ယော​ရှု 23:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ သင်​တို့​၏​ဘုရားသခင်​ထာဝရဘုရား​သည် ထို​လူမျိုး​တို့​ကို သင်​တို့​ရှေ့​မှ ထပ်၍​နှင်ထုတ်​ပေး​တော့​မည်​မ​ဟုတ်​ကြောင်း ဧကန်​သိမှတ်​ကြ​လော့​။ သင်​တို့​အား ဘုရားသခင်​ထာဝရဘုရား​ပေး​တော်မူ​သည့် ဤ​သာယာဝပြော​သော​ပြည်​ပေါ်​၌ သင်​တို့​ပျက်စီး​သွား​သည်​အထိ ထို​လူမျိုး​တို့​သည် သင်​တို့​အဖို့ ကျော့ကွင်း​၊ ထောင်ချောက်​၊ သင်​တို့​၏​ကျောကုန်း​ပေါ်၌ နှင်တံ​၊ မျက်စိ​ထဲ၌ ဆူး ဖြစ်​လိမ့်မည်​။

Common Language Bible

¹³ သင်​တို့​၏​ဘု​ရား​သ​ခင်​ထာ​ဝ​ရ​ဘု​ရား သည်​သင်​တို့​ချီ​တက်​တိုက်​ခိုက်​သော​အ​ခါ ထို​လူ​မျိုး​များ​ကို​နှင်​ထုတ်​ပေး​တော့​မည် မ​ဟုတ်​ကြောင်း​သိ​မှတ်​ကြ​လော့။ ထို​လူ​မျိုး များ​သည်​သင်​တို့​အ​တွက်​ကျော့​ကွင်း​သို့ မ​ဟုတ်​ထောင်​ချောက်၊ သင်​တို့​၏​ကျော​ပေါ် သို့​ကျ​သော​ကြာ​ပွတ်​သို့​မ​ဟုတ် မျက်​စိ​ကို စူး​သော​ဆူး​သ​ဖွယ်​ဖြစ်​လိမ့်​မည်။ သင်​တို့​၏ ဘု​ရား​သ​ခင်​ထာ​ဝ​ရ​ဘု​ရား​ပေး​သ​နား တော်​မူ​သော ဤ​သာ​ယာ​သော​ပြည်​တွင်​သင် တို့​တစ်​ယောက်​မ​ကျန်​သေ​ကြေ​ပျက်​စီး သည့်​တိုင်​အောင်​ထို​လူ​မျိုး​တို့​သည်​သင် တို့​အား​အန္တရာယ်​ပြု​ကြ​လိမ့်​မည်။

Garrad Bible

¹³ ထို လူ မျိုး ခြား တို့ ကို မျက် ကွယ် အောင်၊ ကိုယ့် ဘု ရား သ ခင် ထာ ဝ ရ ဘု ရား ဆက် လက် မ နှင် ထုတ် ဘဲ၊ ထို သူ တို့ သည် နံ ဘေး ၌ နှင် တံ သ ဖွယ်၊ မျက် စိ၌ ဆူး သ ဖွယ်၊ ညွတ် ကွင်း၊ ကျော့ ကွင်း များ သ ဖွယ် ကိုယ့် ဘု ရား သ ခင် ထာ ဝ ရ ဘု ရား ပေး တော် မူ သော ဤ ပြည် ကောင်း မှ သင် တို့ မ ပျက် မ ချင်း၊ နေ ရ ကြ လိမ့် မည် ကို နှ လုံး သွင်း၍ သိ မှတ် ကြ လော့။

