ယော​ရှု 18:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² သူ​တို့​၏​နယ်နိမိတ်​မှာ မြောက်ဘက်ခြမ်း​တွင် ဂျော်ဒန်​မြစ်​မှ​အစပြု​၏​။ ထိုမှ နယ်နိမိတ်​သည် မြောက်ဘက်​ဂျေရိခေါ​တောင်စောင်း​တစ်လျှောက်​သို့ တက်သွား​ပြီး အနောက်ဘက်​တောင်ပေါ်ဒေသ​သို့​ဆက်သွား​ကာ ဗေသဝင်​တောကန္တာရ​တွင် ဆုံး​၏​။

Common Language Bible

¹² သူ​တို့​၏​နယ်​မြေ​မြောက်​ဘက်​နယ်​နိ​မိတ်​သည် ယော်​ဒန်​မြစ်​တွင်​အ​စ​ပြု​၍ ယေ​ရိ​ခေါ​မြို့ မြောက်​ဘက်​ရှိ​တောင်​စောင်း​သို့​တက်​ပြီး​လျှင် အ​နောက်​သို့​ဗေ​သ​ဝင်​တော​ကန္တာ​ရ​တိုင် အောင်​တောင်​ကုန်း​ဒေ​သ​ကို​ဖြတ်​သန်း သွား​လေ​သည်။-

Garrad Bible

¹² မြောက် အ လား ကား၊ ယော် ဒန် မြစ် မှ ထွက်၍ ယေ ရိ ခေါ တောင် စောင်း မြောက် ဘက် မှ အ နောက် မျက် နှာ ခင် တန်း ကို ဖြတ် ကျော် လျက်၊ ဗေ သ ဝင် သဲ တော သို့ ရောက် ပြီး နောက်

Judson Bible

¹² မြေ​အ​ပိုင်း​အ​ခြား​သည် မြောက်​မျက်​နှာ၌ ယော်​ဒန်​မြစ်​မှ​ထွက်၍ ယေ​ရိ​ခေါ​မြို့ မြောက်​ဘက်​နား၌​လည်း​ကောင်း၊ အ​နောက်​ဘက် တောင်​ပေါ်၌​လည်း​ကောင်း လျှောက်​လျက် ဗေ​သ​ဝင်​တော​သို့​ထွက်​သွား၏။

ယော​ရှု 18:12 Referencias Cruzadas

ဟော​ရှေ 10:5

ရှမာရိ​မြို့သား​တို့​သည် ဗေသဝင်​နွားမတမ်း​ရုပ်တု​ကြောင့် ကြောက်ရွံ့​နေ​ကြ​၏​။ ထို​ရုပ်တု​၏​ဘုန်းအသရေ​ကွယ်ပျောက်​သွား​ပြီ​ဖြစ်၍ ရှမာရိ​မြို့သား​များ​သည် ငိုကြွေး​၍ ထို​ရုပ်တု​၌​မွေ့လျော်​သော​ယဇ်ပုရောဟိတ်​များ​သည် မြည်တမ်း​ကြ​လိမ့်မည်​။

ဟော​ရှေ 4:15

အို အစ္စရေး​၊ သင်​သည် ပြည့်တန်ဆာလုပ်​ရာ​တွင် ယုဒ​အပေါ် အပြစ်​မ​သက်ရောက်​စေ​နှင့်​။ ဂိလဂါလ​မြို့​သို့ မ​သွား​နှင့်​။ ဗေသဝင်​မြို့​သို့ တက်​မ​သွား​နှင့်​။ ‘ထာဝရဘုရား အသက်ရှင်​တော်မူ​သည်​နှင့်အညီ’​ဟု မ​ကျိန်ဆို​နှင့်​။

ဟော​ရှေ 5:8

ဂိဗာ​မြို့​၌ သိုးချို​မှုတ်​ကြ​လော့​။ ရာမ​မြို့​၌ တံပိုးခရာ​မှုတ်​ကြ​လော့​။ ဗေသဝင်​မြို့​၌ တပ်လှန့်​အချက်ပေး​ကြ​လော့​။ ‘အို ဗင်္ယာမိန်​၊ အနောက်​သို့​လှည့်ကြည့်​လော့​။’

