ယေ​ဇ​ကျေ​လ 17:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ ထိုအခါ ယုဒ​ဘုရင်​သည် ဘေဘီလုံ​ဘုရင်​ကို ပုန်ကန်​ရန် အီဂျစ်​ပြည်​သို့ တမန်​ကို​စေလွှတ်​၍ မြင်း​နှင့်​စစ်သည်​အမြောက်အမြား​ကို စစ်ကူတောင်း​၏​။ သူ့​အကြံ အထမြောက်​မည်လော​။ ဤသို့​ပြု​ခြင်း​ဖြင့် သူ​သည် ဘေးလွတ်​မည်လော​။ ပဋိညာဉ်​ကို ချိုးဖောက်​ပြီးမှ သူ​သည် ဘေးလွတ်​မည်လော’​ဟု ဆင့်ဆို​လော့​။

Common Language Bible

¹⁵ သို့​သော်​လည်း​ယုဒ​ဘု​ရင်​သည်​ပုန်​ကန်​ထ ကြွ​လျက် မြင်း​နှင့်​စစ်​သည်​အ​မြောက်​အ​မြား ကို​စစ်​ကူ​ရ​ရှိ​ရန် အီ​ဂျစ်​ပြည်​သို့​သံ​တ​မန် များ​ကို​စေ​လွှတ်​လေ​သည်။ သူ​၏​အ​ကြံ​ထ မြောက်​သ​လော။ ဘေး​လွတ်​မည်​လော။ ငြိမ်း ချမ်း​ရေး​စာ​ချုပ်​ကို​ချိုး​ဖောက်​ပြီး​နောက် အ​ပြစ်​ပေး​ခြင်း​ကို​မ​ခံ​ရ​ဘဲ​နေ​မည် လော။

Garrad Bible

¹⁵ သို့ ရာ တွင်၊ မြင်း တပ် နှင့် သူ ရဲ အ မြောက် အ မြား ကို စစ် ကူ ရ လို သ ဖြင့်၊ အိ ဂျစ် ပြည် သို့ ရာ ဇ သံ တို့ ကို စေ လွှတ်၍၊ ထို မင်း ပုန် ကန် လေ၏။ အ ကြံ ထ မြောက် မည် လော၊ ထို သို့ ပြု သော မင်း ကား၊ ဘေး လွှတ် မည် လော၊ ပ ဋိ ညာဉ် ကို ဖျက် လျက် ပင်၊ ဘေး လွတ် မည် လော၊

Judson Bible

¹⁵ သို့​ရာ​တွင်၊ မြင်း​များ၊ လူ​များ​တို့​ကို​တောင်း​ခြင်း​ငှာ သံ​တ​မန်​ကို အဲ​ဂု​တ္တု​ပြည်​သို့​စေ​လွှတ်၍ ပုန်​ကန်​လေ​ပြီ။ ထို​သို့​ပြု​သော​သူ​သည် ကောင်း​စား​ရ​မည်​လော။ ဘေး​လွတ်​ရ​မည်​လော။ သ​စ္စာ​ဖျက်​ပြီး​မှ လွတ်​ရ​မည်​လော။

ယေ​ဇ​ကျေ​လ 17:15 Referencias Cruzadas

၄ ရာ 24:20

ထာဝရဘုရား အမျက်​တော်​ကြောင့် ဂျေရုဆလင်​မြို့​အပါအဝင် ယုဒ​ပြည်​ကို ရှေ့​တော်​မှ​ဖယ်ရှား​လိုက်​သည်​အထိ ဤသို့​ဖြစ်​ရ​ခြင်း ဖြစ်​၏​။ ဇေဒကိ​မင်းကြီး​သည်​လည်း ဘေဘီလုံ​ဘုရင်​ကို ပြန်၍​ပုန်ကန်​၏​။

၂ ရာ​ချုပ် 36:13

သူ့​အား ဘုရားသခင်​ထံ​တိုင်တည်ကျိန်ဆို​စေ​ခဲ့​သော​နေဗုခဒ်နေဇာ​မင်းကြီး​ကို​လည်း ပုန်ကန်​၏​။ သူ​သည် အစ္စရေး​လူမျိုး​၏​ဘုရားသခင်​ထာဝရဘုရား​ထံ ပြန်​မ​လှည့်​၊ ခေါင်းမာ​လျက်​၊ စိတ်နှလုံး​မာကျော​လျက်​သာ နေ​၏​။

