ယော​ရှု 6:27 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁷ ဤသို့ဖြင့် ထာဝရဘုရား​သည် ယောရှု​နှင့်အတူ​ပါရှိ​တော်မူ​သဖြင့် သူ​၏​ဂုဏ်​သတင်း​သည် မြေ​တစ်ပြင်လုံး​သို့ ပျံ့နှံ့​လေ​၏​။

Common Language Bible

²⁷ ထာ​ဝ​ရ​ဘု​ရား​သည်​ယော​ရှု​နှင့်​အ​တူ​ရှိ တော်​မူ​၍​သူ​၏​နာ​မည်​သည်​တစ်​ပြည်​လုံး တွင်​ထင်​ရှား​ကျော်​စော​လေ​၏။

Garrad Bible

²⁷ ထို သို့ ထာ ဝ ရ ဘု ရား သည် ယော ရှု နှင့် အ တူ ရှိ တော် မူ၍ ပြည် လုံး နှံ့ ကျော် စော ကိ တ္တိ ရှိ လေ၏။

Judson Bible

²⁷ ထို​သို့ ထာ​ဝ​ရ​ဘု​ရား​သည် ယော​ရှု​နှင့်​အ​တူ ရှိ​တော်​မူ၍၊ သူ၏​သ​တင်း​သည် တစ်​ပြည်​လုံး၌ နှံ့​ပြား​ကျော်​စော​လေ၏။

ယော​ရှု 6:27 Referencias Cruzadas

ကမ္ဘာ​ဦး 39:21

သို့သော်လည်း ထာဝရဘုရား​သည် ယောသပ်​နှင့်အတူ​ရှိ​၍ သူ့​ကို မေတ္တာကရုဏာ​ပြ​လျက် ထောင်မှူး​ရှေ့​၌ မျက်နှာရ​စေ​တော်မူ​၏​။

၂ ရာ 7:9

သင်​သွား​လေရာရာ​၌ သင်​နှင့်အတူ ငါ​ပါရှိ​ပြီး သင့်​ရန်သူ​အပေါင်း​တို့​ကို သင့်​ရှေ့​မှ ငါ​ဖယ်ရှား​ပေး​ခဲ့​ပြီ​။ ကမ္ဘာ​ပေါ်တွင် နာမည်ကြီး​ကျော်ကြားသူ​ကဲ့သို့ သင့်​ကို နာမည်ကြီး​ကျော်ကြား​စေ​မည်​။

၁ ရာ​ချုပ် 14:17

ဤသို့ဖြင့် ဒါဝိဒ်​မင်းကြီး​၏​ဂုဏ်သတင်း​သည် တိုင်းပြည်​အရပ်ရပ်​သို့ ပျံ့နှံ့​သွား​ပြီး လူမျိုး​တကာ​တို့​သည် သူ့​ကို ကြောက်ရွံ့ရိုသေ​လာ​အောင် ထာဝရဘုရား ပြု​တော်မူ​လေ​၏​။

ဧ​သ​တာ 9:4

အကြောင်းမူကား မော်ဒကဲ​သည် ဘုရင့်​နန်းတော်​တွင် တန်ခိုးဩဇာ​ကြီးမား​၍ သူ​၏​ဂုဏ်​သတင်း​သည်​လည်း နယ်မြေဒေသ​တစ်ဝန်းလုံး​သို့ ပျံ့နှံ့​သဖြင့် မော်ဒကဲ​၏​တန်ခိုးဩဇာ​သည်​လည်း ပို၍​ပို၍​ကြီးလာ​လေ​၏​။

မဿဲ 14:1

ထို​အချိန်​တွင် နယ်စား​ဟေရုဒ်​သည် ယေရှု​၏​သတင်း​တော်​ကို​ကြား​၍

မဿဲ 18:20

အကြောင်းမူကား လူ​နှစ်​ဦး​၊ သို့မဟုတ် သုံး​ဦး​တို့​သည် ငါ​၏​နာမ​ဖြင့် တစ်နေရာရာ​တွင် စုဝေး​ကြ​သောအခါ ထို​နေရာ​တွင် သူ​တို့​အလယ်​၌ ငါ​ရှိ​၏”​ဟု မိန့်​တော်မူ​၏။

