ယောဘဝတ္တု။ 26:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ဤ​အရာ​တို့​သည် ဘုရား​ပြု​တော်မူ​သော​အမှု​တို့​တွင် အရိပ်အမြွက်​မျှသာ ဖြစ်​၏​။ အသံ​တော်​ကို သဲ့သဲ့လေး​သာ ကြား​နေ​ရ​ခြင်း​ဖြစ်​၏​။ တန်ခိုး​တော်​ထစ်ချုန်းသံ​ကို မည်သူ​နားလည်​နိုင်​မည်နည်း​”​ဟု ဆို​လေ​၏​။

Common Language Bible

¹⁴ ဤရွှေ့ကား၊ အမှုတော်အရိပ်အမြွက်သာဖြစ်၏။ စကားတော် အသံအနည်းငယ်ကိုသာ နားကြားရ၏။ တန်ခိုးတော်မိုဃ်းကြိုးသံကို အဘယ်သူနားလည်နိုင် သနည်းဟု မြွက်ဆို၏။

Garrad Bible

¹⁴ ကြည့် ပါ လော့။ ထို အ ကြောင်း အ ရာ များ ကား၊ နည်း လမ်း တော်၏ အ ကာ မျှ သာ တည်း။ ကိုယ် တော့် အ ကြောင်း သ တင်း သိုး သိုး သန့် သန့် ကြား ရ ကြ၏။ တန် ခိုး တော် ဆိုင် ရာ မိုး ချုန်း သံ ကို ကား၊ မည် သူ နား လည် နိုင် သ နည်း ဟု မြွက် ဆို၏။

Judson Bible

¹⁴ ဤ​ရွေ့​ကား၊ အ​မှု​တော်​အ​ရိပ်​အ​မြွက်​သာ ဖြစ်၏။ စ​ကား​တော် အ​သံ​အ​နည်း​ငယ်​ကို​သာ နား​ကြား​ရ၏။ တန်​ခိုး​တော်​မိုး​ကြိုး​သံ​ကို အ​ဘယ်​သူ​နား​လည်​နိုင်​သ​နည်း​ဟု မြွက်​ဆို၏။

ယောဘဝတ္တု။ 26:14 Referencias Cruzadas

ယောဘဝတ္တု။ 36:29

ထိုမျှမက တိမ်​များ ပြန့်​နေ​ခြင်း​၊ တဲ​တော်​မှ​မိုးခြိမ်းသံ​ထွက်​ခြင်း​တို့​ကို နားလည်​နိုင်​သလော​။

ယောဘဝတ္တု။ 37:4

လျှပ်စီးလက်​ပြီးမှ အသံ​တော်​မြည်ဟိန်း​ထွက်လာ​၏​။ ဘုန်းကြီး​သော​အသံ​တော်​ဖြင့် မိုးခြိမ်း​စေ​တော်မူ​၏​။ အသံ​တော်​ကို​ကြား​ရ​သည်​နှင့် လျှပ်စီး​ကို အတားအဆီး​မ​ရှိ လွှတ်လိုက်​တော်မူ​၏​။

ယောဘဝတ္တု။ 37:5

ဘုရားသခင်​သည် အံ့ဖွယ်​သော​အသံ​တော်​ဖြင့် မိုးခြိမ်း​စေ​တော်မူ​၏​။ ကြီးမြတ်​သော​အမှု​၊ ငါ​တို့​နား​မ​လည်​နိုင်​သော​အမှု​ကို ပြု​တော်မူ​၏​။

ယောဘဝတ္တု။ 4:12

ငါ့​နား​ထဲတွင် တိုးညှင်း​သော​စကားသံ​တစ်​ခု​ကို သဲ့သဲ့လေး​ကြား​ရ​၏​။

ယောဘဝတ္တု။ 40:9

ငါ​ဘုရားသခင်​၏​လက်ရုံး​မျိုး သင်​၌​ရှိ​သလော​။ မိုးချုန်းသံ​ကဲ့သို့သော​အသံ​မျိုး သင်​၌​ရှိ​သလော​။

