ယောဘဝတ္တု။ 9:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ ဉာဏ်ပညာ​တန်ခိုး​ကြီး​တော်မူ​သော​ဘုရား​ကို မည်သူ​သည် ဆန့်ကျင်အာခံ​ပြီး အသက်ချမ်းသာ​ရာ​ရ​ဖူး​သနည်း​။

Common Language Bible

⁴ ဘုရားသခင်သည်ထူးဆန်းသောဥာဏ်၊ ကြီးစွာသောတန်ခိုးနှင့် ပြည့်စုံတော်မူသည်ဖြစ်၍၊ အဘယ်သူသည် အာဏာတော်ကို ဆန်၍အောင်နိုင်သနည်း။

Garrad Bible

⁴ ကိုယ် တော် သည်၊ ဉာဏ် ပ ညာ ချွန် လျက်၊ တန် ခိုး ကြီး လျက် ရှိ တော် မူ သည် နှင့်၊ မည် သူ သည် စိတ် ခဲ ယဉ်း စွာ ခု ခံ၍၊ ဒဏ် ကင်း လျက် နေ ရ ဖူး သ နည်း။

Judson Bible

⁴ ဘု​ရား​သ​ခင်​သည် ထူး​ဆန်း​သော​ဉာဏ်၊ ကြီး​စွာ​သော​တန်​ခိုး​နှင့် ပြည့်​စုံ​တော်​မူ​သည်​ဖြစ်၍၊ အ​ဘယ်​သူ​သည် အာ​ဏာ​တော်​ကို ဆန်၍​အောင်​နိုင်​သ​နည်း။

ယောဘဝတ္တု။ 9:4 Referencias Cruzadas

၂ ရာ​ချုပ် 13:12

ဘုရားသခင်​သည် ငါ​တို့​နှင့်အတူ ရှိ​တော်မူ​သော ငါ​တို့​၏​ခေါင်းဆောင် ဖြစ်​၏​။ ယဇ်ပုရောဟိတ်​များ​သည်​လည်း သင်​တို့​နှင့်​တိုက်ခိုက်​ရန် တံပိုးခရာမှုတ်​၍​စစ်ငြာသံ​ပေး​လျက် ရှိ​၏​။ အို အစ္စရေး​အမျိုး​တို့​၊ သင်​တို့​ဘိုးဘေး​တို့​၏​ဘုရားသခင်​ထာဝရဘုရား​နှင့် စစ်​မ​တိုက်​ကြ​နှင့်​။ သင်​တို့​အောင်​နိုင်​မည်​မ​ဟုတ်​”​ဟု အော်ပြော​၏​။

၂ ရာ​ချုပ် 20:6

“​ဘိုးဘေး​တို့​၏​ဘုရားသခင်​ထာဝရဘုရား​၊ ကိုယ်တော်​သည် ကောင်းကင်ဘုံ​တွင်​စံမြန်း​၍ လူမျိုးတကာ​တို့​နေထိုင်​ရာ​တိုင်းနိုင်ငံ​အလုံးစုံ​ကို အုပ်စိုး​ပိုင်သ​တော်မူ​သည်​မ​ဟုတ်​လော​။ ကိုယ်တော်​၏​လက်​တော်​၌ အစွမ်းသတ္တိ​တန်ခိုး ရှိ​တော်မူ​သည်​ဖြစ်​၍ ကိုယ်တော်​နှင့်​ဆန့်ကျင်​လျှင် မည်သူ​မျှ​မ​ခံ​မ​ရပ်​နိုင်​ပါ​။

ယောဘဝတ္တု။ 11:6

ပြီးပြည့်စုံ​သော​ဉာဏ်ပညာ​သည် အသွား​နှစ်​ဖက်​ပါ​သည်​ဖြစ်၍ ဉာဏ်ပညာ​၏​လျှို့ဝှက်ချက်​ကို သင့်​အား ဖော်ပြ​တော်မူ​ပါစေ​။ ဘုရားသခင်​သည် သင့်​အပြစ်​များ​ကို မေ့လျော့​တော်မူ​ကြောင်း သိမှတ်​လော့​။

ယောဘဝတ္တု။ 12:13

ဉာဏ်ပညာ​နှင့် အစွမ်းတန်ခိုး​၊ အကြံဉာဏ်​နှင့် ထိုးထွင်းဉာဏ်​တို့​သည် ကိုယ်တော်​၌ ရှိ​သည်​မ​ဟုတ်​လော​။

