ယေ​ဇ​ကျေ​လ 19:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ အကိုင်းအခက်​များ သန်မာ​သောကြောင့် ရာဇလှံတံ​အဖြစ်​ပင် အသုံးပြု​နိုင်​၏​။ ကြီးထွား​မြင့်မား​ပြီး အကိုင်းအခက်​များ​လည်း များစွာ​ဖြာထွက်​၏​။ ပင်မြင့်​ဖြစ်၍ အပင်တကာ​တို့​ကြား​တွင် ထီးထီးကြီး​မြင်တွေ့​နိုင်​၏​။

Common Language Bible

¹¹ အ​ကိုင်း​များ​သည်​သန်​မာ​ခိုင်​ခံ့​သ​ဖြင့် ရာ​ဇ​လှံ​တံ အ​ဖြစ်​အ​သုံး​ဝင်​လာ​လေ​သည်။ စ​ပျစ်​ပင်​သည်​သစ်​ပင်​အ​ရွက်​အ​လက်​များ အ​ထက်​ထိ​အောင်​မြင့်​မား​လာ​၏။ ထို​အ​ပင်​အ​ဘယ်​မျှ​မြင့်​မား​၍​အ​ရွက် အ​လက်​များ ထူ​ထပ်​သည်​ကို​ထင်​ရှား​စွာ​မြင်​ရ​ကြ​၏။

Garrad Bible

¹¹ မြောက် မြား သော အ ခက် အ လက် အ ထက်၊ မိုး သား ကို မီ ၍ ရှည် လျား ခိုင် ခံ့ သော အ ကိုင်း များ သည်၊ ရာ ဇ လှံ တံ များ အ ဖြစ် ထင် ရှား သော် လည်း၊

Judson Bible

¹¹ မင်း​တို့​အ​သုံး​အ​ဆောင် ရာ​ဇ​လှံ​တံ​ဖို့ ခိုင်​ခံ့​သော​တံ​ဖျာ​တို့​နှင့် ပြည့်​စုံ၏။ ထူ​ထပ်၍​များ​ပြား​သော အ​ခက်​အ​လက်​တို့​နှင့် အ​ရပ်​မြင့်၍ ထင်​ရှား​လေ၏။

ယေ​ဇ​ကျေ​လ 19:11 Referencias Cruzadas

ကမ္ဘာ​ဦး 49:10

လူမျိုး​တို့​သည် ရှိလော​ကို​နာခံ​ကြ​လိမ့်မည်​။ သူ​မ​ရောက်လာ​မီ​တိုင်အောင် ရာဇလှံတံ​သည် ယုဒ​ထံမှ ထွက်သွား​မည်​မ​ဟုတ်​၊ ကျိုင်း​သည်​လည်း သူ့​ခြေထောက်​ကြား​မှ​ထွက်သွား​မည်​မ​ဟုတ်​။

၃ ရာ 5:1

ရှောလမုန်​မင်းကြီး​အား ရှင်ဘုရင်​အဖြစ်​ဘိသိက်ပေး​၍ ခမည်းတော်​၏​အရိုက်အရာ​ကို ဆက်ခံ​စေ​ကြောင်း ဒါဝိဒ်​မင်းကြီး​လက်ထက်​တစ်လျှောက် ဒါဝိဒ်​မင်းကြီး​နှင့်​မိတ်ဆွေ​ဖြစ်​ခဲ့​သော တိုင်ရာ​ဘုရင်​ဟိရံ​မင်းကြီး​ကြားသိ​လျှင် ရှောလမုန်​မင်းကြီး​ထံသို့ မိမိ​အမှုထမ်း​များ​ကို​စေလွှတ်​၍ မိတ်ဖွဲ့​စေ​၏​။

ဧ​ဇ​ရ 4:20

ဂျေရုဆလင်​မြို့​ကို​အစိုးရ​သော တန်ခိုးကြီး​ဘုရင်​တို့​သည် ယူဖရေးတီး​မြစ်​အနောက်ဘက်ကမ်း တစ်လျှောက်လုံး​ကို​ပါ အုပ်ချုပ်​ရ​ပြီး သူ​တို့​အား အခွန်​အကောက်​၊ ဆက်ကြေး​တို့​ကို ဆက်သ​ရ​သည်​ကို​လည်း သိ​ရ​၏​။

ဧ​ဇ​ရ 5:11

သူ​တို့​က​လည်း ‘အကျွန်ုပ်​တို့​သည် ကောင်းကင်​နှင့်​မြေကြီး​အရှင် ဘုရားသခင်​၏​အစေအပါး​များ ဖြစ်​၏​။ ရှေး​နှစ်​ပေါင်း​များစွာ​က အစ္စရေး​လူမျိုး​တို့​၏​ဘုရင်မင်းမြတ် တည်ဆောက်​ပြီးစီး​ခဲ့​သော​အိမ်​တော်​ကို အကျွန်ုပ်​တို့ ပြန်လည်​တည်ဆောက်​ခြင်း ဖြစ်​၏​။

ဆာ​လံ 110:2

ထာဝရဘုရား​သည် သင်​၏​တန်ခိုးကြီး​သော ရာဇလှံတံ​ကို ဇိအုန်​မှ​စေလွှတ်​တော်မူ​လိမ့်မည်​။ သင်​၏​ရန်သူ​များ​အလယ်​၌ အုပ်စိုး​လော့​။

ဆာ​လံ 80:15

ဤ​စပျစ်ပင်​တည်းဟူသော လက်ယာ​လက်​တော်​ဖြင့် စိုက်ပျိုး​ထား​သော​မျိုးခံပင်​၊ ကိုယ်တော်တိုင်​အတွက် သန်မာ​စေ​သော​ပျိုးပင်​ကို အကြည့်အရှု​ကြွလာ​တော်မူ​ပါ​။

