ယော​ရှု 4:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ ထာဝရဘုရား​သည် တန်ခိုးကြီး​သော​ဘုရား​ဖြစ်​သည်​ကို မြေကြီးသား​အားလုံး​သိ​စေရန်​နှင့် သင်​တို့​၏​ဘုရားသခင်​ထာဝရဘုရား​ကို သင်​တို့​အစဉ်​ကြောက်ရွံ့ရိုသေ​ကြ​စေရန်​ဖြစ်​၏​”​ဟု ပြောကြား​၏​။

Common Language Bible

²⁴ ဤ​အံ့​ဖွယ်​သော​နိ​မိတ်​လက္ခ​ဏာ​ကြောင့်​ကမ္ဘာ ပေါ်​ရှိ​လူ​အ​ပေါင်း​တို့​သည် ထာ​ဝ​ရ​ဘု​ရား ၏​တန်​ခိုး​တော်​ကြီး​မား​ပုံ​ကို​သိ​မြင်​ကြ လိမ့်​မည်။ သင်​တို့​သည်​လည်း​သင်​တို့​၏​ဘု​ရား​သ​ခင်​ထာ​ဝ​ရ​ဘု​ရား​ကို အ​စဉ်​အ​မြဲ ကြောက်​ရွံ့​ရို​သေ​ကြ​လိမ့်​မည်'' ဟု​ဆို​လေ ၏။

Judson Bible

²⁴ သင်​တို့၏​ဘု​ရား​သ​ခင် ထာ​ဝ​ရ​ဘု​ရား​သည် ငါ​တို့​ရှေ့​မှာ ပင်​လယ်​ရေ​ကို ခန်း​ခြောက်​စေ​တော်​မူ​သည်​နည်း​တူ၊ သင်​တို့​သည် ယော်​ဒန်​မြစ်​ကို​ကူး၍ ကမ်း​တစ်​ဖက်​သို့​မ​ရောက်​မီ​တိုင်​အောင်၊ သင်​တို့​ရှေ့​မှာ မြစ်​ရေ​ကို ခန်း​ခြောက်​စေ​တော်​မူ​သည်​ဟု ယော​ရှု​မှာ​ထား​လေ၏။

ယော​ရှု 4:24 Referencias Cruzadas

၃ ရာ 8:40

သို့မှသာ အကျွန်ုပ်​တို့​၏​ဘိုးဘေး​တို့​အား ကိုယ်တော်​ပေးသနား​တော်မူ​သော​ပြည်​တွင် သူ​တို့​အသက်ရှင်​သမျှ​ကာလ​ပတ်လုံး ကိုယ်တော့်​ကို ကြောက်ရွံ့ရိုသေ​ကြ​ပါ​လိမ့်မည်​။

၃ ရာ 8:60

သို့မှ ထာဝရဘုရား​တစ်ပါးတည်း​သာ ဘုရား​ဖြစ်​တော်မူ​ပြီး အခြား​ဘုရား​မ​ရှိ​ကြောင်း​ကို မြေကြီးသား​အပေါင်း​တို့ သိ​ရ​ကြ​လိမ့်မည်​။

၄ ရာ 19:19

အို အကျွန်ုပ်​တို့​၏​ဘုရားသခင်​ထာဝရဘုရား​၊ ကိုယ်တော်​တစ်ပါးတည်း​သာ ထာဝရဘုရား​ဖြစ်​တော်မူ​ကြောင်း​ကို မြေကြီး​ပေါ်ရှိ​တိုင်းနိုင်ငံ​အားလုံး သိမြင်​စေရန် အကျွန်ုပ်​တို့​ကို ထို​ဘုရင်​၏​လက်​မှ ယခု​ကယ်နုတ်​တော်မူ​ပါ​”​ဟု ဆုတောင်း​လေ​၏​။

၄ ရာ 5:15

သူ​သည် နောက်လိုက်ဗိုလ်ပါ​အပေါင်း​တို့​နှင့်တကွ ဘုရားသခင်​၏​လူ​ထံ​ပြန်လာ​ပြီး သူ့​ရှေ့​တွင် သွား​ရပ်​လျက် “​အစ္စရေး​ပြည်​မှလွဲ၍ မြေ​တစ်ပြင်လုံး​တွင် ဘုရားသခင် မ​ရှိ​ကြောင်း​ကို အကျွန်ုပ်​သိ​ပါ​ပြီ​။ ယခု အရှင့်​အစေအပါး​၏​လက်ဆောင်​ကို လက်ခံ​ပါ​လော့​”​ဟု ဆို​၏​။

