ယောဘဝတ္တု။ 9:32 - မြန်​​​မာ့​​​စံ​​​မီ​​​သမ္မာ​​​ကျမ်း​​

³² ငါ​သည် ကိုယ်တော်​နှင့်အတူ တရားရုံး​သို့​သွား​၍ တရားရင်ဆိုင်​မည့်​အကြောင်း ကိုယ်တော်​သည် ငါ​ကဲ့သို့ လူ​ဖြစ်​တော်မူ​သည်​မ​ဟုတ်​။

Common Language Bible

³² ငါသည် ဘုရားသခင်၏စကားကို တဦးနှင့်တဦး တရားတွေ့နိုင်မည်အကြောင်း၊ ဘုရားသခင်သည် ငါကဲ့သို့ လူဖြစ်တော်မူသည်မဟုတ်။

Garrad Bible

³² စီ ရင် ရာ သို့ စုံ ညီ သွား ရောက်၍၊ ငါ ထု ချေ လျှောက် လဲ ခွင့် ရ ရန်၊ ကိုယ် တော် သည် ငါ ကဲ့ သို့ လူ ဖြစ် တော် မူ သည် မ ဟုတ် ပါ။

Judson Bible

³² ငါ​သည် ဘု​ရား​သ​ခင်၏​စ​ကား​ကို တစ်​ဦး​နှင့် တစ်​ဦး တ​ရား​တွေ့​နိုင်​မည်​အ​ကြောင်း၊ ဘု​ရား​သ​ခင်​သည် ငါ​ကဲ့​သို့ လူ​ဖြစ်​တော်​မူ​သည်​မ​ဟုတ်။

ယောဘဝတ္တု။ 9:32 Referencias Cruzadas

ယောဘဝတ္တု။ 33:12

ဤသို့ သင်​ပြော​သော​စကား​တို့​သည် မ​မှန်ကန်​ဟု အကျွန်ုပ်​ဆို​မည်​။ အကြောင်းမူကား ဘုရားသခင်​သည် လူ​ထက် ပို၍​ကြီးမြတ်​တော်မူ​၏​။

ယောဘဝတ္တု။ 33:7

အကျွန်ုပ်​ခြိမ်းခြောက်​သော​စကား​ကြောင့် ကြောက်လန့်စရာ​မ​လို​ပါ​။ သင့်​ကို အကျွန်ုပ် ကိုယ်ထိလက်ရောက်​မ​ပြု​နိုင်​ပါ​။

ယောဘဝတ္တု။ 9:14

ထို့ကြောင့် ကိုယ်တော်​ကို ငါ​မည်သို့​တုံ့ပြန်​နိုင်​မည်နည်း​။ တုံ့ပြန်​နိုင်​မည့်​စကား​ကို​လည်း ငါ​မည်သို့​ရှာ​နိုင်​ပါ​မည်နည်း​။

ယောဘဝတ္တု။ 9:19

ကြည့်ရှု​လော့​။ တန်ခိုး​နှင့်ပတ်သက်​လျှင် ကိုယ်တော်​သည် တန်ခိုးကြီး​သော​အရှင်​ဖြစ်​တော်မူ​၏​။ တရားမျှတမှု​နှင့်ပတ်သက်​လျှင်​လည်း ကိုယ်တော်​ကို မည်သူ​စိန်ခေါ်​ဝံ့​မည်နည်း​။

ယောဘဝတ္တု။ 9:3

လူ​သည် ကိုယ်တော်​နှင့် အငြင်းအခုံ​ပြု​မည်​ဆိုလျှင်​ပင် မေးခွန်း​တစ်ထောင်​တွင် တစ်​ခု​မျှ ဖြေ​နိုင်​မည်​မ​ဟုတ်​ပါ​။

ယောဘဝတ္တု။ 9:31

ကိုယ်တော်​သည် ငါ့​ကို​တွင်း​ထဲသို့​ပစ်ချ​တော်မူ​မည်​ဖြစ်၍ ငါ့​အဝတ်​တို့​ပင် ငါ့​ကို​စက်ဆုပ်ရွံရှာ​ကြ​လိမ့်မည်​။

ဆာ​လံ 143:2

ကိုယ်တော်​၏​အစေအပါး​နှင့်အတူ တရားစီရင်​ရာ​သို့ ဝင်​တော်​မ​မူ​ပါ​နှင့်​။ အကြောင်းမူကား အသက်ရှင်​သော​သူ​တစ်စုံတစ်ဦး​မျှ ကိုယ်တော်​၏​ရှေ့​တော်​၌ ဖြောင့်မတ်​သည်​ဟူ၍​မ​ရှိ​ပါ​။

