ယာ​ကုပ် 5:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ အပြစ်သား​ကို သူ​၏​မှားယွင်း​သော​လမ်း​မှ ပြန်လည်​ခေါ်ဆောင်​လာ​သော​ထို​သူ​သည် လမ်းလွဲ​ခဲ့​သူ​၏​စိတ်ဝိညာဉ်​ကို သေ​ခြင်း​မှ​ကယ်တင်​၍ များစွာ​သော​အပြစ်​တို့​ကို​ဖုံးအုပ်​ပေး​မည်​ဖြစ်​ကြောင်း သိမှတ်​ပါစေ။

Common Language Bible

²⁰ ယင်း​သို့​အ​ပြစ်​ကူး​သူ​တစ်​ဦး​အား​လမ်း​မှား မှ​ပြန်​လည်​ခေါ်​ဆောင်​ကာ​သူ​သည် ထို​သူ​၏ ဝိ​ညာဉ်​ကို​သေ​ခြင်း​မှ​ကယ်​တင်​၍​သူ့​အား များ​စွာ​သော​အ​ပြစ်​တို့​မှ​ပြေ​လွှတ်​ခွင့်​ရ စေ​ရန်​ဆောင်​ရွက်​ပေး​သူ​ဖြစ်​လိမ့်​မည်။ ရှင်​ယာ​ကုပ်​သြ​ဝါ​ဒ​စာ​ပြီး​၏။

Garrad Bible

²⁰ အ ပြစ် သား ကို လမ်း လွဲ ရာ မှ ပြန် လာ စေ သော သူ သည် လူ ကို သေ ဘေး မှ ကယ် ဆယ် လျက် များ ပြား သော အ ပြစ် ဖုံး အုပ် သူ ဖြစ် လိမ့် မည် ဟု သိ မှတ် ကြ ကုန်။

Judson Bible

²⁰ အ​ပြစ်​ရှိ​သော​သူ​ကို မှား​ယွင်း​သော​လမ်း​မှ ပြန်​စေ​သော​သူ​သည်၊ ဝိ​ညာဉ်​ကို သေ​ခြင်း​မှ​ကယ်​တင်၍ များ​စွာ​သော​အ​ပြစ်​တို့​ကို ဖုံး​အုပ်​တတ်​သည်​ဟု ထို​သူ​သည် သိ​မှတ်​စေ။ ရှင်​ယာ​ကုပ်​ဩ​ဝါ​ဒ​စာ​ပြီး၏။

ခေတ်သစ်​မြန်မာ သမ္မာကျမ်း

²⁰ အပြစ်ရှိသောသူ​ကို မှားယွင်းသော​လမ်း​မှ ပြန်လည်​ခေါ်ဆောင်လာသောသူ​သည် ထို​အပြစ်သား​၏ စိတ်ဝိညာဉ်​ကို သေခြင်း​မှ ကယ်တင်​၍ သူ​၏ အပြစ်​များစွာ​ကို သခင်ဘုရား​ခွင့်လွှတ်​ပေးတော်မူ​စေရန် ဆောင်ရွက်သူ​ဖြစ်ကြောင်း သူ​သိမှတ်ပါစေ။ ရှင်ယာကုပ်​ဩဝါဒစာ ပြီးပါပြီ။

ယာ​ကုပ် 5:20 Referencias Cruzadas

ဆာ​လံ 32:1

ကျူးလွန်​သော​အပြစ်​ခွင့်လွှတ်​ခြင်း​ခံရ​သော​သူ​၊ အပြစ်​ဖုံးအုပ်​ခြင်း​ခံရ​သော​သူ​သည် မင်္ဂလာ​ရှိ​၏​။

သုတ္တံကျမ်း။ 10:12

မုန်းတီး​ခြင်း​သည် အငြင်းပွားမှု​များ​ဖြစ်​စေရန် လှုံ့ဆော်​တတ်​၏​။ ချစ်ခြင်းမေတ္တာ​မူကား ကျူးလွန်​သော​အပြစ်​ရှိသမျှ​ကို ဖုံးအုပ်​တတ်​၏​။

