ယော​န 4:8 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ နေ​ထွက်လာ​သောအခါ ဘုရားသခင်​သည် အလွန်​ပူပြင်း​သော​အရှေ့​လေ​ကို တိုက်ခတ်​စေ​၍ ယောန​ခေါင်း​ပေါ်သို့ နေပူရှိန်​ကျ​သဖြင့် သူ​သည် မောပန်း​ပြီး သေချင်စိတ်ပေါက်​လေ​၏​။ ထို့ကြောင့် သူ​က “အကျွန်ုပ်​အသက်ရှင်​သည်​ထက် သေ​သည်​က သာ၍​ကောင်း​ပါ​၏”​ဟု ဆို​လေ​၏​။

Common Language Bible

⁸ နေ​ထွက်​လာ​ပြီး​နောက်​ဘု​ရား​သ​ခင်​သည် အ​ရှေ့​လေ​ပူ​ကို​တိုက်​ခတ်​စေ​တော်​မူ​၏။ ယော​န သည်​မိ​မိ​ဦး​ခေါင်း​ပေါ်​သို့​ကျ​ရောက်​လာ​သည့် အ​ပူ​ရှိန်​ကြောင့် မေ့​လု​မ​တတ်​ဖြစ်​ပြီး​လျှင် သေ​ချင်​စိတ်​ပေါက်​လာ​၏။ သို့​ဖြစ်​၍​ယော​န က``ငါ့​အ​ဖို့​မှာ​အ​သက်​ရှင်​နေ​ရ​ခြင်း​ထက် သေ​ရ​ခြင်း​က​ပို​၍​ကောင်း​လိမ့်​ဦး​မည်'' ဟု မြည်​တမ်း​၏။

Garrad Bible

⁸ နေ ထွက် သော အ ခါ၊ ဘု ရား သ ခင် သည် ပူ ပြင်း သော အ ရှေ့ လေ ကို စီ မံ တော် မူ၍၊ ဦး ခေါင်း ကို နေ ထိ ခိုက် သ ဖြင့်၊ မူး မော် သည် နှင့်၊ ယော န က၊ အ ကျွန်ုပ် အ သက် ရှင် ရ ခြင်း ထက်၊ သေ ရ ခြင်း သည် သာ၍ ကောင်း ပါ သည် ဟု မြည် တမ်း လျက်၊ သေ ဆု ကို တောင်း လျှောက် လေ၏။

Judson Bible

⁸ နေ​ထွက်​သော​အ​ခါ ဘု​ရား​သ​ခင်​သည် အ​လွန်​ပူ​သော​အ​ရှေ့​လေ​ကို ပြင်​ဆင်​တော်​မူ၍၊ ယော​န၏​ခေါင်း​ကို နေ​ထိ​ခိုက်​သ​ဖြင့် သူ​သည် မော၍ သေ​ချင်​သော​စိတ်​ရှိ​လျက်၊ ငါ့​အ​သက်​သေ​ခြင်း​သည် ရှင်​ခြင်း​ထက် သာ၍​ကောင်း​သည်​ဟု မြည်​တမ်း​လေ၏။

ယော​န 4:8 Referencias Cruzadas

ကမ္ဘာ​ဦး 41:6

ထို​စပါးနှံ​တို့​နောက်မှ သုန်ဖျင်း​၍​အရှေ့​လေ​ကြောင့်​ညှိုးရော်​နေ​သော စပါးနှံ​ခုနစ်​နှံ​သည်​လည်း ပေါက်လာ​၏​။

၃ ရာ 19:4

တောကန္တာရ​သို့ ခရီးဆက်​လေ​၏​။ တစ်ရက်ကြာ​ခရီးသွား​ပြီးလျှင် ရှားပင်​တစ်​ပင်​အောက်​တွင် ထိုင်​လျက် “​အို ထာဝရဘုရား​၊ တန်​ပါ​ပြီ​။ ယခု အကျွန်ုပ်​အသက်​ကို ရုပ်သိမ်း​တော်မူ​ပါ​။ အကျွန်ုပ်​သည် အကျွန်ုပ်​ဘိုးဘေး​တို့​ထက် မြတ်​သော​သူ​မ​ဟုတ်​ပါ​”​ဟု မိမိ​အသက်​သေ​ဖို့ ဆုတောင်း​လေ​၏​။

၃ ရာ 21:4

ထိုသို့ “​ဘိုးဘေး​တို့​၏​အမွေမြေ​ကို အရှင်မင်းကြီး​အား မ​ပေး​နိုင်​ပါ​”​ဟု ယေဇရေလ​မြို့သား​နာဗုတ်​ဆို​သော​စကား​ကြောင့် အာဟပ်​မင်းကြီး​သည် စိတ်မကျေမနပ်​ဖြစ်​၍ မျက်နှာသုန်မှုန်​လျက် နန်းတော်​သို့​ပြန်သွား​ကာ အစာ​လည်း​မ​စား သလွန်တော်​ပေါ်တွင် တစ်ဖက်​သို့​လှည့်​၍ လှဲ​နေ​လေ​၏​။

