ယောဘဝတ္တု။ 14:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ လူ့​သက်တမ်း​သည် သတ်မှတ်​ထား​ပြီးသား​ဖြစ်​၏​။ သူ​အသက်ရှင်​ရ​မည့်​လ​များ​သည် ကိုယ်တော့်​ထံ၌ ရှိ​၏​။ သူ​မ​ကျော်လွန်​နိုင်​သော​အသက်​အပိုင်းအခြား​ကို ကိုယ်တော်​သတ်မှတ်​ထား​ပြီး​ဖြစ်​၏​။

Common Language Bible

⁵ လူ၏နေ့ရက်တို့ကို မှတ်သား၍၊ သူနေရသော လအရေအတွက်ကို ကိုယ်တော်သည်သိသဖြင့်၊ သူ မလွန်နိုင်သော အပိုင်းအခြားကို ထားတော်မူသော ကြောင့်၊

Garrad Bible

⁵ လူ့ အ သက် တာ ကို ပြ ဋ္ဌာန်း၍၊ လ ရက် အ ပိုင်း အ ခြား ကို သိ လျက်၊ မ လွန် နိုင် သော စည်း ကမ်း ကို သတ် မှတ် တော် မူ သော ကြောင့်၊

Judson Bible

⁵ လူ၏​နေ့​ရက်​တို့​ကို မှတ်​သား၍၊ သူ​နေ​ရ​သော လ​အ​ရေ​အ​တွက်​ကို ကိုယ်​တော်​သည်​သိ​သ​ဖြင့်၊ သူ​မ​လွန်​နိုင်​သော အ​ပိုင်း​အ​ခြား​ကို ထား​တော်​မူ​သော​ကြောင့်၊

ယောဘဝတ္တု။ 14:5 Referencias Cruzadas

ယောဘဝတ္တု။ 12:10

သက်ရှိသတ္တဝါ​တိုင်း​၏​အသက်​၊ လူသား​တိုင်း​၏​ထွက်သက်ဝင်သက်​သည် ထာဝရဘုရား​လက်​တော်​၌​ရှိ​၏​။

ယောဘဝတ္တု။ 14:14

လူ​သည် သေ​ပြီးလျှင် ပြန်ရှင်​နိုင်​ပါ​ဦး​မည်လော​။ ပင်ပန်း​ခြင်း​ဝန်​ကို​ထမ်း​နေ​ရ​သော​ကာလ​ပတ်လုံး သက်သာ​ရာ​ရ​မည့်​အချိန်​ကို အကျွန်ုပ်​စောင့်ဆိုင်း​လျက်​နေ​ပါ​မည်​။

ယောဘဝတ္တု။ 16:22

နှစ်​များ​လည်း ကုန်ဆုံး​လု​ပြီ​။ ပြန်​လမ်း​မ​ရှိ​သော​ခရီး​ကို ငါ​သွား​ရ​တော့​မည်​။

ယောဘဝတ္တု။ 21:21

သူ​၏​လ​အပိုင်းအခြား​များ​ကုန်ဆုံး​သွား​သောအခါ သူ့​နောက်တွင်​ကျန်ခဲ့​မည့်​သားမြေး​တို့​ကို သူ​မည်သို့​ကြည့်ရှု​နိုင်​တော့​မည်နည်း​။

ယောဘဝတ္တု။ 7:1

လူ​သည် မြေကြီး​ပေါ်တွင် ခက်ခဲပင်ပန်း​စွာ လုပ်ကိုင်​ကြ​ရ​ပါ​သည်​တကား​။ လူ​အသက်ရှင်​သော​နေ့ရက်​တို့​သည် သူရင်းငှား​၏​နေ့ရက်​ကဲ့သို့ ဖြစ်​ပါ​သည်​တကား​။

ဆာ​လံ 104:29

မျက်နှာ​လွှဲ​တော်မူ​သောအခါ သူ​တို့​သည် ထိတ်လန့်​ကြ​ပါ​၏​။ သူ​တို့​၏​အသက်​ကို ရုပ်သိမ်း​တော်မူ​သောအခါ သူ​တို့​သည်​သေ​၍ မိမိ​တို့​ဖြစ်လာ​ရာ မြေမှုန့်​သို့​ပြန်သွား​ကြ​ပါ​၏​။

ဆာ​လံ 104:9

ရေထု​သည် ပြန်လှည့်​လာ​၍ ကမ္ဘာမြေကြီး​ကို မ​ဖုံးလွှမ်း​စေရန် သူ​တို့​မ​ကျော်​ရ​မည့်​နယ်နိမိတ်​ကို သတ်မှတ်​တော်မူ​၏​။

