ယေ​ဇ​ကျေ​လ 17:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ထို​အပင်​ကို ပြောင်းစိုက်​လျှင်​လည်း ရှင်သန်​မည်လော​။ အရှေ့​လေ​တိုက်​သောအခါ ညှိုးနွမ်း​ခြောက်သွေ့​သွား​မည်​မ​ဟုတ်​လော​။ စင်စစ် မိမိ​ပေါက်​ရာ​အရပ်​၌​ပင် ညှိုးနွမ်း​သွား​ရ​လိမ့်မည်​ဟု မိန့်​တော်မူ​သည်’​ဟူ၍ ဆင့်ဆို​လော့”​ဟု မိန့်ဆို​၏​။

Common Language Bible

¹⁰ ထို​စ​ပျစ်​ပင်​ကို​ရွှေ့​ပြောင်း​၍​စိုက်​ပျိုး​ခဲ့​လျှင် ထို​အ​ပင်​သည်​ဆက်​လက်​ရှင်​သန်​နိုင်​မည်​လော။ ယင်း​သည်​အ​ရှေ့​လေ​တိုက်​ခတ်​သော​အ​ခါ​ညှိုး နွမ်း​ခြောက်​သွေ့​သွား​မည်​မ​ဟုတ်​လော။ ယ​ခု ပေါက်​လျက်​နေ​သည့်​အ​ရပ်​၌​ပင်​ညှိုး​နွမ်း ခြောက်​သွေ့​သွား​မည်​မ​ဟုတ်​လော'' ဟု​မိန့် တော်​မူ​၏။

Garrad Bible

¹⁰ စိုက် ပျိုး ခံ ရ သော် လည်း အ ကြံ မြောက် မည် လော၊ အ ရှေ့ လေ တိုက် သော်၊ တစ် ပင် လုံး ညှိုး နွမ်း မည် မ ဟုတ် လော၊ ပေါက် ရာ အ ခင်း များ တွင် ပင် ညှိုး နွမ်း လိမ့် တ ကား ဟု၊ အ ရှင် ထာ ဝ ရ ဘု ရား မိန့် တော် မူ ကြောင်း များ ကို၊ ဆင့် ဆို လော့ ဟူ၍ တည်း။

Judson Bible

¹⁰ စိုက်​လျက်​ရှိ၍ ကောင်း​စား​ရ​မည်​လော။ အ​ရှေ့​လေ​တိုက်​သော​အ​ခါ အ​ကုန်​အ​စင်​ညှိုး​နွမ်း​ရ​မည် မ​ဟုတ်​လော။ ကြီး​ပွား​သော​လယ်​ကွက်၌ ညှိုး​နွမ်း​ရ​လိမ့်​မည်​ဟု မိန့်​တော်​မူ၏။

ယေ​ဇ​ကျေ​လ 17:10 Referencias Cruzadas

ကမ္ဘာ​ဦး 41:6

ထို​စပါးနှံ​တို့​နောက်မှ သုန်ဖျင်း​၍​အရှေ့​လေ​ကြောင့်​ညှိုးရော်​နေ​သော စပါးနှံ​ခုနစ်​နှံ​သည်​လည်း ပေါက်လာ​၏​။

ယေ​ရ​မိ 32:5

ဇေဒကိ​ကို ဘေဘီလုံ​မြို့​သို့​ခေါ်ဆောင်​သွား​လိမ့်မည်​။ သူ့​ကို ငါ​ထာဝရဘုရား​အကြည့်အရှု​မ​ကြွလာ​မ​ချင်း ထို​မြို့​၌ သူ​နေ​ရ​လိမ့်မည်​။ သင်​တို့​သည် ခါလဒဲ​၏​တပ်​ကို တိုက်​သော်လည်း နိုင်​လိမ့်မည်​မ​ဟုတ်’​ဟူ၍ မိန့်​တော်မူ​သည်​ဟု ပရောဖက်ပြု​ဟောပြော​ရ​သနည်း”​ဟု မိန့်ဆို​၏​။

ယေ​ရ​မိ 4:11

ထို​နေ့ရက်​၌ ဂျေရုဆလင်​မြို့သား​နှင့်တကွ ဤ​လူမျိုး​တို့​အား “​တောကန္တာရ​ရှိ​တောင်ကတုံး​မှ လေ​ပူ​သည် ငါ​၏​လူမျိုး​သမီးပျို​ထံ​လာ​လိမ့်မည်​။ သန့်ရှင်း​သွား​စေရန် လှေ့ထုတ်​သော​လေ​မ​ဟုတ်​။

