားသခင်​သည် မိမိ​၏​တစ်ပါးတည်း​သော​သား​တော်​ကို စွန့်​တော်မူ​သည့်​တိုင်အောင် လောကီသား​တို့​ကို​ချစ်​တော်မူ​၏။ ဤသည်ကား သား​တော်​ကို​ယုံကြည်​သော​သူ​တိုင်း မ​ပျက်စီး​ဘဲ ထာဝရ​အသက်​ကို​ရရှိ​စေရန်​ဖြစ်​၏။

တမန်တော်ဝတ္ထု 26:16

သင်​သည်​ထ​၍ သင့်​ခြေ​ဖြင့်​မတ်တတ်ရပ်​လော့။ ငါ​သည် သင့်​ထံ​ထင်ရှား​သည်​မှာ ငါ့​ကို​သင်​မြင်​ရ​သည့်​အကြောင်း​နှင့် သင့်​အား ငါ​ထင်ရှားပြ​မည့်​အရာ​များ​အတွက် သင့်​ကို အမှု​တော်​ဆောင်​အဖြစ်​လည်းကောင်း၊ သက်သေ​အဖြစ်​လည်းကောင်း ခန့်ထား​ရန်​ဖြစ်​၏။

တမန်တော်ဝတ္ထု 9:6

သင်​သည် ထ​၍ မြို့​ထဲသို့​ဝင်​သွား​လော့။ ထိုအခါ သင်​ပြု​ရ​မည့်​အမှု​ကို သင့်​အား ပြောကြား​လိမ့်မည်”​ဟု မိန့်​တော်မူ​၏။