ယော​န 2:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ တောင်ခြေရင်း​တိုင်အောင် အကျွန်ုပ်​နစ်မြုပ်​သွား​၍ မြေကြီး​သည် အကျွန်ုပ်​ကို အစဉ်​ကန့်လန့်​ထိုး​ထား​သော်လည်း အကျွန်ုပ်​၏​ဘုရားသခင် ထာဝရဘုရား​သည် အကျွန်ုပ်​အသက်​ကို သေတွင်း​မှ ကယ်နုတ်​တော်မူ​ပြီ​။

Common Language Bible

⁶ အ​ကျွန်ုပ်​သည်​တောင်​များ​၏​အောက်​ခြေ​သို့ တိုင်​အောင်​လည်း​ကောင်း၊ ပြန်​လမ်း​မ​ရှိ​သည့်​မ​ရ​ဏာ​နိုင်​ငံ​သို့ လည်း​ကောင်း နစ်​မြုပ်​သွား​ပါ​သည်။ သို့​ဖြစ်​လျက်​ပင်​အ​ကျွန်ုပ်​၏​ဘု​ရား​သ​ခင် ထာ​ဝ​ရ​ဘု​ရား၊ ကိုယ်​တော်​သည်​အ​ကျွန်ုပ်​၏​အ​သက်​ကို နက်​ရာ​မှ ကယ်​ဆယ်​တော်​မူ​ခဲ့​ပါ​၏။

Garrad Bible

⁶ တောင် ခြေ ရင်း သို့ အ ကျွန်ုပ် ဆင်း ရ၍၊ မြေ ကြီး၏ ကန့် လန့် ကျင် များ ဖြင့် အ စဉ် အ မြဲ ထိုး ပိတ် ထား သော် လည်း၊ အ ကျွန်ုပ်၏ ဘု ရား သ ခင် ထာ ဝ ရ ဘု ရား ကိုယ် တော် သည် အ ကျွန်ုပ် အ သက် ကို၊ ပျက် စီး ရာ တွင်း ထဲ မှ ဆယ် ယူ တော် မူ ပါ ပြီ။

Judson Bible

⁶ တောင်​ခြေ​ရင်း​အ​မြစ်​သို့ အ​ကျွန်ုပ်​ဆင်း၍၊ မြေ​ကန့်​လန့်​ကျင်​အ​တွင်း၌ အ​စဉ်​အ​မြဲ​ပိတ်​ထား​သော်​လည်း၊ အ​ကျွန်ုပ်၏​ဘု​ရား​သ​ခင် ထာ​ဝ​ရ​ဘု​ရား၊ ကိုယ်​တော်​သည် အ​ကျွန်ုပ်​အ​သက်​ကို ပျက်​စီး​ရာ​မှ ကယ်​ဆယ်​တော်​မူ​လိမ့်​မည်။

ယော​န 2:6 Referencias Cruzadas

ယောဘဝတ္တု။ 33:24

သူ့​ကို သနား​သော​အားဖြင့် ကောင်းကင်တမန်​က ‘သူ့​ကို သေတွင်း​မှ ကယ်တင်​တော်မူ​ပါ​။ အကျွန်ုပ်​သည် ရွေးနုတ်စရာ​အဖိုးအခ​ကို တွေ့​ပါ​ပြီ’​ဟု ဆို​လိမ့်မည်​။

ယောဘဝတ္တု။ 33:28

ငါ့​ဝိညာဉ်​ကို သေတွင်း​သို့​မ​ရောက်​အောင် ရွေးနုတ်​တော်မူ​၏​။ ငါ့​အသက်​သည်​လည်း အလင်း​ကို တွေ့မြင်​ခွင့်​ရ​၏​’​ဟု ဆို​လိမ့်မည်​။