Judson Bible

¹³ သင်​တို့၏​ဘု​ရား​သ​ခင် ထာ​ဝ​ရ​ဘု​ရား​သည် နောက်​တစ်​ဖန် ဤ​လူ​မျိုး​တို့​ကို သင်​တို့​ရှေ့​မှ နှင်​ထုတ်​တော်​မ​မူ။ သင်​တို့၏​ဘု​ရား​သ​ခင် ထာ​ဝ​ရ​ဘု​ရား​ပေး​တော်​မူ၍ ကောင်း​မွန်​သော​ဤ​ပြည်၌ သင်​တို့​သည် မ​ပျောက်​မ​ပျက်​မီ​တိုင်​အောင် သူ​တို့​သည် သင်​တို့၌​ကျော့​ကွင်း၊ ထောင်​ချောက်၊ သင်​တို့​နံ​စောင်၌ နှင်​တံ၊ သင်​တို့​မျက်​စိ၌ ဆူး​ဖြစ်​ကြ​လိမ့်​မည်​အ​ကြောင်း​ကို ဧ​ကန်​အ​မှန် သိ​မှတ်​ကြ​လော့။

ယော​ရှု 23:13 Referencias Cruzadas

၃ ရာ 11:4

ရှောလမုန်​မင်းကြီး​အိုမင်း​လာ​ချိန်​တွင် သူ့​မိဖုရား​များ​သည် သူ့​စိတ်နှလုံး​ကို အခြား​ဘုရား​တို့​နောက်သို့ ပါသွား​စေ​ကြ​၏​။ သူ့​ခမည်းတော်​ဒါဝိဒ်​မင်းကြီး​၏​စိတ်နှလုံး​ကဲ့သို့ မိမိ​ဘုရားသခင်​ထာဝရဘုရား​ကို စိတ်နှလုံး​အကြွင်းမဲ့​မ​ကိုးစား​ခဲ့​ချေ​။

၄ ရာ 17:18

ထို့ကြောင့် ထာဝရဘုရား​သည် အစ္စရေး​လူမျိုး​ကို ပြင်းစွာ​အမျက်ထွက်​တော်မူ​သဖြင့် ယုဒ​အမျိုးအနွယ်​မှလွဲ၍ ကျန်​အမျိုးအနွယ်​အားလုံး​ကို အထံ​တော်​မှ ဖယ်ရှား​တော်မူ​၏​။

၄ ရာ 17:20

ထို့ကြောင့် ထာဝရဘုရား​က အစ္စရေး​၏​သားစဉ်မြေးဆက်​အားလုံး​ကို စွန့်ပစ်​ပြီး ဒဏ်ခတ်​တော်မူ​၏​။ သူ​တို့​ကို တိုက်ခိုက်လုယက်​သူ​တို့​လက်​သို့ အပ်​ပြီး အထံ​တော်​မှ​နှင်ထုတ်​တော်မူ​၏​။

၄ ရာ 25:21

ဘေဘီလုံ​ဘုရင်​သည် ထို​သူ​တို့​ကို ဟာမတ်​ပြည်​၊ ရိဗလ​မြို့​တွင် ဒဏ်ခတ်​ကွပ်မျက်​လေ​၏​။ ဤသို့ဖြင့် ယုဒ​လူမျိုး​တို့​သည် နေရင်းပြည်​မှ ဖမ်းခေါ်​သွား​ခြင်း​ခံရ​လေ​၏​။

၄ ရာ 25:26

ထိုအခါ စစ်တပ်​အကြီးအကဲ​များ​အပါအဝင် လူ​ကြီး​လူ​ငယ်​အားလုံး​တို့​သည် ခါလဒဲ​လူမျိုး​တို့​ကို​ကြောက်​သဖြင့် ထ​၍ အီဂျစ်​ပြည်​သို့ ထွက်ပြေး​သွား​ကြ​လေ​၏​။

ဆာ​လံ 69:22

သူ​တို့​ရှေ့​၌​ရှိ​သော​စားပွဲ​သည် ကျော့ကွင်း​သော်​လည်းကောင်း​၊ လက်တုံ့ပြန်စရာ​သော်​လည်းကောင်း​၊ ထောင်ချောက်​သော်​လည်းကောင်း ဖြစ်​ပါစေ​။