ယောဘဝတ္တု။ 2:10

ယောဘ​က သူ့​ဇနီး​အား “​သင်​သည် မိန်းမမိုက်​တစ်​ယောက် ပြော​တတ်​သကဲ့သို့ ပြော​ပါ​သည်​တကား​။ ဘုရားသခင်​ထံမှ အကောင်း​ကို​လက်ခံ​၍ အဆိုး​ကို လက်​မ​ခံ​ဘဲ​နေ​ရ​မည်လော​”​ဟု ပြန်ပြော​၏​။ ယောဘ​သည် ဤသို့​ကြုံတွေ့​ရ​သော်လည်း မိမိ​နှုတ်​ဖြင့်​မျှ မ​ပြစ်မှား​ဘဲ​နေ​၏​။

ယောဘဝတ္တု။ 7:15

ထို့ကြောင့် ဤ​ကိုယ်ခန္ဓာ​နှင့် နေ​ရ​သည်​ထက် အသက်ရှူကြပ်​ပြီး သေသွား​ခြင်း​ကို လိုလား​မိ​ပါ​၏​။

ဆာ​လံ 121:6

နေ့​အချိန်​၌ နေ​သည်​လည်းကောင်း​၊ ညအချိန်​၌ လ​သည်​လည်းကောင်း သင့်​ကို​ထိခိုက်​မည်​မ​ဟုတ်​။

ဆာ​လံ 39:9

ကိုယ်တော်​သည် ဤသို့​ပြု​တော်မူ​သောကြောင့် အကျွန်ုပ်​သည် တိတ်ဆိတ်​စွာ​နေ​လျက် အကျွန်ုပ်​၏​နှုတ်​ကို​မ​ဖွင့်​ဘဲ​နေ​ပါ​၏​။

ဒေသနာကျမ်း။ 7:9

အမျက်​ဒေါသ​သည် မိုက်မဲ​သော​သူ​တို့​၏​ရင်ခွင်​ထဲ၌ ကိန်းအောင်း​တတ်​သည်​ဖြစ်၍ သင့်​စိတ်​ထဲတွင် အမျက်​ဒေါသ အလျင်စလို​မ​ထွက်​ပါစေ​နှင့်​။

ရှောလမုန်သီချင်း။ 1:6

အကျွန်ုပ်​သည် နေလောင်​ခံရ​၍ အသားမည်း​သဖြင့် အကျွန်ုပ်​ကို မ​ကြည့်​ပါ​နှင့်​။ အကျွန်ုပ်​နှင့်​တစ်မိတည်း​ဖွား​သော​သား​တို့​သည် အကျွန်ုပ်​ကို စိတ်ဆိုး​၍ စပျစ်ခြံစောင့်​အဖြစ် ထား​ပါ​၏​။ ကိုယ့်​စပျစ်ခြံ​ကို​ပင် ကိုယ်​မ​စောင့်​ရ​ပါ​။

ဟေ​ရှာ​ယ 49:10

သူ​တို့​သည် ဆာလောင်​မည်​မ​ဟုတ်​၊ ရေငတ်​မည်​မ​ဟုတ်​။ အပူဒဏ်​၊ နေ​ဒဏ်​ကို​လည်း မ​ခံရ​။ အကြောင်းမူကား သူ​တို့​ကို​သနား​သော​သူ​သည် သူ​တို့​ကို​ဦးဆောင်​ပေး​လိမ့်မည်​။ စမ်းရေတွင်း​သို့ လမ်းပြ​ပေး​လိမ့်မည်​။

ယေ​ဇ​ကျေ​လ 19:12

သို့သော် ထို​စပျစ်ပင်​သည် ဒေါသတကြီး ဆွဲနုတ်​ခံရ​၏​။ မြေ​ပေါ်၌ ပစ်ထား​ခံရ​၏​။ အရှေ့​လေတိုက်​သောအခါ သူ​၏​အသီး​တို့​သည် ခြောက်သွေ့​ကုန်​၏​။ သန်မာ​သော​အကိုင်းအခက်​တို့​သည် ကျိုးပဲ့​၍​ခြောက်​သွား​ပြီး မီးရှို့​ခံရ​လေ​၏​။

ဟော​ရှေ 13:15

သူ​သည် ညီအစ်ကို​များ​ထဲတွင် အသီး​များစွာ​သီး​တတ်​သော်လည်း အရှေ့​လေ​တည်းဟူသော ထာဝရဘုရား​၏​လေ​သည် တောကန္တာရ​မှ​တိုက်​လာ​၍ သူ​၏​စမ်းရေတွင်း​နှင့်​ရေထွက်ပေါက်​တို့​သည် ခန်းခြောက်​လိမ့်မည်​။ ဘဏ္ဍာတိုက်​ရှိ​အဖိုးတန်​ရတနာ​အားလုံး တိုက်ခိုက်လုယက်​ခြင်း​ခံရ​လိမ့်မည်​။

