ယေ​ဇ​ကျေ​လ 18:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ အပြစ်ပြု​သော​ဝိညာဉ်​သည် သေ​ရ​မည်​။ သား​သည် ဖခင်​၏​အပြစ်​အတွက် ခံရ​မည်​မ​ဟုတ်​။ ဖခင်​သည်​လည်း သား​၏​အပြစ်​အတွက် ခံရ​မည်​မ​ဟုတ်​။ ဖြောင့်မတ်​သော​သူ​သည် သူ​၏​ဖြောင့်မတ်​ခြင်း​အကျိုး​ကို ခံစား​ရ​လိမ့်မည်​။ ဆိုးယုတ်​သော​သူ​သည် သူ​၏​ဆိုးယုတ်​ခြင်း​အကျိုး​ကို ခံရ​လိမ့်မည်​။

Common Language Bible

²⁰ သေ​ရ​မည့်​သူ​ကား​အ​ပြစ်​ကူး​လွန်​သူ ဖြစ်​၏။ သား​ဖြစ်​သူ​သည်​ဖ​ခင်​ပြု​သည့် အ​ပြစ်​များ​၏​အ​ကျိုး​ဆက်​ကို​ခံ​ရ​မည် မ​ဟုတ်။ ဖ​ခင်​ဖြစ်​သူ​သည်​လည်း​သား​ပြု သည့်​အ​ပြစ်​များ​၏​အ​ကျိုး​ဆက်​ကို​ခံ ရ​မည်​မ​ဟုတ်။ လူ​ကောင်း​သည်​ကောင်း​မှု ကို​ပြု​သည့်​အ​တွက်​ကောင်း​ကျိုး၊ ဆိုး​ညစ် သော​သူ​သည်​ဆိုး​ညစ်​မှု​ကို​ပြု​သည့် အ​တွက်​ဆိုး​ကျိုး​ကို​လည်း​ကောင်း​ခံ​ရ လိမ့်​မည်။

Garrad Bible

²⁰ ပြစ် မှား သူ သာ လျှင် သေ ဒဏ် ခံ ရ မည်။ သား သည် အ ဖ ၏ ဒု စ ရိုက် ဝန် ကို သော် လည်း ကောင်း၊ အ ဖ သည် သား ၏ ဒု စ ရိုက် ဝန် ကို သော် လည်း ကောင်း၊ မ ထမ်း ရ၊ ဖြောင့် မတ် သူ ၏ ဖြောင့် မတ် ခြင်း သည် ကိုယ့် အ ပေါ်၌ လည်း ကောင်း၊ ဆိုး သွမ်း သူ၏ ဆိုး သွမ်း ခြင်း သည် ကိုယ့် အ ပေါ်၌ လည်း ကောင်း၊ တည် ရ လ တ္တံ့။

Judson Bible

²⁰ ပြစ်​မှား​သော​သူ​သည် အ​သေ​ခံ​ရ​မည်။ သား​သည် အ​ဘ၏​အ​ပြစ်​ကို မ​ခံ​ရ။ အ​ဘ​သည် သား၏​အ​ပြစ်​ကို မ​ခံ​ရ။ တ​ရား​သော​သူ​သည် တ​ရား​စွာ​ပြု​ခြင်း အ​ကျိုး​ကို​လည်း​ကောင်း၊ မ​တ​ရား​သော​သူ​သည် မ​တ​ရား​စွာ​ပြု​ခြင်း အ​ပြစ်​ကို​လည်း​ကောင်း ခံ​ရ​လိမ့်​မည်။