ဆာ​လံ 80:17

ကိုယ်တော်​၏​လက်​တော်​သည် ကိုယ်တော်​၏​လက်ယာ​ဘက်​၌​ရှိ​သော​လူ​တည်းဟူသော ကိုယ်တော်တိုင်​အတွက် ကြံ့ခိုင်​စေ​တော်မူ​သော လူ့​သား​အပေါ် တည်​ပါစေသော​။

ဟေ​ရှာ​ယ 11:1

ယေရှဲ​၏​အငုတ်​မှ အတက်​ထွက်လာ​မည်​။ သူ​၏​အမြစ်​မှ​အကိုင်း​သည် အသီး​သီး​လိမ့်မည်​။

ယေ​ဇ​ကျေ​လ 19:12

သို့သော် ထို​စပျစ်ပင်​သည် ဒေါသတကြီး ဆွဲနုတ်​ခံရ​၏​။ မြေ​ပေါ်၌ ပစ်ထား​ခံရ​၏​။ အရှေ့​လေတိုက်​သောအခါ သူ​၏​အသီး​တို့​သည် ခြောက်သွေ့​ကုန်​၏​။ သန်မာ​သော​အကိုင်းအခက်​တို့​သည် ကျိုးပဲ့​၍​ခြောက်​သွား​ပြီး မီးရှို့​ခံရ​လေ​၏​။

ယေ​ဇ​ကျေ​လ 19:14

အကိုင်း​တစ်​ကိုင်း​မှ မီး​ထွက်လာ​၍ အသီး​တို့​ကို လောင်ကျွမ်း​လေ​၏​။ ထို့ကြောင့် ရာဇလှံတံ​အဖြစ် အသုံးပြု​နိုင်​သည့် သန်မာ​သော​အကိုင်းအခက်​တစ်ခုမျှ​မ​ရှိ​တော့​ပေ​ဟု သီဆို​လော့​။ ဤသည်ကား ငိုကြွေးမြည်တမ်းစရာ ငိုချင်း​တစ်​ပုဒ်​ပေတည်း’​ဟူ၍ မြွက်ဆို​လော့”​ဟု မိန့်ဆို​၏​။

ယေ​ဇ​ကျေ​လ 21:10

ဓား​ကို​ပြောင်လက်​အောင်​၊ ထက်​အောင် သွေး​ပြီး သတ်ပွဲကြီး​ဖြစ်​တော့​မည်​ကို ငါ​တို့​ဝမ်းသာ​ရ​မည်လော​။ ငါ့​သား​၏​ရာဇလှံတံ​သည်​လည်း အခြား​သစ်ပင်​များ​နည်းတူ သုတ်သင်ပယ်ရှင်း​ခံရ​တော့​မည်​။

ယေ​ဇ​ကျေ​လ 21:13

လှံတံ​ကို စစ်ကြော​၍ သုတ်သင်ပယ်ရှင်း​ပစ်​တော့​မည်​။ လှံတံ​မ​ရှိ​လျှင် မည်သို့​ဖြစ်​မည်နည်း’​ဟု ဘုရားရှင်​ထာဝရဘုရား မိန့်​တော်မူ​၏​။

ယေ​ဇ​ကျေ​လ 31:3

ကြည့်ရှု​လော့​။ အဆီးရီးယား​ပြည်​သည် လက်ဘနွန်​တောင်​မှ သစ်ကတိုးပင်​နှင့်​တူ​၏​။ အကိုင်းအခက်​ဝေဆာ​လှပ​ပြီး ထိပ်ဖျား​သည် မိုး​ထိ​အောင်​မြင့်​၍ တစ်တောလုံး​ကို အုပ်မိုး​ထား​၏​။

ဒံ​ယေ​လ 4:11

ထို​အပင်​သည် ရှင်သန်​ကြီးထွား​လျက် မိုး​ထိ​အောင်​မြင့်​သဖြင့် မြေကြီး​စွန်း​မှ​ပင် ထီးထီးကြီး​မြင်​ရ​၏​။

ဝတ်​ပြု 23:40

သင်​တို့​သည် ပထမ​နေ့​၌ ကောင်း​သော​အပင်​၏​အသီး​၊ စွန်ပလွံခက်​များ​၊ အရွက်ဝေဆာ​သော​အပင်​၏​အကိုင်း​၊ ချောင်း​ဘေး​ရှိ​မိုးမခပင်​များ​ကို ယူ​၍ ခုနစ်​ရက်​ပတ်လုံး သင်​တို့​၏​ဘုရားသခင် ထာဝရဘုရား​ရှေ့​တော်​၌ ဝမ်းမြောက်​ကြ​ရ​မည်​။

တော​လည် 24:17

သူ့​ကို ငါ​တွေ့​၏​။ သို့သော် ယခု​မ​ဟုတ်​။ သူ့​ကို ငါ​မြင်​၏​။ သို့သော် အနီး​မှာ​မ​ဟုတ်​။ ယာကုပ်​အမျိုး​ထဲမှ ကြယ်​တစ်​လုံး​ပေါ်ထွန်း​လိမ့်မည်​။ အစ္စရေး​လူမျိုး​ထဲမှ ရာဇလှံတံ ပေါ်ပေါက်​လိမ့်မည်​။ သူ​သည် မောဘ​ပြည်​စွန်း​တိုင်အောင် ချေမှုန်း​၍ ရှေသ​အမျိုးသား​အားလုံး​ကို ဖျက်ဆီး​လိမ့်မည်​။