ယေ​ဇ​ကျေ​လ 13:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ထို​မြို့ရိုး​ပြိုလဲ​သွား​သောအခါ သင်​တို့​သုတ်​ခဲ့​သော​ထုံးဖြူ​ကား ယခု​အဘယ်မှာ​နည်း​ဟု သင်​တို့​အား​မေး​ကြ​လိမ့်မည်​’​ဟု မိန့်​တော်မူ​၏​။

Common Language Bible

¹² ထို​မြို့​ရိုး​သည်​ပြို​ကျ​လိမ့်​မည်။ သို့​ဖြစ်​၍ သင်​တို့​ထုံး​သုတ်​ခဲ့​သည့်​အ​ကျိုး​ကား​အ ဘယ်​မှာ​နည်း​ဟု လူ​တိုင်း​ပင်​မေး​မြန်း​ကြ လိမ့်​မည်'' ဟူ​၍​ဖြစ်​၏။

Garrad Bible

¹² နံ ရံ ပြို လဲ ပြီး မှ၊ သုတ် သော ထုံး အ ဘယ် မှာ နည်း ဟု၊ အ ပြောင် အ လှောင် ခံ ကြ ရ မည် မ ဟုတ် လော။

Judson Bible

¹² ထို​အုတ်​ရိုး​သည် ပြို​လဲ​ပြီး​မှ၊ သင်​တို့​မွမ်း​မံ​သော အင်္ဂ​တေ​သည် အ​ဘယ်​မှာ​ရှိ​သ​နည်း​ဟု သင်​တို့​အား သူ​တစ်​ပါး​မေး​လိမ့်​မည် မ​ဟုတ်​လော။

ယေ​ဇ​ကျေ​လ 13:12 Referencias Cruzadas

၄ ရာ 3:13

ဧလိရှဲ​က အစ္စရေး​ဘုရင်​အား “​ငါ​သည် မင်းကြီး​နှင့်​မည်သို့​ဆိုင်​သနည်း​။ အရှင့်​ခမည်းတော်​၏​ပရောဖက်​များ​၊ မယ်တော်​၏​ပရောဖက်​များ​ထံသို့ သွား​မေး​ပါ​လော့​”​ဟု ဆို​၏​။ ထိုအခါ အစ္စရေး​ဘုရင်​က “​ထိုသို့​မ​ဆို​ပါ​နှင့်​။ အကျွန်ုပ်​တို့​ဤ​ဘုရင်​သုံး​ပါး​ကို မောဘ​လူမျိုး​လက်​သို့ အပ်​ဖို့ ထာဝရဘုရား ခေါ်ထုတ်​တော်မူ​ပြီ​”​ဟု ပြန်ပြော​၏​။

ထွက်​မြောက် 2:3

ထို့နောက်တွင် မိခင်​သည် သူ့​ကို​ဝှက်​မ​ထား​နိုင်​တော့​သဖြင့် ကျူရိုး​ဖြင့်​ရက်လုပ်​ထား​သော​ဖာတောင်း​ကို​ယူ​၍ ကတ္တရာစေး​နှင့်​သစ်စေး​တို့​ဖြင့် သုတ်လိမ်း​ပြီးလျှင် သူငယ်​ကို ထို​ဖာတောင်း​ထဲ၌​ထည့်​ပြီး နိုင်း​မြစ်​ကမ်းစပ်​တွင်​ရှိ​သော ကျူတော​ထဲ၌​ထား​လေ​၏​။

ယေ​ရ​မိ 2:28

သင့်​အတွက် သင်​လုပ်​သော ဘုရား​များ​သည် အဘယ်မှာ​နည်း​။ သင်​ဒုက္ခ​ရောက်​ချိန်​၌ ထို​ဘုရား​တို့​သည် သင့်​ကို ကယ်တင်​နိုင်​လျှင် ထ​၍​ကယ်​ကြ​ပါစေ​။ အို ယုဒ​ပြည်​၊ သင့်​မြို့​အရေအတွက်​များ​သည်​နှင့်အမျှ သင့်​ဘုရား​သည်​လည်း များ​ပါ​သည်​တကား​။

ယေ​ရ​မိ 37:19

‘​ဘေဘီလုံ​ဘုရင်​သည် သင်​တို့​နှင့်​သင်​တို့​ပြည်​ကို လာတိုက်​မည်​မ​ဟုတ်​’​ဟု ပရောဖက်ပြု​ဟောပြော​ခဲ့​သော သင်​တို့​၏​ပရောဖက်​တို့​ကား အဘယ်မှာ​နည်း​။

ယေ​ဇ​ကျေ​လ 13:11

ထုံးဖြူ​သုတ်​သော​သူ​တို့​အား ထို​မြို့ရိုး​ပြိုလဲ​သွား​မည်​ဟု ပြောကြား​လော့​။ မိုးရွာ​မည်​။ ရေလွှမ်းမိုး​မည်​။ ငါ​သည် မိုးသီးလုံးကြီး​ကို ကျ​စေ​မည်​၊ လေပြင်းမုန်တိုင်း​တိုက်​မည်​။

ယေ​ဇ​ကျေ​လ 13:13

ထို့ကြောင့် ဘုရားရှင်​ထာဝရဘုရား​က ‘ငါ​သည် ဒေါသ​ဖြင့် လေပြင်းမုန်တိုင်း​တိုက်​စေ​မည်​၊ အမျက်ထွက်​လျက် မိုးရွာ​စေ​မည်​၊ ရေလွှမ်းမိုး​စေ​မည်​။ ဒေါသ​ဖြင့် မိုးသီး​ကျ​စေ​၍ မြို့ရိုး​ကို ဖျက်ဆီး​ပစ်​မည်​။

တ​ရား​ဟော 32:37

ကိုယ်တော်​က ‘​သူ​တို့​ခိုလှုံ​ရာ​ကျောက်ဆောင်​ဖြစ်​သော သူ​တို့​ဘုရား​များ​ကား အဘယ်မှာ​ရှိ​သနည်း​။

သူ​ကြီး 10:14

သင်​တို့​ရွေးချယ်​ခဲ့​သော​ဘုရား​များ​ထံသို့ သွား​၍​အော်ဟစ်​ကြ​လော့​။ သင်​တို့ ဆင်းရဲဒုက္ခ​ရောက်​ချိန်​၌ သူ​တို့​သည် သင်​တို့​ကို ကယ်တင်​ပါစေ​”​ဟု မိန့်​တော်မူ​၏​။

သူ​ကြီး 9:38

ထိုအခါ ဇေဗုလ​က ဂါလ​အား “​သင်​က ‘​ငါ​တို့​သည် အဘိမလက်​ကို​အစေခံ​ရ​မည့်​အကြောင်း သူ​ကား မည်သူ​နည်း​’​ဟု ပြော​ခဲ့​သည်​မှာ ယခု မည်သို့ ဖြစ်​ပြီ​နည်း​။ သင်​သည် ထို​သူ​တို့​ကို မထီမဲ့မြင်ပြု​ခဲ့​သည်​မ​ဟုတ်​လော​။ ယခု​သူ့​ကို ထွက်​တိုက်​ပါ​လော့​”​ဟု ဆို​လေ​၏​။