ယော​န 2:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² “​အကျွန်ုပ်​သည် ဆင်းရဲဒုက္ခ​ထဲတွင် ထာဝရဘုရား​ထံ အော်ဟစ်​ဆုတောင်း​သောအခါ ကိုယ်တော်​နားညောင်း​တော်မူ​၏​။ မရဏာနိုင်ငံ​တွင်းနက်​ထဲမှ အကျွန်ုပ်​အကူအညီ​အော်ဟစ်​တောင်းခံ​သောအခါ အကျွန်ုပ်​အသံ​ကို ကိုယ်တော်​ကြား​တော်မူ​ပါ​၏​။

Common Language Bible

² ``အို ထာ​ဝ​ရ​ဘု​ရား၊ အ​ကျွန်ုပ်​သည်​ဘေး​နှင့်​ကြုံ​တွေ့​နေ​ရ​သည့်​အ​တွက် ကိုယ်​တော်​အား​ဟစ်​ခေါ်​ခဲ့​ပါ​သည်။ ကိုယ်​တော်​က​လည်း​ကြား​တော်​မူ​ပါ​၏။ အ​ကျွန်ုပ်​သည်​သေ​မင်း​၏​ခံ​တွင်း​မှ​နေ​၍ ကိုယ်​တော်​အား​ဟစ်​အော်​သံ​ကို​ကိုယ်​တော် ကြား​တော်​မူ​ပါ​၏။

Garrad Bible

² အ ကျွန်ုပ် သည် ဒု က္ခ ခံ ရ သော ကြောင့်၊ ထာ ဝ ရ ဘု ရား ကို ဟစ် ခေါ်၍၊ ကိုယ် တော် သည် ထူး တော် မူ၏။ မ ရ ဏာ့ နိုင် ငံ၏ ဝမ်း ထဲ မှ ဟစ် သော အ သံ ကို နား ညောင်း တော် မူ၏။

Judson Bible

² ငါ​သည် ဒု​က္ခ​ဆင်း​ရဲ​ကို ခံ​ရ​သော​ကြောင့်၊ ထာ​ဝ​ရ​ဘု​ရား​ကို​ဟစ်​ခေါ်၍ ငါ့​စ​ကား​ကို ကြား​တော်​မူ၏။ မ​ရ​ဏ​နိုင်​ငံ၏​ဝမ်း​ထဲ​က ဟစ်​ခေါ်​သော စ​ကား​သံ​ကို နား​ထောင်​တော်​မူ၏။

ယော​န 2:2 Referencias Cruzadas

၂ ရာ​ချုပ် 33:12

ထိုသို့ ဒုက္ခရောက်​သောအခါ မနာရှေ​မင်းကြီး​သည် သူ​၏​ဘုရားသခင်​ထာဝရဘုရား​၏​မျက်နှာ​တော်​ကို ရှာ​လျက် ဘိုးဘေး​တို့​၏​ဘုရားသခင်​ရှေ့​တော်​တွင် မိမိကိုယ်ကို​အလွန်​နှိမ့်ချ​လေ​၏​။

ဆာ​လံ 116:3

သေ​ခြင်း​၏​နှောင်ကြိုး​တို့​သည် ငါ့​ကို​ရစ်ပတ်​၍ မရဏာနိုင်ငံ​၏​ပြင်းပြ​သော​ဝေဒနာ​တို့​သည် ငါ့​အပေါ်​ကျရောက်​ကြ​၏​။ ငါ​သည် ဆင်းရဲဒုက္ခ​နှင့်​ဝမ်းနည်း​ခြင်း​ကို​တွေ့ကြုံ​ရ​၏​။

ဆာ​လံ 120:1

ငါ​သည် ဆင်းရဲဒုက္ခ​ရောက်​သောအခါ ထာဝရဘုရား​ကို​ခေါ်​၍ ကိုယ်တော်​သည် ငါ့​ကို​ထူး​တော်မူ​၏​။

ဆာ​လံ 16:10

အကြောင်းမူကား ကိုယ်တော်​သည် အကျွန်ုပ်​၏​စိတ်ဝိညာဉ်​ကို မရဏာနိုင်ငံ​၌ စွန့်ပစ်​ထား​တော်မူ​မည်​မ​ဟုတ်​။ ကိုယ်တော်​၏​သန့်ရှင်း​သူ​အား ပုပ်ပျက်​ခြင်း​နှင့်​ကြုံတွေ့​ခွင့်​ပေး​တော်မူ​မည်​မ​ဟုတ်​။