ယေ​ဇ​ကျေ​လ 18:20 Referencias Cruzadas

၃ ရာ 14:13

အစ္စရေး​လူမျိုး​တစ်မျိုးလုံး သူ့​အတွက် ငိုကြွေးမြည်တမ်း​လျက် သူ့​ကို သင်္ဂြိုဟ်​ကြ​လိမ့်မည်​။ ယေရောဗောင်​မင်းမျိုးမင်းနွယ်​တွင် သူ​သည် အစ္စရေး​လူမျိုး​၏​ဘုရားသခင် ထာဝရဘုရား​၏​စိတ်​တော်​နှင့်​တွေ့​သူ​ဖြစ်​၏​။ ထို့ကြောင့် ယေရောဗောင်​မင်းမျိုးမင်းနွယ်​ထဲတွင် သူ​တစ်ဦးတည်း​သာ သင်္ချိုင်း​၌ သင်္ဂြိုဟ်​ခြင်း​ခံရ​လိမ့်မည်​။

၃ ရာ 8:32

ကိုယ်တော်​သည် ကောင်းကင်ဘုံ​မှ နားညောင်း​တော်မူ​၍ ကိုယ်တော်​၏​အစေအပါး​တို့​အား အရေးယူ​စီရင်​တော်မူ​ပါ​။ အပြစ်ရှိ​သူ​ကို သူ​ပြု​ခဲ့​သည့်​အပြစ်​အတိုင်း ပြန်ခံရ​စေရန် စီရင်​တော်မူ​ပါ​။ ဖြောင့်မတ်​မှန်ကန်​သူ​ကို​မူ သူ​ဖြောင့်မတ်​သည့်​အတိုင်း အကျိုး​ကို​ခံစား​ရ​စေရန် စီရင်​တော်မူ​ပါ​။

၄ ရာ 14:6

သို့သော် သူ​သည် “​သားသမီး​ကြောင့် ဖခင်​ကို မ​သတ်​ရ​။ ဖခင်​ကြောင့် သားသမီး​ကို မ​သတ်​ရ​။ လူ​တိုင်း ကိုယ့်​အပြစ်​နှင့်​ကိုယ်​သာ အသတ်ခံရ​မည်​”​ဟု မောရှေ​ပညတ္တိ​ကျမ်း​တွင်​ရေးသား​ထား​သော ထာဝရဘုရား​၏​ပညတ်ချက်​အတိုင်း ခမည်းတော်​အား​လုပ်ကြံ​သော​သူ​တို့​၏​သားသမီး​များ​ကို​မူ မ​ကွပ်မျက်​ခဲ့​ပေ​။

၂ ရာ​ချုပ် 25:4

သို့သော် သူ​သည် “​သားသမီး​ကြောင့် ဖခင်​ကို မ​သတ်​ရ​။ ဖခင်​ကြောင့် သားသမီး​ကို မ​သတ်​ရ​။ လူ​တိုင်း ကိုယ့်​အပြစ်​နှင့်​ကိုယ်​သာ အသတ်​ခံရ​မည်​”​ဟု မောရှေ​ပညတ္တိ​ကျမ်း​တွင်​ရေးသား​ထား​သော ထာဝရဘုရား​၏​ပညတ်ချက်​အတိုင်း ခမည်းတော်​အား​လုပ်ကြံ​သော​သူ​တို့​၏​သားသမီး​များ​ကို​မူ မ​ကွပ်မျက်​ခဲ့​ပေ​။

၂ ရာ​ချုပ် 6:23

ကိုယ်တော်​သည် ကောင်းကင်ဘုံ​မှ နားညောင်း​တော်မူ​၍ ကိုယ်တော်​၏​အစေအပါး​တို့​အား အရေးယူ​စီရင်​တော်မူ​ပါ​။ အပြစ်ရှိ​သူ​ကို သူ​ပြု​ခဲ့​သည့်​အပြစ်​အတိုင်း ပြန်ခံရ​စေရန် စီရင်​တော်မူ​ပါ​။ ဖြောင့်မတ်​မှန်ကန်​သူ​ကို​မူ သူ​ဖြောင့်မတ်​သည့်​အတိုင်း အကျိုး​ကို​ခံစား​ရ​စေရန် စီရင်​တော်မူ​ပါ​။

