ယောဘဝတ္တု။ 34:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ သို့ဖြစ်၍ အသိတရား​ရှိ​သော​သူ​တို့​၊ နားထောင်​ကြ​ပါ​လော့​။ ဆိုးယုတ်​သော​အမှု​သည် ဘုရားသခင်​နှင့် ဝေး​ပါစေ​။ မကောင်းမှု​သည် အနန္တတန်ခိုးရှင်​နှင့် ဝေး​ပါစေ​။

Common Language Bible

¹⁰ သို့ဖြစ်၍ ဥာဏ်ကောင်းသောသူတို့၊ ငါ့စကားကိုနားထောင်ကြလော့။ ဒုစရိုက်သည် ဘုရားသခင်နှင့်၎င်း၊ အပြစ်သည် အနန္တတန်ခိုးရှင်နှင့်၎င်း ဝေးပါစေ။

Garrad Bible

^10-11 သို့ ဖြစ်၍ ဉာဏ် ကောင်း သော သင် တို့၊ အ ကျွန်ုပ် စ ကား ကို နား ထောင် ကြ လော့။ လူ့ အ ပြု အ မူ ကို ဆပ် ပေး၍၊ အ လေ့ အ လာ အ တိုင်း လည်း၊ ရ စေ တော် မူ သော အ န န္တ တန် ခိုး ရှင် ဘု ရား သ ခင် သည်၊ မ တ ရား မှု၊ ဒု စ ရိုက် မှု နှင့် ကင်း ဝေး တော် မူ ပါ စေ သော။

Judson Bible

¹⁰ သို့​ဖြစ်၍ ဉာဏ်​ကောင်း​သော​သူ​တို့၊ ငါ့​စ​ကား​ကို နား​ထောင်​ကြ​လော့။ ဒု​စ​ရိုက်​သည် ဘု​ရား​သ​ခင်​နှင့်​လည်း​ကောင်း၊ အ​ပြစ်​သည် အ​န​န္တ​တန်​ခိုး​ရှင်​နှင့်​လည်း​ကောင်း ဝေး​ပါ​စေ။

ယောဘဝတ္တု။ 34:10 Referencias Cruzadas

ကမ္ဘာ​ဦး 18:25

ဖြောင့်မတ်​သော​သူ​ကို ဆိုးယုတ်​သော​သူ​နှင့်အတူ ကွပ်မျက်​သော​အမှု​မျိုး​ပြု​ခြင်း​သည် ကိုယ်တော်​နှင့်​ဝေး​ပါစေ​။ ဖြောင့်မတ်​သော​သူ​ကို ဆိုးယုတ်​သော​သူ​ကဲ့သို့ ခံစား​စေ​သော​အမှု​သည် ကိုယ်တော်​နှင့်​ဝေး​ပါစေ​။ ကမ္ဘာမြေ​တစ်ခွင်လုံး​ကို​တရားစီရင်​တော်မူ​သော​အရှင်​သည် တရားမျှတ​စွာ​ပြု​တော်မူ​မည်​မ​ဟုတ်​လော​”​ဟု လျှောက်​လေ​၏​။

၂ ရာ 22:31

ဘုရားသခင်​၏​လမ်း​သည် ပြည့်ဝစုံလင်​၏​။ ထာဝရဘုရား​၏​မိန့်​တော်မူ​ချက်​သည် ခိုင်လုံ​မှန်ကန်​၏​။ ကိုယ်တော်​သည် အထံ​တော်​၌​ခိုလှုံ​သော​သူ​ရှိသမျှ​တို့​၏​ဒိုင်းလွှား​ဖြစ်​တော်မူ​၏​။

၂ ရာ​ချုပ် 19:7

ငါ​တို့​၏​ဘုရားသခင်​ထာဝရဘုရား​သည် မတရားမှု​ကို​မ​ပြု​၊ မျက်နှာလိုက်​ခြင်း​မ​ရှိ​၊ တံစိုးလက်ဆောင်​မ​ခံယူ​။ ထို့ကြောင့် ထာဝရဘုရား​ကို ကြောက်ရွံ့​ပြီး သတိ​နှင့်​လုပ်ဆောင်​ကြ​ပါ​လော့​”​ဟု မှာကြား​၏​။

ယောဘဝတ္တု။ 34:12

အကယ်စင်စစ် ဘုရားသခင်​သည် ဆိုးယုတ်မှု​ကို ပြု​တော်​မ​မူ​။ အနန္တတန်ခိုးရှင်​သည် တရားမျှတမှု​ကို ဖောက်ဖျက်​တော်​မ​မူ​။

ယောဘဝတ္တု။ 34:34

အသိတရား​ရှိ​သော​သူ​တို့​သည် အကျွန်ုပ်​ကို ပြော​ပါစေ​။ ပညာရှိ​သော​သူ​သည် အကျွန်ုပ်​စကား​ကို နားထောင်​၍

ယောဘဝတ္တု။ 36:23

ကိုယ်တော်​၏​နည်းလမ်း​တော်​ကို မည်သူ​သွန်သင်ပြ​နိုင်​သနည်း​။ ‘ကိုယ်တော်​မှား​သည်’​ဟု မည်သူ​ပြော​နိုင်​သနည်း​။

ယောဘဝတ္တု။ 37:23

အနန္တတန်ခိုးရှင်​ကို အကျွန်ုပ်​တို့ လိုက်​၍​မ​မီ​နိုင်​။ ကိုယ်တော်​သည် တန်ခိုးကြီး​သော​အရှင် ဖြစ်​တော်မူ​၏​။ တရားမျှတ​ခြင်း​၊ ဖြောင့်မတ်​ခြင်း​တို့​နှင့် ပြည့်စုံ​တော်မူ​၏​။ မတရား​သော​အမှု​ကို ပြု​တော်​မ​မူ​။