ဆာ​လံ 139:16

ကိုယ်တော်​၏​မျက်စိ​တော်​သည် ရုပ်လုံး​မ​ပေါ်​သေး​သော​အကျွန်ုပ်​၏​ကိုယ်ခန္ဓာ​ကို မြင်​တော်မူ​၏​။ အကျွန်ုပ်​အတွက် စီမံ​ထား​သော​နေ့ရက်​များ တစ်​ရက်​မျှ​မ​ရှိ​မီ​ကပင် ၎င်း​တို့​ကို ကိုယ်တော်​၏​စာစောင်​၌ အကုန်အစင်​ရေးသား​ထား​ပြီး​ဖြစ်​ပါ​၏​။

ဆာ​လံ 31:15

အကျွန်ုပ်​၏​အချိန်​ကာလ​တို့​သည် ကိုယ်တော်​၏​လက်​တော်​၌​ရှိ​ပါ​၏​။ အကျွန်ုပ်​၏​ရန်သူ​တို့​နှင့် အကျွန်ုပ်​ကို​လိုက်လံညှဉ်းဆဲ​သော​သူ​တို့​၏​လက်​မှ အကျွန်ုပ်​ကို​ကယ်နုတ်​တော်မူ​ပါ​။

ဆာ​လံ 39:4

“​အို ထာဝရဘုရား​၊ အကျွန်ုပ်​၏​ဘဝနိဂုံး​ကို​လည်းကောင်း​၊ အကျွန်ုပ်​အသက်တာ​၏​နေ့ရက်​ပမာဏ မည်မျှ​ရှိ​သည်​ကို​လည်းကောင်း အကျွန်ုပ်​အား​သိ​စေ​တော်မူ​ပါ​။ အကျွန်ုပ်​သည် အခိုက်အတန့်​မျှသာ တည်​ကြောင်း​ကို​လည်း သိ​စေ​တော်မူ​ပါ​။

ဒေသနာကျမ်း။ 3:2

မွေးဖွား​ရ​သော​အချိန်​နှင့် သေဆုံး​ရ​သော​အချိန်​ရှိ​၏​။ စိုက်ပျိုး​ရ​သော​အချိန်​နှင့် စိုက်ပျိုး​ထား​သော​အရာ​ကို မြေလှန်​ဖျက်ဆီး​ရ​သော​အချိန်​ရှိ​၏​။

ဒေသနာကျမ်း။ 8:8

လေ​ကို​တားဆီး​ရန် မည်သူ​မျှ​လေ​ကို​မ​ထိန်းချုပ်​နိုင်​သကဲ့သို့ သေ​ရ​မည့်​နေ့ရက်​အပေါ် အခွင့်အာဏာ​ရှိ​သော​သူ​မ​ရှိ​။ (စစ်ဖြစ်ချိန်​၌) စစ်ပွဲ​မှ​မည်သူ​မျှ​ထွက်ခွာ​ခွင့်​မ​ရှိ​သကဲ့သို့ ဆိုးယုတ်မှု​သည် ဆိုးယုတ်​သော​သူ​ကို လွတ်မြောက်​ခွင့်​ပေး​လိမ့်မည်​မ​ဟုတ်​။

ဒံ​ယေ​လ 11:36

ထို​ဘုရင်​သည် မိမိ​အလို​အတိုင်း ပြုမူ​လိမ့်မည်​။ ဘုရား​တကာ​တို့​ထက် ကိုယ့်ကိုယ်ကိုယ် ချီးမြှင့်​မြှောက်စား​လိမ့်မည်​။ ဘုရား​တကာ​တို့​၏​ဘုရား​ကို ရင့်သီးကြမ်းကြုတ်​သော​စကား​တို့​ဖြင့် ဆန့်ကျင်​ပြောဆို​လိမ့်မည်​။ အမျက်​တော်​ကာလ ပြီးဆုံး​သည်​အထိ သူ​သည် အောင်မြင်မှု​ရ​လိမ့်မည်​။ စီရင်​ထား​သော​အရာ​သည် ဧကန်​ဖြစ်လာ​လိမ့်မည်​။

ဒံ​ယေ​လ 4:35

မြေကြီးသား​တို့​ကို ဘာမျှ​မ​ဟုတ်​သော​အရာ​ကဲ့သို့ မှတ်​တော်မူ​၏​။ ကောင်းကင်သား​ကို​ဖြစ်စေ​၊ မြေကြီးသား​ကို​ဖြစ်စေ အလိုရှိ​သည့်​အတိုင်း ပြု​တော်မူ​၏​။ ကိုယ်တော်​၏​လက်​တော်​ကို ဆီးတား​နိုင်​သော​သူ​မ​ရှိ​။ “ကိုယ်တော် မည်သို့​ပြု​ဘိ​သနည်း​”​ဟု ဆို​နိုင်​သော​သူ​မ​ရှိ​။

ဒံ​ယေ​လ 5:26

ထို​စာ​၏​အနက်အဓိပ္ပာယ်​မှာ ဤသို့​ဖြစ်​၏​။ ‘​မေနေ​’ ဟူသည်မှာ ဘုရားသခင်​က အရှင်မင်းကြီး​အုပ်စိုး​ခဲ့​သော​နေ့ရက်​များ​ကို ရေတွက်​ပြီး အဆုံးသတ်​စေ​ပြီ​ဟု အနက်​ရ​၏​၊