၂ ရာ​ချုပ် 6:30

ကိုယ်တော်​သည် ကိန်းဝပ်​တော်မူ​ရာ​ကောင်းကင်ဘုံ​မှ နားညောင်း​တော်မူ​၍ ခွင့်လွှတ်​တော်မူ​ပါ​။ ကိုယ်တော်​သည် လူသား​အားလုံး​တို့​၏​စိတ်နှလုံး​အကြံအစည်​ကို သိ​တော်မူ​ပါ​၏​။ သူ​တို့​၏​စိတ်နှလုံး​အကြံအစည်​ကို သိ​တော်မူ​သည်​နှင့်အညီ သူ​တို့​၏​အကျင့်​အတိုင်း သူ​တို့​ကို ပြန်​ပေးဆပ်​စေ​တော်မူ​ပါ​။

ထွက်​မြောက် 32:33

ထိုအခါ ထာဝရဘုရား​က မောရှေ​အား “​ငါ့​ကို​ပြစ်မှား​သော​သူ​တိုင်း​ကို ငါ့​စာရင်း​မှ ပယ်ဖျက်​မည်​။

ဟေ​ရှာ​ယ 53:11

သူ​သည် မိမိ​စိတ်ဝိညာဉ်​ခံစား​ရ​သော ဒုက္ခဝေဒနာ​၏​အကျိုး​ကို​မြင်​၍ အားရကျေနပ်​မည်​။ ဖြောင့်မတ်​သော​ငါ​၏​အစေအပါး​သည် သူ​၏​အသိပညာ​အားဖြင့် လူ​များစွာ​တို့​ကို ဖြောင့်မတ်​သော​သူ​ဖြစ်စေ​မည်​။ သူ​တို့​၏​ဒုစရိုက်​များ​ကို ထမ်းသွား​မည်​။

ယေ​ဇ​ကျေ​လ 14:14

ထို​ပြည်​တွင် နောဧ​၊ ဒံယေလ​၊ ယောဘ စသော ပုဂ္ဂိုလ်​သုံး​ဦး​ရှိ​နေ​လျှင်​လည်း သူ​တို့​ဖြောင့်မတ်​ခြင်း​ကြောင့် သူ​တို့​ကိုယ်ကို​သာ​သူ​တို့ ကယ်တင်​နိုင်​မည်​”​ဟု ဘုရားရှင်​ထာဝရဘုရား မိန့်​တော်မူ​၏​။

ယေ​ဇ​ကျေ​လ 14:16

ငါ​အသက်ရှင်​သည်​နှင့်အညီ ထို​ပုဂ္ဂိုလ်​သုံး​ဦး​သည် ထို​ပြည်​၌​ရှိ​နေ​လျှင်​လည်း သူ​တို့​ကိုယ်ကို​သာ သူ​တို့​ကယ်တင်​နိုင်​မည်​။ သူ​တို့​သား​သမီး​များ​ကို ကယ်တင်​နိုင်​မည်​မ​ဟုတ်​။ ပြည်​သည်​လည်း လူသူကင်းမဲ့​ရာ​ဖြစ်​လိမ့်မည်”​ဟု ဘုရားရှင်​ထာဝရဘုရား မိန့်​တော်မူ​၏​။

ယေ​ဇ​ကျေ​လ 18:13

အတိုး​ဖြင့်​ချေးငှား​၍​အမြတ်​ယူ​ခြင်း စသည့် အမှု​တစ်စုံတစ်ခု​ကို​ပြု​လျှင် သူ​သည် အသက်ချမ်းသာ​ရာ​ရ​မည်​မ​ဟုတ်​။ ထိုသို့သော​စက်ဆုပ်ရွံရှာဖွယ်​ဟူသမျှ​တို့​ကို​ပြု​သောကြောင့် သူ​သည် မုချ​သေ​ရ​မည်​။ သူ​၏​သွေး​သည် သူ့​အပေါ်​ကျရောက်​မည်​။