ယောဘဝတ္တု။ 42:5

ကိုယ်တော့်​အကြောင်း​ကို နား​ဖြင့်​သာ​ကြား​ဖူး​ခဲ့​သော်လည်း ယခုမှာ အကျွန်ုပ်​သည် ကိုယ်တော့်​ကို မျက်မြင်ကိုယ်တွေ့​ဖူးမြင်​ရ​ပါ​ပြီ​။

ဆာ​လံ 139:6

ထိုသို့သော​အသိပညာ​သည် အကျွန်ုပ်​အတွက်​အံ့ဩဖွယ်​ကောင်း​လွန်း​ပါ​၏​။ မြင့်မား​လှ​သည်​ဖြစ်၍ အကျွန်ုပ်​မ​မီ​နိုင်​ပါ​။

ဆာ​လံ 145:3

ထာဝရဘုရား​သည် ကြီးမြတ်​တော်မူ​၍ အလွန်​ချီးမွမ်းဖွယ်​ဖြစ်​တော်မူ​၏​။ ကိုယ်တော်​၏​ကြီးမြတ်​တော်မူ​ခြင်း​ကို စူးစမ်း​၍​မ​ကုန်​နိုင်​။

ဆာ​လံ 29:3

ထာဝရဘုရား​၏​အသံ​တော်​သည် ရေ​ပေါ်၌​ရှိ​တော်မူ​၏​။ ဘုန်းကြီး​သော​ဘုရား​သည် ထစ်ချုန်း​တော်မူ​၏​။ ထာဝရဘုရား​သည် များစွာ​သော​ရေ​ပေါ်၌​ရှိ​တော်မူ​၏​။

ဒေသနာကျမ်း။ 11:5

သင်​သည် လေ​၏​လမ်းကြောင်း​ကို​လည်းကောင်း​၊ ကိုယ်ဝန်ဆောင်​အမျိုးသမီး​၏​ဝမ်း​ထဲတွင် အရိုး​များ​မည်သို့​ဖြစ်တည်​လာ​သည်​ကို​လည်းကောင်း မ​သိ​နိုင်​သကဲ့သို့ ခပ်သိမ်း​သော​အရာ​ကို​ဖန်ဆင်း​သော ဘုရားသခင်​၏​အမှု​တော်​ကို​လည်း မ​သိ​နိုင်​။

ဟ​ဗက္ကုတ် 3:4

ရောင်ခြည်​တော်​သည် အရုဏ်တက်​အလင်း​ကဲ့သို့​ဖြစ်​၏​။ လက်​တော်​မှ​အလင်း​ဖြာထွက်​၍ ထို​အထဲ​တွင် ကိုယ်တော်​၏​တန်ခိုး​တော် ကိန်းအောင်း​လျက်​နေ​၏​။

ရော​မ 11:33

ဘုရားသခင်​၏​အသိပညာ​နှင့်​ဉာဏ်ပညာ​တော်​တို့​၏​ကြွယ်ဝ​မှု​သည် နက်နဲ​လှ​ပါတကား။ စီရင်​တော်မူ​ချက်​တို့​ကို စူးစမ်း​လေ့လာ​၍​မ​ကုန်​နိုင်။ လမ်း​တော်​တို့​ကို​လည်း ချင့်မျှော်​တွေးဆ​၍​မ​ရ​နိုင်။

၁ ရာ 2:10

ထာဝရဘုရား​ကို ဆန့်ကျင်​ဖက်ပြိုင်​သော​သူ​တို့​သည် ကျိုးပဲ့ကြေမွ​ရ​လိမ့်မည်​။ ကိုယ်တော်​သည် သူ​တို့​အပေါ် ကောင်းကင်​မှ​မိုးကြိုး ကျ​စေ​တော်မူ​မည်​။ ထာဝရဘုရား​သည် မြေကြီး​စွန်း​တိုင်အောင် စစ်ကြောစီရင်​တော်မူ​မည်​။ မိမိ​ရှင်ဘုရင်​အား အစွမ်းသတ္တိ​ကို​ပေး​တော်မူ​မည်​။ မိမိ​ဘိသိက်ပေး​ထား​သော​သူ​၏​ဦးချို​ကို ချီးမြှောက်​တော်မူ​လိမ့်မည်​”​ဟု ချီးမွမ်း​ဆုတောင်း​လေ​၏​။