ယော​လ 1:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ ထာဝရဘုရား​၏​အိမ်​တော်​တွင် ဘောဇဉ်ပူဇော်သက္ကာ​၊ သွန်းလောင်းရာပူဇော်သက္ကာ​တို့ ပြတ်​လေ​ပြီ​။ ထာဝရဘုရား​၏​အမှု​တော်​ကို ထမ်းဆောင်​သော​ယဇ်ပုရောဟိတ်​တို့​လည်း ငိုကြွေးမြည်တမ်း​ကြ​လေ​ပြီ​။

Common Language Bible

⁹ ဗိ​မာန်​တော်​တွင်​ပူ​ဇော်​ဆက်​သ​ရန်​ဂျုံ​ဆန်​သော်​လည်း​ကောင်း စ​ပျစ်​ရည်​သော်​လည်း​ကောင်း​မ​ရှိ​တော့​ပေ။ မိ​မိ​တို့​ထံ​တွင်​ထာ​ဝ​ရ​ဘု​ရား​အ​တွက် ပူ​ဇော်​သ​ကာ​များ​မ​ရှိ​သ​ဖြင့်​ယဇ်​ပု​ရော​ဟိတ်​တို့​သည်​ငို​ကြွေး​မြည်​တမ်း​ကြ​ကုန်​၏။

Garrad Bible

⁹ ဗိ မာန် တော့် ဆိုင် ရာ ဘော ဇဉ် သ က္ကာ နှင့် သွန်း လောင်း ရာ သ က္ကာ များ ကုန် ခန်း သည့် အ တွက်၊ ထာ ဝ ရ ဘု ရား၏ အ မှု တော် ဆောင် ပ ရော ဟိတ် တို့ မြည် တမ်း ကြ ရ ၏။

Judson Bible

⁹ ဘော​ဇဉ်​ပူ​ဇော်​သ​ကာ​နှင့် သွန်း​လောင်း​ရာ ပူ​ဇော်​သ​ကာ​သည် ထာ​ဝ​ရ​ဘု​ရား၏​အိမ်​တော်၌ ပြတ်၏။ ထာ​ဝ​ရ​ဘု​ရား၏ အ​မှု​တော်​စောင့် ယဇ်​ပု​ရော​ဟိတ်​တို့​သည် ငို​ကြွေး​မြည်​တမ်း​ကြ၏။

ယော​လ 1:9 Referencias Cruzadas

၂ ရာ​ချုပ် 13:10

ငါ​တို့​အဖို့​မူကား ထာဝရဘုရား​သည် ငါ​တို့​၏​ဘုရား ဖြစ်​၏​။ ငါ​တို့​သည် ဘုရားသခင်​ကို မ​စွန့်ပယ်​။ အာရုန်​၏​သား​များ​သည် ထာဝရဘုရား​၏​အမှု​တော်​ကို​ထမ်းဆောင်​သော​ယဇ်ပုရောဟိတ်​များ ဖြစ်​ကြ​၏​။ လေဝိ​အမျိုးသား​တို့​သည်​လည်း အမှု​တော်​ကို ထမ်းဆောင်​လျက်​ရှိ​ကြ​၏​။

ထွက်​မြောက် 28:1

ယဇ်ပုရောဟိတ်​အဖြစ် ငါ့​ထံ၌​အမှု​တော်​ကို​ဆောင်ရွက်​ရန် အစ္စရေး​အမျိုးသား​တို့​ထဲ​မှ သင့်​အစ်ကို​အာရုန်​နှင့်​သူ့​သား​များ​ဖြစ်​သော နာဒပ်​၊ အဘိဟု​၊ ဧလာဇာ​၊ ဣသမာ တို့​ကို သင့်​ထံသို့​လာ​စေ​လော့​။

ဟေ​ရှာ​ယ 61:6

သင်​တို့​ကို ထာဝရဘုရား​၏​ယဇ်ပုရောဟိတ်​ဟု ခေါ်ဝေါ်​ကြ​လိမ့်မည်​။ ဘုရားသခင်​၏​အမှု​တော်​ဆောင်​ဟု ခေါ်ဝေါ်​ကြ​လိမ့်မည်​။ သင်​တို့​သည် လူမျိုးခြား​တို့​၏​ဥစ္စာပစ္စည်း​ကို စံစား​ရ​လိမ့်မည်​။ သူ​တို့​၏​ဂုဏ်သရေ​၌ ဝါကြွား​ကြ​လိမ့်မည်​။

မြည်​တမ်း​စ​ကား 1:16

ထို့ကြောင့် ငါ​ငိုကြွေး​နေ​ရ​ပြီ​။ ငါ့​မျက်စိ​မှ မျက်ရည်​များ​စီးကျ​ရ​လေ​ပြီ​။ နှစ်သိမ့်ပေး​မည့်​သူ​၊ ငါ့​စိတ်ဝိညာဉ်​ကို ပြန်လည်​အားဖြည့်​ပေး​မည့်​သူ​သည် ငါ​နှင့်​အလှမ်းဝေး​လေ​ပြီ​။ ရန်သူ​က အနိုင်ရ​သောကြောင့် ငါ့​သားသမီး​တို့ ညှိုးငယ်​ရ​လေ​ပြီ​။