ယေ​ဇ​ကျေ​လ 18:30

သို့ဖြစ်၍ အို အစ္စရေး​အမျိုး​၊ သင်​တို့​နည်းလမ်း​အတိုင်း သင်​တို့​တစ်ဦးစီ​ကို ငါ​စီရင်​မည်​။ သင်​တို့ အပြစ်​ကျူးလွန်​ရာ​မှ နောင်တရ​၍ ပြန်လာ​လော့​။ သို့ပြုလျှင် သင်​တို့​ပြု​သော​အပြစ်​သည် သင်​တို့​အဖို့ ခလုတ်တံသင်း ဖြစ်​မည်​မ​ဟုတ်’​ဟု ဘုရားရှင်​ထာဝရဘုရား မိန့်​တော်မူ​၏​။

ယေ​ဇ​ကျေ​လ 18:4

‘ကြည့်ရှု​လော့​။ ဝိညာဉ်​မှန်သမျှ​ကို ငါ​ပိုင်​၏​။ ဖခင်​၏​ဝိညာဉ်​ကို​ငါ​ပိုင်​သကဲ့သို့ သား​၏​ဝိညာဉ်​ကို​လည်း ငါ​ပိုင်​၏​။ အပြစ်ပြု​သော​ဝိညာဉ်​သည် သေ​ရ​မည်​။

ယေ​ဇ​ကျေ​လ 33:10

အချင်း​လူသား​၊ အစ္စရေး​အမျိုးအနွယ်​တို့​အား ‘သင်​တို့​က ငါ​တို့​လွန်ကျူး​သော​အပြစ်​ဒုစရိုက်​များ​ကြောင့် ဝန်ပိ​လျက်​၊ ခွန်အားယုတ်လျော့​လျက်​နေ​သည်​ဖြစ်၍ မည်သို့​အသက်ရှင်​နိုင်​မည်နည်း​ဟူ၍ ဆို​တတ်​ကြ​သည်’​ဟု ဆင့်ဆို​လော့​။

ယေ​ဇ​ကျေ​လ 33:6

သို့သော် ကင်းစောင့်​သည် ဓားဘေး​ကျရောက်​မည်​ကို သိမြင်​သော်လည်း တံပိုး​ကို​မ​မှုတ်​ဘဲ​နေ​၍ ပြည်သား​တို့​သည် သတိပေး​ခြင်း​မ​ခံရ​သဖြင့် ဓားဘေး​ကျရောက်​၍ သူ​တို့​အသက်ဆုံး​သွား​လျှင် သူ​သည် အပြစ်​ကြောင့် သေသွား​ရ​သော်လည်း သူ့​အသက်​ကို ကင်းစောင့်​ထံ ငါ​ပြန်တောင်း​မည်’​ဟု မိန့်​တော်မူ​၏​။

ယေ​ဇ​ကျေ​လ 4:4

ထို့နောက် သင်​သည် လက်ဝဲ​ဘက်​သို့​စောင်းအိပ်​ပြီး အစ္စရေး​အမျိုးအနွယ်​၏​အပြစ်​ကို ခံယူ​လော့​။ သင်​စောင်းအိပ်​သည့်​နေ့ရက်​ပေါင်း​သည် သူ​တို့​၏​အပြစ်​ကို သင်​ခံယူ​သော​နေ့ရက်​ဖြစ်​၏​။

ဝတ်​ပြု 10:17

“​အပြစ်ဖြေရာယဇ်​၏​အသား​သည် အထူး​သန့်ရှင်း​၏​။ လူထု​တို့​၏​ဒုစရိုက်​ကို​ယူဆောင်​သွား​ရန်​နှင့် ထာဝရဘုရား​ရှေ့​တော်​၌ သူ​တို့​အတွက် အပြစ်ဖြေလွှတ်​ခြင်း​ကို​ပြု​ရန် ထို​အသား​ကို သင်​တို့​အား​ပေး​ထား​တော်မူ​ပြီ​။ သို့ဖြစ်၍ သင်​တို့​သည် အဘယ်ကြောင့် သန့်ရှင်းရာဌာန​တော်​၌ မ​စား​ကြ​သနည်း​။

