ယော​ရှု 23:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ သင်​တို့​အား သင်​တို့​၏​ဘုရားသခင်​ထာဝရဘုရား မိန့်​တော်မူ​သော ကောင်းကျိုးဆိုင်ရာ​ကတိ​တော်​ဟူသမျှ​ကို သင်​တို့​အပေါ်​သက်ရောက်​စေ​မည်​ဖြစ်​သကဲ့သို့ သင်​တို့​အား သင်​တို့​၏​ဘုရားသခင်​ထာဝရဘုရား​ပေး​တော်မူ​သည့် ဤ​သာယာဝပြော​သော​ပြည်​မှ သုတ်သင်​မ​ခံရ​မ​ချင်း ထာဝရဘုရား​သည် ဘေးအန္တရာယ်​ရှိသမျှ​တို့​ကို သင်​တို့​အပေါ်​သို့​သက်ရောက်​စေ​တော်မူ​လိမ့်မည်​။

Common Language Bible

¹⁵ ကိုယ်​တော်​သည်​က​တိ​တော်​ရှိ​သည်​အ​တိုင်း​သင် တို့​အား ကောင်း​ချီး​မင်္ဂလာ​ကို​ချ​ပေး​တော်​မူ​သည် မှန်​သော်​လည်း ကိုယ်​တော်​စ​ကား​ကို​နား​မ​ထောင် လျှင်​မူ​ကား သင်​တို့​အ​ပေါ်​သို့​ဘေး​ဒုက္ခ​အ​ပေါင်း တို့​ကို​ကျ​ရောက်​စေ​တော်​မူ​လိမ့်​မည်။-

Garrad Bible

^15-16 တစ် ပါး မ ယုတ်၊ ပြည့် စုံ သ တည်း။ ကိုယ့် ဘု ရား သ ခင် ထာ ဝ ရ ဘု ရား က တိ ထား တော် မူ သော ဆု ကျေး ဇူး အ လုံး စုံ သက် ရောက် ခဲ့ သည့် နည်း တူ ကိုယ့် ဘု ရား သ ခင် ထာ ဝ ရ ဘု ရား ထား တော် မူ သော ပ ဋိ ညာဉ် ကို ဖောက် ကျော် လျက် အ ခြား ဘု ရား များ နောက် လိုက် သွား ဝတ် ပြု ရှိ ခိုး ကြ မူ၊ ကိုယ့် ဘု ရား သ ခင် ထာ ဝ ရ ဘု ရား ပေး တော် မူ သော ဤ ပြည် ကောင်း မှ သင် တို့ ကို ဖျက် ပယ် တော် မ မူ မ ချင်း၊ ဘေး အ မျိုး မျိုး ကို သင့် စေ တော် မူ၍ အ မျက် တော် ရှိန် ကြောင့် ရှောင် တ ခင် ပျက် စီး ကြ လိမ့် မည် ဟု မိန့် ဆို လေ၏။

Judson Bible

¹⁵ သင်​တို့၏​ဘု​ရား​သ​ခင် ထာ​ဝ​ရ​ဘု​ရား က​တိ​တော်​ရှိ​သည်​အ​တိုင်း၊ ကောင်း​ကျိုး​အ​ပေါင်း​တို့​သည် သင်​တို့​အ​ပေါ်၌ ရောက်​သ​ကဲ့​သို့၊ ထို​အ​တူ သင်​တို့၏ ဘု​ရား​သ​ခင် ထာ​ဝ​ရ​ဘု​ရား​ပေး​တော်​မူ​သော ဤ​ကောင်း​မွန်​သော​ပြည်​မှ သင်​တို့​ကို သုတ်​သင်​ပယ်​ရှင်း​တော်​မ​မူ​မီ​တိုင်​အောင်၊ ထာ​ဝ​ရ​ဘု​ရား​သည် သင်​တို့​အ​ပေါ်၌ ဘေး​ဥ​ပဒ်​အ​ပေါင်း​တို့​ကို ရောက်​စေ​တော်​မူ​မည်။