ဆာ​လံ 55:23

သို့သော် အို ဘုရားသခင်​၊ ကိုယ်တော်​သည် ထို​သူ​တို့​ကို ပုပ်ပျက်ရာ​တွင်း​ထဲသို့​ဆင်းသွား​စေ​တော်မူ​၏​။ သွေးဆာ​သော​သူ​နှင့် လိမ်လည်လှည့်ဖြား​သော သူ​တို့​သည် မိမိ​တို့​နေ့ရက်​ကာလ​၏​ထက်ဝက်​မျှပင် အသက်ရှင်​ရ​မည်​မ​ဟုတ်​။ အကျွန်ုပ်​မူကား ကိုယ်တော်​ကို​ယုံကြည်ကိုးစား​ပါ​မည်​။

ဆာ​လံ 56:7

သူ​တို့​သည် ထို​အပြစ်ဒုစရိုက်​နှင့်​ပင် လွတ်မြောက်​ကြ​မည်လော​။ အို ဘုရားသခင်​၊ အမျက်​တော်​အားဖြင့် လူမျိုး​တို့​ကို နိမ့်ကျ​စေ​တော်မူ​ပါ​။

သုတ္တံကျမ်း။ 19:5

မုသား​သက်သေ​သည် အပြစ်ဒဏ်​နှင့်​ကင်းလွတ်​လိမ့်မည်​မ​ဟုတ်​။ လိမ်လည်​ထွက်ဆို​သော​သူ​သည်​လည်း လွတ်မြောက်​လိမ့်မည်​မ​ဟုတ်​။

ဟေ​ရှာ​ယ 36:5

သင်​၌ စစ်ဗျူဟာ​၊ စစ်အင်အား​ရှိ​သည်​ဆို​သည်​မှာ အပြောသက်သက်​သာ​ဖြစ်​၏​။ ယခု သင်​သည် အဘယ်သူ​ကို​ကိုးစား​၍ ငါ့​ကို ပုန်ကန်​သနည်း​။

ယေ​ရ​မိ 32:4

ယုဒ​ဘုရင်​ဇေဒကိ​သည် ခါလဒဲ​တပ်​၏​လက်​မှ​လွတ်​မည်​မ​ဟုတ်​။ ဘေဘီလုံ​ဘုရင်​၏​လက်​အောက်​သို့ အမှန်​ရောက်​ရ​လိမ့်မည်​။ သူ​သည် ဘေဘီလုံ​ဘုရင်​နှင့် မျက်နှာချင်းဆိုင် တစ်ယောက်​ကို​တစ်ယောက်​ကြည့်​ပြီး စကားပြော​ရ​မည်​။

ယေ​ရ​မိ 34:3

သင်​သည် ဘေဘီလုံ​ဘုရင်​၏​လက်​မှ​လွတ်မြောက်​မည်​မ​ဟုတ်​။ ဖမ်းဆီး​ခြင်း အမှန်​ခံရ​မည်​။ ထို​ဘုရင်​လက်အောက်​သို့ ရောက်​ရ​လိမ့်မည်​။ သူ​နှင့် မျက်နှာချင်းဆိုင် တစ်ယောက်​ကို​တစ်ယောက်​ကြည့်​ပြီး စကားပြော​ရ​လိမ့်မည်​။ ဘေဘီလုံ​မြို့​သို့ လိုက်ပါ​သွား​ရ​လိမ့်မည်’​ဟူ၍ မိန့်​တော်မူ​သည်​ဟု ပြောကြား​လော့​။

ယေ​ရ​မိ 38:18

ဘေဘီလုံ​ဘုရင်​၏​မှူးမတ်​တို့​ထံ သွား​၍​အညံ့​မ​ခံ​လျှင် ဤ​မြို့​သည် ခါလဒဲ​လူမျိုး​တို့​လက်​သို့ ကျရောက်​လိမ့်မည်​။ သူ​တို့​သည်​လည်း ဤ​မြို့​ကို မီး​ရှို့​ကြ​လိမ့်မည်​။ သင်​သည်​လည်း သူ​တို့​လက်​မှ လွတ်​မည်​မ​ဟုတ်​’​ဟူ၍ မိန့်​တော်မူ​သည်​”​ဟု လျှောက်ဆို​လေ​၏​။