ဒေသနာကျမ်း။ 6:10

ယခု​ရှိ​နေ​သော​အရာ​၏​အမည်​ကို မှည့်ခေါ်​ထား​ပြီး​ဖြစ်​၏​။ လူ​သည် မည်သည့်​အရာ​ဖြစ်​သည်​ကို​လည်း သိ​ထား​ပြီး​ဖြစ်၍ သူ​သည် မိမိ​ထက်​တန်ခိုးကြီး​သော​သူ​နှင့် ဖက်ပြိုင်​၍​မ​ရ​နိုင်​။

ဟေ​ရှာ​ယ 45:9

မိမိ​ကို ပုံဖော်ဖန်ဆင်း​သော​အရှင်​အား ရန်တွေ့​သော​သူ​သည် အမင်္ဂလာ​ရှိ​၏​။ ထို​သူ​သည် မြေ​အိုးကွဲ​များ​ထဲမှ အိုးကွဲ​တစ်​ခု​သာ​ဖြစ်​၏​။ အိုးမြေ​က မိမိ​ကို​ပုံသွင်း​သော​သူ​အား ‘​မည်သည့်​အရာ​ကို သင်​ပြုလုပ်​နေ​သနည်း​။ သင်​ပြုလုပ်​ထား​သော​အရာ​၌ လက်​မ​ရှိ​ပါ​လား​’​ဟု ဆို​ရ​မည်လော​။

ယေ​ရ​မိ 49:19

ကြည့်ရှု​လော့​။ ဂျော်ဒန်​တောအုပ်​မှ စိမ်းလန်း​သော​စားကျက်မြေ​သို့ ခြင်္သေ့​တက်လာ​သောအခါ သားကောင်​တို့​ထွက်ပြေး​ရ​သကဲ့သို့ ထို​ပြည်သား​တို့​ကို ထို​ပြည်​မှ ငါ​ရုတ်ချည်း​ထွက်ပြေး​စေ​မည်​။ ငါ​ရွေးချယ်​သော​သူ​ကို ထို​ပြည်​၌ ငါ​ခန့်ထား​မည်​။ မည်သူ​သည် ငါ​နှင့်​တူ​သနည်း​။ မည်သူ​သည် ငါ့​ကို​စိန်ခေါ်​ဝံ့​သနည်း​။ မည်သည့်​သိုးထိန်း​သည် ငါ့​ကို​ဆန့်ကျင်​ပြီး ရပ်တည်​နိုင်​သနည်း​”​ဟု မိန့်​တော်မူ​၏​။

တော​လည် 23:19

လိမ်လည်​ပြောဆို​ရ​အောင် ဘုရားသခင်​သည် လူ​ဖြစ်​သည်​မ​ဟုတ်​။ စိတ်ပြောင်းလဲ​ရ​အောင် လူသား​ဖြစ်​သည်​မ​ဟုတ်​။ ကိုယ်တော်​သည် မိန့်​တော်မူ​ပြီးမှ မ​ပြု​ဘဲ​နေ​တော်မူ​မည်လော​။ ကတိထား​တော်မူ​ပြီးမှ မ​တည်​ဘဲ​နေ​တော်မူ​မည်လော​။

ရော​မ 9:20

သို့သော် အချင်း​လူ၊ သင်​သည် မည်သူ​ဖြစ်​၍ ဘုရားသခင်​ကို ပြန်ခံ​ပြောဆို​သနည်း။ ပုံသွင်း​ခံရ​သော​အရာ​သည် ပုံသွင်း​ပေး​သော​သူ​အား “အဘယ်ကြောင့် ငါ့​ကို ဤသို့​ပြုလုပ်​ခဲ့​သနည်း”​ဟု ပြောဆို​နိုင်​ပါ​မည်​လော။

၁ ယော 3:20

ငါ​တို့​၏​စိတ်နှလုံး​သည် ငါ​တို့​ကို​အပြစ်တင်​ခဲ့​လျှင်​လည်း ဘုရားသခင်​သည် ငါ​တို့​၏​စိတ်နှလုံး​ထက် ကြီးမြတ်​တော်မူ​သည်​ဖြစ်၍ အလုံးစုံ​တို့​ကို​သိ​တော်မူ​၏။

၁ ရာ 16:7

ထိုအခါ ထာဝရဘုရား​က ရှမွေလ​အား “​သူ​၏​ရုပ်ရည်အဆင်း​နှင့် အရပ်အမောင်း​ကို မ​ကြည့်​နှင့်​။ သူ့​ကို ငါ​ပယ်​ပြီ​။ ထာဝရဘုရား​သည် လူ​မြင်​သကဲ့သို့ မြင်​တော်မူ​သည်​မ​ဟုတ်​။ လူ​သည် အပြင်ပန်း​သဏ္ဌာန်​ကို​သာ ကြည့်​တတ်​၏​။ ထာဝရဘုရား​မူကား စိတ်နှလုံး​ကို ကြည့်​တော်မူ​၏​”​ဟု မိန့်​တော်မူ​၏​။