ဆာ​လံ 104:6

ကိုယ်တော်​သည် ထို​မြေကြီး​ကို အဝတ်​နှင့်​ဖုံးလွှမ်း​သကဲ့သို့ နက်ရှိုင်း​သော​ရေထု​ဖြင့် ဖုံးလွှမ်း​တော်မူ​၏​။ ရေထု​သည် တောင်​များ​ပေါ်တွင် တည်​လျက်​ရှိ​ပါ​၏​။

ဆာ​လံ 104:8

တောင်​များ​ပေါ်​တက်သွား​၍ ချိုင့်ဝှမ်း​များ​ထဲသို့​စီးဆင်း​လျက် မိမိ​တို့​အတွက် ကိုယ်တော်​ချမှတ်​ထား​သော​နေရာ​သို့ သွား​ကြ​ပါ​၏​။

ဆာ​လံ 116:3

သေ​ခြင်း​၏​နှောင်ကြိုး​တို့​သည် ငါ့​ကို​ရစ်ပတ်​၍ မရဏာနိုင်ငံ​၏​ပြင်းပြ​သော​ဝေဒနာ​တို့​သည် ငါ့​အပေါ်​ကျရောက်​ကြ​၏​။ ငါ​သည် ဆင်းရဲဒုက္ခ​နှင့်​ဝမ်းနည်း​ခြင်း​ကို​တွေ့ကြုံ​ရ​၏​။

ဆာ​လံ 143:7

အို ထာဝရဘုရား​၊ အကျွန်ုပ်​ကို အလျင်အမြန်​ထူး​တော်မူ​ပါ​။ အကျွန်ုပ်​၏​ဝိညာဉ်​သည် အားအင်ကုန်ခန်း​ပါ​ပြီ​။ အကျွန်ုပ်​သည် သေတွင်း​ထဲသို့ ဆင်းသွား​သော​သူ​တို့​ကဲ့သို့ မ​ဖြစ်​ရ​ပါ​မည့်​အကြောင်း အကျွန်ုပ်​ထံမှ မျက်နှာ​လွှဲ​တော်​မ​မူ​ပါ​နှင့်​။

ဆာ​လံ 16:10

အကြောင်းမူကား ကိုယ်တော်​သည် အကျွန်ုပ်​၏​စိတ်ဝိညာဉ်​ကို မရဏာနိုင်ငံ​၌ စွန့်ပစ်​ထား​တော်မူ​မည်​မ​ဟုတ်​။ ကိုယ်တော်​၏​သန့်ရှင်း​သူ​အား ပုပ်ပျက်​ခြင်း​နှင့်​ကြုံတွေ့​ခွင့်​ပေး​တော်မူ​မည်​မ​ဟုတ်​။

ဆာ​လံ 18:5

မရဏာ​ကြိုး​တို့​သည် ငါ့​ကို ပတ်စည်း​ထား​ပြီး သေမင်း​ထောင်ချောက်​များ​လည်း ငါ့​ကို ဆီးကြို​နေ​ပါ​၏​။

ဆာ​လံ 30:3

အို ထာဝရဘုရား​၊ ကိုယ်တော်​သည် အကျွန်ုပ်​၏​စိတ်ဝိညာဉ်​ကို မရဏာနိုင်ငံ​ထဲမှ​ထုတ်ဆောင်​တော်မူ​၍ အကျွန်ုပ်​ကို သေတွင်း​ထဲသို့​မ​ဆင်းသွား​စေ​ဘဲ ဆက်၍​အသက်ရှင်​စေ​တော်မူ​ပြီ​။

ဆာ​လံ 30:9

အကျွန်ုပ်​သေဆုံး​ခြင်း​အားဖြင့်​၊ သေတွင်း​သို့​အကျွန်ုပ်​ဆင်းသွား​ခြင်း​အားဖြင့် မည်သည့်​အကျိုး​ရှိ​ပါ​မည်နည်း​။ မြေမှုန့်​သည် ကိုယ်တော်​ကို​ချီးမွမ်း​ပါ​မည်လော​။ ကိုယ်တော်​၏​သမ္မာတရား​ကို ပြောကြား​ပါ​မည်လော​။