ယေ​ရ​မိ 38:23

သင့်​မိဖုရား​နှင့် သား​တော်​၊ သမီး​တော် အားလုံး​ကို ခါလဒဲ​စစ်သည်​တို့ ခေါ်ဆောင်​သွား​လိမ့်မည်​။ သင်​သည်​လည်း သူ​တို့​လက်​မှ လွတ်​မည်​မ​ဟုတ်​။ ဘေဘီလုံ​ဘုရင်​၏​လက်အောက်​သို့ ရောက်​ရ​လိမ့်မည်​။ ဤ​မြို့​သည်​လည်း မီး​ရှို့​ခြင်း​ခံရ​လိမ့်မည်​’​ဟူ၍ ဖော်ပြ​တော်မူ​ပြီ​”​ဟု လျှောက်ဆို​၏​။

ယေ​ရ​မိ 52:3

ထာဝရဘုရား​၏​အမျက်​တော်​ကြောင့် ယုဒ​ပြည်သူ​၊ ဂျေရုဆလင်​မြို့သား​တို့​ကို အထံ​တော်​မှ​မ​နှင်ထုတ်​မီ ယုဒ​ပြည်​၌ ဤသို့​ဖြစ်ပျက်​ခဲ့​၏​။ ဇေဒကိ​မင်းကြီး​သည် ဘေဘီလုံ​ဘုရင်​ကို ပုန်ကန်​သဖြင့်

ယေ​ဇ​ကျေ​လ 17:18

သူ​သည် ပဋိညာဉ်​ကို​ချိုးဖောက်​ခြင်း​ဖြင့် ကျိန်ဆို​ခဲ့​သည်​ကို​မထီမဲ့မြင်ပြု​လျက် တစ်ပါးသူ​ကို အကူအညီ​တောင်း​၏​။ ထိုသို့​ပြု​သောကြောင့် သူ​သည် ဘေးလွတ်​မည်​မ​ဟုတ်’​ဟု မိန့်​တော်မူ​၏​။

ယေ​ဇ​ကျေ​လ 17:7

နောက်ထပ် တောင်ပံ​သန်စွမ်း​၍ အမွေး​ထူ​သော လင်းယုန်ငှက်​ကြီး​တစ်​ကောင်​ရှိ​၏​။ ထို​စပျစ်ပင်​သည် ရေ​ရရှိ​ရန် ထို​လင်းယုန်ငှက်ကြီး​ရှိ​ရာ​သို့ မိမိ​ပေါက်​ရာ​အရပ်​မှ အမြစ်​ကို​ရောက်​စေ​၏​၊ အကိုင်းအခက်​တို့​ကို ဖြာထွက်​စေ​၏​။

ယေ​ဇ​ကျေ​လ 17:9

ဘုရားရှင်​ထာဝရဘုရား​က ထို​အပင် ရှင်သန်​နိုင်​မည်လော​။ အမြစ်​ကို​ဆွဲနုတ်​ပစ်​၍ အသီး​များ​ကို ခြွေချ​ပစ်​သောအခါ အပင်​ညှိုးနွမ်း​သွား​မည်​မ​ဟုတ်​လော​။ အသစ်​ပေါက်​သော​အပင်​ရှိသမျှ​သည်​လည်း ညှိုးနွမ်း​သွား​မည်​မ​ဟုတ်​လော​။ အမြစ်​ကို​ဆွဲနုတ်​ရန် အားကောင်းမောင်းသန်​ဖြစ်စရာ​မ​လို​၊ လူ​အမြောက်အမြား​လည်း မ​လို​ပေ​။

ယေ​ဇ​ကျေ​လ 21:25

အို သေဒဏ်​ခံရ​မည့်​ဆိုးယုတ်​သော​အစ္စရေး​၏​ခေါင်းဆောင်​၊ သင်​အပြီးသတ်​ဒဏ်ခတ်​ခံရ​မည့် နေ့ရက်​အချိန်​ရောက်လာ​ပြီ’​ဟု မိန့်​တော်မူ​၏​။

