ယော​ရှု 3:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ မြေ​တစ်ပြင်လုံး​ကို​အစိုးရ​သော​အရှင် ထာဝရဘုရား​၏​သေတ္တာ​တော်​ကို​ထမ်း​ရ​သော ယဇ်ပုရောဟိတ်​တို့​သည် ဂျော်ဒန်​မြစ်ရေ​၌ ခြေချ​လိုက်​သည်​နှင့် အထက်​မှ​စီးဆင်း​လာ​သော​ရေ​သည် ရပ်သွား​၍ တစ်ဖက်တည်း​၌​စုပုံ​လျက် တန့်​နေ​လိမ့်မည်​”​ဟု ဆို​လေ​၏​။

Common Language Bible

¹³ ကမ္ဘာ​မြေ​ကြီး​တစ်​ခု​လုံး​ကို​အ​စိုး​ရ​တော် မူ​သော ထာ​ဝ​ရ​ဘု​ရား​၏​ပ​ဋိ​ညာဉ်​သေတ္တာ တော်​ကို​ပင့်​ဆောင်​ကြ​သည့်​ယဇ်​ပု​ရော​ဟိတ် များ​သည် မြစ်​ရေ​ကို​နင်း​မိ​သည်​နှင့်​တစ်​ပြိုင် နက်​မြစ်​ညာ​မှ​စီး​ဆင်း​လာ​သော​ရေ​သည် ရပ်​တန့်​၍​တစ်​နေ​ရာ​တည်း​တွင်​ပင်​စု​ပုံ လျက်​ရှိ​လိမ့်​မည်'' ဟု​ဆို​လေ​၏။

Garrad Bible

¹³ မြေ တစ် ပြင် လုံး ပိုင် ရှင် ထာ ဝ ရ ဘု ရား၏ သေ တ္တာ တော် ကို ပင့် ဆောင် သော ပ ရော ဟိတ် တို့ ခြေ သည် ယော် ဒန် မြစ် ရေ တွင် နင်း ရပ် သည် နှင့် တစ် ပြိုင် နက်၊ အ ထက် မှ စီး လာ သော ရေ ကွဲ ပြတ်၍ တစ် ဘက် သတ် စု ပုံ လိမ့် မည် ဟု မိန့် ဆို လေ၏။

Judson Bible

¹³ မြေ​ကြီး​တစ်​ပြင်​လုံး​ကို အ​စိုး​ရ​တော်​မူ​သော အ​ရှင်​ထာ​ဝ​ရ​ဘု​ရား၏ သေ​တ္တာ​တော်​ကို​ထမ်း​သော ယဇ်​ပု​ရော​ဟိတ်​ခြေ​ဖ​ဝါး​တို့​သည်၊ ယော်​ဒန်​မြစ်​ရေ​ကို​နင်း​သော​ခ​ဏ​ချင်း​တွင်၊ မြစ်​ညာ​ရေ​သည် ပြတ်၍ ပုံ့​ပုံ့​ကြွ​လျက်​နေ​လိမ့်​မည်​ဟု ဆို​လေ၏။

ယော​ရှု 3:13 Referencias Cruzadas

၁ ရာ​ချုပ် 29:11

အို ထာဝရဘုရား​၊ ကိုယ်တော်​သည် ကြီးမြတ်​တော်မူ​ပါ​၏​။ အစွမ်းတန်ခိုး​၊ ဘုန်း​တော်​၊ ဂုဏ်​တော်​နှင့်​ပြည့်စုံ​ပါ​၏​။ ခန့်ညားထည်ဝါ​ပါ​၏​။ ကောင်းကင်​နှင့် မြေကြီး​ပေါ်ရှိ​အရာ​အားလုံး​ကို ပိုင်သ​တော်မူ​ပါ​၏​။ နိုင်ငံ​တော်​သည် ထာဝရဘုရား​ပိုင်​တော်မူ​ရာ​ဖြစ်​ပါ​၏​။ ကိုယ်တော်​သည် အရာ​ခပ်သိမ်း​၏​ဦးခေါင်း​ထက်​တွင် ချီးမြှောက်​ခြင်း​ခံရ​သော​အရှင် ဖြစ်​တော်မူ​ပါ​၏​။

