ယေ​ဇ​ကျေ​လ 16:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ သင့်​ကို လက်ဝတ်ရတနာ​များ ဆင်ယင်​ပေး​၏​။ သင့်​လက်​၌ လက်ကောက်​ဝတ်​ပေး​၏​။ သင့်​လည်ပင်း​၌ ဆွဲကြိုး​ဆွဲ​ပေး​၏​။

Common Language Bible

¹¹ သင်​ဝတ်​ဆင်​ရန်​ကျောက်​မျက်​ရ​တ​နာ​များ​နှင့် လက်​မောင်း​တွင်​ဝတ်​ဆင်​ရန်​လက်​ကောက်​များ၊ လည်​ဆွဲ​ရန်​ဘ​ယက်​များ​ကို​လည်း​ကောင်း၊-

Garrad Bible

¹¹ တန် ဆာ ဆင် ယင် ခြင်း၊ လက် ကောက် ဝတ် ခြင်း၊ ပု တီး ဆွဲ ခြင်း၊

Judson Bible

¹¹ လက်​ကောက်​နှင့်​လည်​ဆွဲ​အ​စ​ရှိ​သော တန်​ဆာ​မျိုး​ကို ဆင်​စေ၏။

ယေ​ဇ​ကျေ​လ 16:11 Referencias Cruzadas

ကမ္ဘာ​ဦး 24:22

ကုလားအုတ်​တို့​ရေသောက်​ပြီး​သောအခါ သူ​သည် အလေးချိန်​တစ်​ဗေကာ​ရှိ​သော​ရွှေ​နှာဆွဲ​နှင့် မိန်းကလေး​လက်​၌​ဝတ်ဆင်​ရန် အလေးချိန်​ရှယ်ကယ်​တစ်ဆယ်​ရှိ​သော ရွှေ​လက်ကောက်​တစ်စုံ​ကို ထုတ်ပေး​၍

ကမ္ဘာ​ဦး 24:47

အကျွန်ုပ်​က​လည်း ‘​သင်​သည် မည်သူ​၏​သမီး​ဖြစ်​သနည်း​’​ဟု သူ့​အား​မေး​လျှင် သူ​က ‘​ကျွန်မ​သည် နာခေါ်​အတွက် မိလခါ​မွေးဖွား​ပေး​သော​သား​ဗေသွေလ​၏​သမီး​ဖြစ်​ပါ​သည်​’​ဟု ဆို​ပါ​သည်​။ ထိုအခါ အကျွန်ုပ်​သည် သူ​၏​နှာခေါင်း​၌ နှာဆွဲ​ကို​လည်းကောင်း​၊ သူ​၏​လက်​၌ လက်ကောက်​တို့​ကို​လည်းကောင်း ဆင်ယင်​ပေး​ပါ​သည်​။

ကမ္ဘာ​ဦး 24:53

ထို့နောက် ထို​အစေအပါး​သည် ရွှေ​တန်ဆာ​၊ ငွေ​တန်ဆာ​နှင့် အဝတ်တန်ဆာ​တို့​ကို​ထုတ်​၍ ရေဗက္ကာ​အား ပေး​၏​။ သူ့​အစ်ကို​နှင့် သူ့​မိခင်​အား​လည်း အဖိုးတန်​သော​လက်ဆောင်​များ​ကို ပေး​၏​။

ကမ္ဘာ​ဦး 35:4

ထိုအခါ သူ​တို့​သည် မိမိ​တို့​လက်​ထဲ၌​ရှိ​သော တိုင်းတစ်ပါးသား​တို့​၏​ဘုရား​ရှိသမျှ​ကို​လည်းကောင်း​၊ မိမိ​တို့​နား​၌​ပန်​ထား​သော နားကွင်း​များ​ကို​လည်းကောင်း ယာကုပ်​အား​ပေး​ကြ​၏​။ ယာကုပ်​သည်​လည်း ၎င်း​တို့​ကို ရှေခင်​မြို့​အနီး​ရှိ သပိတ်ပင်​အောက်​၌​မြှုပ်​လေ​၏​။

