ယော​ရှု 9:27 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁷ ထို​နေ့​၌ပင် သူ​တို့​ကို ထာဝရဘုရား​ရွေးချယ်​တော်မူ​သော​အရပ်​၌​တည်​သော​ယဇ်ပလ္လင်​နှင့် အစ္စရေး​လူထု​အတွက် ထင်း​ခွေ​၊ ရေ​ခပ်​သော​သူ​များ​အဖြစ် ယောရှု​စီရင်​ပေး​ထား​၍ ယနေ့​တိုင်အောင် ထို​အမှု​ကို သူ​တို့​ပြု​ကြ​၏​။

Common Language Bible

²⁷ တစ်​ချိန်​တည်း​၌​ပင်​သူ​တို့​အား​ကျွန်​များ အ​ဖြစ်​ဣ​သ​ရေ​လ​အ​မျိုး​သား​များ​နှင့် ထာ​ဝ​ရ​ဘု​ရား​၏​ယဇ်​ပလ္လင်​အ​တွက်​ရေ​ခပ် ထင်း​ခုတ်​သည့်​အ​လုပ်​ကို​လုပ်​စေ​၏။ ယ​နေ့ တိုင်​အောင်​သူ​တို့​သည်​ထာ​ဝ​ရ​ဘု​ရား​ရွေး ချယ်​သော​ဝတ်​ပြု​ကိုး​ကွယ်​ရာ​ဌာ​န​တွင် ရေ​ခပ်​ထင်း​ခုတ်​သည့်​အ​လုပ်​ကို​လုပ်​ရ ကြ​လေ​သည်။

Judson Bible

²⁷ ထာ​ဝ​ရ​ဘု​ရား ရွေး​ကောက်​တော်​မူ​သော​အ​ရပ်၌​တည်​သော ယဇ်​ပ​လ္လင်​တော်​အ​ဖို့​နှင့် ပ​ရိ​သတ်​တော်​အ​ဖို့ ထို​သူ​တို့​သည် ယ​နေ့​တိုင်​အောင် ထင်း​ခုတ်၍​ရေ​ခပ်​ရ​မည်​အ​ကြောင်း၊ ထို​နေ့၌ စီ​ရင်​လေ၏။

ယော​ရှု 9:27 Referencias Cruzadas

၂ ရာ​ချုပ် 2:16

အကျွန်ုပ်​တို့​သည် မင်းကြီး​အလို​ရှိသမျှ လက်ဘနွန်​တောင်​မှ​သစ်​တို့​ကို​ခုတ်​ပြီး ယုပ္ပေ​မြို့​အထိ ပင်လယ်​လမ်း​အတိုင်း ဖောင်ဖွဲ့​၍​ပို့လိုက်​မည်​။ ထို​နေရာ​မှ ဂျေရုဆလင်​မြို့​သို့ မင်းကြီး​ပြန်​သယ်ယူ​ပါ”​ဟူ၍ ဖြစ်​၏​။

တော​လည် 31:28

စစ်​ထွက်တိုက်​သော​စစ်သည်​တို့​ထံမှ လူ​၊ နွား​၊ မြည်း​၊ သိုး စသည်​တို့​ကို အယောက်​ငါး​ရာ​လျှင် တစ်​ယောက်​ကျ​၊ အကောင်​ငါး​ရာ​လျှင် တစ်​ကောင်​ကျ ထာဝရဘုရား​အဖို့ ချီမြှောက်​ရာ​ပူဇော်သက္ကာ​အဖြစ် ဖယ်ထား​ရ​မည်​။