ဆာ​လံ 55:23

သို့သော် အို ဘုရားသခင်​၊ ကိုယ်တော်​သည် ထို​သူ​တို့​ကို ပုပ်ပျက်ရာ​တွင်း​ထဲသို့​ဆင်းသွား​စေ​တော်မူ​၏​။ သွေးဆာ​သော​သူ​နှင့် လိမ်လည်လှည့်ဖြား​သော သူ​တို့​သည် မိမိ​တို့​နေ့ရက်​ကာလ​၏​ထက်ဝက်​မျှပင် အသက်ရှင်​ရ​မည်​မ​ဟုတ်​။ အကျွန်ုပ်​မူကား ကိုယ်တော်​ကို​ယုံကြည်ကိုးစား​ပါ​မည်​။

ဆာ​လံ 65:6

ကိုယ်တော်​သည် မိမိကိုယ်မိမိ အစွမ်းတန်ခိုး​တော်​နှင့်​ပတ်စည်း​လျက် တောင်​များ​ကို မိမိ​၏​တန်ခိုး​တော်​ဖြင့် တည်​စေ​တော်မူ​၏​။

ဆာ​လံ 69:2

အကျွန်ုပ်​သည် နက်​သော​နွံ​ထဲ၌​နစ်​နေ​ပါ​ပြီ​။ ရပ်စရာမြေမာ​လည်း​မ​ရှိ​ပါ​။ အကျွန်ုပ်​သည် နက်ရှိုင်း​သော​ရေ​ထဲသို့​ရောက်​နေ​ပါ​ပြီ​။ လှိုင်းလုံးကြီး​သည် အကျွန်ုပ်​ကို​လွှမ်းမိုး​ပါ​ပြီ​။

ဟေ​ရှာ​ယ 38:10

“​ငါ​သည် အရွယ်ကောင်း​ချိန်​တွင်ပင် မရဏာနိုင်ငံ​တံခါး​ရှိ​ရာ​သို့ သွား​ရ​တော့​မည်​။ ကြွင်းကျန်​သော ငါ​၏​နှစ်လ​များ​ကို ငါ​ဆုံးရှုံး​လိုက်​ရ​လေ​ပြီ​။

ဟေ​ရှာ​ယ 38:17

ကြည့်ရှု​လော့​။ အကျွန်ုပ်​ခံစား​ရ​သော​ဒုက္ခဝေဒနာ​သည် အကျွန်ုပ်​ကောင်း​ဖို့​ဖြစ်​ပါ​၏​။ ကိုယ်တော်​သည် အကျွန်ုပ်​၏​စိတ်ဝိညာဉ်​ကို ပျက်စီး​ခြင်း​တွင်း​ထဲမှ နုတ်ယူ​တော်မူ​ပြီ​။ အကျွန်ုပ်​၏​အပြစ်​ရှိသမျှ​တို့​ကို နောက်​တော်​သို့ ပစ်လိုက်​တော်မူ​ပြီ​။

ဟေ​ရှာ​ယ 40:12

ရေ​ကို လက်ခုပ်​ဖြင့် ခြင်တွယ်​သော​သူ​၊ ကောင်းကင်​ကို လက်​ဖြင့်​တိုင်းထွာ​သော​သူ​၊ မြေမှုန့်​ကို ခြင်တောင်း​ဖြင့်​ချင့်​သော​သူ​၊ တောင်ကြီး​ကို ကတ္တား​ဖြင့်​လည်းကောင်း​၊ တောင်ငယ်​ကို ချိန်ခွင်​ဖြင့်​လည်းကောင်း ချိန်တွယ်​သော​သူ​ကား မည်သူ​နည်း​။