ကမ္ဘာ​ဦး 41:42

ဖာရော​မင်းကြီး​သည် မိမိ​၏​လက်​မှ တံဆိပ်တုံးလက်စွပ်​ကို​ချွတ်​၍ ယောသပ်​၏​လက်​၌​စွပ်​ပေး​၏​။ ပိတ်ချောထည်​အဝတ်​တို့​ကို​လည်း​ဝတ်​ပေး​၍ သူ​၏​လည်ပင်း​၌ ရွှေ​ဆွဲကြိုး​ကို​ဆွဲ​ပေး​ပြီး

ဧ​သ​တာ 2:17

ရှင်ဘုရင်​သည် အခြား​အပျိုတော်​တို့​ထက် ဧသတာ​ကို ချစ်​၏​။ ထို့ကြောင့် ဧသတာ​သည် အခြား​အပျိုတော်​တို့​ထက် မျက်နှာသာရ​၍ မေတ္တာကရုဏာ​ကို ခံရ​၏​။ ထို့ပြင် ရှင်ဘုရင်​သည် သူ့​ခေါင်း​ပေါ်၌ တော်ဝင်​သရဖူ​ကို​ဆောင်းပေး​၍ ဝါရှတိ​အစား သူ့​ကို မိဖုရား​မြှောက်​လေ​၏​။

ယောဘဝတ္တု။ 42:11

ထိုအခါ ယောဘ​၏​ညီအစ်ကို​မောင်နှမ​အပေါင်း​တို့​နှင့် ယခင်က သိကျွမ်း​ခဲ့​သူ​အပေါင်း​တို့​သည် သူ့​ထံသို့​ရောက်လာ​၍ သူ့​အိမ်​၌ အတူ​စားသောက်​ကြ​၏​။ သူ့​အား ထာဝရဘုရား ကြုံတွေ့​စေ​သော​ဆင်းရဲဒုက္ခ​အပေါင်း​တို့​အတွက် သူ့​ကို အားပေး​နှစ်သိမ့်​ကြ​၏​။ သူ့​အား ငွေစ​တစ်​စ​နှင့် ရွှေ​လက်စွပ်​တစ်​ကွင်း​စီ​လည်း ပေး​ကြ​၏​။

ထွက်​မြောက် 32:2

အာရုန်​က​လည်း “​သင်​တို့​၏​မယား​နှင့် သား​သမီး​တို့​၏​နား​၌​ဆင်​ထား​သော ရွှေ​နားကွင်း​များ​ကို​ချွတ်​၍ ငါ့​ထံသို့​ယူဆောင်​ခဲ့​လော့​”​ဟု သူ​တို့​အား​ဆို​၏​။

ထွက်​မြောက် 35:22

စေတနာစိတ်​ရှိ​သော ယောက်ျား​မိန်းမ​အပေါင်း​တို့​သည် ရင်ထိုး​၊ နားကွင်း​၊ လက်စွပ်​၊ ဆွဲကြိုး စသည့်​ရွှေ​တန်ဆာ​အမျိုးမျိုး​တို့​ကို​ယူဆောင်​လာ​ကြ​၏​။ လူ​တိုင်း ထာဝရဘုရား​ထံ ချီလွှဲရာပူဇော်သက္ကာ​အဖြစ် ရွှေ​ကို ချီလွှဲ​ကြ​၏​။

သုတ္တံကျမ်း။ 1:9

အကြောင်းမူကား ထို​အရာ​တို့​သည် သင်​၏​ဦးခေါင်း​အတွက် တင့်တယ်​သော​ပန်းဦးရစ်​၊ သင်​၏​လည်ပင်း​အတွက် လည်ဆွဲ​ဖြစ်​ကြ​လိမ့်မည်​။

သုတ္တံကျမ်း။ 25:12

ပညာရှိ​၏​အဆုံးအမ​သည် နားထောင်​တတ်​သော​သူ​၏​နား​အတွက် ရွှေ​နားကွင်း​၊ သို့မဟုတ် ရွှေစင်​ဖြင့်​ပြုလုပ်​ထား​သော​အဆင်တန်ဆာ​ဖြစ်​၏​။