ဝတ်​ပြု 10:3

ထိုအခါ မောရှေ​က အာရုန်​အား “​ထာဝရဘုရား​က ‘​ငါ့​ထံသို့​ချဉ်းကပ်​သော​သူ​တို့​အား ငါ​သန့်ရှင်း​ကြောင်း ငါ​ထင်ရှား​ပြ​မည်​။ လူ​အပေါင်း​တို့​ရှေ့​၌ ငါ​သည် ဘုန်းအသရေ​ရှိ​မည်​’​ဟူ၍ မိန့်ဆို​ခဲ့​သည်​မှာ ဤ​အမှု​ကို​ဆိုလို​၏​”​ဟု ဆို​သော် အာရုန်​သည် တိတ်ဆိတ်​နေ​လေ​၏​။

ယော​န 1:17

ယောန​ကို​မျိုချ​ရန် ငါး​ကြီး​တစ်​ကောင်​ကို ထာဝရဘုရား ပြင်ဆင်​ထား​သဖြင့် ယောန​သည် ငါး​ကြီး​ဝမ်း​ထဲတွင် သုံး​ရက်​သုံး​ည နေ​ရ​လေ​၏​။

ယော​န 1:4

ထိုအခါ ထာဝရဘုရား​သည် ပင်လယ်ပြင်​တွင် လေ​ပြင်း​တိုက်ခတ်​စေ​သဖြင့် လေမုန်တိုင်းကြီး​ကျရောက်​လေ​၏​။ သင်္ဘော​မှာ​လည်း ကျိုးပဲ့​လုမတတ်​ဖြစ်​လေ​၏​။

ယော​န 4:3

ထို့ကြောင့် အို ထာဝရဘုရား​၊ အကျွန်ုပ်​၏​အသက်​ကို ယခုပင်​နုတ်ယူ​တော်မူ​ပါ​။ အကျွန်ုပ် အသက်ရှင်​သည်​ထက် သေ​သည်​က သာ၍​ကောင်း​ပါ​၏​”​ဟု ဆုတောင်း​လေ​၏​။

ယော​န 4:9

ထိုအခါ ဘုရားသခင်​က ယောန​အား “​ကြက်ဆူပင်​ကြောင့် သင်​အမျက်ထွက်​သင့်​သလော​”​ဟု မေး​တော်မူ​လျှင် ယောန​က “​သေလုမတတ် အမျက်ထွက်​သင့်​ပါ​၏​”​ဟု လျှောက်​လေ​၏​။

မဿဲ 20:12

‘နောက်ဆုံး​လာ​သော​ဤ​သူ​တို့​သည် တစ်​နာရီ​မျှသာ​အလုပ်​လုပ်​ခဲ့​ကြ​သော်လည်း အရှင်​သည်​သူ​တို့​ကို တစ်နေကုန်​နေပူ​ထဲတွင်​အပင်ပန်း​ခံရ​သည့်​အကျွန်ုပ်​တို့​နှင့်​တန်းတူ ဖြစ်​စေ​ပါ​သည်​တကား’​ဟု ခြံ​ပိုင်ရှင်​အား မကျေမနပ်​ပြောဆို​ကြ​၏။

ဗျာ​ဒိတ် 3:19

ငါ​သည် ငါ​ချစ်​သမျှ​သော​သူ​တို့​၏​အပြစ်​ကို​ဖော်ပြ​၍ ဆုံးမ​ပဲ့ပြင်​တတ်​၏။ ထို့ကြောင့် စိတ်အားထက်သန်​ခြင်း​ရှိ​၍ နောင်တရ​လော့။

ဗျာ​ဒိတ် 7:16

သူ​တို့​သည် နောက်တစ်ဖန် ဆာလောင်​ခြင်း၊ ရေငတ်​ခြင်း ရှိ​တော့​မည်​မ​ဟုတ်။ နေ​၊ သို့မဟုတ် အခြား​မည်သည့်​အပူရှိန်​မျှ သူ​တို့​အပေါ်​ကျရောက်​မည်​မဟုတ်။

၁ ရာ 3:18

ထို့ကြောင့် ရှမွေလ​သည် မိန့်​တော်မူ​သော​အရာ​အားလုံး​ကို မ​ထိမ်ဝှက်​ဘဲ သူ့​အား ပြောပြ​လေ​၏​။ ထိုအခါ ဧလိ​က “​ဤသည်ကား ထာဝရဘုရား​မိန့်​တော်မူ​သော​အမှု​ဖြစ်​၏​။ ကိုယ်တော်​အလိုရှိ​သည့်​အတိုင်း ပြု​တော်မူ​ပါစေသော​”​ဟု ဆို​၏​။