ယေ​ဇ​ကျေ​လ 26:20

ရှေး​လူ​တို့​ရောက်သွား​ရာ တွင်း​ထဲသို့ သင့်​ကို​ရောက်သွား​စေ​မည်​။ ရှေးကာလ​ကတည်းက​ပြိုပျက်​ရာ မြေကြီး​အောက်​တွင်းနက်​ထဲတွင် ထို​သူ​တို့​နှင့်အတူ သင့်​ကို​နေထိုင်​စေ​မည်​။ သင်​ပြန်လာ​ရ​မည်​မ​ဟုတ်​။ အသက်ရှင်​သူ​တို့​၏​ပြည်​၌​ကား ဂုဏ်သရေ​ရှိ​စေ​မည်’​ဟု မိန့်​တော်မူ​၏​။

ယေ​ဇ​ကျေ​လ 31:14

ထို့ကြောင့် ရေ​နား​မှာ​ရှိ​သော​အပင်​တို့​သည် မြင့်​နိုင်​တော့​မည်​မ​ဟုတ်​။ အပင်​ထိပ်ဖျား​သည် မိုးတိမ်​ထိ​အောင် မြင့်​နိုင်​တော့​မည်​မ​ဟုတ်​။ ရေ​အလုံအလောက်​ရ​သော​အပင်​အားလုံး​တို့​လည်း မြင့်​နိုင်​တော့​မည်​မ​ဟုတ်​။ အကြောင်းမူကား ထို​အပင်​ရှိသမျှ​တို့​ကို သေ​ခြင်း​လက်​သို့ ပေးအပ်​ထား​ပြီ​ဖြစ်​၍ လူသား​တို့​နှင့်အတူ မြေကြီး​အောက်​တွင်းနက်​ထဲသို့ ဆင်းသွား​ရ​မည်’​ဟု မိန့်​တော်မူ​၏​။

ဟ​ဗက္ကုတ် 3:10

တောင်​များ​သည် ကိုယ်တော်​ကို​မြင်​လျှင် တုန်လှုပ်​ကြ​ပါ​၏​။ မိုးသက်မုန်တိုင်း​လည်း တိုက်ခတ်​ပါ​၏​။ နက်ရှိုင်း​ရာ​အရပ်​သည် ဟုန်းသံ​ပေး​၍ မိမိ​လက်​များ​ကို​လည်း အထက်​သို့​မြှောက်​ပါ​၏​။

ဟ​ဗက္ကုတ် 3:6

ရပ်​တော်မူ​လျှင် မြေကြီး​လှုပ်​၍ ကြည့်​တော်မူ​လျှင် တိုင်းနိုင်ငံ​တို့ တုန်လှုပ်​ကြ​လေ​၏​။ ရှေး​တောင်ကြီး​များ​လည်း ကွဲလွင့်​၍ ရှေး​တောင်ကုန်း​များ​လည်း နိမ့်ဝင်​ကုန်​၏​။ နည်းလမ်း​တော်​တို့​မူကား ထာဝရ​တည်​၏​။

မဿဲ 16:18

သင့်​အား ငါ​ဆို​သည်​ကား သင်​သည် ပေတရု​ဖြစ်​၏။ ဤ​ကျောက်​ပေါ်၌ ငါ​၏​အသင်းတော်​ကို ငါ​တည်ဆောက်​မည်။ မရဏာ​နိုင်ငံ​၏​တံခါး​တို့​သည်​လည်း ထို​အသင်းတော်​ကို အနိုင်ရ​ကြ​မည်​မ​ဟုတ်။

တ​ရား​ဟော 32:22

ငါ့​အမျက်​မီး​သည် စွဲ​၍ မရဏာနိုင်ငံ​အောက်ဆုံး​ထိ​တိုင်အောင် တောက်လောင်​လိမ့်မည်​။ မြေကြီး​နှင့် မြေကြီး​အသီးအနှံ​တို့​ကို ဝါးမျို​၍ တောင်​များ​၏​အခြေအမြစ်​တို့​ကို လောင်ကျွမ်း​လိမ့်မည်​။