ထွက်​မြောက် 10:7

ဖာရော​မင်းကြီး​၏​အမှုထမ်း​တို့​က​လည်း “​ဤ​သူ​သည် အကျွန်ုပ်​တို့​ကို မည်မျှ​ကြာ​အောင် စိတ်အနှောင့်အယှက်​ပေး​နေ​ဦး​မည်နည်း​။ သူ​တို့​၏​ဘုရားသခင်​ထာဝရဘုရား​အား ဝတ်ပြု​ရန် ယောက်ျားသား​များ​ကို​လွှတ်ပေး​လိုက်​ပါ​။ အီဂျစ်​ပြည်​ပျက်စီး​နေ​သည်​ကို အရှင်​မ​သိ​သလော​”​ဟု ဖာရော​မင်းကြီး​အား လျှောက်​ကြ​၏​။

ထွက်​မြောက် 23:33

သူ​တို့​ကို သင်​၏​ပြည်​၌ နေထိုင်​ခွင့်​မ​ပြု​ရ​။ နေထိုင်​ခွင့်​ပြု​လျှင် သင်​သည် ငါ့​ကို​ပြစ်မှား​မည့်​အကြောင်း သူ​တို့​ပြု​လိမ့်မည်​။ သူ​တို့​၏​ဘုရား​များ​ကို​ဝတ်ပြု​လျှင် သူ​တို့​သည် သင်​တို့​၌ ထောင်ချောက်​အမှန်​ဖြစ်​လိမ့်မည်​”​ဟု မိန့်​တော်မူ​၏​။

ထွက်​မြောက် 34:12

သင်​တို့​ဝင်ရောက်​မည့်​ပြည်​ရှိ​ပြည်သား​တို့​နှင့် မိတ်​မ​ဖွဲ့​မိ​ရန် သတိပြု​လော့​။ သို့မဟုတ်လျှင် သူ​တို့​သည် သင်​တို့​အဖို့ ထောင်ချောက်​ကဲ့သို့​ဖြစ်​လိမ့်မည်​။

ထွက်​မြောက် 34:16

သင်​သည် သူ​တို့​၏​သမီး​များ​ကို သင့်​သား​တို့​နှင့်​စုံဖက်​စေ​သဖြင့် သူ​တို့​၏​သမီး​များ​သည် မိမိ​တို့​၏​ဘုရား​များ​နောက်​သို့​လိုက်​၍ ဖောက်ပြန်မှားယွင်း​သောအခါ သင့်​သား​တို့​ကို​လည်း ထို​ဘုရား​များ​နောက်​သို့​လိုက်​၍ ဖောက်ပြန်မှားယွင်း​စေ​ကြ​လိမ့်မည်​။

ယေ​ဇ​ကျေ​လ 28:24

အစ္စရေး​လူမျိုး​တို့​ကို စူး​သော​ဆူး​၊ နာကျင်​စေ​သော​ဆူး​နှင့်​တူ​သော​ဝန်းကျင်​မှ မကောင်းပြော​သူ​များ ရှိ​တော့​မည်​မ​ဟုတ်​။ နောက်မှ ငါ​သည် ဘုရားရှင်​ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်’​ဟု မိန့်​တော်မူ​၏​။

တော​လည် 33:55

ထို​ပြည်​၌​နေထိုင်​သော​သူ​တို့​ကို သင်​တို့​ထံ​မှ အကုန်အစင်​မ​နှင်ထုတ်​လျှင် သင်​တို့​ချန်ထား​ခဲ့​သော​သူ​တို့​သည် သင်​တို့​၏​မျက်စိ​၌ ငြောင့်​ကဲ့သို့​လည်းကောင်း​၊ သင်​တို့​နံဘေး​၌ ဆူး​ကဲ့သို့​လည်းကောင်း ဖြစ်​လိမ့်မည်​။ သင်​တို့​နေထိုင်​သော​ပြည်​၌ သင်​တို့​ကို ရန်ပြု​ကြ​လိမ့်မည်​။