ဆာ​လံ 22:24

အကြောင်းမူကား ကိုယ်တော်​သည် အဖိနှိပ်​ခံရ​သော​သူ​ကြုံတွေ့​ရ​သည့်​ဖိနှိပ်မှု​ကို မထီမဲ့မြင်ပြု​တော်​မ​မူ​။ ရွံရှာ​ခြင်း​လည်း​ရှိ​တော်​မ​မူ​။ မျက်နှာ​တော်​ကို​လည်း သူ့​ထံမှ​လွှဲ​တော်​မ​မူ​ဘဲ အကူအညီ​အော်ဟစ်​တောင်းခံ​သောအခါ သူ့​ကို​နားညောင်း​တော်မူ​၏​။

ဆာ​လံ 34:6

အဖိနှိပ်​ခံရ​သော​ဤ​သူ ခေါ်​သောအခါ ထာဝရဘုရား​သည် နားထောင်​၍ သူ​၏​ဆင်းရဲဒုက္ခ​အပေါင်း​တို့​မှ သူ့​ကို​ကယ်တင်​တော်မူ​၏​။

ဆာ​လံ 4:1

အကျွန်ုပ်​ကို​ဖြောင့်မတ်​စေ​တော်မူ​သော ဘုရားသခင်​၊ အကျွန်ုပ်​ခေါ်​သောအခါ အကျွန်ုပ်​ကို​ထူး​တော်မူ​ပါ​။ အကျွန်ုပ်​ဆင်းရဲဒုက္ခ​ထဲ​ရောက်​သောအခါ ကိုယ်တော်​သည် အကျွန်ုပ်​ကို ချမ်းသာ​ပေး​တော်မူ​ပါ​ပြီ​။ အကျွန်ုပ်​ကို​သနား​၍ အကျွန်ုပ်​၏​ဆုတောင်းချက်​ကို နားညောင်း​တော်မူ​ပါ​။

ဆာ​လံ 61:2

အကျွန်ုပ်​သည် စိတ်နှလုံး​ညှိုးငယ်​သောအခါ ကိုယ်တော်​ကို ကမ္ဘာမြေကြီး​အစွန်း​မှ ခေါ်​ပါ​၏​။ အကျွန်ုပ်​ထက်​မြင့်မား​သော​ကျောက်ဆောင်​ပေါ်သို့ အကျွန်ုပ်​ကို​ပို့ဆောင်​တော်မူ​ပါ​။

ဆာ​လံ 65:2

ဆုတောင်းချက်​ကို​နားညောင်း​တော်မူ​သော​အရှင်​၊ လူ​အပေါင်း​တို့​သည် ကိုယ်တော့်​ထံသို့ လာ​ကြ​ပါ​လိမ့်မည်​။

ဆာ​လံ 86:13

အကြောင်းမူကား အကျွန်ုပ်​အပေါ်​ထားရှိ​သော ကိုယ်တော်​၏​မေတ္တာကရုဏာ​တော်​သည် ကြီးမား​လှ​ပါ​၏​။ ကိုယ်တော်​သည် အကျွန်ုပ်​၏​စိတ်ဝိညာဉ်​ကို နက်ရှိုင်း​သော​မရဏာနိုင်ငံ​မှ ကယ်နုတ်​တော်မူ​ပြီ​။

ဟေ​ရှာ​ယ 14:9

သင်​ရောက်လာ​မည်​ဖြစ်၍ အောက်​အရပ်​ရှိ​မရဏာနိုင်ငံ​သည် စိတ်လှုပ်ရှား​စွာ​ဖြင့်​ကြိုဆို​နေ​၏​။ သေလွန်​ပြီး​သော ကမ္ဘာမြေကြီး​၏​ခေါင်းဆောင်​အပေါင်း​တို့​ကို လှုံ့ဆော်​၏​။ တိုင်းနိုင်ငံ​တို့​၏​ရှင်ဘုရင်​အပေါင်း​တို့​ကို ရာဇပလ္လင်​မှ​ထ​စေ​၏​။

မြည်​တမ်း​စ​ကား 3:55

အို ထာဝရဘုရား​၊ အကျွန်ုပ်​သည် တွင်း​နက်​ထဲမှ​နေ​၍ ကိုယ်တော်​၏​နာမ​တော်​ကို ဟစ်ခေါ်​ပါ​၏​။

ယေ​ဇ​ကျေ​လ 26:20

ရှေး​လူ​တို့​ရောက်သွား​ရာ တွင်း​ထဲသို့ သင့်​ကို​ရောက်သွား​စေ​မည်​။ ရှေးကာလ​ကတည်းက​ပြိုပျက်​ရာ မြေကြီး​အောက်​တွင်းနက်​ထဲတွင် ထို​သူ​တို့​နှင့်အတူ သင့်​ကို​နေထိုင်​စေ​မည်​။ သင်​ပြန်လာ​ရ​မည်​မ​ဟုတ်​။ အသက်ရှင်​သူ​တို့​၏​ပြည်​၌​ကား ဂုဏ်သရေ​ရှိ​စေ​မည်’​ဟု မိန့်​တော်မူ​၏​။

