ယော​ရှု 4:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ သင်​တို့​က​လည်း ဂျော်ဒန်​မြစ်ရေ​သည် ထာဝရဘုရား​၏​ပဋိညာဉ်​သေတ္တာ​တော်​ရှေ့​၌ ရပ်တန့်​ခဲ့​၏​။ သေတ္တာ​တော်​နှင့် ဂျော်ဒန်​မြစ်​ကို​ကူး​သောအခါ ဂျော်ဒန်​မြစ်ရေ​သည် ရပ်တန့်​ခဲ့​၏​။ ဤ​ကျောက်တုံး​တို့​သည် ဤ​အဖြစ်​ကို အစ္စရေး​အမျိုးသား​တို့ အစဉ်​အမှတ်ရ​စေရန်​အတွက်​ဖြစ်​သည်​ဟု သူ​တို့​အား ပြောပြ​ရ​မည်​”​ဟု ဆို​လေ​၏​။

Common Language Bible

⁷ သင်​တို့​က​ထာ​ဝ​ရ​ဘု​ရား​၏​ပ​ဋိ​ညာဉ်​သေတ္တာ တော်​ယော်​ဒန်​မြစ်​ကို​ဖြတ်​ကူး​စဉ်​အ​ခါ​က မြစ်​ရေ​စီး​ရပ်​တန့်​သွား​ကြောင်း​ပြန်​ပြော​ရ ကြ​မည်။ ဤ​ကျောက်​တုံး​များ​သည်​ဤ​အ​ရပ် တွင်​ဖြစ်​ပျက်​ခဲ့​သ​မျှ​တို့​ကို​ဣ​သ​ရေ​လ အ​မျိုး​သား​တို့​အား​အ​စဉ်​သ​တိ​ရ​စေ လိမ့်​မည်'' ဟု​ဆို​၏။

Garrad Bible

⁷ ထာ ဝ ရ ဘု ရား၏ ပ ဋိ ညာဉ် တော် သေ တ္တာ သည် ယော် ဒန် မြစ် ကို ကြွ ဝင် စဉ်၊ ထို သေ တ္တာ တော် ရှေ့ မြစ် ရေ ပြတ် ကြောင်း၊ ဣ သရေ လ အ မျိုး အ စဉ် အ ဆက် မ ပြတ် ထိမ်း မှတ် ဖွယ် ရာ ဖြစ် သည် တ ကား ဟူ ၍ သင် တို့ ပြန် ပြော ရ ကြ မည် ဟု မိန့် ဆို လေ ၏။

Judson Bible

⁷ သင်​တို့​က၊ ထာ​ဝ​ရ​ဘု​ရား၏​သေ​တ္တာ​တော်​သည် ယော်​ဒန်​မြစ်​ကို​ကူး​သော​အ​ခါ၊ သေ​တ္တာ​တော်​ရှေ့​မှာ မြစ်​ရေ​ပြတ်​လေ​သည်​ဟု ပြန်​ပြော​ရ​ကြ​မည်။ ထို​သို့ ဤ​ကျောက်​တို့​သည် အ​စဉ်​မ​ပြတ် ဣ​သ​ရေ​လ​အ​မျိုး​သား​အောက်​မေ့​စ​ရာ​ဖို့ ဖြစ်​ကြ​လိမ့်​မည်​ဟု ယော​ရှု​မှာ​ထား​သည်​အ​တိုင်း၊

ယော​ရှု 4:7 Referencias Cruzadas

ဆာ​လံ 111:4

ကိုယ်တော်​သည် မိမိ​၏​အံ့ဖွယ်​သော​အမှု​တို့​ကို အောက်မေ့စရာ​ဖြစ်​စေရန် စီရင်​တော်မူ​၏​။ ထာဝရဘုရား​သည် ကျေးဇူးပြု​တတ်​သော​သဘော​၊ သနားစုံမက်​တတ်​သော​သဘော​ရှိ​တော်မူ​၏​။

ထွက်​မြောက် 12:14

ဤ​နေ့​သည် သင်​တို့​အတွက် အောက်မေ့ဖွယ်​နေ့​ဖြစ်​၏​။ ဤ​နေ့​တွင် ထာဝရဘုရား​အဖို့ ပွဲတော်​ကျင်းပ​ရ​မည်​။ ထို​ပွဲတော်​ကို အစဉ်အမြဲ​လိုက်နာ​ရ​မည့်​ပြဋ္ဌာန်းချက်​အဖြစ် သင်​တို့​၏​မျိုးဆက်​အစဉ်အဆက် ကျင်းပ​ရ​မည်​။

ထွက်​မြောက် 28:12

ထို​ကျောက်​နှစ်​လုံး​ကို အစ္စရေး​အမျိုးသား​တို့​အတွက် အောက်မေ့ဖွယ်​ကျောက်​အဖြစ် ဧဖုဒ်​၏​ပခုံးသိုင်းကြိုး​အပေါ်​၌ တပ်​ရ​မည်​။ ထာဝရဘုရား​ရှေ့​တော်​၌ အောက်မေ့ဖွယ်​အဖြစ် သူ​တို့​၏​အမည်​ကို အာရုန်​သည် သူ​၏​ပခုံး​နှစ်​ဖက်​၌ ဆောင်​ရ​မည်​။