ယောဘဝတ္တု။ 15:13

သင်​သည် ဘုရားသခင်​ကို စိတ်ဆိုး​၍ ဤကဲ့သို့သော​စကား​မျိုး နှုတ်​မှ​ထွက်လာ​ရ​သလော​။

ယောဘဝတ္တု။ 23:6

ကိုယ်တော်​သည် မဟာ​တန်ခိုး​တော်​ဖြင့် ငါ့​ကို ငြင်းဆန်​မည်လော​။ ထိုသို့​မ​ဟုတ်​ပါ​။ အကယ်စင်စစ် ကိုယ်တော်​သည် ငါ့​စကား​ကို နားထောင်​ပေး​တော်မူ​လိမ့်မည်​။

ယောဘဝတ္တု။ 24:22

သို့သော် ကိုယ်တော်​သည် အားကြီး​သော​သူ​ကို တန်ခိုး​တော်​ဖြင့် လှဲချ​တော်မူ​မည်​။ သူ​ပြန်​ထလာ​လျှင်ပင် သူ့​အသက်​အတွက် အာမခံချက် ရှိ​မည်​မ​ဟုတ်​။

ယောဘဝတ္တု။ 25:2

“​အထက်ကောင်းကင်ဘုံ​၌ ငြိမ်သက်​ခြင်း​ကို ရှိ​စေ​တော်မူ​သော​အရှင်​သည် အုပ်စိုး​ခြင်း​အရှင်​၊ ကြောက်ရွံ့ရိုသေဖွယ်​အရှင် ဖြစ်​တော်မူ​၏​။

ယောဘဝတ္တု။ 28:23

ဘုရားသခင်​မူကား ဉာဏ်ပညာ​လမ်း​နှင့် ဉာဏ်ပညာ​တည်​ရာ​ကို သိ​တော်မူ​၏​။

ယောဘဝတ္တု။ 36:5

ဘုရားသခင်​သည် တန်ခိုးကြီး​တော်မူ​သော်လည်း မည်သူ့​ကို​မျှ မထီမဲ့မြင်ပြု​တော်​မ​မူ​။ စိတ်ဓာတ်​ခွန်အား​လည်း ကြီးမား​တော်မူ​၏​။

ယောဘဝတ္တု။ 37:23

အနန္တတန်ခိုးရှင်​ကို အကျွန်ုပ်​တို့ လိုက်​၍​မ​မီ​နိုင်​။ ကိုယ်တော်​သည် တန်ခိုးကြီး​သော​အရှင် ဖြစ်​တော်မူ​၏​။ တရားမျှတ​ခြင်း​၊ ဖြောင့်မတ်​ခြင်း​တို့​နှင့် ပြည့်စုံ​တော်မူ​၏​။ မတရား​သော​အမှု​ကို ပြု​တော်​မ​မူ​။

ယောဘဝတ္တု။ 38:36

ပညာ​ရှိ​သော​စိတ်​ကို မည်သူ​သွင်းပေး​နိုင်​သနည်း​။ နားလည်​နိုင်​သော​နှလုံးသား​ကို မည်သူ​ပေး​သနည်း​။

ယောဘဝတ္တု။ 38:37

မိုးတိမ်​များ​ကို ရေတွက်​နိုင်​လောက်အောင် မည်သူ​ဉာဏ်ပညာ​ရှိ​သနည်း​။ ကောင်းကင်​အိုး​တို့​ကို မည်သူ​သွန်ချ​နိုင်​သနည်း​။

ယောဘဝတ္တု။ 40:9

ငါ​ဘုရားသခင်​၏​လက်ရုံး​မျိုး သင်​၌​ရှိ​သလော​။ မိုးချုန်းသံ​ကဲ့သို့သော​အသံ​မျိုး သင်​၌​ရှိ​သလော​။

ယောဘဝတ္တု။ 41:2

သူ့​နှာခေါင်း​ထဲသို့ ကြိုး​လျှိုသွင်း​နိုင်​သလော​။ သူ့​မေးရိုး​ကို သံချိတ်​နှင့် ဖောက်​နိုင်​သလော​။

ယောဘဝတ္တု။ 6:10

သို့မှ ငါ​ခံစား​ရ​သက်သာ​လိမ့်မည်​။ မညှာမတာ​ခံစား​ရ​သော​ဝေဒနာ​များ​ထဲမှ ဝမ်းမြောက်​မိ​ပါ​လိမ့်မည်​။ ငါ​သည် သန့်ရှင်း​သော​အရှင်​၏​စကား​တော်​ကို မ​ငြင်းဆန်​ခဲ့​ပါ​။