ဆာ​လံ 33:7

ကိုယ်တော်​သည် ပင်လယ်​ရေ​များ​ကို တာတမံ​ကဲ့သို့​စုဝေး​စေ​၍ နက်ရှိုင်း​သော​ရေထု​များ​ကို သိုလှောင်​တိုက်​ထဲ၌ ထား​တော်မူ​၏​။

ဆာ​လံ 74:15

ကိုယ်တော်​သည် စမ်းရေ​နှင့်​စမ်းချောင်း​ကို ပေါက်ထွက်​စေ​၍ အမြဲ​စီးဆင်း​သော​မြစ်​များ​ကို ခန်းခြောက်​စေ​တော်မူ​၏​။

ဆာ​လံ 78:13

ပင်လယ်​ကို​ခွဲ​၍ သူ​တို့​ကို​ဖြတ်သွား​စေ​တော်မူ​၏​။ ရေ​များ​ကို တာတမံ​ကဲ့သို့ မတ်မတ်တည်​စေ​တော်မူ​၏​။

ထွက်​မြောက် 15:8

ကိုယ်တော်​၏​နှာခေါင်း​တော်​မှ​လေ​ကို မှုတ်ထုတ်​လိုက်​သောအခါ ရေ​သည် မို့မောက်​လာ​၏​။ စီး​သော​ရေ​သည်​လည်း စုပုံ​၍ တန့်သွား​၏​။ ပင်လယ်​ထဲမှ ရေထု​သည်​လည်း ခဲ​လေ​၏​။

ဟေ​ရှာ​ယ 54:5

အကြောင်းမူကား သင့်​ကို​ဖန်ဆင်း​တော်မူ​သော​အရှင်​သည် သင်​၏​ခင်ပွန်း​ဖြစ်​၏​။ နာမ​တော်​ကား ကောင်းကင်​ဗိုလ်ခြေ​အရှင်​ထာဝရဘုရား​ပေတည်း​။ သင့်​ကို​ရွေးနုတ်​တော်မူ​သော​အရှင်​သည် အစ္စရေး​လူမျိုး​၏​သန့်ရှင်း​သော​အရှင်​ဖြစ်​၏​။ မြေကြီး​တစ်ပြင်လုံး​၏​ဘုရား​ဟု ခေါ်ဝေါ်​ခြင်း​ခံရ​၏​။

ဟ​ဗက္ကုတ် 3:15

ကိုယ်တော်​သည် မြင်း​တော်​များ​ဖြင့် လှိုင်းထန်​နေ​သော​ပင်လယ်ပြင်​ကြီး​ကို ဖြတ်သွား​တော်မူ​၏​။

ဇာ​ခ​ရိ 4:14

သူ​က​လည်း “​ဤ​အရာ​များ​ကား မြေ​တစ်ပြင်လုံး​၏​အရှင်​ရှေ့​၌ ခစား​သော ဘိသိက်​ခံရ​သူ​နှစ်​ဦး​ကို ဆိုလို​သည်​”​ဟု မိန့်ဆို​လေ​၏​။

ယော​ရှု 3:11

မြေ​တစ်ပြင်လုံး​ကို​အစိုးရ​သော​အရှင်သခင်​၏​ပဋိညာဉ်​သေတ္တာ​တော်​သည် ဂျော်ဒန်​မြစ်​ကို သင်​တို့​ရှေ့​မှ​ကူးသွား​မည်​။

ယော​ရှု 4:7

သင်​တို့​က​လည်း ဂျော်ဒန်​မြစ်ရေ​သည် ထာဝရဘုရား​၏​ပဋိညာဉ်​သေတ္တာ​တော်​ရှေ့​၌ ရပ်တန့်​ခဲ့​၏​။ သေတ္တာ​တော်​နှင့် ဂျော်ဒန်​မြစ်​ကို​ကူး​သောအခါ ဂျော်ဒန်​မြစ်ရေ​သည် ရပ်တန့်​ခဲ့​၏​။ ဤ​ကျောက်တုံး​တို့​သည် ဤ​အဖြစ်​ကို အစ္စရေး​အမျိုးသား​တို့ အစဉ်​အမှတ်ရ​စေရန်​အတွက်​ဖြစ်​သည်​ဟု သူ​တို့​အား ပြောပြ​ရ​မည်​”​ဟု ဆို​လေ​၏​။