မဿဲ 28:20

သင်​တို့​အား ငါ​ပညတ်​ထား​သမျှ​သော​အရာ​အားလုံး​တို့​ကို​စောင့်ထိန်း​ရန် သူ​တို့​ကို သွန်သင်​ကြ​လော့။ ငါ​သည်​လည်း ကပ်ကမ္ဘာ​ကုန်ဆုံး​သည့်​တိုင်အောင် သင်​တို့​နှင့်အတူ အစဉ်မပြတ်​ရှိ​၏”​ဟု မိန့်​တော်မူ​၏။

မဿဲ 4:24

ထိုအခါ ကိုယ်တော်​၏​သတင်း​သည် ဆီးရီးယား​ပြည်​တစ်ဝန်းလုံး​သို့ ပျံ့နှံ့​သွား​သဖြင့် လူ​တို့​သည် ရောဂါ​အမျိုးမျိုး​စွဲကပ်​၍ ဝေဒနာ​ခံစား​နေ​ရ​သူ​များ၊ နတ်ဆိုး​ပူး​သူ​များ၊ ဝက်ရူးပြန်​ရောဂါ​စွဲ​သော​သူ​များ​နှင့် လေဖြတ်​သော​သူ​များ စသည့်​နာမကျန်း​ဖြစ်​သူ​အပေါင်း​တို့​ကို အထံ​တော်​သို့​ခေါ်ဆောင်​လာ​ကြ​ရာ ကိုယ်တော်​သည် သူ​တို့​ကို ကျန်းမာ​စေ​တော်မူ​၏။

တ​ရား​ဟော 31:6

အားယူ​၍​ရဲရင့်​ခြင်း​ရှိ​ကြ​လော့​။ မ​ကြောက်​ကြ​နှင့်​။ သူ​တို့​ကြောင့် မ​ထိတ်လန့်​ကြ​နှင့်​။ အကြောင်းမူကား သင်​တို့​၏​ဘုရားသခင်​ထာဝရဘုရား​သည် သင်​တို့​နှင့်အတူ​ကြွ​တော်မူ​မည်​။ သင်​တို့​ကို ပစ်ထား​တော်မူ​မည်​မ​ဟုတ်​။ သင်​တို့​ကို စွန့်ပစ်​တော်မူ​မည်​မ​ဟုတ်​”​ဟု ဆို​လေ​၏​။

၂ တိ 4:17

သို့သော် နှုတ်ကပတ်တော်​ဟောပြော​ခြင်း​အမှု​ကို ငါ့​အား​အပြည့်အဝ​ဆောင်ရွက်​စေ​၍ လူမျိုးခြား​အပေါင်း​တို့​သည် ထို​နှုတ်ကပတ်တော်​ကို​ကြားသိ​မည့်​အကြောင်း သခင်​ဘုရား​သည် ငါ့​ဘက်​၌​ရပ်တည်​လျက် ငါ့​ကို ခွန်အား​နှင့်​ပြည့်စုံ​စေ​တော်မူ​၏။ ဤသို့ဖြင့် ငါ​သည် ခြင်္သေ့​ခံတွင်း​မှ ကယ်နုတ်​ခြင်း​ခံရ​၏။

၂ တိ 4:22

သခင်​ဘုရား​သည် သင်​၏​စိတ်​ဝိညာဉ်​နှင့်အတူ​ရှိ​ပါစေသော။ ကျေးဇူး​တော်​သည် သင်​တို့​နှင့်အတူ​ရှိ​ပါစေသော။

ယော​ရှု 1:5

သင်​အသက်ရှင်​သမျှ​ကာလ​ပတ်လုံး သင့်​ရှေ့​၌ မည်သူ​မျှ​ခုခံရပ်တည်​နိုင်​မည်​မ​ဟုတ်​။ ငါ​သည် မောရှေ​နှင့်အတူ​ရှိ​သကဲ့သို့ သင်​နှင့်အတူ​ရှိ​မည်​။ သင့်​ကို​ငါ​ပစ်​ထား​မည်​မ​ဟုတ်​၊ စွန့်ပစ်​မည်​မ​ဟုတ်​။

ယော​ရှု 1:9

သင့်​ကို ငါ​မိန့်မှာ​ထား​သည်​မ​ဟုတ်​လော​။ အားယူ​၍​ရဲရင့်​ခြင်း​ရှိ​လော့​။ မ​ကြောက်​နှင့်​။ စိတ်​မ​ပျက်​နှင့်​။ သင်​သွား​လေရာရာ​၌ သင်​၏​ဘုရားသခင်​ထာဝရဘုရား​သည် သင်​နှင့်အတူ​ရှိ​၏​”​ဟု မိန့်​တော်မူ​၏​။

