ယောဘဝတ္တု။ 33:23 - မြန်​​​မာ့​​​စံ​​​မီ​​​သမ္မာ​​​ကျမ်း​​

²³ လူ​အား သူ​ဖြောင့်မှန်​ကြောင်း​ဖော်ပြ​ပေး​နိုင်​ရန် သူ့​အတွက် ကြားဝင်စေ့စပ်​ပေး​နိုင်​သော​ကောင်းကင်တမန် တစ်ထောင်​တွင် တစ်ပါးသာ​ရှိ​ခဲ့​လျှင်

Common Language Bible

²³ သို့ရာတွင်လူတို့အားတရားလမ်းကို ပြစေခြင်းငှါ၊ တထောင်တွင် အထွဋ်ဖြစ်၍၊ တရားစကားကို ပြန်တတ် သော တမန်ရှိလျှင်၊

Garrad Bible

²³ လူ အား ထိုက် သင့် ရာ ကို ဖော် ပြ စေ ခြင်း ငှာ၊ တစ် ထောင် တွင် ဧ က ဒဂ် ရ အ နက် ပြန် သော တ မန် တော် တစ် ပါး ရှိ က၊

Judson Bible

²³ သို့​ရာ​တွင် လူ​တို့​အား​တ​ရား​လမ်း​ကို ပြ​စေ​ခြင်း​ငှာ၊ တစ်​ထောင်​တွင် အထွတ်​ဖြစ်၍၊ တ​ရား​စ​ကား​ကို ပြန်​တတ်​သော​တ​မန်​ရှိ​လျှင်၊

ယောဘဝတ္တု။ 33:23 Referencias Cruzadas

ကမ္ဘာ​ဦး 40:8

သူ​တို့​က​လည်း “​ငါ​တို့​သည် အိပ်မက်​မက်​ကြ​၏​။ သို့သော် အိပ်မက်​၏​အနက်​ကို​ဖွင့်ပြ​နိုင်​သော​သူ တစ်ယောက်​မျှ​မ​ရှိ​”​ဟု ပြန်ပြော​ကြ​၏​။ ယောသပ်​က​လည်း “​အနက်​ဖွင့်ဆို​ခြင်း​သည် ဘုရားသခင်​နှင့်​ဆိုင်​တော်မူ​သည်​မ​ဟုတ်​လော​။ သို့ဖြစ်၍ အကျွန်ုပ်​အား​ပြောပြ​ကြ​ပါ​လော့​”​ဟု သူ​တို့​အား​ဆို​လေ​၏​။

နေ​ဟ​မိ 9:33

အကျွန်ုပ်​တို့​အား ကြုံတွေ့​စေ​သော​အဖြစ်အပျက်​အလုံးစုံ​တို့​၌ ကိုယ်တော်​သည် တရား​ပါ​၏​။ ကိုယ်တော်​သည် သစ္စာရှိ​စွာ​ပြု​သော်လည်း အကျွန်ုပ်​တို့​ကား ဆိုးယုတ်​စွာ​ပြု​တတ်​ကြ​ပါ​၏​။

ယောဘဝတ္တု။ 11:6

ပြီးပြည့်စုံ​သော​ဉာဏ်ပညာ​သည် အသွား​နှစ်​ဖက်​ပါ​သည်​ဖြစ်၍ ဉာဏ်ပညာ​၏​လျှို့ဝှက်ချက်​ကို သင့်​အား ဖော်ပြ​တော်မူ​ပါစေ​။ ဘုရားသခင်​သည် သင့်​အပြစ်​များ​ကို မေ့လျော့​တော်မူ​ကြောင်း သိမှတ်​လော့​။

ယောဘဝတ္တု။ 34:10

သို့ဖြစ်၍ အသိတရား​ရှိ​သော​သူ​တို့​၊ နားထောင်​ကြ​ပါ​လော့​။ ဆိုးယုတ်​သော​အမှု​သည် ဘုရားသခင်​နှင့် ဝေး​ပါစေ​။ မကောင်းမှု​သည် အနန္တတန်ခိုးရှင်​နှင့် ဝေး​ပါစေ​။

ယောဘဝတ္တု။ 34:12

အကယ်စင်စစ် ဘုရားသခင်​သည် ဆိုးယုတ်မှု​ကို ပြု​တော်​မ​မူ​။ အနန္တတန်ခိုးရှင်​သည် တရားမျှတမှု​ကို ဖောက်ဖျက်​တော်​မ​မူ​။

ယောဘဝတ္တု။ 34:32

အကျွန်ုပ်​မ​မြင်​သော​အရာ​ကို သွန်သင်ပြသ​ပါ​။ အမှား​လုပ်​မိ​လျှင်လည်း နောက်​မ​လုပ်​တော့​ပါ​’​ဟု ဆို​ပါ​လိမ့်မည်​လော​။