သုတ္တံကျမ်း။ 4:9

၎င်း​သည် တင့်တယ်​သော​ပန်းဦးရစ်​ကို သင်​၏​ခေါင်း​ပေါ်၌​တင်ပေး​၍ ဂုဏ်ကျက်သရေ​ရှိ​သော​သရဖူ​ကို သင့်​အား အပ်နှင်း​လိမ့်မည်​။​”

ရှောလမုန်သီချင်း။ 1:10

ခြယ်သ​ထား​သော​သင့်​ပါး​တို့​သည် တင့်တယ်​လှ​ပေ​၏​။ သင့်​လည်တိုင်​သည်​လည်း လည်ဆွဲရတနာ​တို့​ဖြင့် တင့်တယ်​လှ​ပေ​၏​။​”

ရှောလမုန်သီချင်း။ 4:9

အို ငါ့​နှမ​၊ ငါ့​သတို့သမီး​၊ သင်​သည် ငါ့​နှလုံးသား​ကို အပိုင်သိမ်း​လေ​ပြီ​။ သင်​၏​အကြည့်​တစ်​ချက်​၊ ကျောက်မျက်​လည်ဆွဲ​တစ်​ကုံး​ဖြင့် ငါ့​နှလုံးသား​ကို အပိုင်သိမ်း​လေ​ပြီ​။

ဟေ​ရှာ​ယ 28:5

ထို​နေ့ရက်​၌ ကောင်းကင်​ဗိုလ်ခြေ​အရှင်​ထာဝရဘုရား​သည် ကြွင်းကျန်​သော​လူမျိုး​တော်​တို့​အတွက် ဘုန်းကြီး​သော​သရဖူ​၊ ဂုဏ်ကျက်သရေ​ရှိ​သော​ဦးရစ် ဖြစ်​တော်မူ​မည်​။

ဟေ​ရှာ​ယ 3:19

နားဆွဲ​၊ လက်ကောက်​၊ မျက်နှာလွှားဇာ​၊

ဟေ​ရှာ​ယ 3:21

တံဆိပ်တုံးလက်စွပ်​၊ နှာဆွဲ​၊

မြည်​တမ်း​စ​ကား 5:16

အကျွန်ုပ်​တို့​ခေါင်း​ပေါ်မှ သရဖူ​သည် ပြုတ်ကျ​လေ​ပြီ​။ အကျွန်ုပ်​တို့​ပြု​မိ​သော​အပြစ်​ကြောင့် ယခုမှာ အမင်္ဂလာ​ဖြစ်​လေ​ပြီ​။

ယေ​ဇ​ကျေ​လ 16:17

သင့်​ကို ငါ​ပေး​သော​ရွှေ​ငွေ​များ​ဖြင့် သင်​ပြုလုပ်​ထား​သော သင်​၏​အဖိုးတန်​အဆင်တန်ဆာ​ကို​ယူ​၍ ယောက်ျား​ရုပ်တု​များ​ကို ပြုလုပ်​ပြီးလျှင် ထို​ရုပ်တု​များ​နှင့် ဖောက်ပြန်မှားယွင်း​၏​။

ယေ​ဇ​ကျေ​လ 23:40

ထို့ပြင် တမန်​ကို​စေလွှတ်​၍ ရပ်ဝေး​မှ​ယောက်ျား​တို့​ကို ခေါ်​၏​။ ထို​ယောက်ျား​တို့​ရောက်လာ​သောအခါ သင်​သည် ရေမိုးချိုး​လျက်​၊ မျက်လုံး​တို့​ကို ခြယ်သ​လျက်​၊ အဆင်တန်ဆာ​များ ဆင်ယင်​လျက်​၊

ယေ​ဇ​ကျေ​လ 23:42

ထို​နေရာ​တွင် ပျော်ပါး​နေ​သော​လူအုပ်​ကြီး ဆူညံ​နေ​၏​။ တောကန္တာရ​မှ သေသောက်ကြူး​သော သာမန်​ယောက်ျား​သား​တို့​သည် သူ​တို့​လက်​တွင် လက်ကောက်​များ​၊ သူ​တို့​ခေါင်း​တွင် တင့်တယ်​သော​သရဖူ​များ​ကို ဆင်ယင်​ပေး​ကြ​လေ​ပြီ​။