ယေ​ဇ​ကျေ​လ 31:14

ထို့ကြောင့် ရေ​နား​မှာ​ရှိ​သော​အပင်​တို့​သည် မြင့်​နိုင်​တော့​မည်​မ​ဟုတ်​။ အပင်​ထိပ်ဖျား​သည် မိုးတိမ်​ထိ​အောင် မြင့်​နိုင်​တော့​မည်​မ​ဟုတ်​။ ရေ​အလုံအလောက်​ရ​သော​အပင်​အားလုံး​တို့​လည်း မြင့်​နိုင်​တော့​မည်​မ​ဟုတ်​။ အကြောင်းမူကား ထို​အပင်​ရှိသမျှ​တို့​ကို သေ​ခြင်း​လက်​သို့ ပေးအပ်​ထား​ပြီ​ဖြစ်​၍ လူသား​တို့​နှင့်အတူ မြေကြီး​အောက်​တွင်းနက်​ထဲသို့ ဆင်းသွား​ရ​မည်’​ဟု မိန့်​တော်မူ​၏​။

မဿဲ 12:40

အကြောင်းမူကား ယောန​သည် ငါးကြီး​ဝမ်း​ထဲ၌ သုံး​နေ့​နှင့်​သုံး​ည​နေ​ခဲ့​ရသကဲ့သို့ လူ့သား​သည်​လည်း မြေကြီး​အတွင်း​၌ သုံး​နေ့​နှင့်​သုံး​ည​နေ​ရ​လိမ့်မည်။

လုကာ 11:10

အကြောင်းမူကား တောင်း​သော​သူ​တိုင်း​သည်​ရ​၏။ ရှာ​သော​သူ​သည်​လည်း​တွေ့​၏။ တံခါး​ခေါက်​သော​သူ​ကို​လည်း ဖွင့်​ပေး​လိမ့်မည်။

လုကာ 22:44

ကိုယ်တော်​သည် ပြင်းစွာ​သော​ဝေဒနာ​ကို​ခံစား​လျက် ပို၍​ပြင်းပြ​စွာ​ဆုတောင်း​တော်မူ​ရာ ကိုယ်တော်​၏​ချွေး​သည် မြေ​ပေါ်သို့​ကျ​သော​သွေး​စက်​သဖွယ်​ဖြစ်​လေ​၏။

တမန်တော်ဝတ္ထု 2:27

အကြောင်းမူကား ကိုယ်တော်​သည် အကျွန်ုပ်​၏​စိတ်ဝိညာဉ်​ကို မရဏာ​နိုင်ငံ​၌ စွန့်ပစ်​ထား​တော်မူ​မည်​မ​ဟုတ်။ ကိုယ်တော်​၏​သန့်ရှင်း​သော​သူ​အား​လည်း ပုပ်ပျက်​ခြင်း​နှင့် ကြုံတွေ့​ခွင့်ပေး​တော်မူ​မည်​မ​ဟုတ်။

ဟေ​ဗြဲ 5:7

ခရစ်တော်​သည် လူသား​အဖြစ်​၌​ရှိ​စဉ် သေ​ခြင်း​မှ​ကယ်တင်​နိုင်​သော​အရှင်​ထံ ကျယ်လောင်​သော​အော်ဟစ်​သံ​နှင့်​မျက်ရည်​တို့​ဖြင့် တောင်းလျှောက်​၍ အသနားခံ​သဖြင့် ထို​ကြည်ညို​မှု​ကြောင့် ဘုရားသခင်​သည် နားညောင်း​တော်မူ​၏။

၁ ရာ 1:16

သခင့်​ကျွန်မ​ကို ဆိုးညစ်​သော​မိန်းမ​ဟု မ​ထင်​ပါ​နှင့်​။ အကျွန်ုပ်​၌ ပူဆွေး​ဝမ်းနည်းမှု များလွန်း​သဖြင့် အဆက်မပြတ်​ဆုတောင်း​နေ​ခြင်း​သာ ဖြစ်​ပါ​၏​”​ဟု ပြန်ပြော​သော်

၁ ရာ 30:6

လူ​အပေါင်း​တို့​သည် မိမိ​တို့​၏​သား​သမီး​များ​အတွက် စိတ်သောက​ရောက်​လျက် ဒါဝိဒ်​ကို ခဲ​နှင့်​ပေါက်သတ်​ရန် ပြောဆို​ကြ​သဖြင့် ဒါဝိဒ်​မှာ အလွန်​စိတ်ဒုက္ခ​ရောက်​ရ​လေ​၏​။ သို့သော် သူ​သည် သူ​၏​ဘုရားသခင်​ထာဝရဘုရား​ထံ​တော်​မှ အားယူ​လေ​၏​။