ယောဘဝတ္တု။ 35:14

‘​ကိုယ်တော့်​ကို မ​မြင်​ရ​’​ဟု သင်​မည်သို့​ပင်​ဆို​စေ​ကာ​မူ သင့်​အမှု​သည် ရှေ့​တော်​သို့​ရောက်​နှင့်​နေ​ပြီ​ဖြစ်၍ ကိုယ်တော်​ကို​သာ စောင့်မျှော်​လျက်​နေ​ပါ​တော့​။

ယောဘဝတ္တု။ 36:3

အစ​ကတည်းက အကျွန်ုပ်​ရရှိ​ထား​သော​အသိပညာ​အရ အကျွန်ုပ်​ကို​ဖန်ဆင်း​တော်မူ​သော​အရှင်​သည် ဖြောင့်မတ်​တော်မူ​ကြောင်း အကျွန်ုပ်​ဖော်ပြ​ပါ​မည်​။

ယောဘဝတ္တု။ 37:23

အနန္တတန်ခိုးရှင်​ကို အကျွန်ုပ်​တို့ လိုက်​၍​မ​မီ​နိုင်​။ ကိုယ်တော်​သည် တန်ခိုးကြီး​သော​အရှင် ဖြစ်​တော်မူ​၏​။ တရားမျှတ​ခြင်း​၊ ဖြောင့်မတ်​ခြင်း​တို့​နှင့် ပြည့်စုံ​တော်မူ​၏​။ မတရား​သော​အမှု​ကို ပြု​တော်​မ​မူ​။

ယောဘဝတ္တု။ 9:3

လူ​သည် ကိုယ်တော်​နှင့် အငြင်းအခုံ​ပြု​မည်​ဆိုလျှင်​ပင် မေးခွန်း​တစ်ထောင်​တွင် တစ်​ခု​မျှ ဖြေ​နိုင်​မည်​မ​ဟုတ်​ပါ​။

ယောဘဝတ္တု။ 9:33

ငါ​တို့​နှစ်​ဦး​စပ်ကြား​တွင် ကြားဝင်​စီရင်ဆုံးဖြတ်​ပေး​မည့်​သူ တစ်ယောက်​မျှ​မ​ရှိ​။

ဆာ​လံ 119:75

အို ထာဝရဘုရား​၊ ကိုယ်တော်​၏​စီရင်ထုံးဖွဲ့ချက်​တို့​သည် ဖြောင့်မတ်​ကြောင်း​ကို​လည်းကောင်း​၊ ကိုယ်တော်​သည် အကျွန်ုပ်​ကို သစ္စာ​တော်​နှင့်အညီ ဒုက္ခဝေဒနာ​ခံစား​စေ​တော်မူ​ကြောင်း​ကို​လည်းကောင်း အကျွန်ုပ်​သိ​ပါ​၏​။

ဆာ​လံ 94:12

အို ထာဝရဘုရား​၊ ဆိုးယုတ်​သော​သူ​တို့​အတွက် တွင်း​တူး​စဉ်အခါ ဒုက္ခ​ရောက်​သော​နေ့ရက်​များ​မှ​လွတ်ငြိမ်း​စေရန် ကိုယ်တော်​ပဲ့ပြင်​သော​သူ​၊ ကိုယ်တော်​၏​တရားတော်​ကို ကိုယ်တော်​သင်ကြား​ပေး​သော​သူ​သည် မင်္ဂလာ​ရှိ​ပါ​၏​။

ဒေသနာကျမ်း။ 7:28

၎င်း​မှာ ယောက်ျား​တစ်ထောင်​တို့​တွင် တစ်​ယောက်​ကို ငါ​တွေ့ရှိ​ရ​၏​။ သို့သော် မိန်းမ​တစ်ထောင်​တို့​တွင် တစ်ယောက်​ကို​မျှ ငါ​မ​တွေ့ရှိ​ခဲ့​ပေ​။

ဟေ​ရှာ​ယ 59:16

ကိုယ်တော်​သည် ကြားဝင်စေ့စပ်​သော​သူ​တစ်ဦးတစ်ယောက်​မျှ​မ​ရှိ​ကြောင်း​ကို မြင်​၍ အံ့ဩ​တော်မူ​၏​။ ထို့ကြောင့် ကိုယ်တော်​၏​လက်ရုံး​တော်​သည် ကယ်တင်​ခြင်း​အမှု​ကို​ပြု​၍ ကိုယ်တော်​၏​ဖြောင့်မတ်​ခြင်း​သည် ကိုယ်တော့်​ကို​ထောက်မ​ပေး​၏​။

မြည်​တမ်း​စ​ကား 3:32

ဝမ်းနည်းကြေကွဲ​စေ​တော်မူ​သော်လည်း မေတ္တာကရုဏာ​ကြီးမား​တော်မူ​သည်​နှင့်အညီ သနားစုံမက်​တော်မူ​လိမ့်မည်​။