ဒံ​ယေ​လ 5:30

ထို​ည​တွင်​ပင် ခါလဒဲ​ဘုရင် ဗေလရှာဇာ​မင်းကြီး ကွပ်မျက်​ခံရ​လေ​၏​။

ဒံ​ယေ​လ 9:24

အပြစ်​ကျူးလွန်​ခြင်း​ကို ရပ်တန့်​ဖို့​၊ အပြစ်​ကို အဆုံးသတ်​ဖို့​၊ ဒုစရိုက်အပြစ်​ကို ဖြေလွှတ်​ဖို့​၊ ထာဝရ​ဖြောင့်မတ်​ခြင်း​ကို ယူဆောင်​လာ​ဖို့​၊ ဗျာဒိတ်နိမိတ်​နှင့် ပရောဖက်ပြု​ဟောပြော​ခြင်း​တို့​ကို​တံဆိပ်ခတ်​ဖို့​၊ အသန့်ရှင်းဆုံးဌာန​ကို ဘိသိက်သွန်း​ဖို့ သင့်​လူမျိုး​တော်​နှင့် သန့်ရှင်း​သော​မြို့​တော်​အတွက် ရက်သတ္တပတ်​ခုနစ်ဆယ်​ကို စီရင်​သတ်မှတ်​တော်မူ​ပြီ​။

လုကာ 12:20

သို့သော် ဘုရားသခင်​သည် ထို​သူ​အား ‘အချင်း​လူမိုက်၊ ဤ​ည​၌​ပင် သင့်​ဝိညာဉ်​ကို သင့်​ထံမှ​ရုပ်သိမ်း​ကြ​လိမ့်မည်။ သို့ဖြစ်လျှင် သင်​ပြင်ဆင်​ထား​သော​အရာ​များ​သည် မည်သူ့​ဥစ္စာ​ဖြစ်​လိမ့်မည်​နည်း’​ဟု မိန့်​တော်မူ​၏။

တမန်တော်ဝတ္ထု 17:26

ကိုယ်တော်​သည် လူ​တစ်ဦးတည်း​မှ လူမျိုး​အားလုံး​ကို ဖန်ဆင်း​၍ ကမ္ဘာ​မြေ​ပြင်​အနှံ့​တွင်​နေထိုင်​စေ​ကာ အချိန်​ကာလ​များ​နှင့် သူ​တို့​နေထိုင်​ရာ​နယ်နိမိတ်​များ​ကို ကြိုတင်​ချမှတ်​ပေး​တော်မူ​၏။

ဟေ​ဗြဲ 9:27

လူ​တို့​သည် တစ်ကြိမ်တည်း​သေ​၍ သေ​ပြီး​သည့်​နောက် တရား​စီရင်​ခြင်း​ကို​ခံရ​သကဲ့သို့

ဗျာ​ဒိတ် 1:18

အသက်ရှင်​သော​သူ​လည်း​ဖြစ်​၏။ ငါ​သည် သေ​ခဲ့​၏။ သို့သော် ကြည့်ရှု​လော့။ ငါ​သည် ကမ္ဘာ​အဆက်ဆက်​အသက်ရှင်​လျက်​ရှိ​၏။ သေ​ခြင်း​နှင့်​မရဏာ​နိုင်ငံ​တို့​၏​သော့​များ​ကို​လည်း ငါ​ကိုင်​ထား​၏။

ဗျာ​ဒိတ် 3:7

ဖိလဒေလဖိ​မြို့​၌​ရှိ​သော အသင်းတော်​၏​စေတမန်​အား ဤသို့​ရေး​လိုက်​လော့။ သန့်ရှင်း​သော​သူ၊ ဖြောင့်မှန်​သော​သူ၊ ဒါဝိဒ်​၏​သော့​ကို​ကိုင်​ထား​သော​သူ၊ မည်သူမျှ​မ​ပိတ်​နိုင်​အောင်​ဖွင့်​သော​သူ၊ မည်သူမျှ​မ​ဖွင့်​နိုင်​အောင်​ပိတ်​သော​သူ​က ဤသို့​မိန့်​တော်မူ​၏။

၁ ရာ 26:10

တစ်ဖန် ဒါဝိဒ်​က “ထာဝရဘုရား အသက်ရှင်​တော်မူ​သည်​နှင့်အညီ ထာဝရဘုရား​သည် သူ့​ကို အမှန်ပင် ဒဏ်ခတ်​တော်မူ​လိမ့်မည်​။ သို့မဟုတ် သူ​သေ​ရ​မည့်​နေ့ ရောက်​လျှင်​လည်း ရောက်လာ​လိမ့်မည်​။ စစ်သွားတိုက်​၍ သူ​ကျဆုံး​လျှင်​လည်း ကျဆုံး​လိမ့်မည်​။