သုတ္တံကျမ်း။ 10:2

မတရား​သဖြင့်​ရ​သော​ဥစ္စာဘဏ္ဍာ​သည် အကျိုး​မ​ရှိ​။ ဖြောင့်မတ်​ခြင်း​မူကား သေ​ခြင်း​မှ​လွတ်မြောက်​စေ​တတ်​၏​။

သုတ္တံကျမ်း။ 11:30

ဖြောင့်မတ်​သော​သူ​၏​အသီးအပွင့်​သည် အသက်​ပင်​သဖွယ်​ဖြစ်​၏​။ စိတ်ဝိညာဉ်​များ​ကို​ဆွဲဆောင်​စည်းရုံး​နိုင်​သော​သူ​သည် ပညာရှိ​ဖြစ်​၏​။

သုတ္တံကျမ်း။ 11:4

အမျက်​တော်​ထင်ရှား​ရာ​နေ့​၌ စည်းစိမ်ဥစ္စာ​သည် အကျိုး​မ​ရှိ​။ ဖြောင့်မတ်​ခြင်း​မူကား သေ​ခြင်း​မှ​ကယ်နုတ်​တတ်​၏​။

သုတ္တံကျမ်း။ 17:9

သူတစ်ပါး​ကျူးလွန်​သော​အပြစ်​ကို ဖုံးအုပ်​ပေး​သော​သူ​သည် ချစ်ခြင်းမေတ္တာ​ကို​ပြုစု​၏​။ အမှုအရာ​ကို​ထပ်တလဲလဲ​ပြောဆို​သော​သူ​မူကား အပေါင်းအဖော်​ကို ကွဲပြား​စေ​တတ်​၏​။

ရှင်ယောဟန် 5:24

သင်​တို့​အား ငါ​အမှန်အကန်​ဆို​မည်။ ငါ့​စကား​ကို​နားထောင်​၍ ငါ့​ကို​စေလွှတ်​တော်မူ​သော​သူ​ကို ယုံကြည်​သော​သူ​သည် ထာဝရ​အသက်​ကို​ရရှိ​သည်​ဖြစ်၍ အပြစ်​စီရင်​ခြင်း​ကို​မ​ခံရ​ဘဲ သေ​ခြင်း​မှ အသက်ရှင်​ခြင်း​သို့ ကူးပြောင်း​ပြီ​ဖြစ်​၏။

ရော​မ 11:14

တစ်နည်းနည်း​ဖြင့် ငါ​၏​အမျိုးသား​ချင်း​တို့​၌ မနာလို​စိတ်​ဖြစ်ပေါ်​စေ​၍ သူ​တို့​ထဲမှ အချို့​တို့​ကို​ကယ်တင်​နိုင်​ရန် ငါ​မျှော်လင့်​နေ​၏။

၁ ကော 1:21

အကြောင်းမူကား ဘုရားသခင်​၏​ဉာဏ်ပညာ​အရ ဤ​လောက​သည် မိမိ​၏​ဉာဏ်ပညာ​အားဖြင့် ဘုရားသခင်​ကို​မ​သိ​ခဲ့​သောကြောင့် ဘုရားသခင်​သည် ဟောပြော​ခြင်း​အမှု​၏​မိုက်မဲ​သော​အရာ​အားဖြင့် ယုံကြည်​သော​သူ​တို့​ကို​ကယ်တင်​ရန် အလိုရှိ​တော်မူ​၏။

၁ ကော 9:22

အားနည်း​သော​သူ​တို့​ကို​ရရှိ​နိုင်​ရန် အားနည်း​သော​သူ​တို့​တွင် အားနည်း​သော​သူ​ဖြစ်​၏။ လူ​အချို့​တို့​ကို တစ်နည်းနည်း​ဖြင့် ကယ်တင်​နိုင်​ရန် လူ​အမျိုးမျိုး​တို့​တွင် အမျိုးမျိုး​ဖြစ်​ခဲ့​၏။

၁ တိ 4:16

သင့်ကိုယ်သင်​သော်လည်းကောင်း၊ သင်​၏​သွန်သင်​ချက်​ကို​သော်လည်းကောင်း ဂရုစိုက်​၍ ထို​သွန်သင်ချက်​တို့​၌ အမြဲ​တည်​နေ​လော့။ အကြောင်းမူကား သင်​သည် ထိုသို့​ပြု​ခြင်း​ဖြင့် သင့်ကိုယ်သင်​နှင့် သင့်​ကို​နားထောင်​သော​သူ​တို့​ကို ကယ်တင်​လိမ့်မည်။