လုကာ 21:24

သူ​တို့​သည် ဓား​ဘေး​ဖြင့်​ကျဆုံး​၍ အခြား​သော​ပြည်​အရပ်ရပ်​သို့ ဖမ်းဆီး​ခေါ်ဆောင်​သွား​ခြင်း​ခံရ​ကြ​လိမ့်မည်။ လူမျိုးခြား​တို့​သည်​လည်း မိမိ​တို့​အချိန်အခါ​များ​ပြည့်စုံ​သည်​အထိ ဂျေရုဆလင်​မြို့​ကို နင်းချေ​ကြ​လိမ့်မည်။

တ​ရား​ဟော 29:28

ထာဝရဘုရား​သည် သူ​တို့​ကို အမျက်​ဒေါသ​ပြင်းထန်​စွာ​ဖြင့် သူ​တို့​၏​ပြည်​ထဲ​မှ နုတ်​၍ ယနေ့​မြင်​ရ​သည့်​အတိုင်း သူ​တို့​ကို အခြား​သော​ပြည်​သို့ လွှင့်ပစ်​လိုက်​၏​’​ဟု ဆို​ကြ​လိမ့်မည်​။

တ​ရား​ဟော 30:18

ဂျော်ဒန်​မြစ်​ကို​ကူး​၍ သင်​ဝင်ရောက်​သိမ်းပိုက်​မည့်​ပြည်​၌ သင်​သည် အသက်​မ​ရှည်​၊ မုချ​ဖျက်ဆီး​ခြင်း​ခံရ​မည်​ဖြစ်ကြောင်း ယနေ့ သင့်​အား​ငါ​ပြောကြား​ပြီ​။

တ​ရား​ဟော 4:26

ယနေ့ ငါ​သည် သင်​တို့​တစ်ဖက်​၌ ကောင်းကင်​နှင့်​မြေကြီး​ကို​သက်သေ​ထား​၍ တိုင်တည်​၏​။ သင်​တို့​သည် ဂျော်ဒန်​မြစ်​ကို​ကူးသွား​၍​သိမ်းပိုက်​မည့်​ပြည်​မှ မကြာမီ​လုံးလုံး​ဖျက်ဆီး​ခြင်း​ခံရ​မည်​။ ထို​ပြည်​၌ အသက်​ရှည်ရှည်​မ​နေ​ရ​၊ လုံးလုံး​ဖျက်ဆီး​ခြင်း​ခံရ​မည်​။

တ​ရား​ဟော 7:16

သင့်​လက်​သို့ သင်​၏​ဘုရားသခင်​ထာဝရဘုရား​အပ်​တော်မူ​သည့် လူမျိုး​အပေါင်း​တို့​ကို​ဖျက်ဆီး​ရ​မည်​။ ထို​သူ​တို့​ကို မ​သနား​ရ​။ သူ​တို့​၏​ဘုရား​များ​ကို ဝတ်​မ​ပြု​ရ​။ ဝတ်ပြု​လျှင် သင့်​အတွက် ထောင်ချောက်​သဖွယ်​ဖြစ်​လိမ့်မည်​။

၂ တိ 2:26

မာရ်နတ်​က သူ့​အလို​အတိုင်း​ပြု​စေရန် သူ​တို့​ကို​ဖမ်းဆီး​ထား​သော်လည်း သူ​တို့​သည် မာရ်နတ်​၏​ကျော့ကွင်း​မှ လွတ်မြောက်​၍ အမြင်မှန်​ရ​ကောင်း​ရ​ကြ​လိမ့်မည်။

သူ​ကြီး 2:21

ယောရှု​သေလွန်​ပြီးမှ သူ​တို့​ထဲတွင် ကျန်​နေ​ခဲ့​သော​မည်သည့်​လူမျိုးခြား​ကို​မျှ သူ​တို့​ရှေ့​မှ ငါ​နှင်ထုတ်​တော့​မည်​မ​ဟုတ်​။