ဒံ​ယေ​လ 5:16

သင်​သည် အနက်အဓိပ္ပာယ်​များ​ကို ဖွင့်ပြ​ပေး​နိုင်​ကြောင်း​၊ ခက်ခဲ​သော​ပြဿနာ​များ​ကို ဖြေရှင်း​နိုင်​ကြောင်း​ကို ငါ​ကြားသိ​ရ​၏​။ ယခု သင်​သည် ထို​စာ​ကို​ဖတ်​၍ ငါ့​အား အနက်အဓိပ္ပာယ်​ကို ဖော်ပြ​ပေး​နိုင်​လျှင် ခရမ်းရောင်​ဝတ်ရုံ​ကို ဝတ်ဆင်​၍ လည်​တွင် ရွှေ​စလွယ်​ဆင်​ကာ တတိယ​အကြီးဆုံး​ပုဂ္ဂိုလ်​အဖြစ် နိုင်ငံ​ကို အုပ်ချုပ်​ခွင့်​ရ​မည်”​ဟု မိန့်ဆို​၏​။

ဒံ​ယေ​လ 5:29

ထိုအခါ ဗေလရှာဇာ​မင်းကြီး​အမိန့်ပေး​သဖြင့် ဒံယေလ​အား ခရမ်းရောင်​ဝတ်ရုံ​ကို ဝတ်ဆင်​ပေး​၍ လည်​တွင် ရွှေ​စလွယ်​ဆင်​ပေး​ပြီး တတိယ​အကြီးဆုံး​ပုဂ္ဂိုလ်​အဖြစ် နိုင်ငံ​ကို​အုပ်ချုပ်​ခွင့်​ရှိ​သူ​ဖြစ်ကြောင်း ကြေညာ​ကြ​လေ​၏​။

ဒံ​ယေ​လ 5:7

ရှင်ဘုရင်​သည် ဗေဒင်ဆရာ​များ​၊ ခါလဒဲ​ပညာရှိ​များ​၊ နက္ခတ်ဗေဒ​ဆရာ​များ​ကို ခေါ်သွင်း​ရန် အော်ဟစ်​ပြီးလျှင် ဘေဘီလုံ​ပညာရှိ​တို့​အား “​ဤ​စာ​ကို​ဖတ်​ပြီး အနက်အဓိပ္ပာယ်​ကို ဖွင့်ပြ​ပေး​နိုင်​သူ မည်သူမဆို ခရမ်းရောင်​ဝတ်ရုံ​ကို ဝတ်ဆင်​စေ​၍ လည်​တွင် ရွှေ​စလွယ်​ဆင်​ကာ တတိယ​အကြီးဆုံး​ပုဂ္ဂိုလ်​အဖြစ် နိုင်ငံ​ကို အုပ်ချုပ်​ခွင့်​ပေး​မည်​”​ဟု မိန့်ဆို​လေ​၏​။

ဟော​ရှေ 2:13

သူ​သည် ဗာလ​ဘုရား​ပွဲ​နေ့​များ​၌ နံ့သာပေါင်း​ကို​မီးရှို့​၍ နှာကွင်း​နှင့် လက်ဝတ်ရတနာ​ကို​ဆင်မြန်း​လျက် ချစ်သူ​များ​နောက်သို့​လိုက်​ပြီး ငါ့​ကို​မေ့လျော့​သည့်​အတွက် သူ့​အား ငါ​ဒဏ်ခတ်​မည်”​ဟု ထာဝရဘုရား​မိန့်​တော်မူ​၏​။

ဝတ်​ပြု 8:9

ခေါင်း​ပေါ်၌ ခေါင်းပေါင်း​ကို​ဆောင်းပေး​၍ သန့်ရှင်း​သော​ရွှေစင်​ပြား​သရဖူ​ကို ခေါင်းပေါင်း​ရှေ့ဘက်ခြမ်း​၌ တပ်​ပေး​၏​။