မြည်​တမ်း​စ​ကား 1:4

ပွဲတော်​သို့​လာ​သော​သူ​မ​ရှိ​တော့​ပြီ​ဖြစ်၍ ဇိအုန်​မြို့​လမ်း​တို့ ငိုကြွေးမြည်တမ်း​ကြ​လေ​ပြီ​။ မြို့​တံခါး​အားလုံး ဆိတ်ညံ​လေ​ပြီ​။ ယဇ်ပုရောဟိတ်​တို့​လည်း ညည်းတွား​ကြ​လေ​ပြီ​။ အပျိုကညာ​တို့​လည်း ဝမ်းနည်းကြေကွဲ​လျက် ခါးသီး​စွာ​ခံစား​နေ​ကြ​ရ​လေ​ပြီ​။

ဟော​ရှေ 9:4

သူ​တို့​သည် စပျစ်ဝိုင်​ကို ထာဝရဘုရား​ထံ သွန်းလောင်း​ပူဇော်​ရ​မည်​မ​ဟုတ်​။ သူ​တို့​၏​ပူဇော်သက္ကာ​တို့​ကို​လည်း ကိုယ်တော်​လက်ခံ​တော်မူ​မည်​မ​ဟုတ်​။ ထို​ပူဇော်သက္ကာ​သည် သူ​တို့​အဖို့ အသုဘ​အစာ​ကဲ့သို့ ဖြစ်​၏​။ စား​သော​သူ​အားလုံး ညစ်ညူး​ခြင်း​သို့ ရောက်​လိမ့်မည်​။ အကယ်စင်စစ် ထို​အစာ​သည် သူ​တို့​စား​ဖို့​သာ ဖြစ်​၏​။ ထာဝရဘုရား​အိမ်​တော်​သို့ မ​ယူဆောင်​လာ​ရ​။

ယော​လ 1:13

အို ယဇ်ပုရောဟိတ်​တို့​၊ လျှော်တေအဝတ်​ကို​ဝတ်​၍ မြည်တမ်း​ကြ​လော့​။ ယဇ်ပလ္လင်​၏​အမှုထမ်း​တို့​၊ ညည်းတွား​ကြ​လော့​။ ငါ​၏​ဘုရားသခင်​အမှု​တော်​ကို​ထမ်းဆောင်​သော​သူ​တို့​၊ လာ​ကြ​။ တစ်ညလုံး လျှော်တေအဝတ်​ကို​ဝတ်အိပ်​ကြ​လော့​။ အကြောင်းမူကား သင်​တို့​ဘုရားသခင်​၏​အိမ်​တော်​တွင် ဘောဇဉ်ပူဇော်သက္ကာ​၊ သွန်းလောင်းရာပူဇော်သက္ကာ​တို့ ကုန်ခန်း​လေ​ပြီ​။

ယော​လ 1:16

ငါ​တို့​၏​မျက်စိ​ရှေ့​တွင်​ပင် အစားအစာ​ပြတ်လပ်​လေ​ပြီ မ​ဟုတ်​လော​။ ငါ​တို့​ဘုရားသခင်​၏​အိမ်​တော်​တွင်​လည်း ဝမ်းမြောက်​ရွှင်လန်း​ခြင်း ဆိတ်သုဉ်း​လေ​ပြီ မ​ဟုတ်​လော​။

ယော​လ 2:14

သင်​တို့​၏​ဘုရားသခင်​ထာဝရဘုရား​သည် စိတ်​တော်​ပြေ​၍ ကိုယ်တော်​အား ဘောဇဉ်ပူဇော်သက္ကာ​နှင့် သွန်းလောင်းရာပူဇော်သက္ကာ​တို့​ပူဇော်​ခွင့်​ကောင်းချီး​ကို ချန်ထား​ပေး​မည်​၊ မ​ပေး​မည်​ကို မည်သူ​သိ​နိုင်​မည်နည်း​။

ယော​လ 2:17

ထာဝရဘုရား​၏​အမှု​တော်​ဆောင် ယဇ်ပုရောဟိတ်​တို့​သည် ဆင်ဝင်ပေါက်​နှင့်​ယဇ်ပလ္လင်​ကြား​တွင် ငိုကြွေး​လျက် “​အို ထာဝရဘုရား​၊ ကိုယ်တော်​၏​လူမျိုး​တော်​ကို သနား​တော်မူ​ပါ​။ ကိုယ်တော်​၏​အမွေ​တော်​ကို လူမျိုးခြား​တို့​အလယ်​တွင် ကဲ့ရဲ့စရာ​၊ ပုံခိုင်းစရာ​ဖြစ်​အောင် ပြု​တော်​မ​မူ​ပါ​နှင့်​။ လူမျိုးခြား​တို့​က ‘သူ​တို့​၏​ဘုရားသခင်​သည် အဘယ်မှာ​ရှိ​သနည်း’​ဟူ၍ လူမျိုးတကာ​၏​အလယ်​တွင် အဘယ်ကြောင့် ဆို​ရ​ပါ​မည်နည်း​”​ဟု လျှောက်​ကြ​စေ​။