ယောဘဝတ္တု။ 8:3

ဘုရားသခင်​သည် တရားမျှတမှု​ကို မတရားမှု​ဖြစ်​စေ​မည်လော​။ အနန္တတန်ခိုးရှင်​သည် ဖြောင့်မတ်​ခြင်း​ကို ကောက်ကွေ့​စေ​မည်လော​။

ဆာ​လံ 145:17

ထာဝရဘုရား​သည် မိမိ​၏​လမ်း​တော်​ရှိသမျှ​တို့​၌ ဖြောင့်မတ်​၍ မိမိ​ပြု​တော်မူ​သော​အမှု​ရှိသမျှ​တို့​၌ သစ္စာရှိ​တော်မူ​၏​။

ဆာ​လံ 92:15

ထာဝရဘုရား ဖြောင့်မှန်​တော်မူ​ကြောင်း ပြောကြား​ကြ​လိမ့်မည်​။ ကိုယ်တော်​သည် ငါ​၏​ကျောက်ဆောင်​ဖြစ်​တော်မူ​၏​။ ကိုယ်တော်​၌​မတရားမှု​မ​ရှိ​။

သုတ္တံကျမ်း။ 15:32

ဆုံးမပဲ့ပြင်​ခြင်း​ကို​လျစ်လျူရှု​သော​သူ​သည် ကိုယ့်ကိုယ်ကိုယ်​အလေးမထား​တတ်​။ ဆိုဆုံးမစကား​ကို​နားထောင်​သော​သူ​မူကား အသိဉာဏ်​ကို​ရ​တတ်​၏​။

သုတ္တံကျမ်း။ 6:32

သူတစ်ပါး​၏​မယား​နှင့် အိမ်ထောင်ရေးဖောက်ပြန်​သော​သူ​သည် အသိစိတ်​မ​ရှိ​။ ထို​အမှု​ကို​ပြု​သော​သူ​သည် ကိုယ့်ကိုယ်ကိုယ်​ဖျက်ဆီး​သော​သူ​ဖြစ်​၏​။

ယေ​ရ​မိ 12:1

အို ထာဝရဘုရား​၊ အကျွန်ုပ်​၏​အမှု​ကို ကိုယ်တော့်​ထံ ယူဆောင်​လာ​သောအခါ ကိုယ်တော်​သည် ဖြောင့်မတ်​စွာ​စီရင်​ပေး​ပါ​၏​။ ထို့ကြောင့် ကိုယ်တော်​အား တရားမျှတမှု​အကြောင်း​ကို မေးလျှောက်​လို​ပါ​၏​။ ဆိုးယုတ်​သော​သူ​တို့​သည် အဘယ်ကြောင့် ကြီးပွား​ကြ​ပါ​သနည်း​။ သစ္စာမဲ့​သော​သူ​တို့​သည် အဘယ်ကြောင့် ကောင်းစား​ကြ​ပါ​သနည်း​။

ဇေဖနိ 3:5

ထို​မြို့​တွင် စံနေ​တော်မူ​သော​ထာဝရဘုရား​မူကား မတရားမှု​ကို မ​ပြု​၊ ဖြောင့်မတ်​တော်မူ​သော​ဘုရား​ဖြစ်​၏​။ နံနက်​အရုဏ်လင်းချိန်​တိုင်း​တွင် မိမိ​၏​ဖြောင့်မတ်​ခြင်း​ကို မ​ပျက်​မ​ကွက်​ဖော်ပြ​တော်မူ​၏​။ သို့သော် မတရား​သော​သူ​သည် ရှက်ကြောက်​ရ​မည်​ကို မ​သိ​ပါတကား​။

ရော​မ 9:14

သို့ဖြစ်လျှင် ငါ​တို့​သည် မည်သို့​ဆို​ရ​မည်နည်း။ ဘုရားသခင်​၌ မတရားမှု​ရှိ​သလော။ လုံးဝ​မ​ရှိ​ပေ။

တ​ရား​ဟော 32:4

အို ကျောက်ဆောင်​၊ ကိုယ်တော်​ပြု​တော်မူ​သော​အမှု​သည် ပြီးပြည့်စုံ​ပါ​၏​။ မှန်ပေ၏​။ ကိုယ်တော်​၏​နည်းလမ်း​တော်​ရှိသမျှ​တို့​သည် တရားမျှတ​ပါ​၏​။ ကိုယ်တော်​သည် မတရားမှု​ကို​မ​ပြု​၊ သစ္စာရှိ​သော​ဘုရား​ဖြစ်​တော်မူ​၏​။ ဖြောင့်မတ်​မှန်ကန်​သော​ဘုရား​ဖြစ်​တော်မူ​၏​။

ယာ​ကုပ် 1:13

ဖြားယောင်း​သွေးဆောင်​ခြင်း​ကို​ခံရ​သည့်​အခါ “ဘုရားသခင်​သည် ငါ့​ကို​ဖြားယောင်း​သွေးဆောင်​သည်”​ဟု မည်သူမျှ မ​ပြော​နှင့်။ အကြောင်းမူကား မကောင်းမှု​သည် ဘုရားသခင်​ကို မ​သွေးဆောင်​နိုင်​ရာ။ ကိုယ်တော်​သည်​လည်း မည်သူ့​ကို​မျှ ဖြားယောင်း​သွေးဆောင်​တော်​မ​မူ။