ယေ​ဇ​ကျေ​လ 21:28

အချင်း​လူသား​၊ ပရောဖက်ပြု​၍ ဤသို့​ဆင့်ဆို​လော့​။ အမ္မုန်​အမျိုးသား​များ​နှင့်​ပတ်သက်၍​၊ သူ​တို့​ကဲ့ရဲ့ပြစ်တင်​သော​အမှု​နှင့်​ပတ်သက်၍ ဘုရားရှင်​ထာဝရဘုရား​က ‘​ဓား​၊ ဓား​ကို​ထုတ်​ထား​ပြီ​။ သတ်ဖြတ်​ရန် ပြောင်လက်​အောင် သွေး​ထား​ပြီ​ဖြစ်၍ ဓားသွား​မှာ​ဝင်းလက်​နေ​ပြီ​။

ယေ​ဇ​ကျေ​လ 23:20

မြည်း​ကဲ့သို့​၊ မြင်း​ကဲ့သို့ တဏှာရာဂစိတ်​ကြီး​သော​လင်ငယ်​များ​ကို သူ​တပ်မက်​၏​။

ယေ​ဇ​ကျေ​လ 29:16

အီဂျစ်​ပြည်​သည် အစ္စရေး​အမျိုးအနွယ်​တို့​အတွက် အားကိုးစရာ​ဖြစ်​တော့​မည်​မ​ဟုတ်​။ သူ​တို့​သည် အီဂျစ်​ပြည်​ကို အားကိုး​မိ​ခြင်း​အတွက် မိမိ​တို့​မှား​ကြောင်း​ကို သိ​ရ​ကြ​လိမ့်မည်​။ သို့မှ ငါ​သည် ဘုရားရှင်​ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်’​ဟူ၍ မိန့်​တော်မူ​သည်”​ဟု မိန့်ဆို​၏​။

ယေ​ဇ​ကျေ​လ 29:7

သူ​တို့​က သင့်​ကို​ကိုင်ဆွဲ​လိုက်​သောအခါ သင်​ကျိုးသွား​သဖြင့် သူ​တို့​၏​ပခုံး​များ​လည်း အနာရ​သွား​၏​။ သင့်​ကို​မှီလိုက်​သောအခါ သင်​ကျိုးသွား​သဖြင့် သူ​တို့​၏​ခါး​လည်း ယိမ်းယိုင်​သွား​ရ​၏’​ဟု မိန့်​တော်မူ​၏​။

မဿဲ 23:33

အချင်း​မြွေ​တို့၊ မြွေဆိုး​အမျိုး​တို့၊ သင်​တို့​သည် ငရဲ​၌​အပြစ်​စီရင်​ခံရ​ခြင်း​မှ မည်ကဲ့သို့​လွတ်မြောက်​နိုင်​ကြ​မည်နည်း။

တ​ရား​ဟော 17:16

ထို​ဘုရင်​သည် မိမိ​အတွက် မြင်း​တို့​ကို မ​စုဆောင်း​ရ​။ မြင်း​များ​ကို​စုဆောင်း​ရ​ရှိ​ရန် လူ​တို့​ကို​အီဂျစ်​ပြည်​သို့ ထပ်၍​ပြန်​မ​သွား​စေ​နှင့်​။ အကြောင်းမူကား ထာဝရဘုရား​က ‘​သင်​တို့​သည် ထို​လမ်း​သို့ နောက်တစ်ဖန် လုံးဝ​ပြန်​မ​သွား​ရ​’​ဟု သင်​တို့​အား​မိန့်​တော်မူ​ခဲ့​၏​။

ဟေ​ဗြဲ 2:3

ဤမျှလောက်​ကြီးမြတ်​သော​ကယ်တင်​ခြင်း​ကို လျစ်လျူ​ရှု​ပါက ငါ​တို့​သည် အပြစ်ဒဏ်​မှ မည်သို့​လွတ်​နိုင်​ကြ​မည်နည်း။ သခင်​ဘုရား​က ပထမ​ဦးစွာ ဟောပြော​တော်မူ​သော ဤ​ကယ်တင်​ခြင်း​တရား​သည် ကြားနာ​သော​သူ​တို့​မှတစ်ဆင့် ငါ​တို့​ထံ၌ အတည်ပြု​ခြင်း​ခံရ​၏။

ယော​ရှု 9:20

သူ​တို့​ကို အသက်ချမ်းသာ​ခွင့်​ပေး​ရ​မည်​။ သို့မဟုတ်လျှင် သူ​တို့​နှင့်​ကျိန်ဆို​ထား​သောကြောင့် အမျက်​တော်​သည် ငါ​တို့​အပေါ် ကျရောက်​လာ​မည်​”​ဟု ဆို​၏​။