ထွက်​မြောက် 30:16

အစ္စရေး​အမျိုးသား​တို့​ထံ​မှ အပြစ်ဖြေလွှတ်​ခြင်း​အတွက် ငွေ​ကို​ယူ​၍ ၎င်း​ကို တွေ့ဆုံစည်းဝေးရာ​တဲ​တော်​၏​အမှု​တော်​အတွက် အသုံးပြု​ရ​မည်​။ ထို​ငွေ​သည် သင်​တို့​၏​အသက်​အတွက် အပြစ်ဖြေလွှတ်​ခြင်း​ဖြစ်ကြောင်း ထာဝရဘုရား​၏​ရှေ့​တော်​၌ အစ္စရေး​အမျိုးသား​တို့ အောက်မေ့​ဖို့​ရန်​အတွက် ဖြစ်​၏​”​ဟု မိန့်​တော်မူ​၏​။

ဟေ​ရှာ​ယ 66:3

နွား​ကို​သတ်​သော​သူ​သည် လူ​ကို​သတ်​သော​သူ​၊ သိုးသငယ်​ကို​ယဇ်ပူဇော်​သော​သူ​သည် ခွေး​၏​လည်ပင်း​ကို​ချိုး​သော​သူ​ဖြစ်​၏​။ ဘောဇဉ်ပူဇော်သက္ကာ​ကို​ပူဇော်​သော​သူ​သည် ဝက်​၏​သွေး​ကို​ပူဇော်​သော​သူ​၊ လော်ဗန်​ကို​ပူဇော်​သော​သူ​သည် ရုပ်တုဆင်းတု​ကို​ကောင်းချီးပေး​သော​သူ​ဖြစ်​၏​။ သူ​တို့​သည် မိမိ​တို့​နှစ်သက်​ရာ​လမ်း​ကို​ရွေးချယ်​ကြ​၍ သူ​တို့​၏​စိတ်ဝိညာဉ်​သည် ရွံရှာဖွယ်​ရာ​တို့​ကို နှစ်သက်​ကြ​၏​။

တော​လည် 16:40

ဤသည်ကား ကောရ​နှင့်​သူ​၏​အပေါင်းပါ​တို့​ကဲ့သို့​မ​ဖြစ်​မည့်​အကြောင်း ထာဝရဘုရား​ရှေ့​တော်​၌ နံ့သာပေါင်း​မီးရှို့​ဖို့ အာရုန်​၏​သားစဉ်မြေးဆက်​မ​ဟုတ်​သည့်​သာမန်လူ​တစ်စုံတစ်ယောက်​မျှ​မ​ချဉ်းကပ်​မိ​စေရန် အစ္စရေး​အမျိုးသား​တို့ အမှတ်ရစရာ​ဖြစ်​၏​။

တော​လည် 17:5

ငါ​ရွေးချယ်​သော​သူ​၏​တောင်ဝှေး​သည် အတက်ပေါက်​လိမ့်မည်​။ ဤသို့ဖြင့် သင်​တို့​ကို အပြစ်တင်​နေ​ကြ​သော အစ္စရေး​အမျိုးသား​တို့​မြည်တွန်တောက်တီး​သော​အသံ​ကို ငါ​ရပ်စဲ​စေ​မည်​”​ဟု မိန့်​တော်မူ​၏​။

၁ ကော 11:24

ကျေးဇူး​တော်​ချီးမွမ်း​ပြီးမှ မုန့်​ကို​ဖဲ့​၍“ဤ​မုန့်​ကား သင်​တို့​အတွက်​ချိုးဖဲ့​သော ငါ​၏​ကိုယ်ခန္ဓာ​ဖြစ်​၏။ ငါ့​ကို​အောက်မေ့​ဖို့​ရန် ဤသို့​ပြု​ကြ​လော့”​ဟု မိန့်​တော်မူ​၏။

တ​ရား​ဟော 16:3

သင်​သည် အီဂျစ်​ပြည်​မှ အလျင်စလို​ထွက်လာ​သောကြောင့် တဆေးမဲ့​ဆင်းရဲဒုက္ခ​မုန့်​ကို​စား​ခဲ့​ရ​၏​။ သို့ဖြစ်၍ သင်​အသက်ရှင်​သမျှ​ကာလ​ပတ်လုံး အီဂျစ်​ပြည်​မှ​ထွက်လာ​သော​နေ့​ကို​အောက်မေ့​မည့်​အကြောင်း ခုနစ်​ရက်​ပတ်လုံး ပသခါယဇ်​ကို​တဆေးမဲ့မုန့်​နှင့်​စား​ရ​မည်​။

ယော​ရှု 4:6

ဤ​ကျောက်တုံး​တို့​သည် သင်​တို့​အတွက် အမှတ်သင်္ကေတ​ဖြစ်​လိမ့်မည်​။ နောင်ကာလ​၌ သင်​တို့​၏​သားမြေး​တို့​က ‘​ဤ​ကျောက်တုံး​များ​ကား မည်သည့်​အဓိပ္ပာယ် ဆောင်​သနည်း​’​ဟု မေးမြန်း​လျှင်