ယော​ရှု 23:15 Referencias Cruzadas

၃ ရာ 14:15

အစ္စရေး​လူမျိုး​သည် အာရှရ​နတ်ဘုရားမ​တံခွန်တိုင်​များ​ကို ပြုလုပ်​ပြီး ထာဝရဘုရား​ကို​အမျက်ထွက်​စေ​သောကြောင့် ထာဝရဘုရား​သည် သူ​တို့​ကို ရေ​ထဲ၌​လှုပ်ခါယမ်း​သော​ကျူပင်​ကဲ့သို့ လှုပ်ခါယမ်း​စေ​မည်​။ ဘိုးဘေး​တို့​အား​ပေး​တော်မူ​သည့် ဤ​သာယာဝပြော​သော​ပြည်​ထဲမှ အစ္စရေး​လူမျိုး​တို့​ကို ထုတ်ပစ်​၍ ယူဖရေးတီး​မြစ်​တစ်ဖက်ကမ်း​သို့ ကွဲလွင့်​သွား​စေ​မည်​။

၃ ရာ 8:56

“​ကတိ​တော်​အလုံးစုံ​နှင့်အညီ မိမိ​လူမျိုး​တော်​အစ္စရေး​တို့​အား အေးချမ်းသာယာမှု​ကို ပေးသနား​တော်မူ​သော ထာဝရဘုရား​သည် မင်္ဂလာ​ရှိ​ပါစေသော​။ ကိုယ်တော်​၏​အစေအပါး​မောရှေ​အား မိန့်မှာ​ထား​ခဲ့​သည့် ကောင်းမြတ်​သော​ကတိ​တော်​များ တစ်စုံတစ်ခု​မျှ​မ​ပျက်ယွင်း​ပါ​။

ဟေ​ရှာ​ယ 24:6

ထို့ကြောင့် ကျိန်​ခြင်း​သည် ကမ္ဘာမြေကြီး​ကို လောင်ကျွမ်း​လေ​ပြီ​။ မြေကြီးသား​တို့​အပေါ် အပြစ်​သက်ရောက်​လေ​ပြီ​။ မြေကြီးသား​တို့​ကို အမျက်မီး​လောင်ကျွမ်း​၍ လူ​အနည်းငယ်​သာ ကြွင်းကျန်​၏​။

ယေ​ရ​မိ 32:24

ကြည့်ရှု​တော်မူ​ပါ​။ မြို့​ကို​သိမ်းယူ​ရန် မြေကတုတ်​ကို တည်ဆောက်​ကြ​ပြီ​။ ဓားဘေး​၊ ငတ်မွတ်ခေါင်းပါး​ခြင်း​ဘေး​၊ ကပ်ရောဂါ​ဘေး​တို့​ကြောင့် ဤ​မြို့​သည် တိုက်ခိုက်​လာ​သော​ခါလဒဲ​တပ်​၏​လက်​သို့ ရောက်​ရ​လိမ့်မည်​။ ကြည့်ရှု​တော်မူ​ပါ​။ မိန့်​တော်မူ​သည့်​အတိုင်း ဖြစ်လာ​သည်​ကို ကိုယ်တော်​မြင်​တော်မူ​ပါ​၏​။

ယေ​ရ​မိ 32:42

ထာဝရဘုရား​က ‘အကယ်စင်စစ် ငါ​သည် ဤ​လူမျိုး​အပေါ် ကြီးမား​သော​ဘေးအန္တရာယ်​အလုံးစုံ​ကို ကျရောက်​စေ​သည့်​နည်းတူ ငါ​ကတိထား​သော ကောင်းကျိုးချမ်းသာ​အလုံးစုံ​ကို​လည်း သူ​တို့​အပေါ် သက်ရောက်​စေ​မည်​။