ဖိ​လေ​မုန် 1:19

ငါ​ပေါလု​သည် ပြန်လည်​ပေးဆပ်​ပါ​မည်​ဟု ငါ့​လက်​ဖြင့်​ရေး​လိုက်​ပါ​၏။ သင်​ကိုယ်တိုင်​လည်း ငါ့​အား အကြွေး​တင်​နေ​ကြောင်း​ကို ငါ​မ​ပြော​လို​ပါ။

ယာ​ကုပ် 1:15

ထိုအခါ တပ်မက်​ခြင်း​သည် သန္ဓေ​တည်​၍ အပြစ်​ကို​ဖွားမြင်​ပြီး အပြစ်​သည် ကြီးပြင်း​ရင့်မာ​သောအခါ သေ​ခြင်း​ကို​ဖြစ်ပွား​စေ​၏။

ယာ​ကုပ် 1:21

ထို့ကြောင့် ညစ်ညူး​ခြင်း​ရှိသမျှ​နှင့် ပြည့်လျှံ​ကဲလွန်​သော​မကောင်းမှု​တို့​ကို ဖယ်ရှား​၍ သင်​တို့​အထဲ၌ ထည့်သွင်း​ထား​သော​နှုတ်ကပတ်တော်​ကို နူးညံ့​သိမ်မွေ့​သော​စိတ်​ဖြင့်​ခံယူ​ကြ​လော့။ ထို​နှုတ်ကပတ်တော်​သည် သင်​တို့​၏​စိတ်​ဝိညာဉ်​ကို ကယ်တင်​နိုင်​၏။

ယာ​ကုပ် 5:15

ယုံကြည်​ခြင်း​ဖြင့်​တောင်းလျှောက်​သော​ဆုပတ္ထနာ​သည် လူနာ​ကို​ကျန်းမာ​စေ​၍ သခင်​ဘုရား​သည် သူ့​ကို​ထူမ​တော်မူ​လိမ့်မည်။ သူ​သည် အပြစ်​ကို​ပြု​မိ​ခဲ့​လျှင်​လည်း သူ့​ကို​ခွင့်လွှတ်​တော်မူ​လိမ့်မည်။

ယာ​ကုပ် 5:19

ငါ့​ညီအစ်ကို​တို့၊ သင်​တို့​တွင် တစ်စုံတစ်ယောက်​သော​သူ​သည် သမ္မာတရား​လမ်း​မှ​လွဲ​သွား​၍ တစ်စုံတစ်ဦး​က သူ့​ကို ပြန်လည်​ခေါ်ဆောင်​လာ​လျှင်

၁ ပေ 4:8

ချစ်​ခြင်း​မေတ္တာ​သည် များစွာ​သော​အပြစ်​တို့​ကို ဖုံးအုပ်​တတ်​သည်​ဖြစ်၍ ခပ်သိမ်း​သော​အရာ​တို့​ထက် အချင်းချင်း​ကြား​၌ ခိုင်မြဲ​သော​ချစ်​ခြင်း​မေတ္တာ​ရှိ​ကြ​လော့။

ဗျာ​ဒိတ် 20:6

ပထမ​ရှင်ပြန်​ထမြောက်​ခြင်း​၌​ပါ​သော​သူ​သည် မင်္ဂလာရှိ​သူ၊ သန့်ရှင်း​သူ​ဖြစ်​၏။ ဒုတိယ​သေ​ခြင်း​သည် သူ​တို့​အပေါ်​မည်သည့်​အခွင့်​အာဏာ​မျှ​မ​ရှိ။ သူ​တို့​သည် ဘုရားသခင်​နှင့်​ခရစ်တော်​၏​ယဇ်ပုရောဟိတ်​များ​ဖြစ်​ကြ​ပြီး ခရစ်တော်​နှင့်အတူ အနှစ်​တစ်ထောင်​စိုးစံ​ကြ​လိမ့်မည်။