ယော​ရှု 9:1

ဂျော်ဒန်​မြစ်​တစ်ဖက် တောင်ပေါ်ဒေသ​၊ မြေနိမ့်ဒေသ​၊ လက်ဘနွန်​တောင်ခြေ​ရှိ​မြေထဲပင်လယ်​ကမ်းခြေ​တစ်လျှောက် တို့​၌​နေထိုင်​ကြ​သော ဟိတ္တိ​လူမျိုး​၊ အာမောရိ​လူမျိုး​၊ ခါနာန်​လူမျိုး​၊ ဖေရဇိ​လူမျိုး​၊ ဟိဝိ​လူမျိုး​၊ ယေဗုသိ​လူမျိုး​တို့​၏​ရှင်ဘုရင်​အပေါင်း​တို့​သည် အစ္စရေး​လူမျိုး​တို့​၏​သတင်း​ကို ကြား​သောအခါ

ယော​ရှု 9:3

ဂိဗောင်​မြို့သား​တို့​မူကား ဂျေရိခေါ​မြို့​နှင့်​အာဣ​မြို့​တို့​ကို ယောရှု​မည်သို့​တိုက်ခိုက်​ခဲ့​သည်​ကို ကြား​သောအခါ

ယော​ရှု 9:9

သူ​တို့​က​လည်း “​အကျွန်ုပ်​တို့​သည် သခင်​၏​ဘုရားသခင်​ထာဝရဘုရား​၏​နာမ​တော်​အကြောင်း​ကို​ကြား​၍ အလွန်​ဝေး​သော​ပြည်​မှ​လာ​သော သခင်​၏​ကျွန်​များ​ဖြစ်​ပါ​၏​။ အကျွန်ုပ်​တို့​သည် ထာဝရဘုရား​၏​ဂုဏ်​သတင်း​တော်​ကို​လည်းကောင်း​၊ အီဂျစ်​ပြည်​၌​ပြု​တော်မူ​ခဲ့​သမျှ​တို့​ကို​လည်းကောင်း​၊

သူ​ကြီး 1:19

ထာဝရဘုရား​သည် ယုဒ​အမျိုး​တို့​နှင့်အတူ ပါရှိ​တော်မူ​သဖြင့် သူ​တို့​သည် တောင်ပေါ်ဒေသ​တို့​ကို သိမ်းပိုက်​နိုင်​ခဲ့​၏​။ ချိုင့်ဝှမ်းဒေသ​၌​နေထိုင်​သော​သူ​တို့​မူကား သံ​စစ်ရထား​များ​ပိုင်ဆိုင်​သောကြောင့် ထို​သူ​တို့​ကို မ​နှင်ထုတ်​နိုင်​ခဲ့​ပေ​။

၁ ရာ 18:14

ထာဝရဘုရား​သည် ဒါဝိဒ်​နှင့်အတူ ပါရှိ​တော်မူ​သဖြင့် သူ​လုပ်ဆောင်​လေရာရာ​တို့​၌ အောင်မြင်​မှု​ရရှိ​လေ​၏​။

၁ ရာ 2:30

ထို့ကြောင့် အစ္စရေး​လူမျိုး​၏​ဘုရားသခင်​ထာဝရဘုရား​က ‘သင့်​အမျိုးအနွယ်​နှင့်​သင့်​ဘိုးဘေး​၏​အမျိုးအနွယ်​သည် ငါ့​ရှေ့​၌ အစဉ်​ဝင်ထွက်​သွားလာ​ရ​မည်’​ဟူ၍ ငါ​အမှန်ဆို​ခဲ့​၏​။ ယခုမှာ ထာဝရဘုရား​က ‘ထို​မိန့်ဆိုချက်​သည် ငါ​နှင့်​ဝေး​ပါစေ​။ ငါ့​ကို​ဂုဏ်ပြုချီးမြှောက်​သော​သူ​ကို ငါ​ဂုဏ်ပြုချီးမြှောက်​မည်​။ ငါ့​ကို​မထီမဲ့မြင်ပြု​သော​သူ​တို့​သည် မထီမဲ့မြင်ပြု​ခြင်း​ခံရ​မည်​။