ယေ​ရ​မိ 35:17

အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ဘုရားသခင်​ထာဝရဘုရား​က ‘ကြည့်ရှု​လော့​။ ယုဒ​ပြည်သူ ဂျေရုဆလင်​မြို့သား​တို့​သည် ငါ​မိန့်ဆို​သော်လည်း ငါ့​စကား​ကို နား​မ​ထောင်​ကြ​၊ ငါ​ခေါ်​သော်လည်း သူ​တို့​မ​ထူး​ကြ​သောကြောင့် ငါ​မိန့်ဆို​ခဲ့​သည့်​အတိုင်း ဘေးအန္တရာယ်​အလုံးစုံ​ကို သူ​တို့​အပေါ် ကျရောက်​စေ​မည်’​ဟူ၍ မိန့်​တော်မူ​သည်​”​ဟု မိန့်ဆို​၏​။

ဝတ်​ပြု 26:3

သင်​တို့​သည် ငါ​၏​ပြဋ္ဌာန်းချက်​တို့​ကို လိုက်လျှောက်​၍ ငါ​၏​ပညတ်တော်​တို့​ကို လိုက်နာ​စောင့်ထိန်း​လျှင်

၁ သက် 2:16

လူမျိုးခြား​တို့​ကယ်တင်​ခြင်း​ရရှိ​ရန် ငါ​တို့​ဟောပြော​သည်​ကို တားမြစ်​ကာ မိမိ​တို့​အပြစ်​များ​ကို အစဉ်အမြဲ​ဖြည့်ဆည်း​ကြ​၏။ သို့ဖြစ်၍ အမျက်​တော်​သည် သူ​တို့​အပေါ်သို့ အဆုံးစွန်​သက်ရောက်​လေ​၏။

သူ​ကြီး 13:1

တစ်ဖန် အစ္စရေး​အမျိုးသား​တို့​သည် ထာဝရဘုရား​ရှေ့​တော်​တွင် မကောင်းမှု​ကို ပြု​ကြ​ပြန်​၏​။ ထို့ကြောင့် ထာဝရဘုရား​သည် သူ​တို့​ကို ဖိလိတ္တိ​လူမျိုး​တို့​လက်​သို့ အနှစ်​လေးဆယ်​အပ်​လိုက်​တော်မူ​၏​။

သူ​ကြီး 3:12

တစ်ဖန် အစ္စရေး​အမျိုးသား​တို့​သည် ထာဝရဘုရား​ရှေ့​တော်​တွင် မကောင်းမှု​ကို ပြု​ကြ​ပြန်​၏​။ ထိုသို့ ထာဝရဘုရား​ရှေ့​တော်​တွင် မကောင်းမှု​ကို ပြု​သောကြောင့် ထာဝရဘုရား​သည် မောဘ​ဘုရင်​ဧဂလုန်​မင်းကြီး​ကို အစ္စရေး​လူမျိုး​တို့​ထက် အားကြီး​စေ​တော်မူ​၏​။

သူ​ကြီး 3:8

ထာဝရဘုရား​သည် အစ္စရေး​လူမျိုး​တို့​ကို အမျက်ထွက်​၍ မက်ဆိုပိုတေးမီးယား​ဘုရင် ခုရှံရိရှသိမ်​မင်းကြီး​လက်​သို့ ရောင်းလိုက်​တော်မူ​သဖြင့် သူ​တို့​သည် ခုရှံရိရှသိမ်​မင်းကြီး​ကို ရှစ်​နှစ်​အစေခံ​ရ​လေ​၏​။

သူ​ကြီး 6:1

တစ်ဖန် အစ္စရေး​အမျိုးသား​တို့​သည် ထာဝရဘုရား​ရှေ့​တော်​၌ မကောင်းမှု​ကို​ပြု​ကြ​ပြန်​၏​။ ထို့ကြောင့် ထာဝရဘုရား​သည် သူ​တို့​ကို မိဒျန်​လူမျိုး​တို့​လက်​သို့ ခုနစ်​နှစ်​အပ်လိုက်​တော်မူ​၏​။