ယောဘဝတ္တု။ 9:19

ကြည့်ရှု​လော့​။ တန်ခိုး​နှင့်ပတ်သက်​လျှင် ကိုယ်တော်​သည် တန်ခိုးကြီး​သော​အရှင်​ဖြစ်​တော်မူ​၏​။ တရားမျှတမှု​နှင့်ပတ်သက်​လျှင်​လည်း ကိုယ်တော်​ကို မည်သူ​စိန်ခေါ်​ဝံ့​မည်နည်း​။

ဆာ​လံ 104:24

အို ထာဝရဘုရား​၊ ကိုယ်တော်​ပြု​တော်မူ​သော​အမှု​တို့​သည် အလွန်​များပြား​လှ​ပါ​၏​။ ကိုယ်တော်​သည် ထို​အရာ​အားလုံး​ကို ဉာဏ်ပညာ​အားဖြင့် ဖန်ဆင်း​တော်မူ​၏​။ ကမ္ဘာမြေကြီး​သည် ကိုယ်တော်​ဖန်ဆင်း​သော အရာ​များ​ဖြင့် ပြည့်နှက်​လျက်​ရှိ​ပါ​၏​။

ဆာ​လံ 136:5

ဉာဏ်​တော်​အားဖြင့် ကောင်းကင်​ကို​ဖန်ဆင်း​တော်မူ​သော​အရှင်​၏​ကျေးဇူး​တော်​ကို ချီးမွမ်း​ကြ​လော့​။ အကြောင်းမူကား ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​၏​။

ထွက်​မြောက် 15:7

ကိုယ်တော်​ကို​ဆန့်ကျင်​သော​သူ​တို့​ကို ကြီးမား​သော​ဘုန်းတန်ခိုး​တော်​ဖြင့် မှောက်လှန်​တော်မူ​၏​။ ပြင်းထန်​သော​အမျက်​တော်​ကို​လွှတ်​တော်မူ​၍ ရိုးပြတ်​ကဲ့သို့​လောင်ကျွမ်း​စေ​တော်မူ​၏​။

ထွက်​မြောက် 9:7

ထိုအခါ ဖာရော​မင်းကြီး​သည် လူ​ကို​စေလွှတ်​ရာ အစ္စရေး​လူမျိုး​တို့​၏​တိရစ္ဆာန်​တစ်​ကောင်​မျှ​မ​သေ​ကြောင်း သိရှိ​၏​။ သို့သော်လည်း ဖာရော​မင်းကြီး​သည် စိတ်နှလုံး​ခိုင်မာ​လျက် အစ္စရေး​လူမျိုး​တို့​ကို မ​လွှတ်​ဘဲ​နေ​လေ​၏​။

သုတ္တံကျမ်း။ 28:14

ဩတ္တပ္ပစိတ်​အစဉ်အမြဲ​ရှိ​သော​သူ​သည် မင်္ဂလာ​ရှိ​၏​။ မိမိ​၏​စိတ်နှလုံး​ကို​မာကျော​စေ​သော​သူ​မူကား ဒုက္ခတွင်း​ထဲသို့​ကျရောက်​လိမ့်မည်​။

သုတ္တံကျမ်း။ 29:1

ဆိုဆုံးမ​ခြင်း​ကို​အကြိမ်ကြိမ်​ခံရ​သော်လည်း ခေါင်းမာ​လျက်​နေ​သော​သူ​သည် ချမ်းသာ​ရာ​မ​ရ​ဘဲ ချက်ချင်း​ပျက်စီး​ရ​လိမ့်မည်​။

ဟေ​ရှာ​ယ 45:9

မိမိ​ကို ပုံဖော်ဖန်ဆင်း​သော​အရှင်​အား ရန်တွေ့​သော​သူ​သည် အမင်္ဂလာ​ရှိ​၏​။ ထို​သူ​သည် မြေ​အိုးကွဲ​များ​ထဲမှ အိုးကွဲ​တစ်​ခု​သာ​ဖြစ်​၏​။ အိုးမြေ​က မိမိ​ကို​ပုံသွင်း​သော​သူ​အား ‘​မည်သည့်​အရာ​ကို သင်​ပြုလုပ်​နေ​သနည်း​။ သင်​ပြုလုပ်​ထား​သော​အရာ​၌ လက်​မ​ရှိ​ပါ​လား​’​ဟု ဆို​ရ​မည်လော​။