၁ ရာ​ချုပ် 29:12

ဓနဥစ္စာ​နှင့် ဂုဏ်သရေ​သည် ကိုယ်တော့်​ထံ​မှ လာ​ပါ​၏​။ အရာ​ခပ်သိမ်း​ကို အုပ်စိုး​ပိုင်သ​တော်မူ​ပါ​၏​။ ကိုယ်တော်​၏​လက်​တော်​သည် အစွမ်း​တန်ခိုး​နှင့်​ပြည့်ဝ​တော်မူ​သဖြင့် လူ​ခပ်သိမ်း​အား ကြီးမြတ်​စေ​နိုင်​၍ ခွန်အား​ကို​လည်း ပေး​နိုင်​စွမ်း​ရှိ​တော်မူ​ပါ​၏​။

ယောဘဝတ္တု။ 40:9

ငါ​ဘုရားသခင်​၏​လက်ရုံး​မျိုး သင်​၌​ရှိ​သလော​။ မိုးချုန်းသံ​ကဲ့သို့သော​အသံ​မျိုး သင်​၌​ရှိ​သလော​။

ဆာ​လံ 106:8

သို့သော် ကိုယ်တော်​သည် မိမိ​၏​အစွမ်းတန်ခိုး​တော်​ထင်ရှား​စေရန် မိမိ​၏​နာမ​တော်​ကို​ထောက်၍ သူ​တို့​ကို​ကယ်တင်​တော်မူ​၏​။

ဆာ​လံ 89:13

ကိုယ်တော်​၌ အစွမ်းတန်ခိုး​နှင့်​ပြည့်စုံ​သော​လက်ရုံး​တော်​ရှိ​ပါ​၏​။ ကိုယ်တော်​၏​လက်​တော်​သည် တန်ခိုးကြီး​၍ ကိုယ်တော်​၏​လက်ယာ​လက်​တော်​သည် ချီးမြှောက်​ခြင်း​ရှိ​ပါ​၏​။

ဆာ​လံ 89:7

ဘုရားသခင်​သည် သန့်ရှင်း​သော​သူ​တို့​၏ အစည်းအဝေး​တွင် အလွန်​ကြောက်ရွံ့ရိုသေ​ခြင်း​ကို ခံရ​သော​အရှင်​ဖြစ်​တော်မူ​၏​။ ကိုယ်တော်​၏​ပတ်လည်​၌​ရှိ​သော​သူ​အပေါင်း​တို့​ထက် အံ့ဩ​ဖွယ်​ဖြစ်​တော်မူ​၏​။

ထွက်​မြောက် 14:31

ထာဝရဘုရား​သည် အီဂျစ်​လူမျိုး​တို့​ကို ကြီးမား​သော​တန်ခိုး​တော်​ဖြင့် စီရင်​တော်မူ​သည်​ကို အစ္စရေး​လူမျိုး​တို့ တွေ့မြင်​ကြ​သဖြင့် သူ​တို့​သည် ထာဝရဘုရား​ကို ကြောက်ရွံ့​ကြ​၏​။ ထာဝရဘုရား​ကို​လည်းကောင်း​၊ ကိုယ်တော်​၏​အစေအပါး​မောရှေ​ကို​လည်းကောင်း ယုံကြည်​ကြ​၏​။

ထွက်​မြောက် 15:16

ကြောက်ရွံ့​ထိတ်လန့်ဖွယ်ဘေး​တို့​သည် သူ​တို့​အပေါ်​သို့​ကျရောက်​လိမ့်မည်​။ အို ထာဝရဘုရား​၊ ကိုယ်တော်​၏​လူမျိုး​တော်​တို့​ကျော်လွန်​သွား​သည်​အထိ​၊ ကိုယ်တော်​ဝယ်ယူ​တော်မူ​သော​လူမျိုး​တော်​တို့ ကျော်လွန်​သွား​သည်​အထိ ကိုယ်တော်​၏​ကြီးမား​သော​လက်ရုံး​တော်​ကြောင့် သူ​တို့​သည် ကျောက်တုံး​ကဲ့သို့ တိတ်ဆိတ်​နေ​ကြ​လိမ့်မည်​။