တော​လည် 31:50

ထာဝရဘုရား​ရှေ့​တော်​၌ အကျွန်ုပ်​တို့​၏​အသက်​အတွက် အပြစ်ဖြေလွှတ်​ခြင်း​ပြု​ရန် အကျွန်ုပ်​တို့​သည် အသီးသီး မိမိ​တွေ့ရှိ​သော ရွှေ​တန်ဆာ​လက်ပတ်​၊ လက်ကောက်​၊ လက်စွပ်​၊ နားကပ်​၊ ဆွဲကြိုး စသည်​တို့​ကို ပူဇော်သက္ကာ​အဖြစ် ထာဝရဘုရား​ထံ ယူဆောင်​ခဲ့​ပါ​၏​”​ဟု လျှောက်​ကြ​၏​။

ဗျာ​ဒိတ် 2:10

သင်​ခံစား​ရ​တော့မည့် ဒုက္ခ​ဝေဒနာ​များ​ကို မ​ကြောက်​နှင့်။ ကြည့်ရှု​လော့။ သင်​သည် စမ်းသပ်​စစ်ဆေး​ခြင်း​ကို​ခံရ​မည့်​အကြောင်း မာရ်နတ်​သည် သင်​တို့​အထဲမှ အချို့​တို့​ကို ထောင်​ထဲ၌​ထည့်​ထား​တော့မည်။ သင်​တို့​သည် ဆယ်​ရက်​ပတ်လုံး ဆင်းရဲ​ဒုက္ခ​ကို​ခံ​ကြ​ရ​လိမ့်မည်။ အသေခံ​ရ​သည့်​တိုင်အောင် သစ္စာ​စောင့်​လော့။ သို့ပြုလျှင် အသက်​သရဖူ​ကို သင့်​အား ငါ​ပေး​မည်။

ဗျာ​ဒိတ် 4:10

သက်ကြီးဝါကြီး​နှစ်ဆယ့်​လေး​ပါး​တို့​သည် ပလ္လင်​တော်​ပေါ်တွင်​ထိုင်​တော်မူ​သော​အရှင်​၏​ရှေ့​၌ ပျပ်ဝပ်​လျက် ကမ္ဘာ​အဆက်ဆက်​အသက်ရှင်​တော်မူ​သော​အရှင်​ကို​ရှိခိုး​ကာ မိမိ​တို့​၏​သရဖူ​များ​ကို ပလ္လင်​တော်​ရှေ့​တွင်​ချ​ထား​ပြီးလျှင်

ဗျာ​ဒိတ် 4:4

ပလ္လင်​တော်​၏​ပတ်ဝန်းကျင်​၌​ကား အခြား​သော​ပလ္လင်​နှစ်ဆယ့်​လေး​ခု​ရှိ​၍ ထို​ပလ္လင်​များ​ပေါ်တွင် ဖြူ​သော​ဝတ်ရုံ​ကို​ဝတ်ဆင်​လျက် ဦးခေါင်း​ပေါ်၌ ရွှေ​သရဖူ​ကို​ဆောင်း​ထား​သည့် သက်ကြီးဝါကြီး​နှစ်ဆယ့်​လေး​ပါး​တို့​သည် ထိုင်​နေ​ကြ​၏။

သူ​ကြီး 8:24

သို့သော် ဂိဒေါင်​က “သင်​တို့​ဆီ​မှ တစ်​ခု​ကို တောင်းဆို​လို​ပါ​သည်​။ သင်​တို့​ရ​ထား​သော လုယူပစ္စည်း​များ​ထဲမှ နားကွင်း​တစ်ကွင်းစီ​ကို ငါ့​အား ပေး​ကြ​လော့​”​ဟု သူ​တို့​အား ဆို​၏​။ (​မိဒျန်​လူမျိုး​တို့​သည် ဣရှမေလ​လူမျိုး​တို့​ကဲ့သို့ ရွှေ​နားကွင်း​များ​ကို ဝတ်ဆင်​တတ်​ကြ​၏​။​)