တော​လည် 31:30

အစ္စရေး​အမျိုးသား​တို့​ရရှိ​သော​တစ်ဝက်​ထဲမှ လူ​နှင့် နွား​၊ မြည်း​၊ သိုး စသည့်​တိရစ္ဆာန်​အားလုံး​တို့​ကို အယောက်​ငါးဆယ်​လျှင် တစ်​ယောက်​ကျ​၊ အကောင်​ငါးဆယ်​လျှင် တစ်​ကောင်​ကျ ယူ​၍ ထာဝရဘုရား​ကိန်းဝပ်​တော်မူ​ရာ​တဲ​တော်​၏​အမှု​ကို ဆောင်ရွက်​သော​လေဝိ​အမျိုး​တို့​အား ပေး​ရ​မည်​”​ဟု မိန့်​တော်မူ​၏​။

တော​လည် 31:47

မောရှေ​သည် ထာဝရဘုရား​မိန့်မှာ​တော်မူ​သည့်​အတိုင်း အစ္စရေး​အမျိုးသား​တို့​ရရှိ​သော​တစ်ဝက်​ထဲမှ လူ အယောက်​ငါးဆယ်​လျှင် တစ်​ယောက်​၊ တိရစ္ဆာန် အကောင်​ငါးဆယ်​လျှင်​တစ်​ကောင် ယူ​၍ ထာဝရဘုရား​ကိန်းဝပ်​တော်မူ​ရာ​တဲ​တော်​၏​အမှု​ကို ဆောင်ရွက်​သော​လေဝိ​အမျိုး​တို့​အား ပေး​လေ​၏​။

တ​ရား​ဟော 12:11

ထိုအခါ သင်​တို့​၏​ဘုရားသခင်​ထာဝရဘုရား​သည် နာမ​တော်​ကိန်းဝပ်​ရာ​နေရာ​ကို​ရွေးချယ်​တော်မူ​မည်​။ သင်​တို့​အား ငါ​မှာကြား​ထား​သမျှ​အတိုင်း သင်​တို့​၏​မီးရှို့ရာယဇ်​၊ ပူဇော်သက္ကာ​၊ ဆယ်ဖို့တစ်ဖို့​၊ အလှူပစ္စည်း​၊ ထာဝရဘုရား​ထံ သင်​တို့​ကတိသစ္စာ​ပြု​ထား​သည့် ကတိသစ္စာ​ဆိုင်ရာ​အကောင်းဆုံး​ပူဇော်သက္ကာ​ရှိသမျှ​တို့​ကို ထို​နေရာ​သို့ သင်​တို့​ယူဆောင်​လာ​ရ​မည်​။

တ​ရား​ဟော 12:14

မျိုးနွယ်​တစ်​နွယ်​ထဲရှိ ထာဝရဘုရား​ရွေးချယ်​တော်မူ​သော​နေရာ​၌​သာ မီးရှို့ရာယဇ်​ကို ပူဇော်​ရ​မည်​။ ထို​နေရာ​၌ ငါ​မှာကြား​ထား​သမျှ​ကို သင်​ပြု​ရ​မည်​။

တ​ရား​ဟော 12:5

နာမ​တော်​တည်​ရာ​၊ ကိန်းဝပ်​တော်မူ​ရာ​အဖြစ် သင်​တို့​မျိုးနွယ်​အားလုံး​ထဲမှ သင်​တို့​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​ကို​ရှာ​၍ ထို​နေရာ​သို့​သာ​သွား​ရ​မည်​။

ယော​ရှု 9:21

“​ခေါင်းဆောင်​တို့ ပြော​ထား​သည့်​အတိုင်း သူ​တို့​ကို အသက်ချမ်းသာ​ခွင့်​ပေး​ပြီး လူထု​တစ်ရပ်လုံး​အတွက် ထင်း​ခွေ​၊ ရေ​ခပ်​ပေး​ရ​သော​အလုပ်​ကို လုပ်​စေ​”​ဟု ခေါင်းဆောင်​တို့​က သူ​တို့​အား ဆို​၏​။

ယော​ရှု 9:26

ထို့ကြောင့် သူ​တို့​အသတ်​မ​ခံရ​စေရန် ယောရှု​သည် သူ​တို့​ကို အစ္စရေး​အမျိုးသား​တို့​လက်​မှ ကယ်နုတ်​လေ​၏​။