ယေ​ဇ​ကျေ​လ 18:23 - မြန်​​​မာ့​​​စံ​​​မီ​​​သမ္မာ​​​ကျမ်း​​

²³ ဆိုးယုတ်​သော​သူ​သေ​သွား​သည်​ကို ငါ​ဝမ်းသာအားရ​မည်​ဟု သင်​တို့​ထင်​သလော​။ သူ​တို့​လျှောက်​သော​လမ်း​မှ ပြန်လှည့်​၍ အသက်ချမ်းသာ​ရာ​ရ​သည်​ကို ငါ​အလိုရှိ​သည်​မ​ဟုတ်​လော’​ဟု ဘုရားရှင်​ထာဝရဘုရား မိန့်​တော်မူ​၏​။

Common Language Bible

²³ ငါ​သည်​ဆိုး​ညစ်​သူ​သေ​သည်​ကို​မြင်​သော အ​ခါ နှစ်​ခြိုက်​အား​ရ​ခြင်း​ဖြစ်​သည်​ဟု​သင် တို့​ထင်​မှတ်​ကြ​သ​လော​ဟု အ​ရှင်​ထာ​ဝ​ရ ဘု​ရား​မေး​တော်​မူ​၏။ ကိုယ်​တော်​က​ထို​သူ နောင်​တ​ရ​၍​အ​သက်​ရှင်​ရ​သည်​ကို​သာ လျှင်​ငါ​မြင်​လို​၏။

Garrad Bible

²³ လူ ဆိုး သေ ဒဏ် ခံ ရ သည် ကို ငါ နှစ် သက် သ လော။ ကိုယ့် အ လေ့ အ လာ မှ ကြဉ် ရှောင်၍၊ အ သက် ချမ်း သာ ရ သည် ကို နှစ် သက် သည် မ ဟုတ် လော ဟု၊ ငါ အ ရှင် ထာ ဝ ရ ဘု ရား မေး ၏။

Judson Bible

²³ မ​တ​ရား​သော​သူ​သည် မိ​မိ​အ​ကျင့်​တို့​ကို​ရှောင်၍ အ​သက်​မ​ရှင်၊ အ​သေ​ခံ​ခြင်း​အ​မှု၌ ငါ​သည် အ​နည်း​ငယ်​သော​ပျော်​မွေ့​ခြင်း ရှိ​သ​လော။

ယေ​ဇ​ကျေ​လ 18:23 Referencias Cruzadas

၂ ရာ 14:14

စင်စစ် အကျွန်ုပ်​တို့​သည် သေ​တတ်​သော​အမျိုး​ဖြစ်​ကြ​ပါ​၏​။ မြေ​ပေါ်​သွန်​ပြီးမှ ပြန်ယူ​၍​မ​ရ​သော​ရေ​နှင့်​တူ​ကြ​ပါ​၏​။ ဘုရားသခင်​မူကား အသက်​တစ်​ချောင်း​ကို​ပင် မ​သေ​စေ​လို​ပါ​။ ကိုယ်တော့်​ထံမှ နှင်ထုတ်​ခံရ​သော​သူ​ကို အပယ်ခံ​မ​ဖြစ်​စေ​လို​သဖြင့် နည်းလမ်း​ရှာဖွေ​တော်မူ​တတ်​ပါ​၏​။

ယောဘဝတ္တု။ 37:23

အနန္တတန်ခိုးရှင်​ကို အကျွန်ုပ်​တို့ လိုက်​၍​မ​မီ​နိုင်​။ ကိုယ်တော်​သည် တန်ခိုးကြီး​သော​အရှင် ဖြစ်​တော်မူ​၏​။ တရားမျှတ​ခြင်း​၊ ဖြောင့်မတ်​ခြင်း​တို့​နှင့် ပြည့်စုံ​တော်မူ​၏​။ မတရား​သော​အမှု​ကို ပြု​တော်​မ​မူ​။

ဆာ​လံ 147:11

ထာဝရဘုရား​သည် မိမိ​ကို​ကြောက်ရွံ့​သော​သူ​များ​နှင့် မိမိ​၏​မေတ္တာကရုဏာ​တော်​ကို မျှော်လင့်ကိုးစား​သော​သူ​များ​ကို နှစ်သက်​တော်မူ​၏​။

ယေ​ရ​မိ 31:20

ထာဝရဘုရား​က “​ဧဖရိမ်​သည် ငါ​ချစ်​သော​သား​၊ ငါ​မြတ်နိုး​သော​သားလေး​ဖြစ်​သည်​မ​ဟုတ်​လော​။ ငါ​သည် သူ့​ကို အပြစ်တင်​ပြောဆို​လေ​တိုင်း သူ့​ကို အစဉ်​သတိရ​လျက်​ရှိ​ပါ​၏​။ ထို့ကြောင့် သူ့​အတွက် စိုးရိမ်ပူပန်​၏​။ သူ့​ကို အလွန်​သနား​၏​”​ဟု မိန့်​တော်မူ​၏​။

မြည်​တမ်း​စ​ကား 3:33

ကိုယ်တော်​သည် လူသား​တို့​ကို ဒုက္ခဝေဒနာ​ခံစား​စေ​လို​သော​သဘော​၊ ဝမ်းနည်းကြေကွဲ​စေ​လို​သော​သဘော​ရှိ​တော်​မ​မူ​။