ယေ​ရ​မိ 50:24

အို ဘေဘီလုံ​မြို့​၊ သင်​သည် ငါ​ထောင်​ထား​သော ကျော့ကွင်း​၌​မိ​ပြီ​။ သင်​သည် ထာဝရဘုရား​ကို အာခံ​သောကြောင့် သင်​မ​သိ​မ​မြင်​လိုက်​သော​အချိန်​တွင်​ပင် ကျော့မိ​လေ​ပြီ​။

ဒံ​ယေ​လ 2:20

“​ဘုရားသခင်​၏​နာမ​တော်​ကို ကာလ​အစဉ်အဆက်​ချီးမွမ်း​ကြ​ပါစေသော​။ ဉာဏ်ပညာ​နှင့် အစွမ်းတန်ခိုး​သည် ကိုယ်တော့်​ထံမှ​ဖြစ်​ပါ​၏​။

နာ​ဟုံ 1:3

ထာဝရဘုရား​သည် စိတ်ရှည်​သော​ဘုရား​၊ တန်ခိုး​ကြီး​သော​ဘုရား​၊ အပြစ်​ရှိ​သူ​ကို အပြစ်ဒဏ်​မ​ခတ်​ဘဲ​မ​နေ​သော​ဘုရား​ဖြစ်​တော်မူ​၏​။ ထာဝရဘုရား​သည် လေပွေ​နှင့် မိုးသက်မုန်တိုင်း​အလယ်​တွင် ကြွမြန်း​တော်မူ​၏​။ မိုးတိမ်​တို့​သည် ခြေ​တော်​အောက်​၌ မြေမှုန့်​ကဲ့သို့​ဖြစ်​၏​။

ရော​မ 11:33

ဘုရားသခင်​၏​အသိပညာ​နှင့်​ဉာဏ်ပညာ​တော်​တို့​၏​ကြွယ်ဝ​မှု​သည် နက်နဲ​လှ​ပါတကား။ စီရင်​တော်မူ​ချက်​တို့​ကို စူးစမ်း​လေ့လာ​၍​မ​ကုန်​နိုင်။ လမ်း​တော်​တို့​ကို​လည်း ချင့်မျှော်​တွေးဆ​၍​မ​ရ​နိုင်။

၁ ကော 10:22

ငါ​တို့​သည် သခင်​ဘုရား​အား သဝန်တို​စေ​ကြ​သလော။ ငါ​တို့​သည် ကိုယ်တော်​ထက် ခွန်အားကြီး​ကြ​သလော။

ဧ​ဖက် 1:19

ကိုယ်တော်​၏​အစွမ်းသတ္တိ​နှင့်​ပြည့်စုံ​သော တန်ခိုး​အရှိန်အဝါ​၏​လုပ်ဆောင်​မှု​အားဖြင့် ယုံကြည်​သော​ငါ​တို့​အပေါ်​သက်ရောက်​သည့် ကိုယ်တော်​၏​တန်ခိုး​သည် မည်မျှ​ထူးကဲ​ကြီးမား​သည်​ကို​လည်းကောင်း သင်​တို့​အား​သိ​စေ​မည့်​အကြောင်း တောင်းလျှောက်​၏။

ဧ​ဖက် 1:8

ဘုရားသခင်​သည် ထို​ကျေးဇူး​တော်​ကို ငါ​တို့​၌​ကြွယ်ဝ​ပြည့်စုံ​စေ​တော်မူ​၍ ခပ်သိမ်း​သော​ဉာဏ်ပညာ​နှင့်​အသိပညာ​အားဖြင့်

ဧ​ဖက် 3:10

ဤသည်ကား ငါ​တို့​၏​သခင်​ခရစ်တော်​ယေရှု​၌ ပြီးပြည့်စုံ​သော​ထာဝရ​အကြံအစည်​တော်​နှင့်အညီ အထက်​ကောင်းကင်​အရပ်​၌​ရှိ​သော အာဏာစက်​များ​နှင့်​အုပ်ချုပ်မှု​များ​အား ယခု​အခါ​တွင် အသင်းတော်​အားဖြင့် ဘုရားသခင်​၏​အမျိုးမျိုး​အဖုံဖုံ​သော​ဉာဏ်ပညာ​တော်​ကို သိ​စေရန်​ဖြစ်​၏။

ဧ​ဖက် 3:20

ငါ​တို့​ထဲ၌ သက်ဝင်​လှုပ်ရှား​နေ​သော​တန်ခိုး​တော်​အားဖြင့် ငါ​တို့​တောင်းလျှောက်​သော​အရာ​၊ သို့မဟုတ် ဆင်ခြင်​သော​အရာ​အားလုံး​တို့​ထက် သာလွန်​ထူးခြား​စွာ​ပြု​နိုင်​သော​အရှင်​၌