ထွက်​မြောက် 20:20

မောရှေ​က​လည်း လူ​တို့​အား “​မ​ကြောက်​ကြ​နှင့်​။ သင်​တို့​သည် ဘုရားသခင်​ကို​ကြောက်ရွံ့​၍ အပြစ်​မ​ပြု​မည့်​အကြောင်း ဘုရားသခင်​သည် သင်​တို့​ကို စမ်းသပ်​ရန် ကြွလာ​တော်မူ​၏​”​ဟု ဆို​လေ​၏​။

ထွက်​မြောက် 9:16

အကယ်စင်စစ် သင့်​အား ငါ​၏​တန်ခိုး​ကို​ပြသ​ရန်​နှင့် မြေ​တစ်ပြင်လုံး​၌ ငါ​၏​နာမ​ကို ကြေညာ​ရန် ငါ​သည် သင့်​ကို တည်​နေ​စေ​ခြင်း​ဖြစ်​၏​။

ဟေ​ရှာ​ယ 52:10

ထာဝရဘုရား​သည် လူမျိုး​တကာ​တို့​၏​မျက်မှောက်​၌ မိမိ​၏​သန့်ရှင်း​သော​လက်ရုံး​တော်​ကို​ပြ​တော်မူ​သဖြင့် မြေကြီး​စွန်း​ရှိသမျှ​တို့​သည် ငါ​တို့​ဘုရားသခင်​၏​ကယ်တင်​ခြင်း​ကို တွေ့မြင်​ရ​ကြ​လိမ့်မည်​။

ယေ​ရ​မိ 32:40

သူ​တို့​ကို မ​စွန့်ပစ်​ဘဲ အစဉ်​ကောင်းစား​စေ​မည့်​အကြောင်း ငါ​သည် သူ​တို့​နှင့် ထာဝရ​ပဋိညာဉ်​ဖွဲ့​မည်​။ သူ​တို့​သည် ငါ့​ထံမှ မ​ထွက်သွား​မည့်​အကြောင်း ငါ့​ကို​ကြောက်ရွံ့ရိုသေ​ခြင်း​သဘော​ကို သူ​တို့​စိတ်နှလုံး​ထဲသို့ သွင်းပေး​မည်​။

တ​ရား​ဟော 28:10

သင့်​အပေါ် ထာဝရဘုရား​၏​နာမ​တော်​တည်​ကြောင်း မြေကြီး​ပေါ်ရှိ လူမျိုး​အပေါင်း​တို့​သည် သိမြင်​၍ သင့်​ကို​ကြောက်ရွံ့​ကြ​လိမ့်မည်​။

တ​ရား​ဟော 6:2

သင်​မှစ၍ သင်​၏​သား​မြေး​တို့​သည် အသက်ရှင်​သမျှ​ကာလ​ပတ်လုံး သင်​၏​ဘုရားသခင်​ထာဝရဘုရား​ကို​ကြောက်ရွံ့​၍ သင့်​အား​ငါ​ဆင့်ဆို​သည့် ကိုယ်တော်​၏​ပြဋ္ဌာန်းချက်​နှင့်​ပညတ်တော်​ရှိသမျှ​တို့​ကို​စောင့်ထိန်း​ရ​မည်​။ ထိုသို့​ပြု​လျှင် သင်​တို့​သည် အသက်​ရှည်​လိမ့်မည်​။

၁ ရာ 17:46

ယနေ့​တွင် ထာဝရဘုရား​သည် သင့်​ကို ငါ့​လက်​သို့​အပ်နှံ​တော်မူ​မည်​။ သင့်​ကို ငါ​သတ်​ပြီး သင့်​ခေါင်း​ကို ဖြတ်ပစ်​မည်​။ ယနေ့​ပင် ဖိလိတ္တိ​လူမျိုး​စစ်သည်​အသေကောင်​များ​ကို မိုးကောင်းကင်​ငှက်​များ​၊ တောရိုင်းတိရစ္ဆာန်​များ​အား ကျွေး​ပစ်​မည်​။ သို့မှ အစ္စရေး​လူမျိုး​တို့​၌ ဘုရားသခင်​ရှိ​တော်မူ​ကြောင်း​ကို ကမ္ဘာမြေ​တစ်ခွင်လုံး သိ​ရ​ကြ​လိမ့်မည်​။