ဝတ်​ပြု 16:22

ဆိတ်သငယ်​သည် သူ​တို့​၏​အပြစ်​ရှိသမျှ​ကို လူသူကင်းဝေး​ရာ​အရပ်​သို့ ယူဆောင်​သွား​မည်​။ တာဝန်​ရှိ​သူ​သည် ဆိတ်သငယ်​ကို တောကန္တာရ​ထဲသို့ လွှတ်လိုက်​ရ​မည်​။

ဝတ်​ပြု 19:8

စား​မိ​သော​သူ​သည် ထာဝရဘုရား​၏​သန့်ရှင်းသောယဇ်​ကို ညစ်ညူး​စေ​သည်​ဖြစ်၍ ကိုယ့်​အပြစ် ကိုယ်​ခံရ​မည်​။ ထို​သူ​သည် မိမိ​လူမျိုး​မှ ပယ်ဖျက်​ခြင်း​ခံရ​မည်​။

ဝတ်​ပြု 5:1

တစ်စုံတစ်ယောက်​သည် ကျိန်ဆို​သံ​ကို​ကြား​သော်လည်း မိမိ​မြင်​သော​အရာ​၊ သိ​သော​အရာ​ကို သက်သေ​အဖြစ် ထုတ်ဖော်​ပြောဆို​ခြင်း​မ​ပြု​လျှင် အပြစ်​ပြု​ရာ​ရောက်​၍ သူ​သည် အပြစ်ဒဏ်​ခံရ​မည်​။

ဝတ်​ပြု 5:17

တစ်စုံတစ်ယောက်​သည် ‘​မ​လုပ်​ရ​’​ဟု ထာဝရဘုရား​ပညတ်​ထား​တော်မူ​သော ပညတ်ချက်​တစ်ခုခု​ကို လုပ်​မိ​၍ အပြစ်ပြု​မိ​မှန်း​ကို မ​သိ​လျှင်​လည်း သူ့​အပေါ် အပြစ်​သက်ရောက်​၍ သူ​သည် ကိုယ့်​အပြစ်​ကိုယ်​ခံရ​မည်​။

တော​လည် 15:31

သူ​သည် ထာဝရဘုရား​၏​စကား​တော်​ကို​မထီမဲ့မြင်ပြု​၍ ပညတ်တော်​ကို ချိုးဖောက်​သောကြောင့် သူ​သည် စင်စစ်​ပယ်ဖျက်​ခြင်း​ခံရ​မည်​။ သူ​၏​ဒုစရိုက်​သည် သူ့​အပေါ်​၌​တည်​၏​”​ဟု မိန့်​တော်မူ​၏​။

တော​လည် 18:1

ထာဝရဘုရား​က အာရုန်​အား “​သန့်ရှင်းရာဌာန​နှင့်​ပတ်သက်၍ ပြစ်မှား​မိ​သော​အပြစ်​ကို သင်​နှင့်​သင်​၏​သား​များ​၊ သင့်​ဘိုးဘေး​၏​အမျိုးအနွယ်​များ ခံ​ကြ​ရ​မည်​။ ယဇ်ပုရောဟိတ်​အရိုက်အရာ​နှင့်​ပတ်သက်၍ ပြစ်မှား​မိ​သော​အပြစ်​ကို သင်​နှင့်​သင်​၏​သား​များ ခံ​ကြ​ရ​မည်​။