ဒံ​ယေ​လ 9:14

ထာဝရဘုရား​သည် စောင့်ကြည့်​လျက် အကျွန်ုပ်​တို့​ကို ဘေးဆိုး​သင့်​စေ​ပြီ​။ စင်စစ် အကျွန်ုပ်​တို့​၏​ဘုရားသခင်​ထာဝရဘုရား ပြု​တော်မူ​သော​အမှု​အလုံးစုံ​တို့​သည် ဖြောင့်မှန်​ပါ​၏​။ အကျွန်ုပ်​တို့​သည် ကိုယ်တော်​၏​စကား​တော်​ကို နား​မ​ထောင်​ဘဲ နေ​မိ​ခဲ့​ကြ​ပါ​၏​။

ဟ္ဂဲ 1:13

ထို့နောက် ထာဝရဘုရား​၏​စေတမန်​ဟဂ္ဂဲ​က လူ​တို့​အား “​ထာဝရဘုရား​က သင်​တို့​နှင့်အတူ ငါ​ရှိ​၏​ဟူ၍ မိန့်​တော်မူ​သည်”​ဟု ထာဝရဘုရား​မိန့်​တော်မူ​သော​စကား​ကို ဆင့်ဆို​၏​။

မာ​လ​ခိ 2:7

အကယ်စင်စစ် ယဇ်ပုရောဟိတ်​၏​နှုတ်ခမ်း​သည် အသိပညာ​ကို ထိန်းသိမ်း​ထား​ရ​မည်​။ သူ​သည် ကောင်းကင်​ဗိုလ်ခြေ​အရှင်​ထာဝရဘုရား​၏​စေတမန်​ဖြစ်​သောကြောင့် သူ​၏​နှုတ်​မှ သွန်သင်ချက်​ကို လူ​တို့ ရှာဖွေ​ဆည်းပူး​ရ​မည်​။

မာ​လ​ခိ 3:1

ကောင်းကင်​ဗိုလ်ခြေ​အရှင်​ထာဝရဘုရား​က “ကြည့်ရှု​လော့​။ ငါ​၏​စေတမန်​ကို ငါ​စေလွှတ်​မည်​။ သူ​သည် ငါ​သွား​ရ​မည့်​လမ်း​ကို ကြိုတင်​ပြင်ဆင်​လိမ့်မည်​။ သင်​တို့​ရှာဖွေ​သော​အရှင်သခင်​သည် ဗိမာန်တော်​သို့ ချက်ချင်း​ကြွလာ​လိမ့်မည်​။ ကြည့်ရှု​လော့​။ သင်​တို့​အလိုရှိ​သော​ပဋိညာဉ်​တမန်​သည်​လည်း ကြွလာ​နေ​ပြီ”​ဟု မိန့်​တော်မူ​၏​။

တမန်တော်ဝတ္ထု 8:30

ဖိလိပ္ပု​သည်​လည်း ပြေး​သွား​ရာ ထို​သူ​သည် ပရောဖက်​ဟေရှာယ​ကျမ်း​ဖတ်​နေ​သည်​ကို ကြား​သဖြင့် “သင်​ဖတ်​နေ​သော​အရာ​ကို နားလည်​ပါ​သလော”​ဟု မေး​လေ​၏။

ရော​မ 11:13

ထို့ကြောင့် လူမျိုးခြား​ဖြစ်​သော​သင်​တို့​အား ငါ​ပြော​လို​သည်​မှာ ငါ​သည် လူမျိုးခြား​နှင့်ဆိုင်သော တမန်တော်​ဖြစ်​သည့်​အလျောက် ငါ​၏​အမှု​တော်​လုပ်ငန်း​ကို ဂုဏ်ယူ​လျက်

၂ ကော 5:20

ထိုသို့ ဘုရားသခင်​သည် ငါ​တို့​မှ​တစ်ဆင့် တိုက်တွန်း​တော်မူ​သည်​ဖြစ်၍ ငါ​တို့​သည် ခရစ်တော်​၏​သံတမန်​များ​ဖြစ်​ကြ​၏။ ထို့ကြောင့် “ဘုရားသခင်​နှင့်​ပြန်လည်​သင့်မြတ်​ကြ​လော့”​ဟု ခရစ်တော်​၏​ကိုယ်စား ငါ​တို့​တောင်းပန်​ကြ​၏။

သူ​ကြီး 2:1

ထာဝရဘုရား​၏​ကောင်းကင်တမန်​သည် ဂိလဂါလ​မြို့​မှ ဗောခိမ်​မြို့​သို့​တက်လာ​၍ “​ငါ​သည် သင်​တို့​ကို အီဂျစ်​ပြည်​မှ​ထုတ်ဆောင်​ခဲ့​ပြီး သင်​တို့​ဘိုးဘေး​တို့​အား ဤ​ပြည်​ကို​ပေး​မည်​ဟု ငါ​ကျိန်ဆို​ခဲ့​သည့်​အတိုင်း ဤ​ပြည်​သို့ သင်​တို့​ကို​ပို့ဆောင်​ခဲ့​၏​။ ‘​သင်​တို့​နှင့်​ဖွဲ့​ခဲ့​သော​ငါ​၏​ပဋိညာဉ်​ကို ငါ​ချိုးဖောက်​မည်​မ​ဟုတ်​။