ယေ​ဇ​ကျေ​လ 18:32

ငါ​သည် မည်သူ​တစ်ဦးတစ်ယောက်​ကို​မျှ မ​သေ​စေ​လို​။ ထို့ကြောင့် နောင်တရ​၍ အသက်ရှင်​သော​လမ်း​ကို ရွေး​လော့’​ဟု ဘုရားရှင်​ထာဝရဘုရား မိန့်​တော်မူ​၏​။

ယေ​ဇ​ကျေ​လ 33:11

ဘုရားရှင်​ထာဝရဘုရား​က ‘ငါ​အသက်ရှင်​သည်​နှင့်အညီ ဆိုးယုတ်​သော​သူ​တို့ သေ​ရ​မည်​ကို ငါ​အလို​မ​ရှိ​။ သူ​တို့​သည် ဆိုးယုတ်​သော​လမ်း​မှ ပြန်လှည့်​၍ အသက်ချမ်းသာ​ရာ​ရ​သည်​ကို​သာ ငါ​အလိုရှိ​၏​။ ပြန်လှည့်​ကြ​။ ဆိုးယုတ်​သော​လမ်း​မှ ပြန်လှည့်​ကြ​။ အို အစ္စရေး​အမျိုး​တို့​၊ အဘယ်ကြောင့် သင်​တို့​သေ​ရ​မည်နည်း’​ဟု မိန့်​တော်မူ​ကြောင်း သူ​တို့​အား ဆင့်ဆို​လော့​။

ဟော​ရှေ 11:8

အို ဧဖရိမ်​၊ သင့်​ကို မည်သို့​စွန့်ပစ်​နိုင်​မည်နည်း​။ အို အစ္စရေး​၊ သင့်​ကို မည်သို့​အပ်နှံ​နိုင်​မည်နည်း​။ အာဒမာ​မြို့​ကဲ့သို့ သင့်​ကို​မည်သို့​ဖြစ်​စေ​နိုင်​မည်နည်း​။ ဇေဘိုင်​မြို့​ကဲ့သို့ သင့်​ကို​မည်သို့​ဖြစ်​စေ​နိုင်​မည်နည်း​။ ငါ​သည် စိတ်ပြောင်း​ပြီး သနားကြင်နာစိတ် တစ်စတစ်စ​တိုးပွား​လာ​ပြီ​။

မိက္ခာ 7:18

ကိုယ်တော်​နှင့်​တူ​သော​ဘုရား​ရှိ​ပါ​သလော​။ ကိုယ်တော်​သည် အပြစ်​လွှတ်​တော်မူ​သော​ဘုရား​၊ ကြွင်းကျန်​သော​အမွေ​တော်​တို့​ကျူးလွန်​သော​အပြစ်​ကို ခွင့်လွှတ်​တော်မူ​သော​ဘုရား​၊ အမျက်​တော်​ကို​သို​မ​ထား မေတ္တာကရုဏာ​အစဉ်​ပြ​တော်မူ​သော​ဘုရား ဖြစ်​တော်မူ​၏​။

လုကာ 15:10

ထိုနည်းတူ နောင်တရ​သော​အပြစ်သား​တစ်​ဦး​အတွက် ဘုရားသခင်​၏​ကောင်းကင်တမန်​များ​ထဲတွင်​ဝမ်းမြောက်​ခြင်း​ရှိ​၏​ဟု သင်​တို့​အား ငါ​ဆို​၏”​ဟူ၍ မိန့်​တော်မူ​၏။

လုကာ 15:32

သို့သော် သင်​၏​ညီ​သည် သေဆုံး​ခဲ့​သော်လည်း အသက်​ပြန်​ရှင်​ပြီး ပျောက်ဆုံး​ခဲ့​သော်လည်း ပြန်​တွေ့​ရ​သည်​ဖြစ်၍ ယခု​ဝမ်းမြောက်​ပျော်ရွှင်​သင့်​၏’​ဟု ဆို​လေ​၏”​ဟူ၍ မိန့်​တော်မူ​၏။

၁ တိ 2:4

လူသား​အားလုံး​ကယ်တင်​ခြင်း​ခံရ​လျက် သမ္မာတရား​ကို​သိရှိ​ခြင်း​သို့​ရောက်​စေရန် ဘုရားသခင်​အလိုရှိ​တော်မူ​၏။

ယာ​ကုပ် 2:13

အဘယ်ကြောင့်​ဆိုသော် ကရုဏာ​မ​ရှိ​သော​သူ​သည် ကရုဏာ​ကင်း​သော​တရား​စီရင်​ခြင်း​ကို​ခံရ​လိမ့်မည်။ ကရုဏာ​သည် တရား​စီရင်​ခြင်း​အပေါ်​အောင်ပွဲ​ခံ​တတ်​၏။

၂ ပေ 3:9

နှောင့်နှေး​သည်​ဟု အချို့​တို့​က​မှတ်ယူ​သကဲ့သို့ ထာဝရ​ဘုရား​သည် ကတိ​တော်​ကို နှောင့်နှေး​စေ​တော်မူ​သည်​မ​ဟုတ်။ မည်သူမျှ​မ​ပျက်စီး​ဘဲ လူ​တိုင်း​နောင်တရ​စေရန် အလို​တော်​ရှိ​၍ သင်​တို့​အပေါ်​စိတ်ရှည်​သည်းခံ​လျက်​နေ​တော်မူ​ခြင်း​သာ​ဖြစ်​၏။