ယေ​ဇ​ကျေ​လ 17:11

တစ်ဖန် ထာဝရဘုရား​၏​နှုတ်ကပတ်တော်​သည် ငါ့​ထံသို့​ရောက်လာ​၍

ယေ​ဇ​ကျေ​လ 17:9

ဘုရားရှင်​ထာဝရဘုရား​က ထို​အပင် ရှင်သန်​နိုင်​မည်လော​။ အမြစ်​ကို​ဆွဲနုတ်​ပစ်​၍ အသီး​များ​ကို ခြွေချ​ပစ်​သောအခါ အပင်​ညှိုးနွမ်း​သွား​မည်​မ​ဟုတ်​လော​။ အသစ်​ပေါက်​သော​အပင်​ရှိသမျှ​သည်​လည်း ညှိုးနွမ်း​သွား​မည်​မ​ဟုတ်​လော​။ အမြစ်​ကို​ဆွဲနုတ်​ရန် အားကောင်းမောင်းသန်​ဖြစ်စရာ​မ​လို​၊ လူ​အမြောက်အမြား​လည်း မ​လို​ပေ​။

ဟော​ရှေ 12:1

ဧဖရိမ်​သည် လေ​ကို​စား​၏​။ အရှေ့​လေ​နောက်​သို့ လိုက်​၏​။ သူ​တို့​ပြု​သော​လိမ်လည်မှု​၊ အကြမ်းဖက်မှု​တို့​သည် တစ်နေ့​ထက်​တစ်နေ့ များများ​လာ​၏​။ အဆီးရီးယား​တို့​နှင့် ပဋိညာဉ်​ဖွဲ့​လျက်​နှင့်ပင် အီဂျစ်​ပြည်​သို့ ဆီ​ကို ပို့ပေး​၏​။

ဟော​ရှေ 13:15

သူ​သည် ညီအစ်ကို​များ​ထဲတွင် အသီး​များစွာ​သီး​တတ်​သော်လည်း အရှေ့​လေ​တည်းဟူသော ထာဝရဘုရား​၏​လေ​သည် တောကန္တာရ​မှ​တိုက်​လာ​၍ သူ​၏​စမ်းရေတွင်း​နှင့်​ရေထွက်ပေါက်​တို့​သည် ခန်းခြောက်​လိမ့်မည်​။ ဘဏ္ဍာတိုက်​ရှိ​အဖိုးတန်​ရတနာ​အားလုံး တိုက်ခိုက်လုယက်​ခြင်း​ခံရ​လိမ့်မည်​။

မဿဲ 21:19

ထိုစဉ် လမ်း​၌ သဖန်းပင်​တစ်​ပင်​ကို​မြင်​၍ ထို​အပင်​ရှိရာ​သို့​ကြွ​တော်မူ​ရာ ၎င်း​တွင် အရွက်​များ​မှလွဲ၍ မည်သည့်​အရာ​ကို​မျှ​မ​တွေ့​သဖြင့် ထို​အပင်​အား“ယခု​မှစ၍ ကာလ​အစဉ်အဆက် သင်​၌​အသီး​မ​သီး​စေ​ရ”​ဟု မိန့်​တော်မူ​၏။ ထိုအခါ သဖန်းပင်​သည် ချက်ချင်း​ညှိုးနွမ်း​ခြောက်သွေ့​သွား​လေ​၏။

ရှင်မာကု 11:20

နံနက်​စောစော လမ်း​၌​ဖြတ်​သွား​ကြ​စဉ် အမြစ်​မှစ၍ ညှိုးနွမ်း​ခြောက်သွေ့​နေ​သော​သဖန်းပင်​ကို သူ​တို့​မြင်​ကြ​၏။

ရှင်ယောဟန် 15:6

တစ်စုံတစ်ဦး​သည် ငါ​၌​မ​တည်​မ​နေ​လျှင် အကိုင်းအခက်​ကဲ့သို့ အပြင်​သို့​လွှတ်ပစ်​ခြင်း​ခံရ​၍ ညှိုးနွမ်း​ခြောက်သွေ့​သွား​ရ​၏။ လူ​တို့​သည် ၎င်း​တို့​ကို​စုစည်း​လျက် မီး​ထဲသို့​ပစ်ချ​လိုက်​ကြ​သဖြင့် လောင်ကျွမ်း​သွား​၏။

ယု​ဒ 1:12

သူ​တို့​သည် သင်​တို့​နှင့်အတူ​စား​သောက်​သောအခါ ရှက်ကြောက်​ခြင်း​မ​ရှိ​ဘဲ မိမိ​တို့​အတွက်​သာ ဂရုစိုက်​လျက် သင်​တို့​၏​မေတ္တာ​ပွဲ​၌ အစွန်းအထင်း​များ​ဖြစ်​ကြ​၏။ သူ​တို့​သည် လေ​၌​လွင့်ပါ​သွား​သော မိုးရေ​မ​ပါ​သည့်​မိုးတိမ်​များ၊ အမြစ်​ပါ​မကျန်​ဆွဲနုတ်​ခံရ​၍ နှစ်​ကြိမ်​သေ​သည့် အသီး​မ​သီး​သော ဆောင်းဦး​ကာလ​သစ်ပင်​များ၊