မဿဲ 16:27

အကြောင်းမူကား လူ့သား​သည် မိမိ​၏​ကောင်းကင်တမန်​များ​နှင့်အတူ မိမိ​ခမည်းတော်​၏​ဘုန်း​အသရေ​ကို​ဆောင်​လျက် ကြွလာ​လိမ့်မည်။ ထိုအခါ လူ​အသီးသီး​တို့​အား သူ​တို့​၏​လုပ်ဆောင်မှု​နှင့်အညီ အကျိုး​အပြစ်​ကို​ပေး​တော်မူ​လိမ့်မည်။

တ​ရား​ဟော 24:16

ဖခင်​သည် သားသမီး​အပြစ်​ကြောင့် သေဒဏ်​မ​ခံရ​။ သားသမီး​သည်​လည်း ဖခင်​အပြစ်​ကြောင့် သေဒဏ်​မ​ခံရ​။ လူတိုင်း မိမိ​အပြစ်​ကြောင့် သေဒဏ်​ခံရ​မည်​။

ဟေ​ဗြဲ 9:28

ခရစ်တော်​သည်​လည်း များစွာ​သော​လူ​တို့​၏​အပြစ်​များ​ကို​ဆောင်ယူ​သွား​ရန် မိမိ​ကိုယ်​ကို​တစ်ကြိမ်တည်း​ပူဇော်​ပြီးမှ ဒုတိယ​အကြိမ်​၌​ကား အပြစ်​အတွက်​မ​ဟုတ်​ဘဲ မိမိ​ကို​စောင့်မျှော်​နေ​သော​သူ​တို့​အား ကယ်တင်​ရန်​အတွက် ပေါ်ထွန်း​တော်မူ​လိမ့်မည်။

၁ ပေ 2:24

ငါ​တို့​သည် အပြစ်​အရာ​၌ သေဆုံး​၍ ဖြောင့်မတ်​ခြင်း​အရာ​၌ အသက်ရှင်​မည့်​အကြောင်း ကိုယ်တော်​သည် သစ်​တိုင်​ပေါ်တွင် ငါ​တို့​အပြစ်​များ​ကို မိမိ​၏​ကိုယ်ခန္ဓာ​၌ ကိုယ်တော်​တိုင်​ဆောင်ယူ​တော်မူ​၏။ သင်​တို့​သည် ကိုယ်တော်​၏​ဒဏ်ချက်​တော်​အားဖြင့် အနာရောဂါ​ပျောက်ကင်း​ခြင်း​အခွင့်​ကို​ရရှိ​ကြ​၏။

ဗျာ​ဒိတ် 2:23

သူ​၏​သားသမီး​တို့​ကို​လည်း သေ​ဘေး​ဖြင့် ငါ​အဆုံး​စီရင်​မည်။ ထိုအခါ ငါ​သည် စိတ်နှလုံး​နှင့် အတွင်း​သဘော​ကို စူးစမ်း​သော​သူ​ဖြစ်​ကြောင်း အသင်းတော်​အားလုံး​သိ​ရ​ကြ​လိမ့်မည်။ သင်​တို့​အသီးသီး​ကို​လည်း မိမိ​တို့​ပြု​သော​အမှု​များ​နှင့်အညီ အကျိုး​အပြစ်​ကို ငါ​ပေး​မည်။

ဗျာ​ဒိတ် 20:12

တစ်ဖန် သေလွန်​သော​သူ​အကြီး​အငယ်​တို့​သည် ပလ္လင်​တော်​ရှေ့​၌​ရပ်​နေ​ကြ​သည်​ကို ငါ​မြင်​ရ​၏။ စာစောင်​များ​ကို​ဖွင့်​ထား​၍ အသက်​စာစောင်​တည်းဟူသော အခြား​သော​စာစောင်​ကို​လည်း​ဖွင့်​ထား​၏။ သေလွန်​သော​သူ​တို့​သည် ထို​စာစောင်​များ​တွင်​ရေး​ထား​သည့်​အတိုင်း မိမိ​တို့​ပြု​သော​အမှု​များ​နှင့်အညီ တရား​စီရင်​ခြင်း​ကို​ခံရ​ကြ​၏။