ယော​ရှု 16:1

ယောသပ်​အမျိုးသား​တို့ မဲချ​၍​ရရှိ​သော​အမွေမြေ​မှာ ဂျေရိခေါ​စမ်းရေတွင်း​အရှေ့ဘက် ဂျေရိခေါ​မြို့​အနီး​ရှိ ဂျော်ဒန်​မြစ်​မှ ကန္တာရ​တစ်လျှောက်​ကို​ဖြတ်​၍ ဂျေရိခေါ​မြို့​မှ ဗေသလ​တောင်ပေါ်ဒေသ​သို့​တက်သွား​၏​။

ယော​ရှု 18:11

ပထမ​အကြိမ်​မဲချ​ရာ​တွင် ဗင်္ယာမိန်​အမျိုးအနွယ်​သည် မျိုးနွယ်စု​အလိုက် မဲကျ​လေ​၏​။ သူ​တို့​မဲကျ​သော​နယ်မြေ​မှာ ယုဒ​အမျိုးသား​နှင့် ယောသပ်​အမျိုးသား ကြား​၌​နေရာ​ကျ​၏​။

ယော​ရှု 2:1

နုန်​၏​သား​ယောရှု​သည် သူလျှို​နှစ်ဦး​ကို ရှိတ္တိမ်​အရပ်​မှ တိတ်တဆိတ်​စေလွှတ်​၍ “​ခါနာန်​ပြည်​၊ ဂျေရိခေါ​မြို့​ကို သွား​၍​စူးစမ်း​ကြ​လော့​”​ဟု မှာလိုက်​၏​။ သူ​တို့​လည်း သွား​၍ ရာခပ်​အမည်​ရှိ​သော​ပြည့်တန်ဆာမ​၏​အိမ်​သို့​ဝင်​၍ ညအိပ်​ကြ​၏​။

ယော​ရှု 3:16

အထက်​မှ​စီးဆင်း​လာ​သော​ရေ​သည် ရပ်​၍ အလှမ်းဝေး​သော​ဇာရတန်​မြို့​အနီး​ရှိ​အာဒံ​မြို့​အထိ တစ်ဖက်တည်း​၌​စုပုံ​လျက် တန့်​နေ​၏​။ အရာဗ​ပင်လယ်​ဟု​ခေါ်​သော ဆား​ပင်လယ်​တိုင်အောင် စီးဆင်း​သော​ရေ​သည် လုံးလုံး​ပြတ်​သွား​၏​။ လူ​တို့​သည်​လည်း တစ်ဖက်ကမ်း​ရှိ ဂျေရိခေါ​မြို့​သို့ ကူးသွား​ကြ​၏​။

ယော​ရှု 6:1

အစ္စရေး​အမျိုးသား​တို့​သတင်း​ကြောင့် ဂျေရိခေါ​မြို့​တံခါး​တို့​ကို လုံခြုံ​စွာ​ပိတ်​ထား​ကြ​၏​။ ဝင်​ထွက်​သော​သူ တစ်ယောက်​မျှ​မ​ရှိ​။

ယော​ရှု 7:2

ယောရှု​သည် ဂျေရိခေါ​မြို့​မှ ဗေသလ​မြို့​အရှေ့ဘက်​၊ ဗေသဝင်​မြို့​အနီး​ရှိ အာဣ​မြို့​သို့ လူ​လွှတ်​၍ “​ထို​အရပ်​သို့​သွား​ပြီး စူးစမ်း​ကြ​လော့​”​ဟု မှာလိုက်​လေ​၏​။ သူ​တို့​သည်​လည်း သွား​၍ အာဣ​မြို့​ကို စူးစမ်း​ကြ​၏​။

ယော​ရှု 8:15

ယောရှု​နှင့် အစ္စရေး​စစ်သည်​အပေါင်း​တို့​သည်​လည်း စစ်ရှုံးဟန်ပြ​၍ တောကန္တာရ​လမ်း​အတိုင်း ပြေး​ကြ​လေ​၏​။

၁ ရာ 13:5

ဖိလိတ္တိ​လူမျိုး​တို့​သည်​လည်း အစ္စရေး​လူမျိုး​တို့​ကို ပြန်လည်​တိုက်ခိုက်​ရန် စုဝေး​ကြ​ပြီးလျှင် စစ်ရထား​သုံးသောင်း​၊ မြင်းစီးသူရဲ​ခြောက်​ထောင်​၊ ပင်လယ်​ကမ်းခြေ​ရှိ​သဲလုံး​နှင့်အမျှ​များပြား​သော​စစ်သည်​တို့​နှင့်တကွ ချီတက်​လာ​၍ ဗေသဝင်​မြို့​အရှေ့ဘက် မိတ်မတ်​မြို့​၌ စခန်းချ​ကြ​၏​။